استفسار عن لندن وفرنسا

[فــراولــة]

السلام عليكم بغيت اسال عن شقق فندقيه ف لندن شارع الاجوررود وشارع الاكسفورد او الشارع القريب من هارودز وشقق فندقيه ف فرنسا وتكون حلوه ونظيفه وسعرها حلو وبغيت اسم محطة القطار اللي تودي من لندن الى فرنسا وللعلم انا بنزل فرنسا 3 ايام شنو اهم الاماكن السياحيه اللي تنصحوني ازورها والاماكن السياحيه ف لندن وان شاء الله انا رايحة ع بداية الشهر الجاي شهر 3 اشلون راح يكون الجو ولكم جزيل الشكر

[للصبر اخر]

الجو في لندن ثلللج
نوني مكلمه الاهل
بالنسبه للشقق ما اقدر افيدج
لاني ماجربت
بس الاماكن السياحيه في باريس
وايد
روحي مكان الرساميين
واايد حلوو
على الجبل
وقصر فرساي

بالنسبه للندن
في بشارع البيكادلي متحف العجايب
انا دخلته مره وكثيير استمتعت فييييه
فيه اشياء غريبه
وبالتوفيق

[سهم طويل الأجل]

السلام عليكم بغيت اسال عن شقق فندقيه ف لندن شارع الاجوررود وشارع الاكسفورد او الشارع القريب من هارودز وشقق فندقيه ف فرنسا وتكون حلوه ونظيفه وسعرها حلو وبغيت اسم محطة القطار اللي تودي من لندن الى فرنسا وللعلم انا بنزل فرنسا 3 ايام شنو اهم الاماكن السياحيه اللي تنصحوني ازورها والاماكن السياحيه ف لندن وان شاء الله انا رايحة ع بداية الشهر الجاي شهر 3 اشلون راح يكون الجو ولكم جزيل الشكر


رحلة موفقة ان شاء الله
بالنسبة لشقق لندن بخليها على باقي الأعضاء ، بتكلم عن شقق باريس
عندك فندق كلاريدج في الشانزليزيه ونظامه نظام شقق وأسعاره معقولة وفي قلب الشانز
ومحطة القطار اللي تودي من لندن لباريس اسمها Saint Pancras Station ومحطة باريس اسمها Gare De Nord والقطار ياخذ حوالي ساعتين وعشرين دقيقة

الأماكن السياحية في باريس كثيرة بس أنت وجوك والأشياء اللي تحبينيها متاحف ولا اسواق ولا ملاهي ولا حدائق ولا معالم ؟
كلها موجودة في باريس

على فكرة هذا الموقع لحجز القطار
http://www.eurostar.com/
وكل ماحجزتوا بدري كل ماكان السعر أفضل ، والعملية سهلة جداً والموقع يقبل الدفع ببطاقات البنك العادية يعني مب لازم فيزا كارد
وبعد الحجز تتم طباعة التذكرة بحيث يكون الباركود واضح فيها وركوب القطار عادي وإبراز الورقة عند التفتيش .

ونقطة ثانية وجوهرية .. تأشيرة الدخول للندن غير عن فرنسا يعني تحتاجون للشنغن لدخول فرنسا .

[يحفظك ربي]

في فرنسا في فلل الماريوت فيلج وايد حلوة وعائلية وسعرها وايد حلوة بالنسبه للكواليتي طبعا هي خارج باريس
تكون قريب للديزني لاند
هذا عنوانهم marriott village d'ile-de-france

http://www.marriott.com/hotels/travel/pardp-marriotts-village-dlle-de-france/

وفي رحلات بالقطار تطلع من لندن دايركت الى المحطة اللي عند ديزني اذا تحبون انكم تكونون خارج باريس
ومنها تاخذون سياره يمكن 10 دقايق الى السكن ( الى الماريوت فيلج ) بتلاقون تكاسي وايد هناك اول ماتطلعون من المحطة
على يمينكم ديزني وقدامكم التكاسي :)

اسمح المحطة اللي في فرنسا : Disneyland Resort (Marne La Vallée - Chessy)
وبعد من هالمحطة تقدرون تاخذون القطار اذا بتروحون للاوت ليت vall de europe

ع فكرة لو كنتو حاجزين في الماريوت .. في شاتل كل ربع ساعه يطلع من الماريوت الى المحطة
تقدرون تستخدمونه ويكلف 2 او 2.5 يورو للشخص يعني لو حابين تاخدمونه للتنقل اذا بتروحون الاوت لت او ديزني

ولو تبون سيارة تقدرون تكلمون الفندق وبرتبون لكم
في سياكل اهم شي تقدرون تاجرونها باليوم من الرسبشن :P

هذا ما لدي :)

[للصبر اخر]

في شقق في باريس بس مو بالشانزليزيه
اعتقد عند محطة اسمها ليديفانز
تاخذ حوالي 6 الى 10 دقايق بالقطار للشانز
بالنسببه للماريوت هذا منتجع
بعيد عن باريس

انا ماجربت ولا وحده فيهم في في جماعه من الكويت كانو بالشقق الي في الليديفانز ويمدحونه

[للصبر اخر]

http://www.sarhwing.com/?mod=cflats&id=9

هذا موقع اتمنى يفيدكم

[سهم طويل الأجل]

في شقق في باريس بس مو بالشانزليزيه
اعتقد عند محطة اسمها ليديفانز
تاخذ حوالي 6 الى 10 دقايق بالقطار للشانز
بالنسببه للماريوت هذا منتجع
بعيد عن باريس

انا ماجربت ولا وحده فيهم في في جماعه من الكويت كانو بالشقق الي في الليديفانز ويمدحونه


أكيد تقصد الفريزر سويتس .. هي أوكي زينة بس بعيدة شوي ، مع أن المترو يقرب كل بعيد
فيها عيب ثاني .. تكرمون الحمام منفصل عن الغسيل يعني كل واحد مستقل عن الثاني

[للصبر اخر]

اخوي سهم
انا سكنت بفندق الورويك نفس مشكلتك

[فــراولــة]

يعطييكم العافيه ع المعلومات