ودي اعرف..وشدخلكم...!!؟!!

[bo3abed]

اخواني وخواتي بطرح عليكم موقف صار قدامي وابي اشوف ارائكم ووجهات نظركم..:discuss:

كنت متواجد في احد المجمعات وفداخل محل من المحلات اتشرى وهذا كان حول الساعه 6 المساء... المهم كان في شباب اثنين عند الكاونتر يدفعون وحول هالمكان كان فيه سيده محترمة من هيئتها العامة والله يشهد انها كانت في حالها ... المره كانت لابسه نظارتها الشمسية ..واستلموها الشباب تعليقات ... الا اشدعوه .. الساعة ثمان الحين (مع انها كانت 6 بس شكله للحين مايعرف للساعة :taunt:) .....الخ ...انا تضايقت.. كيف هالمسكينة ...

اللي ودي اعرفه ايش دخلهم البست نظارتها ولا فصختها ! ان شاء الله كان نص الليل وفعز الخرمس ..ايش دخلهم ؟؟؟ هاذي حرية شخصية دامها ما ضرتك في شي ليش تتدخل ! زين يمكن المره مبتليه بمرض في عينها يلزمها تلبس نظارة غامقة عشان ما تاثر عليها الليتات ..يمكن مسوية ليزك !! ويمكن ويمكن ويمكن ... ليش تحرجونها ياخي .. وايا كانت الأسباب ... وحتى لو ما كان فيه سبب ... كيفههههههها !

ليش بعض الشباب معتبرين نفسهم اوصيا على الناس ويتدخلون في صغيرهم وكبيرهم :anger1:... ! متى بنتحضر ونتطور عقليا ياناس crazy....والمواقف وايد للأسف :thumbdown:..بس هذا فريش توه صاير البارحة ....

ايش رايكم .....؟

[ضوى]

للاسف تلاقيهم بزورة ، اجازة ربيع وفاضين ، الله يهديهم ويصلحهم مافي شي يشغلهم هالشباب

[R 7 A L]

المفروض تمسكهم بزاوية وتستلمهم

[elders]

نقص ..

[وطن]

الله يكون بالعون يا اخوي

الميهله منتشرين في كل مكان

مثل ما قلت يمكن هالمرأة مبتليه بمرض ولا عندها علاج ولازم ما تتعرض للضوء

[bo3abed]

للاسف تلاقيهم بزورة ، اجازة ربيع وفاضين ، الله يهديهم ويصلحهم مافي شي يشغلهم هالشباب

والله ياختي ضوى انا اعتبره قلة ذوق وعدم احترام ... ولا في بزران اعقل منهم ..
هذول كل واحد فيهم يمشي على زنده التيس ... طلع هو التيس نفسه ...
الرجولة مب غترة وعقال وشنب وسكسوكة بس.. الرجولة ذوق واحترام وحسن تصرف ...منطق وحنكة ..

[bo3abed]

المفروض تمسكهم بزاوية وتستلمهم


ياخوي ناس تحشمهم وناس تحشم نفسك عنهم ...

[bo3abed]

الله يكون بالعون يا اخوي

الميهله منتشرين في كل مكان

مثل ما قلت يمكن هالمرأة مبتليه بمرض ولا عندها علاج ولازم ما تتعرض للضوء

منتشرين ويعادون بعد ...

لكن حتى لو ماكان فيها شي ... كيفها ... حره ... لبستها ليل او نهار ...من نكون احنا عشان نتدخل في شؤون غيرنا ...؟

[رآعي موآجيب]

مافيها شي لو قلت لهم ماله داعي هالكلام ويمكن المره في عينها ضرر او مسويه عمليه واحشموا اعماركم

ادري ان بعضهم يمكن يقل ادبه ، لكن بعض المواقف تحتاج توضيح او رادع فوري

على الأقل بيستحون او بيقتنعون بكلامك أنها بالفعل يمكن في عينها ضرر

[elders]

على فكرة ممكن تكون متمكيجة مكياج عيون قوي وطالعة مشوار ومغطيتو بالنظارة ..وين المفارقة ؟ انهم نفسهم رح يكونوا ساكتين لو شافوها متمكيجة ...النظارات حرام المكياج حلال ، ياريت قوة عينهم هاي في اصلاح منكر !!

[bo3abed]

مافيها شي لو قلت لهم ماله داعي هالكلام ويمكن المره في عينها ضرر او مسويه عمليه واحشموا اعماركم

ادري ان بعضهم يمكن يقل ادبه ، لكن بعض المواقف تحتاج توضيح او رادع فوري

على الأقل بيستحون او بيقتنعون بكلامك أنها بالفعل يمكن في عينها ضرر

حبيبي يا راعي المواجيب .. انا مجرب هالاشكال من قبل ...
المهم انا ارد واقول الموقف مب محتاج توضيح او شرح ... يمكن المره مافيها شي بالمره ولابسه نظارتها ... هم اشدخلهم ؟! هاذي نقطتي اللي ودي نتناقش فيها ... هل يحق لنا نتدخل في امور غيرنا ...وحرياتهم الشخصية ! هل يحق لنا ان احنا نصدر التعليقات ونستهزأ بالناس كذا ...!

[Charisma]

اغلب الشباب مسوين فيها شارلي شابلن .. تلقاه 24 ساعه ماخذ الدنيا عبط في ضحك في طنازه
وتمصخر على خلق الله .. وهالشي ماتلقاه في الكبار بس ؟ لا حتى الصغار يحسبون انها رجولة
او انها "فله" تتمصخر على خلق الله لكن شتسوي .. !

[ريتويت]

حسبي الله ونعم الوكيل

[doha2012]

تخليهم ولا ترد عليهم


ولها رب كريم

[رآعي موآجيب]

حبيبي يا راعي المواجيب .. انا مجرب هالاشكال من قبل ...
المهم انا ارد واقول الموقف مب محتاج توضيح او شرح ... يمكن المره مافيها شي بالمره ولابسه نظارتها ... هم اشدخلهم ؟! هاذي نقطتي اللي ودي نتناقش فيها ... هل يحق لنا نتدخل في امور غيرنا ...وحرياتهم الشخصية ! هل يحق لنا ان احنا نصدر التعليقات ونستهزأ بالناس كذا ...!


شوف يابو عبود ، انا عن نفسي لو شفت مره او رجال لابس نظارة شمسيه فالليل او بمعنى اصح ، مسوي شي يلفت الأنتباه ومغاير للعاده اكيد بنقد عليه / عليها

لكن مثل النظاره وما شابه ذلك نعطي الناس اعذار مثل ما تفضلت ، ممكن تكون النظاره طبيه شمسيه

لكن الربع يقولون لي البارحه انهم شافوا واحد في محل كرسبي كريم حاط في مخباه ورده حمراء

والربع طايحين فيه طنازه وضحك ، الصراحه هذا يستاهل

لأنه يستهبل بالفعل وجاب شي مخالف للعاده ، وقيس على ذلك الأمور المشابهه

بأختصار فيه ناس يستحقون ذلك ، ولا تقولي طيب شدخلهم فيه ، لأن قبل فتره اهل قطر كلهم تكلموا وحاربوا بشكل مباشر وغير مباشر في موضوع بوانطلين طيحني وارفعني وخيطني وهالأمور العفنه ، هذا معناته انهم ملاقيف ومالهم خص في شؤون الناس !!

المختصر الله يسلمك فيه امور مثل المره راعية النظاره مالهم حق عليها لأنهم ما يعرفون هل هي تعاني من مرض او لا ، وفيه امور تفقع الكبد بالفعل وتحتاج وقفه ، لكن مش بطريقة الأهانه والتحقير والضحك على الشخص

[مبتدئة]

يبي لهم حدّ يفشلهم

ما يشوفون نفسهم لما يلبسون النظارات السودة بس عشان ياخذون راحتهم في القزززز

يا مال التقزقز ان شاء الله

[حلم الطفولة]

الحل هو التجاهل والإعراض وكف الأخذ والرد مع هذه الفئة الجاهلة.

قال الله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: من الآية63)

".

[bo3abed]

شوف يابو عبود ، انا عن نفسي لو شفت مره او رجال لابس نظارة شمسيه فالليل او بمعنى اصح ، مسوي شي يلفت الأنتباه ومغاير للعاده اكيد بنقد عليه / عليها

لكن مثل النظاره وما شابه ذلك نعطي الناس اعذار مثل ما تفضلت ، ممكن تكون النظاره طبيه شمسيه

لكن الربع يقولون لي البارحه انهم شافوا واحد في محل كرسبي كريم حاط في مخباه ورده حمراء

والربع طايحين فيه طنازه وضحك ، الصراحه هذا يستاهل

لأنه يستهبل بالفعل وجاب شي مخالف للعاده ، وقيس على ذلك الأمور المشابهه

بأختصار فيه ناس يستحقون ذلك ، ولا تقولي طيب شدخلهم فيه ، لأن قبل فتره اهل قطر كلهم تكلموا وحاربوا بشكل مباشر وغير مباشر في موضوع بوانطلين طيحني وارفعني وخيطني وهالأمور العفنه ، هذا معناته انهم ملاقيف ومالهم خص في شؤون الناس !!

المختصر الله يسلمك فيه امور مثل المره راعية النظاره مالهم حق عليها لأنهم ما يعرفون هل هي تعاني من مرض او لا ، وفيه امور تفقع الكبد بالفعل وتحتاج وقفه ، لكن مش بطريقة الأهانه والتحقير والضحك على الشخص

راعي المواجيب عزيزي .. انقد كثر ماتبي بس بينك وبين نفسك ... يعني احنا يا ما شفنا مواقف غير مقبولة ومستفزه بس الواحد يحكم لسانه ... مب يقعد يستهزىء اشكره وعلى مسامع الكل ...يعني اللي عنده ملاحظه على احد يخليها بينه وبين نفسه..وبالنسبه للنظاره الشمسية انا شخصيا ما اشوف انها موضوع نقد او حتى ذكر ...طيب مثلا كلنا نعرف ان الكاب اخترعوه عشان يحميك من الشمس ... زين شفت البارحه شاب وقطري بعد لابس كاب داخل المجمع والساعه 7 المسا ... هل انتقده بعد ليش لابس الكاب ومافيه شمس ...ياخي انا اشوف الناس حره في اللي تلبسه دام انها في حدود الذوق العام .. سواء كانت المره مريضه او لا كيفهاااا...سواء الشاب كان اقرع لو بشعر هو حر يلبس الكاب او لا ...

[bo3abed]

الحل هو التجاهل والإعراض وكف الأخذ والرد مع هذه الفئة الجاهلة.

قال الله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: من الآية63)

".

وهذا بالضبط اللي سوته المره البارحة ...

[رآعي موآجيب]

راعي المواجيب عزيزي .. انقد كثر ماتبي بس بينك وبين نفسك ... يعني احنا يا ما شفنا مواقف غير مقبولة ومستفزه بس الواحد يحكم لسانه ... مب يقعد يستهزىء اشكره وعلى مسامع الكل ...يعني اللي عنده ملاحظه على احد يخليها بينه وبين نفسه..وبالنسبه للنظاره الشمسية انا شخصيا ما اشوف انها موضوع نقد او حتى ذكر ...طيب مثلا كلنا نعرف ان الكاب اخترعوه عشان يحميك من الشمس ... زين شفت البارحه شاب وقطري بعد لابس كاب داخل المجمع والساعه 7 المسا ... هل انتقده بعد ليش لابس الكاب ومافيه شمس ...ياخي انا اشوف الناس حره في اللي تلبسه دام انها في حدود الذوق العام .. سواء كانت المره مريضه او لا كيفهاااا...سواء الشاب كان اقرع لو بشعر هو حر يلبس الكاب او لا ...


عزيز وغالي يابوعبود وانا معك طال عمرك ولا اخالفك ابد ، واللي يستهزئ على الناس وشوفوني اني الفلته وخفيف الظل هذا قليل ادب وفارغ ( وملغ )

لكن المثالين اللي وضحتهم لك صعبه انك تصد عنهم وتخليهم يمرون مرور الكرام

مثال البنطلون انا معك انه تعدى على الذوق العام بل على الأدب العام وخدش الحياء

لكن الحبيب ابو ورده ، ماتعدى على الذوق العام ولا خدش الحياء

مع ذلك الأغلبيه اذا شافوه بيقطعونه طنازه في وجهه

ياخي انا منيب قادر اوضح لك ، مالقيت مفرده تجيب اللي بخاطري ، ( شرايك اقابلك ونتفاهم :nice:)

طيب شوف ، اللي اقصده ان بعض الأمور ماتسيئ للعامه ولا تخدش حياء احد ، لكن الأغلبيه مايتقبلونها ويحسون بأشمئزاز وأستغراب وأستنكار

ان شاء الله قدرت اوصل وجهة نظري

[الـخـالـدي]

نقص دين و عقل .. و مرجله بعد .. لانها مب رجوله يتكلم على بنت هو ويا خويه .. لو حد من اهلها معاها صدقني ماراح تشوف اللي شفته

عسى الله يهدينا و يهديهم

[كبير المتداولين]

الحل هو التجاهل والإعراض وكف الأخذ والرد مع هذه الفئة الجاهلة.

قال الله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: من الآية63)

".

:nice:

[بلوتنيوم]

لكن الربع يقولون لي البارحه انهم شافوا واحد في محل كرسبي كريم حاط في مخباه ورده حمراء



الحب الحب ياحرام :secret:

[للصبر اخر]

انا مريت بهالموقف
وللامانه كنت مسويه عملية ليزك واضطريت اطلع من البيت

مثل ماقالو اكييد يهاال هذوول

[رآعي موآجيب]

الحب الحب ياحرام :secret:


إلا الخباشه إللي مالها سنع

صحيح ان رداة العقل مصيبه !
:thumbdown:

[bo3abed]

عزيز وغالي يابوعبود وانا معك طال عمرك ولا اخالفك ابد ، واللي يستهزئ على الناس وشوفوني اني الفلته وخفيف الظل هذا قليل ادب وفارغ ( وملغ )

لكن المثالين اللي وضحتهم لك صعبه انك تصد عنهم وتخليهم يمرون مرور الكرام

مثال البنطلون انا معك انه تعدى على الذوق العام بل على الأدب العام وخدش الحياء

لكن الحبيب ابو ورده ، ماتعدى على الذوق العام ولا خدش الحياء

مع ذلك الأغلبيه اذا شافوه بيقطعونه طنازه في وجهه

ياخي انا منيب قادر اوضح لك ، مالقيت مفرده تجيب اللي بخاطري ، ( شرايك اقابلك ونتفاهم :nice:)

طيب شوف ، اللي اقصده ان بعض الأمور ماتسيئ للعامه ولا تخدش حياء احد ، لكن الأغلبيه مايتقبلونها ويحسون بأشمئزاز وأستغراب وأستنكار

ان شاء الله قدرت اوصل وجهة نظري

والله فاهمك خويي ووجهة نظرك واضحة واعرف انك مأيد كلامي ومقصدي.. واللي تقصده انت هذا اللي فاقع مرارتي (مايتقبلونها ويستغربونها ويستنكرونها ..) طيب ما نتقبل نستغرب نستنكر كيفنا ومحد يحاسبنا على اللي في نفوسنا غير رب العباد.. بس مب كيفنا نعلق ونستهزىء ونتطاول على الناس بالكلام المحرج او الجارح ...باختصار مالنا حق على خلق الله ...
عزيز وغالي وانا اشهد انك راعي المواجيب :nice:

[bo3abed]

نقص دين و عقل .. و مرجله بعد .. لانها مب رجوله يتكلم على بنت هو ويا خويه .. لو حد من اهلها معاها صدقني ماراح تشوف اللي شفته

عسى الله يهدينا و يهديهم

المفروض تكون عندنا نخوه واحساس بالمسؤولية تجاه بنات الناس ونعدهم خواتنا..لكن شنقول (ولد عمك اصمخ ) محد يسمع ولا يعتبر ...طايشين

[Mbarkaji]

لاحول ولاقوة الا لبالله

[قطرية هانم]

حتى لو كان الموقف غريب ويضحك إنها لابسة نظارة شمسية بالليل ..

لكن ليش يرفعون صوتهم ويسمعَون الحرمه ؟!!!!

هذي بصراحة سخافة وقلة ذوق !!!

[دهــن العود]

والله ياختي ضوى انا اعتبره قلة ذوق وعدم احترام ... ولا في بزران اعقل منهم ..
هذول كل واحد فيهم يمشي على زنده التيس ... طلع هو التيس نفسه ...
الرجولة مب غترة وعقال وشنب وسكسوكة بس.. الرجولة ذوق واحترام وحسن تصرف ...منطق وحنكة ..


جبتها والله اخووي

الله يهديهم ويصلح حالهم

[الراقيه سبشل]

يجيلهم يوم !!

[وطن]

إلا الخباشه إللي مالها سنع

صحيح ان رداة العقل مصيبه !
:thumbdown:







ايه والله خباشه

:nice:

[ام السعف]

المصيبة ان البنات الحين يقطون تعليقات على الشباب :(

سمعت سالفة ضيقت لي خاطري :( ،،

بس للأمانة لبس النظارة في المجمعات صارت موضة لمن لا موضة له
بغض النظر عن الحالات الخاصة ،،

بس اللي يتمخطرون في هالظل والنظارات على عيونهم اشيبون يقولون بالضبط ؟

[bo3abed]

المصيبة ان البنات الحين يقطون تعليقات على الشباب :(

سمعت سالفة ضيقت لي خاطري :( ،،

بس للأمانة لبس النظارة في المجمعات صارت موضة لمن لا موضة له
بغض النظر عن الحالات الخاصة ،،

بس اللي يتمخطرون في هالظل والنظارات على عيونهم اشيبون يقولون بالضبط ؟

التصرف غير مقبول من الجنسين اختي ام السعف ... اما موضوع شيبون يقولون بالضبط .. مب ضروري انهم يبون يقولون شي ياختي ... ! شالمشكله اللي بتاثر فينا احنا من لبس البعض للنظارة الشمسية في الظل ... ! اذا الشخص يشوف عدل بها ومايدعم في خلق الله شبيضرنا احنا ! الناس احرار في رغباتها واذواقها ...

[ام السعف]

التصرف غير مقبول من الجنسين اختي ام السعف ... اما موضوع شيبون يقولون بالضبط .. مب ضروري انهم يبون يقولون شي ياختي ... ! شالمشكله اللي بتاثر فينا احنا من لبس البعض للنظارة الشمسية في الظل ... ! اذا الشخص يشوف عدل بها ومايدعم في خلق الله شبيضرنا احنا ! الناس احرار في رغباتها واذواقها ...

Pardon

لا يا اخوي ،، السلوك العام في الأماكن العامة المفروض يكون قدر العادات والتقاليد،،

اللي بتلبس النظارة لسبب خاص فيها ،، هذا ما نقدر نقول لها شي
اما اللي لابسة النظارة منظرة وديكور ............> هذي لازم تعرف ان النظارة
الشمسية مكانها في الشمس مب في الظل ،، حتى المنطق يضحك عليها،،

لكن الحاصل ان البعض يحب يستعرض ويلفت الأنظار او شكله
يصير أكثر جمال بالنظارة ،،

اليوم لو اختي او بنتي او صديقتي بتلبس النظارة في المجمع بقول لها
مب مكانها ،، تبيني اتمشى معاج شليها ،، نفس لما امنع بنتي
تتمشى مع وحدة متمكيجة ،،

هناك معايير للتسوق ،، ولبس النظارة في الظل وفي المجمعات تخل
بالمعايير هذي ،،

فالأمر اهنيه ما فيه اذواق كثر مافيه تعدي على المعايير العامة ،،

[bo3abed]

pardon

لا يا اخوي ،، السلوك العام في الأماكن العامة المفروض يكون قدر العادات والتقاليد،،

اللي بتلبس النظارة لسبب خاص فيها ،، هذا ما نقدر نقول لها شي
اما اللي لابسة النظارة منظرة وديكور ............> هذي لازم تعرف ان النظارة
الشمسية مكانها في الشمس مب في الظل ،، حتى المنطق يضحك عليها،،

لكن الحاصل ان البعض يحب يستعرض ويلفت الأنظار او شكله
يصير أكثر جمال بالنظارة ،،

اليوم لو اختي او بنتي او صديقتي بتلبس النظارة في المجمع بقول لها
مب مكانها ،، تبيني اتمشى معاج شليها ،، نفس لما امنع بنتي
تتمشى مع وحدة متمكيجة ،،

هناك معايير للتسوق ،، ولبس النظارة في الظل وفي المجمعات تخل
بالمعايير هذي ،،

فالأمر اهنيه ما فيه اذواق كثر مافيه تعدي على المعايير العامة ،،

احترم رايج اختي وايدج في عدم التعدي على المعايير العامة وهذا اللي كلنا انطالب فيه ...بس مالقيت العلاقة بين لبس النظارة والتعدي على المعايير العامة ... ! يمكن انتي عندج معايير خاصة فيج وكل واحد اكيد عنده ويطبقها على اهله او يمكن ربعه اللي يكون معاهم ... بس اسمحيلي ما اوافقج في كون لبس النظارة او عدمها من المعايير العامة ... !

[ام السعف]

احترم رايج اختي وايدج في عدم التعدي على المعايير العامة وهذا اللي كلنا انطالب فيه ...بس مالقيت العلاقة بين لبس النظارة والتعدي على المعايير العامة ... ! يمكن انتي عندج معايير خاصة فيج وكل واحد اكيد عنده ويطبقها على اهله او يمكن ربعه اللي يكون معاهم ... بس اسمحيلي ما اوافقج في كون لبس النظارة او عدمها من المعايير العامة ... !

وبدوري احترم معاييرك العامة ،،

لأني بكل صراحة اعد النظارة الشمسية ملفتة للنظر ،، ولبسها يكون لحاجة ماسة
وهي حفظ العيون من اشعة الشمس ،، اما غير ذلك في تجذب الناظرين للي يلبسها ،،

ولاحظ ان اكثر اللي يلبسونها البنات بشكل عام كنوع من الزينة،،
ونادر ما تلقى رجال يكشخون بالنظارات الشمسية في الظل ،،

[R 7 A L]

المصيبة ان البنات الحين يقطون تعليقات على الشباب :(

سمعت سالفة ضيقت لي خاطري :( ،،

بس للأمانة لبس النظارة في المجمعات صارت موضة لمن لا موضة له
بغض النظر عن الحالات الخاصة ،،

بس اللي يتمخطرون في هالظل والنظارات على عيونهم اشيبون يقولون بالضبط ؟



والله ماعاد عرفنا شتبي الناس بالضبط
ان لبسوا نظارات سود شمسية تحجب ملامح العين والكحل قالوا انهم ملفتين للنظر
وان مالبسوا نظارات قالوا عيونهم فتنه

عجيبه الدنيا عجيبه :weeping:

[وطن]

وبدوري احترم معاييرك العامة ،،

لأني بكل صراحة اعد النظارة الشمسية ملفتة للنظر ،، ولبسها يكون لحاجة ماسة
وهي حفظ العيون من اشعة الشمس ،، اما غير ذلك في تجذب الناظرين للي يلبسها ،،

ولاحظ ان اكثر اللي يلبسونها البنات بشكل عام كنوع من الزينة،،
ونادر ما تلقى رجال يكشخون بالنظارات الشمسية في الظل ،،

حبيبتي ام السعف

انا وحده البس النظارة بعض الأحيان داخل المجمع
خصوصا لو بروحي
لأن استحي يصير دايركت اي كونتاكت بيني وبين اي حد

:shy:

[روح الاطلس]

اعتقد الغلط من الاثنين

الاولى لابسة النظارة الشمسيه وهي موضة من زمان عند البنات عشان محد يعرف اهي من تغطي عيونها بنظارة وايد منتشره ولا فيهم الا العافيه لا امراض ولا ليزك

الثانيين اللي تطنزوا عليها ماقدر اقول البنت جابت لنفسها الطنازة لأن كان بإمكانها تستدل طرف الشيله على ويهها وفكت عمرها :) بس غلط من الشابين يستهزأون فيها بهالطريقه.

الله يصلحهم

[المستثمرVIP]

والله ياخوي هذا من قلة الادب والتربيه
الاخ كان مفكر نفسه ظريف
الحمد لله على نعمة العقل

[رآعي موآجيب]

ايه والله خباشه

:nice:


:victory:


Pardon

لا يا اخوي ،، السلوك العام في الأماكن العامة المفروض يكون قدر العادات والتقاليد،،

اللي بتلبس النظارة لسبب خاص فيها ،، هذا ما نقدر نقول لها شي
اما اللي لابسة النظارة منظرة وديكور ............> هذي لازم تعرف ان النظارة
الشمسية مكانها في الشمس مب في الظل ،، حتى المنطق يضحك عليها،،

لكن الحاصل ان البعض يحب يستعرض ويلفت الأنظار او شكله
يصير أكثر جمال بالنظارة ،،

اليوم لو اختي او بنتي او صديقتي بتلبس النظارة في المجمع بقول لها
مب مكانها ،، تبيني اتمشى معاج شليها ،، نفس لما امنع بنتي
تتمشى مع وحدة متمكيجة ،،

هناك معايير للتسوق ،، ولبس النظارة في الظل وفي المجمعات تخل
بالمعايير هذي ،،

فالأمر اهنيه ما فيه اذواق كثر مافيه تعدي على المعايير العامة ،،



ياسلام عليش :nice:

هذا الكلام اللي ابغي اوصله لأبو عبود

لكن ارجع واركز على طريقة الشباب غير منطقيه ومرفوضه

[دااانة قطر]

اغلب الشباب مسوين فيها شارلي شابلن .. تلقاه 24 ساعه ماخذ الدنيا عبط في ضحك في طنازه
وتمصخر على خلق الله .. وهالشي ماتلقاه في الكبار بس ؟ لا حتى الصغار يحسبون انها رجولة
او انها "فله" تتمصخر على خلق الله لكن شتسوي .. !

عااد انا ما يقهروني الا اللي يستظرفون دمهم 24سااعه



بالنسبه لصااحب الموضوع ليتك خذتهم على جنب ونصحتهم بالهدااوه والكلمه الطيبه

[كيلو حديد]

ثقافة المجتمع التي ترفض ان يكون للشخص شخصيته المستقله الحره .

ثقافة المجتمع ثقافة فاشلة تجدهم يروجون للموضه والكلام الفاضي ثم يرفضون
من يخالفهم بشخصيته

احترم المرأه انها لم ترد عليهم .
لان السفهاء محد يرد عليهم

[كيلو حديد]

عااد انا ما يقهروني الا اللي يستظرفون دمهم 24سااعه



بالنسبه لصااحب الموضوع ليتك خذتهم على جنب ونصحتهم بالهدااوه والكلمه الطيبه

اكبر خطأ أن نمنحهم شيئا من القيمه وان لتعليقاتهم مكان
هؤلاء سفهاء والسفيه لا يرقى له وزن ولا يهتم به

هؤلاء اذا وجدوا من ينصحهم لن يناله منهم الا طول لسانهم

اذكر زمااااااان ايام سينما الخليج الله عليها من ايام كانو الشباب
طوال الوقت تمسخر في بعض من بعيد لبعيد

اذكر في بدايات سينما الستي كان في مجموعه من هؤلاء بدأوا برفع
اصواتهم والتطنز
خلال خمس دقايق ما سمعنا لهم همس لان محد عطاهم وجهه ولا حد ضحك
على تعليقاتهم فحسوا بقيمتهم ومقامهم وصار المكان هدوووووء مع ان السكيورتي ما جا صوبهم

ثقافة المجتمع وثقافة الاماكن تلزم كثيرين باحترامها الا ان سمح لهم
المجتمع وكانوا سفهاء لا يقيمون للناس قدرا

[Class]

خمه متجمعه

[الإكسير]

من سوى نفسه سبوس ... ألعبت فيه الدياي
والبنت هذا يمكن من النوع الي يبي يستعرض بالنظاره ...وشبابنا ماعتقد انهم مهبل مايعرفون يفرقون.. من وجهة نظري تستاهل عشان مره ثانيه ماتعيده

[تحداني]

ذكرني هالكلام ابموقف ما ادري اشلون اوصفه
في السياره في مرايه اماميه .. وفي دريشه احذى السايق ودريشه السايق نفسه
لو قررت للحظه ترفع راسك الا راح تناظر المرايا الى قدامك " اما تلقى تعابير غريبه من الخلف " .. او نظره حاقده مالها غير تفسير واحد .. " نزلي راسج ولا اتناظرين "

ان حركت راسك يمين .. الا تناظر الدريشه الي احذاك وتلقى وجهه يملأه علامات التعجب والذهول .. غيرت الاتجاه لليسار اما تلقى رصيف صحراوي .. او عامل النظافه يقترب منك ويقول لك اجيك ولا اروح عنك او تلقى شارع ثاني بنفس التعابير وكأنه يقول
" خير ؟؟ في شي "


ساعات اقول لو طلعت راسي من فوق ايش راح تكون رده الفعل
يمكن يقصون راسي


ما احب الناس الفضوليين ابد ابدا
ولا احب الي يلتفت لتصرفات الغير مهما كانت " كل واحد ابكيفه "
نام .. مات .. ركض .. لبس .. اخر همي

عندي مبدأ يقول " أعيش بالطريقه الي تحلو لي .. وكيفهم الي حولي بأي طريقه يبون خل يعيشون .. خاصه في المرافق العامه .. وان كانت الدوله تاركه كل شي سبهلله .. انا اشعلي منهم .. اخلاقهم وتربيتهم هم ابخص ابها

اشيل همي ولا هم غيري



اشدخلكم فيني ولا اشدخلني فيك .؟ ؟؟


جملكم الله برضاه

[chillis]

من سوى نفسه سبوس ... ألعبت فيه الدياي
والبنت هذا يمكن من النوع الي يبي يستعرض بالنظاره ...وشبابنا ماعتقد انهم مهبل مايعرفون يفرقون.. من وجهة نظري تستاهل عشان مره ثانيه ماتعيده

وانت شدراك بوضعها يمكن عيونها فيها بلا ويمكن مثل ماقالوا مسويه ليزك يعني لاتقول العالم تستاهل وما تستاهل لان الواحد ما يعرف السبب وحتى لو بدون سبب لابسه هي حره والي سوه يعتبر من باب قلة الادب لا غير