الدعوه الى عزيمه برسالة جول ؟

[غزلان]

فرضت التكنلوجيا طرقاً ووسائل جديدة ميزتها السهولة وعدم التكلف فهي تختصر الجهد والوقت للتواصل بين الأهل اولأصدقاء فالدعوة إلى حفلات الزواج أو غيرها من الولائم والمناسبات باتت من خلال الرسائل النصية "sms"، أو من خلال برنامج الماسنجر بلاك بري ...فهذه الرسائل لا تتقيد بوقت معين وتصل إلى المدعوين أيّاً كانت أحوالهم أو أماكنهم. بعد أن كان الداعي يبذل جهداً في إيصال الدعوة بالحضور شخصياً، أو إرسال من ينوبه، أو الاتصال هاتفياً عدة مرات لأيصال الدعوه او تبليغها.

البعض يرفض هذه الدعوه يرى ان الدعوه عن طريق الرسائل او بلاك بري تقليلاً من قدره، أو انتقاصاً من مكانته، كما أن إجراء مكالمة هاتفية لن تكلف "الداعي" ثواني معدودة يكون لها كبير الأثر على المدعو ، وفيه من يقبل ويفضل الطريقه لأنها تمنع الأحراج وتوفر الحريه اللتلبيه او التجاهل.




‘



«عزيمه» برسالة جوال.. هل تستجيب؟

[ابو عبد الله]

يختلف حسب الشخص الداعي

ان كنت اعرف عنه طيبة النفس وكرم الطبع ومعزتي عنده وفرحه بحضوري سألبي الدعوه
وإن كنت اعرف ان الرساله من باب رفع العتب وحضوري وعدمه سواءً بالنسبة له ممكن اتجاهل الدعوة

[hk94]

عادي الصراحة اكيد باحضر اذا ظروفي تسمح ليش لا؟
الحين صارت الدنيا سهالات بالواتس اب او البي بي او مسج عادي و ماراح تعزمني الا اللي اتحبني و تبيني أجي لها ....

[بصمة قطرية]

عـــــادي وايد صـاروا يعزمــون بالمسجات ..
ســواء بي بي أو واتس اب ..
أحــس عــادي ما فيهــا شي ..

[غزلان]

يختلف حسب الشخص الداعي

ان كنت اعرف عنه طيبة النفس وكرم الطبع ومعزتي عنده وفرحه بحضوري سألبي الدعوه
وإن كنت اعرف ان الرساله من باب رفع العتب وحضوري وعدمه سواءً بالنسبة له ممكن اتجاهل الدعوة



00

وهل الرساله تظهر مشاعر مرسل الدعوه بما انها رساله عامه للكل ؟

اقصد الرساله بتكون لكل المدعوين فمانقدر نحكم على نوايا المدعو يمكن كانت الوسيله السهله للوصول للمدعوين باسرع وقت .

[غزلان]

عادي الصراحة اكيد باحضر اذا ظروفي تسمح ليش لا؟
الحين صارت الدنيا سهالات بالواتس اب او البي بي او مسج عادي و ماراح تعزمني الا اللي اتحبني و تبيني أجي لها ....



التكنولوجيا قربت البعيد لكن البعض يرفض هالشي ويفضل الطرق الرسميه كالحضور او الأتصال او ارسال دعوه

[دبلوماسية]

استجيب للدعوة ....بكل سرور ..
اذا كانت صاحبة الدعوة هي بنفسها مطرشة لي الدعوة ....مش عن طريق شخص ثاني ...يعني وحدة اتطرش وتقول فلانه عازمتج ....في هالحالة لن اقبل ...

واتمنى حتى دعوات الزواج توصل الى مرحلة انها انطرشها بالايميل ....لان صعب جدا توصيل البطاقات لكل بيت ... وبنوفر سعر طباعة البطاقات ..لازم نستغل التكنلوجيا لتسهيل امورنا ...

[غزلان]

عـــــادي وايد صـاروا يعزمــون بالمسجات ..
ســواء بي بي أو واتس اب ..
أحــس عــادي ما فيهــا شي ..


ماتشوفين ان هالطريقه ماتناسب كل العزايم ولا كل المدعوين

يعني ماتشوفين ان هالطريقه تصلح للمقربين فقط؟

[المتحدث الرسمي]

.....

ما أشوف فيها شي

بالعكس لو وصلني مسج او برودكاست راح ألبي الدعوه لو ما كان عندي شي

اذا بزعل ان الشخص ما اتصلي ، طبيعي ما راح احضر اي عزا او دفان اذا واحد من اهل المتوفي ما علمني شخصيا و ما اكتفى بالمسج


.....

[غزلان]

استجيب للدعوة ....بكل سرور ..
اذا كانت صاحبة الدعوة هي بنفسها مطرشة لي الدعوة ....مش عن طريق شخص ثاني ...يعني وحدة اتطرش وتقول فلانه عازمتج ....في هالحالة لن اقبل ...

واتمنى حتى دعوات الزواج توصل الى مرحلة انها انطرشها بالايميل ....لان صعب جدا توصيل البطاقات لكل بيت ... وبنوفر سعر طباعة البطاقات ..لازم نستغل التكنلوجيا لتسهيل امورنا ...






00

طبعا الأفضل ان يرسل الرساله صاحبة او صاحب الدعوه شخصيا,,
وبهالطريقه تسهل طريقة وصول الدعوه ,,

من رأيك هل الرساله تناسب كل المدعوين او للمقربين فقط اما الباقي فتكون بالتلفون افضل؟

[غزلان]

.....

ما أشوف فيها شي

بالعكس لو وصلني مسج او برودكاست راح ألبي الدعوه لو ما كان عندي شي

اذا بزعل ان الشخص ما اتصلي ، طبيعي ما راح احضر اي عزا او دفان اذا واحد من اهل المتوفي ما علمني شخصيا و ما اكتفى بالمسج


.....



طيب ليش البعض برفض هالطريقه ويشوف انها تقلل من قدره؟

يمكن اخوي خبر الوفاه صعب فالمسج اسهل في التبليغ


هل كلامك معناه ان فيه دعوات مايصلح لها المسج لازم تكون بالتلفون؟

[doha2012]

عادي الدنيا تمشي

وقدري مو بالمسج ولا غيره اكيد اني عارفته قبل والامر سهل


ليه نعقد الامور والدنيا فيها اكبر من ذا

وجزاهم الله خير من عزمني وتذكرني في مناسبه

وان كنت داريه بحبهم ومعزتهم بروح لهم حتى بدون عزيمه

موضوع طيب بارك الله فيك

[بصمة قطرية]

ماتشوفين ان هالطريقه ماتناسب كل العزايم ولا كل المدعوين

يعني ماتشوفين ان هالطريقه تصلح للمقربين فقط؟

أكيد ..
في ناس مب عدلة ان نرسل لهم مسج بالعزيمة ..
مهما يكون هالشي للمقربين ..
و اللي عادي ما بيننا و بينهم كلافة و هالأمور ..
بالنسبة لي اذا جاني مسج من اي وحدة مسج عزيمة مثلاً ..
بيكون الأمر جداً عادي ما ارح آخذ الموضوع بحساسية ..
بالذات احنا نتواصل عن طريق البلاك بيري أو الواتس آب ..
يعني عادي المسجات تفي بالغرض ..
ذكرتيني يوم عرس أخوي ..
في ناس عزموهم ببطاقات و في ناس عادي برودكاست ..
و في ناس بإتصــال ..
و في ناس لازم توصلهم البطاقة شخصياً من الوالد الله يحفظه ..
يعني حسب مكانة الشخص ..

[رآعي موآجيب]

استجيب طبعا

واللي مهوب جاي عزيمتي إلا اكلمه شخصياً أجل مكانه زين والقعده بلياه ازين ، لأنه اكيد ثقيل نفس

إما اذا كان مهوب من اهلي او اصدقائي المقربين فالأتصال أخير كنوع من الرسميه فقط

[ابو عبد الله]

00

وهل الرساله تظهر مشاعر مرسل الدعوه بما انها رساله عامه للكل ؟

اقصد الرساله بتكون لكل المدعوين فمانقدر نحكم على نوايا المدعو يمكن كانت الوسيله السهله للوصول للمدعوين باسرع وقت .

بلا شك لا يمكن معرفة النوايا
اقصد من معرفتي السابقه بشخص المدعو
والاغلب اجتبة الدعوة مالم يكن هناك مانع يدعو للاعتذار

[العقل الحر]

على حسب قرب الشخص

اذا كان قريب جدا لي

الرسالة تكفي لانها مجرد تذكير وما يعزمني لاني راعي مكان وانا اعزم على عزيمته

اما انه بعيد فيجب ان يتصل ولا تكفي الرسالة

[فلتة زمانها]

اي ول اتيند اتس اوكي فور مي

[دبلوماسية]

00

طبعا الأفضل ان يرسل الرساله صاحبة او صاحب الدعوه شخصيا,,
وبهالطريقه تسهل طريقة وصول الدعوه ,,

من رأيك هل الرساله تناسب كل المدعوين او للمقربين فقط اما الباقي فتكون بالتلفون افضل؟

لا اكيد ماتناسب الكل ....

يعتمد على درجة العلاقة ..والقرابة....والمكانة الاجتماعية ....

من فترة كانت عندي مناسبة ...المعازيم تقريبا 50 شخص ...يمكن 8 منهم كان المفروض اكلمهم شخصيا ...والباقي بمسج ...

[غزالة الوادي]

انا لا اؤيد هذه الطريقه واعتبرها قله ادب

[غزلان]

عادي الدنيا تمشي

وقدري مو بالمسج ولا غيره اكيد اني عارفته قبل والامر سهل


ليه نعقد الامور والدنيا فيها اكبر من ذا

وجزاهم الله خير من عزمني وتذكرني في مناسبه

وان كنت داريه بحبهم ومعزتهم بروح لهم حتى بدون عزيمه

موضوع طيب بارك الله فيك



كلامك واقعي الكن البعض تغلب عليه الظنون فيتردد خاصه ان مجتمعنا يهمه ان يطبق عليها مايطبق على الغير يعني البعض ممكن يقول ليش انا مسج وفلان اتصل فيه وغيرها من الأفكار السلبيه

شكرا

[بو الجوري]

موضوع حلو اختي غزلان :..

انا في كل الاحوال البي الدعوه :..

طبعا لو كانت عزومه صغيره وشبه حصريه لبعض الاشخاص
فالافضل انه يتصل ؛ وطبعا عزايم الاعراس مانشره على الداعي
لانه مب فاضي يتصل في كل شخص

واكيد الاتصال والدعوه غير عن المسج وتبين معزتك عنده :..


فالنهايه مثل ماقلت البي كل الدعوات :..
واحطله عذر لعدم اتصاله شخصيا

[qatara]

كل وحسب قدره عند الداعي
حد يمكن يتعنا له ويعزمه
وحد يتصل فيه ويعزمه
وحد يطرش عليه مطراش
واحد بمسج
واحد يمكن يجي بدون عزيمه سامت الويهههههه كانه جاي مايدري

[بوعلي2]

ماباليد حيله باستجيب

يامستجيب للداعي :)

[المسك1969]

الأمر عادي إن شاء الله وأسهل ...لأن بالتحدث قد تقضي خمسة عشر دقيقة إلى نصف ساعة للسلام والدعوة وقد يسأل: متى صار وكيف حدث وووو

فالرسائل أفضل ومن يريد الاجابة فيذهب ومن لا يريد فيعتذر برسالة

جزاكم الله خيرا

[كيلو حديد]

ما فيها شي لا تعقدون السالفه

[شميرام]

عادي عصر سرعه ،،،،خاصه ان الاتصالات قد تاخذ وقت لان سوالف تجر السوالف

[black@white]

عني شخصيا لا اقبل ولا اتقبل دعوه عن طريق الرسائل الرساله عامه وليس بها اي تقدير للمدعو

[barod]

طبعا افضل الدعوه بالبطاقه او بالاتصال ولكن في عصر الزحمه والسرعه ومن شخص قريب يمكن اقبل الدعوه واحضر .. موضوع ممتاز اختي غزلان

[مسك روز]

باعتبرها قلة ذوق

الدعوه الى العرس معروف بالبطاقه

بس دعوه الى عشى او حفله لازم اتصال ولا ماراح اقبل

وجهة نظري ..


يعطيج العافيه

[بوحارب]

حلاته اتصال اما رسالة احس ان العزيمة بدون نفس

[حسن]

بالنسيه لي عادي المهم جاك خبر وخصوصا الحين الناس صارت معارفها كثيره

[R 7 A L]

من زماااااان

الحين برودكاست بالجوال

[ضوى]

عاد تصدقني غزلان

كل مناسباتنا صارت العزيمة فيها برسالة وتاس اب او رسالة عادية ، والامور سهالات ،حتى يمعاتنا انا وخواتي او خوات ريلي او جاراتي او صديقاتي كلها برسايل ، الا اذا ابي اوصف مكان اللقاء اتصل او يتصلون لي

[المواطن]

فرضت التكنلوجيا طرقاً ووسائل جديدة ميزتها السهولة وعدم التكلف فهي تختصر الجهد والوقت للتواصل بين الأهل اولأصدقاء فالدعوة إلى حفلات الزواج أو غيرها من الولائم والمناسبات باتت من خلال الرسائل النصية "sms"، أو من خلال برنامج الماسنجر بلاك بري ...فهذه الرسائل لا تتقيد بوقت معين وتصل إلى المدعوين أيّاً كانت أحوالهم أو أماكنهم. بعد أن كان الداعي يبذل جهداً في إيصال الدعوة بالحضور شخصياً، أو إرسال من ينوبه، أو الاتصال هاتفياً عدة مرات لأيصال الدعوه او تبليغها.

البعض يرفض هذه الدعوه يرى ان الدعوه عن طريق الرسائل او بلاك بري تقليلاً من قدره، أو انتقاصاً من مكانته، كما أن إجراء مكالمة هاتفية لن تكلف "الداعي" ثواني معدودة يكون لها كبير الأثر على المدعو ، وفيه من يقبل ويفضل الطريقه لأنها تمنع الأحراج وتوفر الحريه اللتلبيه او التجاهل.




‘



«عزيمه» برسالة جوال.. هل تستجيب؟







أرد عليه بعد وقت العزيمة بشوي - برساله اقوله كثر الله خيرك و الله يغنيك.
:)

[bo_hamad]

صار الواحد ما يسمع صوت اقربائه والسبب بلاك بيري كتابة رسائل فقط وما يتشاوفون الا في المناسبات

الله المستعان

[لاميزون]

ادا جات الدعوة من الشخص نفسة نلبى !

[ام السعف]

ما عندي مشاكل من يطرش لي الدعوة دام انها وصلتني،،

لكن ما احب اعزم الناس بالطريقة هذي ،، الا لو اتصلت اكثر من مرة ولقيت
الجوال مسكر فاطرش مسج للتذكير فيمكن انسى :(

[R 7 A L]

ما عندي مشاكل من يطرش لي الدعوة دام انها وصلتني،،

لكن ما احب اعزم الناس بالطريقة هذي ،، الا لو اتصلت اكثر من مرة ولقيت
الجوال مسكر فاطرش مسج للتذكير فيمكن انسى :(



الى يسمعك يقول عايشه في امريكا ولا بريطانيا

مجتمعنا غير عن مجتمعاتهم أواصر الترابط عندنا قوية
يعني بالراحة في العزيمة لازم أكثر من 20 نسمه حضور
بالاضافة الى 20 غياب

مين متفرغ يتصل لــ 40 نسمه :anger1:

[ام السعف]

الى يسمعك يقول عايشه في امريكا ولا بريطانيا

مجتمعنا غير عن مجتمعاتهم أواصر الترابط عندنا قوية
يعني بالراحة في العزيمة لازم أكثر من 20 نسمه حضور
بالاضافة الى 20 غياب

مين متفرغ يتصل لــ 40 نسمه :anger1:

عايشة في جحر او عايشة على سطح القمر

مبدئي في العزيمة اني اتصل في المعنين فردا فردا،،

وبعدين كل بيت ماشاءالله فيه سبعة ،، يعني كفاية خلنا نقول 10 مكالمات
نجمعهم كلهم عندنا ،،

وهد اعصابك :shy:

[الزعفراني]

أستجيب بعد أن أحسبها :)

[almaf1a]

افضل ان انعزم بالطريقة هذي
تختصر وقت على الي يعزم وتوصل الدعوه بسرعه

[تحداني]

مستحيل أقبلها .. لاهو غرور ولا استعلاء ولا اي شي من هالأشياء
لكن مخي ما يستوعب أقبل دعوه برساله


جملكم الله برضاه

[كازانوفا]

يختلف حسب الشخص الداعي

ان كنت اعرف عنه طيبة النفس وكرم الطبع ومعزتي عنده وفرحه بحضوري سألبي الدعوه
وإن كنت اعرف ان الرساله من باب رفع العتب وحضوري وعدمه سواءً بالنسبة له ممكن اتجاهل الدعوة


نفس كلام الاخ بو عبدالله

[غزلان]

أكيد ..
في ناس مب عدلة ان نرسل لهم مسج بالعزيمة ..
مهما يكون هالشي للمقربين ..
و اللي عادي ما بيننا و بينهم كلافة و هالأمور ..
بالنسبة لي اذا جاني مسج من اي وحدة مسج عزيمة مثلاً ..
بيكون الأمر جداً عادي ما ارح آخذ الموضوع بحساسية ..
بالذات احنا نتواصل عن طريق البلاك بيري أو الواتس آب ..
يعني عادي المسجات تفي بالغرض ..
ذكرتيني يوم عرس أخوي ..
في ناس عزموهم ببطاقات و في ناس عادي برودكاست ..
و في ناس بإتصــال ..
و في ناس لازم توصلهم البطاقة شخصياً من الوالد الله يحفظه ..
يعني حسب مكانة الشخص ..


000
معاج حق يعتمد على صلة مرسل المسج ودرجة علاقته بالمدعي
لأنه فيه ناس مب من الذوق ندعوهم بمسج

شكرا

[غزلان]

استجيب طبعا

واللي مهوب جاي عزيمتي إلا اكلمه شخصياً أجل مكانه زين والقعده بلياه ازين ، لأنه اكيد ثقيل نفس

إما اذا كان مهوب من اهلي او اصدقائي المقربين فالأتصال أخير كنوع من الرسميه فقط



اخوي راعي المواجيب الدعوه بمسج ماتصلح للكل مب لأنه ثقيل نفس الى مايقبلها ,,السبب لكل شخص مكانه وعمر وكلافه مانقدر نعدي كل هالأشياء وندعوهم بمسج

[غزلان]

بلا شك لا يمكن معرفة النوايا
اقصد من معرفتي السابقه بشخص المدعو
والاغلب اجتبة الدعوة مالم يكن هناك مانع يدعو للاعتذار


الى تقصده مكانة الشخص وقربه من المدعو تحدد طريقة الدعوه:nice:

[غزلان]

على حسب قرب الشخص

اذا كان قريب جدا لي

الرسالة تكفي لانها مجرد تذكير وما يعزمني لاني راعي مكان وانا اعزم على عزيمته

اما انه بعيد فيجب ان يتصل ولا تكفي الرسالة


000
يعني اخوي تتفق ان مب كل المدعوين ينعزمون برساله وان للدعوه اتكيت لازم نراعيه عند توجيه العزيمه

[com]

تختلف من مناسبة الى مناسبة على حسب

[غزلان]

اي ول اتيند اتس اوكي فور مي



هل من وجهة نظرج هالشي يدل ان المدعوه تعتبرج قريبه وماتعدج من الى بينها وبينهم كلافه؟

[khaldoon]

سؤال حلو الصراحه...تعتمد على الشخص و المناسبة

يعني لو الشخص غريب شوي و المناسبه ما تهمني او اصلا مرفوضه بالنسبة لي فأعتقد اني بطنش

يعني مره صديق من 15 سنة ما اشوفه الا قليل جدا جدا يمكن مرة او مرتين بالسنة و صدفه يرسلي مسج انه حماه الروسي متوفي

بالله عليكي اروح اعزي بواحد روسي و عفوا...مب مسلم متوفي بروسيا؟؟!!! لا و بيته في اخر الدنيا و الجو كابس مطر ...اكيد طنشت

حالة ثانية طنشتها الصراحه و هي اني مرة كنت مجهز نفسي انا و العيلة و صرنا عند باب البيت بنطلع يوم جمعة قبل العصر فشغلت الجوال لانه كان مغلق و لقيت مسج انه فلان الفلاني متوفي و صدقيني ما أذكره ولا اعرفه بس من بلدنا و الدفن بعد صلاة العصر...يعني لازم اقول لاولادي و زوجتي خلاص اقعدوا بطلنا نطلع انا رايح ابو هامور!!...صعبة شوي و ما سويتها و اكتفيت بالذهاب الى العزاء

اما اي حالات وفاة اخرى ما طنشتها و غالبا تيجي من الاصحاب و الاقارب و ليس من اهل المتوفي انفسهم الا في حالات قليلة جدا

لو حسيت انه الدعوة رفع عتب خاصة لو دعوة مهمة فعلا راح اطنش بس لا اذكر انه احد عزمني عن طريق الجوال

اما اصدقائي لما يرسلون مسجات لبعض انه بنطلع المكان الفلاني الساعة كذا....او تفضلوا عندي يوم كذا فما فيها شي و اقبل من غير نقاش


ملاحظه...بسألج سؤال ما ابي احد ينتبه ...بيني و بينج...ما احد صاد العنوان في موضوع التنقيعات لانج كاتبه جول مب جوال:secret:

[غزلان]

لا اكيد ماتناسب الكل ....

يعتمد على درجة العلاقة ..والقرابة....والمكانة الاجتماعية ....

من فترة كانت عندي مناسبة ...المعازيم تقريبا 50 شخص ...يمكن 8 منهم كان المفروض اكلمهم شخصيا ...والباقي بمسج ...


--

الميزه الى يوفرها المسج ماتكلف على المدعو ومنها يضمن ان الدعوه وصلت لهالسبب المسج اسهل واحلى يوفر الوقت والجهد:victory:

[غزلان]

انا لا اؤيد هذه الطريقه واعتبرها قله ادب



اذا كان مابينهم كلافه مافيها شي حتى تبين للشخص مكانته عند المدعو

[غزلان]

موضوع حلو اختي غزلان :..

انا في كل الاحوال البي الدعوه :..

طبعا لو كانت عزومه صغيره وشبه حصريه لبعض الاشخاص
فالافضل انه يتصل ؛ وطبعا عزايم الاعراس مانشره على الداعي
لانه مب فاضي يتصل في كل شخص

واكيد الاتصال والدعوه غير عن المسج وتبين معزتك عنده :..


فالنهايه مثل ماقلت البي كل الدعوات :..
واحطله عذر لعدم اتصاله شخصيا


00
من الأفضل ان نعذر المدعو خاصه اذا كان مضطر للدعوه بهذه الطريقه احيانا قصر الوقت وعدم توفر من يضمن ان عن طريقة بتوصل الدعوه ومرات تغيير مكان السكن يصعب الوصول للمدعو تجعل المسج يوفر كل هالمميزات..

[خليفـة]

نعم استجيب
وخصوصاً لو كان الشخص المرسل صديق عزيز علي
واكون واثق ان دعوته بالمسج كانت نتيجة انشغاله والضغوط عليه

مافيها شي لما نستفيد من التكنولوجيا بطريقة ايجابية
المهم ان التواصل موجود ومستمر

خليفــة

[NeverLand]

والله عاد لكل مقام مقال .. الاعراس والعزايم الكبيره عيييب انه يتم دعوة الناس لها برسالة جوال او بي بي .. شهالمسخره!!

[AL.SHMOKH]

على حسب المناسبة تختلف من مناسبة الى مناسبة على حسب وعلى حسب اذا كانت قريبة او بعيدة او من اهل

[غزلان]

كل وحسب قدره عند الداعي
حد يمكن يتعنا له ويعزمه
وحد يتصل فيه ويعزمه
وحد يطرش عليه مطراش
واحد بمسج
واحد يمكن يجي بدون عزيمه سامت الويهههههه كانه جاي مايدري


00

تقصد انه مهم قرب العلاقه بينك وبين الداعي هي تحدد قبول الدعوه بمسج ام لا

[غزلان]

ماباليد حيله باستجيب

يامستجيب للداعي :)



بتقبلها بكل الأحول وبكل الحالات الى تناسب ان تكون الدعوه بمسج؟

[غزلان]

الأمر عادي إن شاء الله وأسهل ...لأن بالتحدث قد تقضي خمسة عشر دقيقة إلى نصف ساعة للسلام والدعوة وقد يسأل: متى صار وكيف حدث وووو

فالرسائل أفضل ومن يريد الاجابة فيذهب ومن لا يريد فيعتذر برسالة

جزاكم الله خيرا


كلام واقعي

بس مجتمعنا متكلف مرات ويحسب لكلام الناس لو حد سأله طريقة الدعوه ينحرج يقول بمسج والغير ببطاقه او تلفون ..هنا المشكله الى جعلتنا نتكلف

[غزلان]

ما فيها شي لا تعقدون السالفه


المفروض بس الواقع والنفسيات غير

[غزلان]

عادي عصر سرعه ،،،،خاصه ان الاتصالات قد تاخذ وقت لان سوالف تجر السوالف



اكيد هي الأسهل والأوفر لكل شي لكن مازال هناك من لايقبل الدعوه بمسج:rolleyes2:

[بن موسى]

اللي يبيني ياب يجي مادعيتة

ومن لا يبيني لو دعيتة ماهو جاي

[بازار]

اي نعم احضر ...