مساعدة في البحث عن محل للاثاث مصري بالقرب من شارات المجنون

[SULTAN1]

من حوالي 7 او 8سنوات كان هناك محل للأثاث في الزاوية على ما كان يسمى دوار المجنون ،أثاث مصري بس شغلة درجة اولي ،وانتقل بس ما اعرف وين وانا مب ذاكر اسم المحل ،اللي يعرف وين انتقل يخبرني وآكون له ممنون

[SULTAN1]

للرفع

[بوحمد1]

للرفع

[SULTAN1]

71 مشاهد ولا احد عرف اسم المحل ،أكيد كلهم مواليد بعد ازالة دوار مجنون (:-

[Amer]

انا سمعت بهذا الدوار ؟؟ ما سبب التسمية الغريبة .؟

[ZURICH]

انا سمعت بهذا الدوار ؟؟ ما سبب التسمية الغريبة .؟



سبب التسمية هو وجود ثلاث دوارات صغيرة في مكان واحد ..

كل دوار منهم له جهة معينة

والي يبي يروح سيده في اول تجربة له في الدوار .. مدعوم ،، مدعوم :)

[Al Qurashi]

من حوالي 7 او 8سنوات كان هناك محل للأثاث في الزاوية على ما كان يسمى دوار المجنون ،أثاث مصري بس شغلة درجة اولي ،وانتقل بس ما اعرف وين وانا مب ذاكر اسم المحل ،اللي يعرف وين انتقل يخبرني وآكون له ممنون

اسم المحل اذا ما خاب ضني كان قصر الشعراوي

[حياة]

فيه اثاث مصري عند سناء اللي بالدوحه
والثاني في شروه فوق

[SULTAN1]

اسم المحل اذا ما خاب ضني كان قصر الشعراوي
مشكورين على الرد ،ما اعتقد اسمه قصر الشعراوي،المحل اعرف انه انتقل لشارع سلوي بس في اي مكان ما عندي فكرة!

[ZURICH]

مشكورين على الرد ،ما اعتقد اسمه قصر الشعراوي،المحل اعرف انه انتقل لشارع سلوي بس في اي مكان ما عندي فكرة!


وانت طالع من دوار قطر للديكور متجة الى دوار مدماك سابقاً

قبل النفق بتشوف على اليمين محل اثاث راقي مصري .. على ما أظن هو الي تقصدة
*

[SULTAN1]

ما قصرت يا حوران ،بكرة أتأكد منه

[wadha-qa]

فيه محل بسوق الخميس و الجمعه وحده تمدحه لي تقول الطقم ب 5000 تقريبا وجودته عاليه بس ما شفته صراحه ع الطبيعه شفت صوره مجلسها و عجبني الكنب

[محمدوميار]

موفق ان شاء الله

[ميلاف]

شتبي بالمصري دور لك اي شي غير عربي لان العربي سبحان الله لاتعامل ولا استخدام يبدهلك دايم يعور راسك سواء تعامل او استخدام

انصحك بالصيني اوفر واحسن واجمل شكلا . .

[GENIUS]

في محل في آخر بلوك في سوق الخميس والجمعة عنده نفس النوعية.

[fahad1]

اخوي عرفت المحل انت تقصده انا توني مفصل عنده من شهر. اسمه مفروشات حبايب مصريه

[المتحدث الرسمي]

.....

محل الاثاث المصري اللي اخبره اسمه قاصد خير

مدري هو اللي في بالك ولا لا ؟؟

.....

[فتى الدوحة]

.....

محل الاثاث المصري اللي اخبره اسمه قاصد خير

مدري هو اللي في بالك ولا لا ؟؟

.....

أشدعوة !! أبـو ردح ؟؟؟
:nice:

أسمه قاصد كريم

[خبير ديكور]

المحل صار اسمه سلكشن مثل ما ذكر الاخ وانت طالع من دوار قطر للديكور قبل جسر مدماك بيكون يمينك
تحياتي