ابغي مقترح موضوع في الماجستير ( ادارة اعمال )

[الفنان]

السلام عليكم ورحمة وبركاته

الموضوع باختصار ... قررت ادرس الماجستير وابغي موضوع جديد .... شهادتي بكالوريوس اداراة واقتصاد تخصص ادارة اعمال .... وبغيت اطرح موضوع مفيد في ظل الظروف الحالية او مشاكل عامة في احد المواضيع التالية (التخطيط، التنظيم، التوظيف، التوجيه، الرقابة) وتعتبر هذه العناصر من وظائف الادارة ...

ان شاء الله القى منكم المشورى والتفاعل خاصة من ذوي الخبرة

ويجعله ان شاء الله في ميزان حسناتكم ...

ولا تنسونا من دعواتكم

اخوكم الفنــــــــــان

[al-sadd]

آلله يوفقك ان شاءالله :)
ومب مقصرين معاك الشباب ان شاءالله

[الفنان]

آلله يوفقك ان شاءالله :)
ومب مقصرين معاك الشباب ان شاءالله

الله يجزيك كل الخير في الدنيا والاخرة

وشكرا على المرور

[خالد_قطر]

السلام عليك
أخوي إذا لم تبدئ الماجستير أنصحك بتخصص ماجستير الموارد البشرية .. صحيح أن إدارة الاعمال تخصص مرغوب .. بس الموارد نادر وأيضاً مرغوب في سوق العمل

ولاحقا سأمدك بأكثر من موضوع للرسالة في إدارة الاعمال

[تحداني]

كل ما تصفحت أكثر في أبحاث الي سبقوك .. كل ما تكونت عندك فكره جديده

أنصحك تزور قسم " الرسائل الجامعيه " في جامعه قطر
او تتابع الدوريات المخصصه في الاداره والاقتصاد هم تلقاها في الجامعه

وتابع الدوريات الحديثه راح تتكون عندك قاعده كبيره من العناوين
وشوف مجال عملك اي قطاع يخدم .. وايش جوانب النقص فيه وكون فكرتك اذا لك خاطر

والفال لي يارب ..


جملك الله برضاه

[بــوعــوف]

السلام عليكم ..

اهنيك على هذي الخطوة اللي يظنها البعض صعبة ولكنها من أسهل ما يمكن ..

ومثل ما قال أخونا خالد أنصحك انا كذلك بدراسة ادارة الاعمال تخصص موارد بشرية ..

وافضلك انك تشوف جامعة اوروبية أو امريكية معترف فيها ..

واذا ما يهمك الاعتراف اقرب لك مصر أو البحرين ..

ولله الحمد اتممت دراستي للماجستير في الموارد البشرية في مصر .. وكانت لي دافع قوي لتغيير وظيفتي إلى الأحسن ..

اي تفاصيل او اسئلة أنا حاضر :)

[تحداني]

hr
من أروع التخصصات الحاليه
وأنا بعد أنصح فيه والله يسهل اموري والتحق فيه عن قريب
ادعوا لي



الله يوفقكم وينور طريقكم


جملكم الله برضاه

[BIG-VEGA]

اخوي اذا قصدك تبي موضوع حق الرساله ( dissertation ) وانت لين الحين مابديت ... فتو الناس
لازم تقطع شوط في الدراسه وشوي شوي راح تطلع لك الفكره وتبلورها

[روح الاطلس]

انت قررت تدرس الماجستير وتفكر بموضوع البحث من الان!! في البداية راح تدرس مواد تحضيرية وبتلتقي بالدكاترة وهم بيقترحون عليك المواضيع الحديثة واللي تحتاج تحليل طبعا اختار موضوع فيه تحليل واحصائيات افضل وتختمها بتوصية او مقترح.

ومواضيع الازمة العالمية حالياً هي المتصدرة

[Locale]

بالتوفيق ان شالله

[technical]

الاهم من الموضوع الداتا Data , والنسم الي بتعطيه نفسك من خلال السؤال الي بتطرحه !
هل الداتا نوعيتها محترمه وسهله الوصول .

[رمادي]

اختار لك موضوع سياسة التقطير في قطر .. بالتوفيق

[سفير الدوحة]

بالتوفيق ،،
عقبـالي بعد سنتين ان شاء الله

بس نصيحتي ،، استشير واحد متخصص فهالمجال من دكاترة ،، سواء في مجال عملك "الخبراء يسمونهم " او الجامعة اللي بتدرس فيها

انا احتمال اسويها في تقييم الخطر البيئي ان شاء الله

[الفنان]

جزاكم الله خير ..... جاري البحث ....

[ابوحشر]

توكل على الله اختار ادارة موارد بشرية
وانا مستعد اساعدك انا على وشك الانتهاء من الماستر في hr managment