استفسار بخصوص فيزا لندن [الأرشيف] - منتديات شبكة الأسهم القطرية

مشاهدة النسخة كاملة : استفسار بخصوص فيزا لندن

بنت ذياب

16-02-2012, 02:15 PM

السلام عليكم ورحمة الله وبركاته

بغيت استفسر عن الفيزا

الحين انا دخلت هالموقع

http://www.vfs-uk.com.qa

بس مالقيت الابليكيشن فورم ( استمارة التعبئة).. علشان اطبعها واعبيها :(

خذت موعد بس

ساعدوني بليز :(

ويعطيكم الف عافيه

N7eEeS

16-02-2012, 02:48 PM

الدفع والتعبئه الكتروني

http://www.visa4uk.fco.gov.uk/ApplyNow.aspx
شي ثاني الطلب ياخذ عشر ايام عمل حسب كلامهم انا امس كنت عندهم زين فيزتي القديمة باقي لها ثلاث شهور ولا كان توهقت مع ان الجواز مكنسل قالوا لي عادي.

http://www.ukba.homeoffice.gov.uk/sitecontent/applicationforms/visas/vaf1a.pdf
هذا اذا تبين تعبينه باليد

انا حطيت لج فورمات السياحه
واجازه سعيده

بنت ذياب

16-02-2012, 03:13 PM

مادري لان قالولي الاستمارة احصلها بنفس الموقع

يعني اطبع الابليكيشن واعبيهاا واعطيهم فالموعد؟

يعطيك العافيه اخوي ماقصرت

doha2012

16-02-2012, 04:08 PM

اختي

انا حجزت موعد عن طريق النت ورحت سفريات المناعي اللي تحت في عمارة الشريف
وقلت لهم حجزت موعد وعطيتهم الايميل والجواز طبعوا لي الابلوكيشن في نفس اللحظه
ب 80 ريال

وجيت قبل موعدي بساعه علشان زحمة السفريات واحيانا ممكت تلاقينها اكثر زحمه

وممكن تروحيين سفريات المتحده ويعبونه لك في نفس اللحظه وتروحين بعدين لموعدك وتخلصين فيزتك

الفيزا تاخذ اسبوع تقريبا ولازم تراجعينهم بالتلفون او تروحين لهم علشان تسالين عن الفيزا
لانهم قبل كانو يرسلون مسج على التلفون او ايميل واللحين وقفوه والوصل مهم جدا اخبر مره ضيعته ولعوزوني علشان الجواز عندهم وهم يبون رقم الجواز او رقم الوصل

وودي صوره وحده خلفيتها بيضا ورسوم التاشيره كاش لو 6 اشهور 465 لو سنتين1500 تقريبا

وبالتوفيق ان شاء الله

Lap top

17-02-2012, 11:03 AM

والله سالفه عشان اروح لندن

الازم اروح بنفسي للسفاره عشان الفيزا ولا عادي حد يدوح بدالي

كل الود
مهـا قطــر

آنا غيــر

17-02-2012, 01:01 PM

دشي اهني

http://www.visa4uk.fco.gov.uk/ApplyNow.aspx

وتحت بتلقين مربع صغير عاليسار هوسي عليه وبعدين هوسي كونتنيو

وخلاص بتطلع لج الاسئله وقعدي حليها

اذا كنتوا اولريدي عارفين وين بتسكنون حطي عنوان السكن وكل شي

اما لو مب عارفه .. حطي عنوان اي فندق عادي مب سائلينج اصلا فهالنقطه

هاي هي تعبئة الاونلاين .. واتوقع الحين صار الدفع اونلاين بعد يعني جهزي الفيزا او الماستر

بس في شي بوضحه لج عشان ماتتخربطين ... انتي رايحه سياحه صح؟ فيعني تبين فيزة سياحه ... لما تعبين الفورم بيطلع لج تختارين نوع الفيزا اللي تبينها .. فلو كنتي رايحه سياحه اختاري جينيرال فيزا

وعقب لما تخلصين خلاص ... بيطرشون لج الفورم كااامل على الايميل ... فلازم تتاكدين وتحطين ايميلج صح ... المهم عاد طبعيه ودبسيه ووديه وياج الموعد .. وودي معاج بعد صوره الخلفيه فيها بيضه

واهم شي ماتروحين متحنيه او حاطه لزقه على اصابعج لان لازم ياخذون بصماتج

وعقب ماتخلصين بيعطونج ورقه صغيره مكتوب فيها رقم هم بياشرون لج عليه وبيقولون لج هاي عشان تتابعين متى يخلص جوازج

فإنتي عقب تقريبا اربع ايام جذي ... دشي هالموقع

http://www.vfs-uk.com.qa/vfsglobalintroduction.html

وعالجنب اليسار بتلقين مكتوب
Track your application

هوسي عليه .. حطي الرقم اللي اشروا لج عليه و تاريخ ميلادج

بيطلع لج اذا الابليكيشن ريدي أو للحين أندر أسيسمنت (يعني للحين ماخلص) عاد جيكي اليوم اللي عقبه

ماتوقع زحمه فاحتمال ياخذ ٥ ايام بالكثير

طبعا لازم تروحين السفاره لان بياخذون بصماتج

بنت ذياب

19-02-2012, 12:15 AM

تسلمون لي والله

ماقصرتووووووووا :( انقذتوني

يعطيكم العافيه

almaf1a

19-02-2012, 10:49 AM

لتفادي خربطة الاون لاين واخذ الموعد عندهم خدمة vip فيها دفع مبلغ مب عارف كم
والخدمه تختصر موضوع اخذ الموعد لتقديم الطلب اون لاين

ماشوف لها داعي للي مب مستعجل

بوحارب

04-03-2012, 07:39 AM

بختصرلج السالفة بنت ذياب

روحي لعمارة الشريف في المطار واحجزي موعد عشان تقدمين للفيزا واذا رحتي تقدمين للفيزا بدون موعد بتدفعين على الجواز الواحد 275 ريال

وعقب نزلي تحت بحصلين مكتب لسفريات المناعي بيطبعون لج الطلب كامل وعمولة الطلب 80 ريال

وبتدفعين قيمة التأشيرة عندهم 456 لل 6 شهور ولازم عن طريق الفيزا مب بطاقة البنك العادية

واذا كانت فيزا لمريض بتطلع ثاني يوم واذا سياحية بتطول شوي

وعقب ماتخلصين تقدمين الطلب بيقولون لج بنطرش لج مسج تستلمين الجواز ولاتصدقينهم لأنه مب مطرشين شي وعن تجربه هالكلام !!!!

لازم صورة خلفية بيضا وللرجال مايكون لابس غترة او اي شي على راسه

وراعي الفيزا لازم يكون موجود عشان بصمة العين واليدين

موفقه

والله سالفه عشان اروح لندن

الازم اروح بنفسي للسفاره عشان الفيزا ولا عادي حد يدوح بدالي

كل الود
مهـا قطــر

لازم بنفسج لأنه فيها تصوير واخذ البصمات !

ريم المدينة

08-03-2012, 01:05 PM

عقد هالانجليز عقدددد اشيبون في ابوي وهلي بيناسبونا؟؟

Qatar Knight

10-03-2012, 07:09 PM

معلومة مهمة ويعطيكم العافيه

بو المياسه

10-03-2012, 08:56 PM