محتاجه مساعدتكم ضروووري <<< ( الجامعه )

[أم الجوري]

بسم الله الرحمن الرحيم


السلام عليكم ورحمة الله وبركاته



اخواني وخواتي اعضاء منتدى الاسهم
محتاجه مساعدتكم ضروررري تكفوووووووووون

انا طالبه توني مسجله فالجامعه تخصص شؤون دولية
وهاي اول كورس لي
رحت الجامعه اليوم وفتر راسي ما عرفت شلون اسجل مواد قالوا لي سجلي عن طريق الانترنت :(


الحين ابي اعرف شنو المقررات والمتطلبات اللي المفروض اخذها
ما اعرف اسجل :secret:
حاولت اسجل عن طريق النت ما تطلع لي المواد اللي سجلتها
سجلت عربي 1 وانجليزي
وهذي المواد اللي عرفت انها من متطلبات التخصص اللي لازم اخذها
بس ما عرف شنو بعد اخذ وحتى اللي سجلتهم ما يطلعون لي اني سجلتهم



تكفوون اللي يعرف يسجل يتواصل معاي عن طريق الخاص لاني تعبت
من الظهر من جييت من الجامعه وانا احاول اسجل ولا عرفت
واخر حل قلت ادخل واسئلكم يمكن حد يقدر يفيدني ويسجلني :cry2::cry2::cry2:



الله يخليكم اللي يقدر ويعرف يسجلني يساعدني
لازم اسجل اليوم ضروري الدوام يوم الاحد وانا للحين ما سجلت شي


فــــززززززززعتـــكم:(

[حـ ن ـيـ ن]

ان شاء الله يفيدونك الاعضاء

وياليت احد يكلمنا عن التخصص اكثر

عدد الساعات المطلوبة، مجال العمل ،الدراسة سهلة ولا صعبة

[روح الاطلس]

حبيبتي لازم تكون خطه التخصص معاج مامريتي على المرشدة الاكاديمية ؟؟ تاخذين منها الخطة الاكاديمية؟

انصحج تدخلين منتدى جامعة قطر يمكن تلقين بنات بنفس تخصصج ويساعدونج

[أم الجوري]

اختي قالت لي هالكلام

ولا جانا مرشد ولا جانا حد
ولا عطونا خطه اكاديمية
مجرد طالبات كانوا يجون يشرحون لنا ولما نسالهم عن شي يقولون بنروح نسال ونرجع

والحين انا مادري شالسالفه

[Dark_QTR]

1. روحي عند المرشد - المرشدة الأكاديمية .. أو طرشي لهم e-mail
2. زوري موقع منتدى جامعة قطر الأخوان اهناك مختصين وعنهم خبرة

[سيف الحرية]

للحين الفوضى بالجامعة ...

[الخزرجي قطر]

الله يسهل امورك ان شاالله

[ROSE 26]

اختي هالرابط بتلاقين فـْْ♡ـيــْْہ المتطلبات العامة
http://www.qu.edu.qa/core/documents/aploa_final.pdf
اذا ادشين منتدى جامعة قطر احسن لج ڤــــيۓِ گــ ̯͡ـلْ شي بالتفصيل
ويوم الاحد الدوام راجعي المرشد ويشرح لج گــ ̯͡ـلْ شي
اي سؤال ٱنـَ♡̨̐ا ڤــــيۓِ الخدمة:) :)

آلَّـًلْـْہ يوفقج،،

[ROSE 26]

وهاي ارقام وايميلات قسم شؤون دولية



Contact Us
| |
Last modified: October 02, 2011 20:53:33.
Head of Department
Steven Wright, PhD
Office Tel: (+974) 4403-4933
Fax:(+974)4403-4931
Email: swright@qu.edu.qa

Department Administration
Heba Al-Safi
Office Tel:(+974) 4403 4934
Fax:(+974)4403-4931
Email: h.alsafi@qu.edu.qa


Office Location
Men's Building, Corridor(2), Third Cell, Room No B 121

Mailing Address
Department of International Affairs
College of Arts and Sciences
University of Qatar
P.O. Box 2713, Doha,
State of Qatar

والخطة الدراسية مالقيته بالموقع اعتقد شلو علشان القرار اليديد
راجعي المرشد الاحد باسرع وقت علشان يمديج تسجلين هالاسبوع حذف واضافة

[ROSE 26]

شوفي كم ساعة مسموح لج تسجلين
لان اذا سجلتي اقل يعطونج انذار ! آلَّـًلْـْہ يبعد عنج الانذارات
مووووفقة:):):)

[روح الاطلس]

مثل ماقالت لج روز

واذا البنات اللي تسألينهم مايعرفون ولا عرفتي وين المرشدة الاكاديمية روحي لرئيس القسم او احد من دكاترة القسم وقولي له شنو المواد اللي تدخلينها

بس اتصور الافضل تدخلين المتطلبات العامة وتفتكين منها من اول كورس

[أم الجوري]

اختــي روز ،، روح الأطلس


مشـكوريين ومآ قـصرتوا
انشاللــه بحاول اني اسجل بنفسي
واذا ما عرفت مالي الا يوم الاحد انشالله


وللاسف سجلت في موقع الجامعه بس للحين ما فعلوا عضويتي علشان جذي ما قدر استفسر عن اي شي


تسلمــوون

[ROSE 26]

^
^
غريبة مافعلوا مجرد انهم يعطونج رقم القيد والباسورد ويطلبون منج تغيرين الباسورد يتفعل نفس الوقت!
لٱِ تتاخرين ڤــــيۓِ التسجيل عٍٓ'ـِٓـِٓقِٓپٍْٓ ماتلاقين مجاميع مبطلة ومقررات عدلة
خصوصا احين ضغط عَــلَىْ متطلبات العامة بالقرار اليديد ف عَــلَىْ طول يتسكر!&#161;
آلَّـًلْـْہ يعينج

[CH Engineer]

1-ادخلي على موقع جامعة قطر
2-ادخلي على تخصصج
3-شوفي الخطه الدراسيه عشان تعرفين المواد الي لازم تسجلينها لان احتمال ماتنطرح الفصل الجاي رتبي لج خطه اذا ماعجبتج على حسب ساعات العمل المسموحه لج
4- ادخلي البنر سجلي المواد عن طريق اختيار التخصص والضغط على بحث بيطلعون كل المواد
5- المواد الي مب مسجله في التخصص نفسه تقدرين تبحثين عنهم عن طريق رقم الماده وموجود الرقم في الخطه الدراسيه جنب الماده نفسها
6- سجلي لين يقول السستم تجاوزت الحد الاقصى لعدد الساعات المسموحه او على حسب الساعات الي تبينها
7- يمكن الحذف والاضافه لغاية اول اسبوع دراسي فقط بعد ذلك لايمكن الاضافه والحذف
8- يمكن الغاء الماده قبل التاريخ المحدد من اداره الجامعه مع دفع رسوم الغاء الماده

[أم الجوري]

يعطيكم العافيه .. وماقصرتوا والله ..
بس طلع في مشكله في الموقع .. خليت رفجتي تسوي من عندها .. طلع لها نفس مشكلتي .. وعند بنت اختي بعد نفس المشكله ..
عشان جي يوم الاحد باروح عند المرشد الاكاديمي ..
يعطيكم العافيه يارب
وماقصرتوا والله

[دااانة قطر]

اختي قالت لي هالكلام
ولا جانا مرشد ولا جانا حد
ولا عطونا خطه اكاديمية
مجرد طالبات كانوا يجون يشرحون لنا ولما نسالهم عن شي يقولون بنروح نسال ونرجع
والحين انا مادري شالسالفه



رجعتيني سنة 97
ماقصرت اخت صديقتي شرحت لنا وسجلت لنا الموااد اللي نحتااجه من بعد الدوااره وكل ما سألنا حد قاالوا روحوا يمين ولا روحوا يساار
اصلا تسألينهم يضيعونج
ولا حد علمنا حتا شلون نسجل ولا حتى شنهي الموااد المقرره واللي المفروض نااخذها
اذكر اني مااكنت اعرف شنهو نظاام المحااضرات وان كل محااضره في قااعه
اول يوم ضيعته والسبه اني جاالسه في مكااني وفي نفس القااعه وانتظر نفس المدرسه يدخلون علينا لأن صديقتي مادااومت أول يوم
وثااني يوم عرفت ان كل محااضره في قااعه
:rolleyes2:



ان شااء الله يفيدونج اللي عندهم خبره
ومثل مااقالوا دخلي موقع جاامعة قطر وربي يوفقج

[((ام خالد))]

السلام عليكم
سمعت انهم ارفعوا عدد الساعات الى 12 ساعة يعني اربع مواد
التسجيل مفتوح تقدرين تسجلين في اي مجموعة مفتوحة ثقافة اسلامية, عربي 1 , انجلش 1, تاريخ قطر, وبعض المواد الاختيارية حسب الخطة
أم الجوري اذا بغيتيني اساعدج في التسجيل انا مستعدة , بس طرشي لي رقم قيدج والباسورد
والله يوفقج

[شنايدر]

اذا انتي من بنطبق عليهم قرار المجس الاعلى فالعدد المسموح به هذا الفصل الدراسي لكم هو 6 ساعات فقط.

موفقه ، ، ،

[ROSE 26]

اذا انتي من بنطبق عليهم قرار المجس الاعلى فالعدد المسموح به هذا الفصل الدراسي لكم هو 6 ساعات فقط.

موفقه ، ، ،

ارفعوا عدد الساعات الى 12 ساعة