فنادق في مكة

[الرايــق]

السلام عليكم

ناوي أروح عمرة ان شاء الله الويكند القادم

وعن تجربتكم ايش أفضل فندق في مكة لمدة 3 أيام

ويا ليت رقم تليفون الفندق للحجز


وشكرا لكم

[خالد_قطر]

اخوي عندك فندق دار التوحيد الا إني ما أفضل أسكنه فيه بسبب عدم وجود مجمع تحته علشان العيال يقدرون ينزول بروحهم
وفنادق الوقف كثيرة افضلها في نظري وعن تجربة رافلز ويقولون فورمنت (برج الساعة حلو)
وزمزم سكنته قبل كم سنة كان جيد الحين مادري

[الرايــق]

يعطيك العافية اخوي خالد
شلون أسعار دار التوحيد والرافلز ؟

[مزعله النساء]

السلام عليكم
فندق رافلز انصح فيه وبقوه

خدمه مستوى نظافه اكل

[ام ناصر1]

فنادق الابراج حلوة ...بس إذا بتحجز الحين بتعاني مثلنا ما حصلنا الا برافلز
و ماقط جربناه ....مشكلة هالايام إنهم رافعين اشوي الاسعار
و دار التوحيد وزمزم اوكيه عن تجربه ...بس زمزم لك عليه اشوي بالنظافه

[خالد_قطر]

ام ناصر. رافلز ما عليه كلام جربيه وبتدعين لي النظافة اي وقت تتصلين يجونك وخدمة الغرف ممتازة والاستقبال بعد يعني خدمة ما بعدها حتى المصاعد ما عليها زحمة مثل زمزم. بس مثل ما قلتي سعرهم بالعالي

أنا اكتب حاليا من رافلز. على فكرة وأي فاي ببلاش

[للصبر اخر]

التوحيييد احلى فندق سكنته فمكه
الابراج حلوه بس عجبني التوحيد اكثر
والمجمع موبعيد خطوتين مشي

[غايه الطواش]

اخوي تجنب الفيرومنت ووفنادق برج الساعه

عندك دار التوحيد والهيلتون
فنادق ابارج الساعه
بخصوص الفيرومن نص الاصاصايرات خربانه
الخدمات مع الزوار يستخدمون الاصانصيرات
عشان توصل الحرم لازم تركي اصنصير وعقب تروح اللوبي وعقب تروح اصنصير ثاني وتمشي مسافه فالمجمع
غير انك التسليك في الحمامات وانت بكرامه فيه مشاكل
الممرات والغرف تنظيفهم مهب ذاك الزود

[قطريه ماركه]

تونا امس وصلنا من مكه و سكننا زمزم ... الفندق جيد .. يمدحوون رافلز ...

مشكلة الفنادق هذي انك لازم تبدل اصانصيرين لين تنزل و لازم تدخل المجمع ..

مكة فيها زحمة لانه فاتحيين حق الاتراك و الايرانيين .. بس سبحاان الله الله اييسر .......

[مزعله النساء]

أنا حاجزه في رافلز
سكنت فيه اول مره شهر ١٢ وعجبني
غير عن زحمه لفتات الهلتون ومكيفات الانتر التعبانه

[أنا]

مرحبا أخوي انصحك بدار التوحيد
رقمهم 0096625411111

ويمدحون بعد رافلز بس اتوقع دار التوحيد اقرب للحرم تنزل من الاصانصير دايركت لوسط الحرم ما راح تحتاج تغير اكثر من اصانصير لين تنزل مثل الابراج ..

عمرة مقبوله وادعي لي :nice:

[كيت كات قطر]

والله اخوي انصحك بفندق رافلز باشه عليهم كلهم وهو افخمهم وخدمه راقيه وشيء عجيب والله انصحكم عليه انا توني رايح وسكنت فيه اما زمزم والهلتون مايسوه اقدام ومستهلكه وايد

[اليحصبي]

الله يوفقك اخوي وعمره مقبوله
صراحه ماقدر افيدك بس طلبتك لاتنسانا بدعوه صالحه

[ام جابر 1]

انا سكنت دار التوحيد وليد زين واقرب واحد للحرم الصراحه خدمتهم وتعاملهم فوق الممتاز
تندمت اني سكنت عقب في زمزم مايستاهل السعر وخدمتهم مب زينه
وعقب سكنت رافلز روعه الصراحه من خدمه وتعامل ونظافه
وفطورهم وايد حلو بعد
خذنا غرفه وصاله 1200 ريال تقريبا من شهرين او 3 شهور اعتقد
وكانوا يقدمون لنا 3 مرات في اليوم فري ترامس شاي وقهوه واحنا نحدد الاقات اللي يجيبونها

[بوخالد911]

من 3 اسابيع كنت بمكة

وسكنت في موفمبيك
هاتف:096625717171
فاكس:096625717100
موقع إليكتروني: www.moevenpick-makkah.com
بريد إليكتروني: hotel.makkah@moevenpick.com




ممتازززززززززززززززززززززززززززززززززز

والله يتقبل

[دلال قطر]

هلتون ابتعد عنها البرج قديم والخدمه مب ليهناك
المصاعد تجيها حالات ماتفتح مرات كنا نضطر نمشي لمصعد ثاني ابعد شوي من البرج اللي احنا فيه
واسواقهم قديمه !!

[ام عزوز2001]

عمره مقبوله