ليش الموظفين مايداومون 8 ساعات ونص؟؟؟

[ريتويت]

كثير الاحظ من الموظفين خصوصا المدراء يطلعون بدري من دواماتهم .. يداومون متاخر ويروحون بدري:eek5: وبالذات يوم الخميس يا غياب او محد عالمكاتب؟؟؟؟

طيب ليش؟؟ وش ذنب الموظفين الي تحتهم؟؟؟

لكم القرار....

[ولد ازغوى]

ليش تقلبين علينا المواجع :(
كل خميس نشوفهم وهم طالعين بحسره
مب بس المدراء حتى عامة الموظفين الا ادارتنا تبيننا نداوم لاخر نفس

[20qatar22]

العنوان غير عن الموضوع..

[دااانة قطر]

الله المستعااان
احنا حتى لو ماافي شغل نتم لين 3
الا في الحالاات الطاارئه

[ريتويت]

العنوان غير عن الموضوع..

ولكن الهدف واحد..

[حراير قطر]

بعض المدارء عندهم لقاءات عمل بالخارج

او يطلعون الصبح ويدامون العصر

او عندهم ترتيبات واحنا ما انعرفها

ما يحتاج اتعرفون ليش يطلعون او يقعدون بعملهم

دع الخلق للخالق ...

[ريتويت]

بعض المدارء عندهم لقاءات عمل بالخارج

او يطلعون الصبح ويدامون العصر

او عندهم ترتيبات واحنا ما انعرفها

ما يحتاج اتعرفون ليش يطلعون او يقعدون بعملهم

دع الخلق للخالق ...

اختي حنا ماعندنا دوامات العصر ..سؤالي هو: ليش المدراء ( بالتحديد ) يطلعون من وهل؟؟؟؟

[حراير قطر]

اختي حنا ماعندنا دوامات العصر ..سؤالي هو: ليش المدراء ( بالتحديد ) يطلعون من وهل؟؟؟؟

يمكن عنده اجتماع عمل بالخارج ...

[بو الجوري]

والله صاجه اختي :(

المشكله المدراء ممكن نعذرهم :.. لكن باقي الموظفين !!!!

انا حزات اراجع في بعض الوزارات :..
صج الاقي تسيب من الموظفين العاديين :..

لا تقولون ظروف :.. و الله اعرف ناس يطلعون يتريقون
والا يروحون القهوه :.. والمشكله تعاملهم مع العملاء والمراجعين
يعني يعطلون الشغل :..

مره كانت عندي معامله وواقفه على توقيع واحد :..
نطرت ساعه واخر شي الموظف كلم الريال وقاله تعااااال :..

يقولي معليه طلعو يتريقون !!!!!!

[خليفـة]

قواج الله اختي سكر
اتفق معاج .. كثير من المدراء لا يلتزمون بساعات الدوام الرسمي
وتلاقين الغالبية العظمى يجون دواماتهم متأخرين .. ويطلعون بدري
والسبب معروف اختي
باختصار
اذا كان الي بيطبق نظام الثواب والعقاب هو نفسه مدير
هل تعتقدين انه ممكن يضر زميلة المدير المُقصر في دوامة ؟
اكيد لا طبعا .. وبيمشيها له
ولكن لو كان المُقصر موطف عادي بسيط
سيُطبق عليه النظام والقانون بحذافيرة
لأنه ليس من نفس الدرجة الوظيفية لهذا المدير

السموحة على الاطالة .. وقواكم الله جميع
:)

خليفــة

[وطن]

اختي حنا ماعندنا دوامات العصر ..سؤالي هو: ليش المدراء ( بالتحديد ) يطلعون من وهل؟؟؟؟

احنا بعد ما عندنا دوام العصر اختي

بس اذا في شغل مهم نقعد لين 5 و 6

والمدير ممكن يكون قاعد واحنا نطلع 3
كل واحد حسب شغله

[ريتويت]

يمكن عنده اجتماع عمل بالخارج ...

ماله عذر اختي... الموضوع تكرر .. ماعتقد كثره الخروج من الدوام امر طارئ .. لهالدرجه عاد؟؟
طيب وشمعنى يوم الخميس؟؟؟

انا اكرر واقول ( حلل راتبك سواء مدير او موظف عادي .. وحاسب .. خاف رب العالمين )

[OREO]

مشكلة اللي يشوف فوق بنظرة غير صحيحة ،، المفروض كل شخص عليه من نفسه و يأدي واجبه بدون تذمر ،،

اما اجلس اقول ليش هذا و ليش ذاك و ليش هذا خذ و هذا اكل و هذا و هذا ،، فأعلم بأن هذا الشخص غير منتج و غير صالح للعمل و كثير المشاكل و لا يصلح للوظائف العليا ،،

و للاسف نشوف نفس الاشخاص يطالبون بترقيات و زيادات في الاساسي و كله هم المظلومين ،،

لحد يفهمني غلط و كلامي على الاشخاص اللي يتذمرون على كل حبه ،، :nice:
،،

[ريتويت]

قواج الله اختي سكر
اتفق معاج .. كثير من المدراء لا يلتزمون بساعات الدوام الرسمي
وتلاقين الغالبية العظمى يجون دواماتهم متأخرين .. ويطلعون بدري
والسبب معروف اختي
باختصار
اذا كان الي بيطبق نظام الثواب والعقاب هو نفسه مدير
هل تعتقدين انه ممكن يضر زميلة المدير المُقصر في دوامة ؟
اكيد لا طبعا .. وبيمشيها له
ولكن لو كان المُقصر موطف عادي بسيط
سيُطبق عليه النظام والقانون بحذافيرة
لأنه ليس من نفس الدرجة الوظيفية لهذا المدير

السموحة على الاطالة .. وقواكم الله جميع
:)

خليفــة

:victory::victory::victory:

يعطيك الف عافيه على ردك الطيب

[سيف الحرية]

لأنهم يتوقعون أنهم فوق القانون ...

[انصار جليري]

مشكلة اللي يشوف فوق بنظرة غير صحيحة ،، المفروض كل شخص عليه من نفسه و يأدي واجبه بدون تذمر ،،

اما اجلس اقول ليش هذا و ليش ذاك و ليش هذا خذ و هذا اكل و هذا و هذا ،، فأعلم بأن هذا الشخص غير منتج و غير صالح للعمل و كثير المشاكل و لا يصلح للوظائف العليا ،،

و للاسف نشوف نفس الاشخاص يطالبون بترقيات و زيادات في الاساسي و كله هم المظلومين ،،

لحد يفهمني غلط و كلامي على الاشخاص اللي يتذمرون على كل حبه ،، :nice:
،،





هذا الكلام الصح

[khaldoon]

طيب سؤال .....خروج المدراء بدري كل خميس مثل ما تفضلتي ما خلاكم تقتنعوا انه لازم تروحون بدري و انه ما احد بيحاسبكم مثلا

ما تعتقدي انه المدير لما يكتشف هالشي بيعر انه هو السبب و بيصير اكثر التزاما مستقبلا

عندنا مدير مدير مدير مديري هو الوحيد اللي كل يوم بيجي الدوام الساعة 8 الصبح و بغادر الساعة 8 بالليل و هذا معناه مروح بدري مع انه دوامه الرسمي هو 8 الى 5 مساء....ما احد يقدر يسوي مثله و لا انا

حياة اجتماعية زيرو

[شميرام]

امس شغلنا خالي يقرش يعني نصهم اجازه ونصهم مستاذنين
ياريت لو ساعات العمل مرنه اللي يداوم صبح يطلع بدري والعكس

[ام ناصر1]

على حسب طبيعة عمله ..أنا ايضا لاحظت مديرنا ونائبه يخرجون بساعات معينه وايام معينه
لما سألت ظهر ...عندهم اجتماعات دورية مع مسؤولين الإدارة الاعلى منهم ....
اسألي ولا تخلين الشيطان يوسوس لج اشياء ممكن تكون غير صحيحة ....
يعني خروج بعض المدراء يعتمد على طبيعة شغله ....
فمثلا عندنا مسؤولة بإدارة الموارد لايمكن تكون فاضية يوم الخميس ...جدولها كله اجتماعات
فاعتقد لو تسألين الي بإدارتج بتريحين عمرج ؟!

[كازانوفا]

حبيبتي سكر
كل واحد عنده ذمه وضمير وعلى حسب اذا لسه ضميره حي او لاااا
وكل واحد مسؤول عن وقته
لا تشيلي هم لان كل واحد بياخد جزاته بالدنيا قبل الاخره
بالفعل انا استغرب منهم

[بوسيف الهاجري]

الحمدالله اني انا مدير نفسي
يعني اطلع ولا اقعد محد يحاسبني

[vip-30003]

السلام عليكم

طبيعة العمل هي اللي اتحدد ساعات العمل

يعني مهندس طبيعة عمله ميداني في الشمس نفس اللي على مكتب وفاضي

انا اتمنى تفعيل البصمه في كل الوزارات والشركات والمؤسسات

الا المجلس الاعلى للتعليم مساكين ويستاهلون كل خير

يعني ساعه المدرس او المدرسة نفس اي ساعه يقضيها اي موظف طبعا لا

دام المجلس كل فترة بسالفه فا اقترح تطبيق نظام الساعات المكتسبة في المدارس

وخلو المدرسات والمدرسيين نفس دكاترة جامعه الكل يعطي حصته ويطلع

والحرية في العمل هي اللي تطلع الانتاجية ويحطون نظام تقييم للانشطة والفعاليات

هذا الجانب الاكاديمي اما الجانب الاداري يداوم عادي بس زيدوا رواتبهم يستاهلون


وبصراحه 50% من الموظفين القطريين ماينتجون تشرب شاي وكرك وتقرى جرايد

وبطاله 20 موظف في مكتب ومهمات مشتركة

يلا بلا ما نتكلم بالموضوع اتمنى الخير للكل واهل قطر طيبين

مانبي بصمه ولا نبي نشتغل خلونا بكيفنا وشوفوا الشغل الصح



[رجل الجزيرة]

على حسب طبيعة عمله ..أنا ايضا لاحظت مديرنا ونائبه يخرجون بساعات معينه وايام معينه
لما سألت ظهر ...عندهم اجتماعات دورية مع مسؤولين الإدارة الاعلى منهم ....
اسألي ولا تخلين الشيطان يوسوس لج اشياء ممكن تكون غير صحيحة ....
يعني خروج بعض المدراء يعتمد على طبيعة شغله ....
فمثلا عندنا مسؤولة بإدارة الموارد لايمكن تكون فاضية يوم الخميس ...جدولها كله اجتماعات
فاعتقد لو تسألين الي بإدارتج بتريحين عمرج ؟!

نعم مثل ما ذكرتي هو كل على حسب عمله.

[رجل الجزيرة]

السلام عليكم

طبيعة العمل هي اللي اتحدد ساعات العمل

يعني مهندس طبيعة عمله ميداني في الشمس نفس اللي على مكتب وفاضي

انا اتمنى تفعيل البصمه في كل الوزارات والشركات والمؤسسات

الا المجلس الاعلى للتعليم مساكين ويستاهلون كل خير

يعني ساعه المدرس او المدرسة نفس اي ساعه يقضيها اي موظف طبعا لا

دام المجلس كل فترة بسالفه فا اقترح تطبيق نظام الساعات المكتسبة في المدارس

وخلو المدرسات والمدرسيين نفس دكاترة جامعه الكل يعطي حصته ويطلع

والحرية في العمل هي اللي تطلع الانتاجية ويحطون نظام تقييم للانشطة والفعاليات

هذا الجانب الاكاديمي اما الجانب الاداري يداوم عادي بس زيدوا رواتبهم يستاهلون


وبصراحه 50% من الموظفين القطريين ماينتجون تشرب شاي وكرك وتقرى جرايد

وبطاله 20 موظف في مكتب ومهمات مشتركة

يلا بلا ما نتكلم بالموضوع اتمنى الخير للكل واهل قطر طيبين

مانبي بصمه ولا نبي نشتغل خلونا بكيفنا وشوفوا الشغل الصح



نعم لو يطبقون البصمة كان كل إنتظم في عمله وإلي ما يبغي يقدم إستقالته.

[رجل الجزيرة]

الحمدالله اني انا مدير نفسي
يعني اطلع ولا اقعد محد يحاسبني

الله يزيدك من فضله.

:)

[للصبر اخر]

اللي قالو على حسب طبيعة العمل
يعني الموظف اللي يداوم ايام الاسبوع وايام العطل بدل ٨ ساعات يداوم ١١ ساعه
يتساوى مع المدير اللي مايداوم الا نااااادر ؟؟؟

مانتكلم عن كل المدراإء البعض منهم مستغل صلاحيته كمدير ومايداوم الا نااادر

[nyzk]

موظفين قطر للبترول في السد بلازا الساعه عشر الصبح يطلعون من العمل تسيب واهمال للاسف

[ريتويت]

موظفين قطر للبترول في السد بلازا الساعه عشر الصبح يطلعون من العمل تسيب واهمال للاسف

:victory::victory::victory:

[كلنا قطر 1981]

اختي او اخوي سكر نبات

الحين في اعتراض على اوقات الدوام مدير او موظف

انا عندي وجهة نظر بالنسبه حق الموظفين الي يتعاملون مع الجمهور يفترض انهم يشتغلون على الوقت بالضبط و لازم انه يكون في ناس تريحهم لاانه بصراحه يكون عليهم ضغط كبير و ثاني شي البشر مب سوا يعني في التعامل في نوعيه من البشر ترفع الضغط و في نوعيه تشرح الصدر و في نوعيه تدخلك البسمه و في نوعيه تدخلك الجلطه اخوي فا لازم لهم راحه في ال 8 ساعات و نص

اما الوظايف الي مالها شغل بالجمهور بصراحه مب مهم عندي انه يجي و يرد على الوقت المهم في هالنوع من العمل الانتاجيه ولا شنو الفايده من واحد يداوم 8 ساعات و نص و هو و الكرسي الي قاعد عيله واحد؟؟؟

انتج باقل وقت و روح ربي يحفظك و لا تقعد لي صنم في المكتب و تبين لي انك موظف تشتغل

اتمنى التوفيق للجميع و شكرا

[تحداني]

احنه المدير عندنا الشخص الوحيد الي يكون موجود في المكتب قبل الموظفين سبحان الله
اوقات اجي الدوام بدري الساعه 6 ونص القى السياره في المواقف
جربت مره الساعه 6 لقيته هم موجود
لكن بعد العشره صباحا من الصعب نلقاه في الغالب يقول لو عندكم شي ضروري انا في مكتب سعاده الوزير
او نشوف السكرتايه يقولون عنده اجتماعات في السفارات


في مدراء اقسام عندنا عندهم نظام ثاني ممكن اداوم 8 او 8 ونص وتطلع 3
وممكن اداوم 7 وتطلع 2


نظام البصمه موجود عندنا في ناس تبصم بعد ما يوصلون اعيالهم او اخوانهم المدارس ويروحون البيت ينامون
ويردون يبصمون نهايه الدوام بعد ما ياخذونهم من المدرسه رايحين يتغدون


الامور طيبه ولله الحمد حتى التكنلوجيا وضفوها بناءا على ضروفهم


جملك الله برضاه

[بوحارب]

احنا عندنا محد يقدر يتنفس من مدير المحطة لين اصغر موظف الا بأمر المدير العام

ولادقيقة تأخير او انصراف بسرعة

:(

[R 7 A L]

احنه المدير عندنا الشخص الوحيد الي يكون موجود في المكتب قبل الموظفين سبحان الله
اوقات اجي الدوام بدري الساعه 6 ونص القى السياره في المواقف
جربت مره الساعه 6 لقيته هم موجود
لكن بعد العشره صباحا من الصعب نلقاه في الغالب يقول لو عندكم شي ضروري انا في مكتب سعاده الوزير
او نشوف السكرتايه يقولون عنده اجتماعات في السفارات


في مدراء اقسام عندنا عندهم نظام ثاني ممكن اداوم 8 او 8 ونص وتطلع 3
وممكن اداوم 7 وتطلع 2


نظام البصمه موجود عندنا في ناس تبصم بعد ما يوصلون اعيالهم او اخوانهم المدارس ويروحون البيت ينامون
ويردون يبصمون نهايه الدوام بعد ما ياخذونهم من المدرسه رايحين يتغدون


الامور طيبه ولله الحمد حتى التكنلوجيا وضفوها بناءا على ضروفهم


جملك الله برضاه




ياليت يتطبق نظام البوابات الالكتورنيه
الى ماينفتح باب الى بتمرير البطاقه عليها
مثل احدى الشركات في موقعها الجديد ( برج ) على الكورنيش ومطبق على الجميع
يعني بتنزل من طابق الى طابق مديرك المباشر بيعرف متى طلعت ومتى دخلت .

[تحداني]

ياليت يتطبق نظام البوابات الالكتورنيه
الى ماينفتح باب الى بتمرير البطاقه عليها
مثل احدى الشركات في موقعها الجديد ( برج ) على الكورنيش ومطبق على الجميع
يعني بتنزل من طابق الى طابق مديرك المباشر بيعرف متى طلعت ومتى دخلت .





أختي في برج الدانه التابع لقطر للبترول بنظام البوابات الالكترونيه وحاله .. وفوق هذا اسلوب التلاعب لدى البعض منهم اسلوب عجيب وغريب
واتقول يا تحداني شاقول وشاخلي


الضمير والاخلاص وحب العمل .. هاذي الجمله الوحيده الي تخلي الشخص مخلص مع عمله حتى لو ما كان عنده عمل او اجتماع او زياره ميدانيه


البعض يقول لك انا ما عندي شغل ليش اقعد 7 ولا 8 ساعات فاضي
اروح اكمل لي كمن شغله ... نرد عليه ونقول كل ساعه عمل لها مقابل مادي انت ما اداوم ابلاش

اذا تقبل نخصم منك ما عندنا مانع


مافي اي تبرير للخروج من العمل اذا ما عندك اجتماع او اي شي طارئ .. واذا كل واحد شاف مديره اذا افلوسنا معظمها حرام
لان معظم المدرء ذممهم وسيعه



جملك الله برضاه

[Dawn]

يمكن ما يعجبكم كلامي بس انا صراحه ضد ان يختزل الشغل في ( الجلوس على المكتب لمدة 8 ساعات كل يوم ) ... ومع الانتاج والانجاز اليومي في العمل حتى لو ما داوم الموظف دوام كامل .. اسخف شي طبقوه في قطر هو النظام الالكتروني سواء بصمه او بطاقه لانه نظام خالي من الانسانيه ..

عرفت ناس ما يلتزمون بالدوام بالدقيقه لكنهم احسن بمليون مره من الجثث اللي قاعدين على الكراسي من 7ونص لحد الساعه 2 ( وحضورهم فقط للتقييم والراتب ) .. وهم فاضيين طول اليوم ويرفضون يسوون اي شغل من مهامهم في العمل ..
بينما اللي يتأخر نص ساعه مثلا لظروف الزحمه وغيرها او يطلع نص ساعه قبل الدوام علشان يروح يجيب عياله من المدارس ،، يكمل شغله ويشيل شغل غيره ... عندي اخو من هذا النوع وللعلم يخصمون من راتبه وهو يجي الشغل حتى لو عنده اجازه مرضيه في بعض الاحيان واحيانا يداوم للعصر واحيانا يروح يوم السبت .. وفي الاخير اللي ياخذ التقييم الزين هو اللي جالس على الكرسي يتصفح النت ويقرا الجرايد ولا نفع جهة عمله بأي شي ...

يا صاحبة الموضوع ... لو سألتي هالشخص اللي قاعد من اول الدوام لاخر الدوام وش سويت من انجاز للعمل خلال هاليوم ؟ بيقول لج ما سويت شي ... شنهو راح يكون رايج بصراحه ؟

[بو خليفه 123]

المدير مهب مضطر يلتزم بساعات الدوام كامله بحكم ارتباطاته الخارجيه..

و مهب لازم يخلي كل الموظفين يعرفون انه هو طالع بدري نص ساعه و بيرجع..

هو له مدير ايضاً يقيمه ..

لكن الأهم من ذلك انه اذا المدير كان خارج الاداره يكون غيابه مثل وجوده (الغايب الحاضر) هنا تتطلب شخصيه قياديه و ليس مدير فقط

[توشيبا]

اتفق مع اخوي خليفه

دوامي انا من الساعه 7 ونص لين 2 الظهر

الله يشهد علي اني اصلي الفجر في مسجد الدوام واطلع العصر وبعض الاحيان اتم لين 10 الليل مع شفت العصر

فيني مرض حب للدوام

مع هذا لو اتاخر ربع ساعه عن الدوام بياكلوني بقشوري وبينسون من اول يوم لحد اخر يوم اني متاخرت واجي قبل الدوام بساعات

[طلعة الروح]

ماعتقد انه في قانون يقول ان ساعات العمل 8 ساعات ونص؟:telephone:

[almaf1a]

مشكلة اللي يشوف فوق بنظرة غير صحيحة ،، المفروض كل شخص عليه من نفسه و يأدي واجبه بدون تذمر ،،

اما اجلس اقول ليش هذا و ليش ذاك و ليش هذا خذ و هذا اكل و هذا و هذا ،، فأعلم بأن هذا الشخص غير منتج و غير صالح للعمل و كثير المشاكل و لا يصلح للوظائف العليا ،،

و للاسف نشوف نفس الاشخاص يطالبون بترقيات و زيادات في الاساسي و كله هم المظلومين ،،

لحد يفهمني غلط و كلامي على الاشخاص اللي يتذمرون على كل حبه ،، :nice:
،،

:nice:

[moonبنتnight]

ولكن 00
الاول في تقييم الاداء 00
الاول في أخذ مكافآت 00
الاول في استحقاقه جميع العلاوات 00
الاول في استحقاقه في ذهاب الى دورات والمهمات00
الاول والآخير في اتخاذ القرارت لي تصب في مصلحته وليس مصلحت موظفينه والعمل 00
ولكن الآخير في ذهابه إلى العمل 00

[سان سيمون]

انا يجيني هبوط لو تاخرت على الانصراف وعلى طول اشل شلايلي وابصم ١.٥٤ او اكثر وممكن اتهور وتكون وخمسين اتجيني اغلقه وكتمه لانه بصراحة من تجي وحده ونص اسكر جهازي و اكون مخلصة شغلي فا ليش اقعد لين ٢ الله يذكرة بالخير السكيورتي اذا شافني متحرقصة اطالع الساعة يقول ابصمي يافندم دا الادارة مشيت وعاد ما افرد ريشي وابصم بكل ثقة الا اذا شفت الشؤون الادارية بصموا و لا مديري يعني ما تقدر تحاسبني وانت تطلع بدري

وللأمانة كله ادوام الصبح مبكر قبل الساعة الرسمية وبعض الاحيان نتاخر للمغرب حسب الشغل ولا عمل إضافي ولا غيره فا مايقدرون يحاسبون لانهم بيطيحون في السنتنا يالحريم

[مستوى الدعم]

كثير الاحظ من الموظفين خصوصا المدراء يطلعون بدري من دواماتهم .. يداومون متاخر ويروحون بدري:eek5: وبالذات يوم الخميس يا غياب او محد عالمكاتب؟؟؟؟

طيب ليش؟؟ وش ذنب الموظفين الي تحتهم؟؟؟
لكم القرار....

أختي لم أفهم التساؤل الذي طرحتيه

كيف يتضرر الموظفون الذين لا يلتزم مدراؤهم بساعات الدوام المحددة؟

ألا يُفترض أن لهولاء الموظفين مهام عمل محددة وواضحة؟

ثم إن العديد من المديرين يخرجون لاجتماعات عمل مع مسؤولين أكبر منه.. أو يخرجون لحضور مؤتمرات أو فعاليات..

عزيزتي.. العديد من الناس يربطون كفاءة الموظف بساعات حضوره وانصرافه لا على الانتاجية المحققة خلال العمل.. مع أنني تعاملت مع مسؤولين ربما كانوا لا يستطيعون التواجد 4 ساعات في مقر عملهم.. وكانت انتاجيتهم في تلك الفترة القصيرة أضعاف من يواظبون على مواعيد الحضور والانصراف...

فكما ذكر أخي بوخليفه 123 فالمدير القيادي هو من يستمر العمل بنفس الإيقاع في وجوده وغيابه..

[راسي براسك]

المسأله مش مسألة يطلع ولا مايطلع !
المسأله هل هناك أنتاجية ولالا ؟؟
الخروج لأجتماعات العمل أو الجلوس لبعد فترة الدوامات الرسمية صارت ماتقتصر على المدراء فقط ..

البلد في نهضه من جميع النواحي والأجانب والشركات الأجنبيه والهيئات الخارجيه والداخليه يتطلبون الشراكه والأتفاقيه بينا وبينهم

وبعضهم مايقدر يقابلك في وقت ساعات العمل الرسميه وعشان مصلحة العمل تضطر أنك تقعد لبعد الدوام الرسمي سواء العصر ولا المغرب ولا العشاء احياناً ...

لكن أتوقع اللي تقصده الأخت فوق أنها تقصد التسيب والخروج من المكاتب لأشياء شخصيه ( الأفطار - عدم وجود شي لتأديته )

اذا كانت تقصد الثانيه فهذا شي فعلاً ملاحظ وتعانيه فئه كبيره من الوزارات والشركات والقطاعات العامة والخاصة ..

[فتى الجود]

السلام عليكم

عنوان الموضوع بعييد كل البعد عن مضمون الموضوع


المهم


اى ادارة شفتى فيها هالشيى ؟

وبالنسبة لى انا ماعندى ما نع اداوم 8 ساعات

لكن يكون الدوام عقب صلاة الفجر مباشرةٌ


يعنى الصلاة هالايام تفك على الــ 5.25 صباحاً

نقول الدوام يكون على الــ 6.00 صباحًا