طلب من الاخوان .. للاهميه

[الوجبه]

السلام عليكم ورحمه الله وبركاته

قبل سنه تقريبا عملت قسم للتعريف بقطر في جهه عملى بالخارج .. طبعا استعنت بالكتيبات

والاعلام بالاضافه لحفل العشاء (المجابيس) طبعا شي جديد عليهم :) تقريبا العدد فوق ال 200

المهم اليوم انا ادرس لمده سنه في الخارج ايضا .. وفكرت استدعى احد المشايخ لالقاء

محاظره للطلبه الدارسين .. طبعا كلهم عرب ..

فكرت في مشايخ الدين وركزت على قطر ... ماحصلت احد

فكرت في شخصيه معروفه من قطر استدعيه للتحدث .. ماحصلت ..

اتمنى من عنده (شخص ) او يعرف شخص ممكن يتواجد .. ممكن يراسلني

وكل شي على حسابي بوفر له كل حاجه ..

لكن الاوليه يكون قطري .. والاهم يمثل قطر ويتكلم لعدد فوق ال 500 شخص ..

طبعا ممكن المتحدث يكون شيخ دين يتكلم في النواحي الدينيه (الموضوع عندي) مش اي موضوع يجيب العيد ورمضان :)

او اقتصاد .. ممكن يتكلم عن اقتصاد قطر او انجازات الامير حفظه الله ..

او شخصيه معروفه سياسيا .. التحدث عن العالم العربي والثورات ..

الاهم من قطر .. وبعده ممكن نشوف البديل



شكرا جزيلا ..

[غايه الطواش]

فكرت في مشايخ الدين وركزت على قطر ... ماحصلت احد

فكرت في شخصيه معروفه من قطر استدعيه للتحدث .. ماحصلت ..
سبحان الله اكثر من الشيخ القرضاوي وماحصلت !!!



عندك الشيخ المريخي وكان عنده برنامج واسلوبه حللو ..


لو تتصل في الجهات المعنيه ووزاره الاوقاف او هم الجهه الي بتفيدك اكثر ...

عندك شباب ملف قطر 2022 ....

عندك خالد صالح ممتاز جدا في البرمجه اللغويه العصبيه والدورات الخاصه بالتنميه الذاتيه ....


عندك الدكتور صالح الخليفي ..مدير جامعه قطر سابقا ....

عندك على فطيس المري مال حقوق الانسان

الدكتور سيف الحجري ....


الشخصيات في قطر كثيره وكبيره ...دور عدل بتعين ان شالله

[الوجبه]

اخوي .. الله يطول بعمرك .. القرضاوي مايصلح ابدا ..

ابغي شاب نشيط وشباب ..

كنت اتمنى شخصيه معروفه عربيا .. هذا قصدي ..

اللي ذكرتهم (محليين) بس مافي مانع استعين باحد منهم ..

بس اذا فيه شخصيه معروفه في الاوساط الخارجيه ..

هذا القصد

[غايه الطواش]

اخوي .. الله يطول بعمرك .. القرضاوي مايصلح ابدا ..

ابغي شاب نشيط وشباب ..

كنت اتمنى شخصيه معروفه عربيا .. هذا قصدي ..

اللي ذكرتهم (محليين) بس مافي مانع استعين باحد منهم ..

بس اذا فيه شخصيه معروفه في الاوساط الخارجيه ..

هذا القصد

شيخ القرضاوي ماينفع ؟؟؟

شباب ملف 2022 محليين ؟؟؟؟
الدكتور خالد صالح محلي ...انت لو تحضر دورات له في دول الخليج الحضور فوق الميه !!!!!

الدكتور علي فطيس المري بس معروف على مستوى محلي..!!!

الدكتور سيف الحجري بس على مستوى محلي.؟؟؟

انت اخوي على اي اساس تقيس على اساس معلوماتك الشخصيه ؟؟؟؟



خلاص اخوي
نقترح اسامي ثانيه
الشيخ حمد بن جاسم بن جبر ...
عبدالله بن حمد العطيه ...
السيد يوسف كمال ....
الدكتور عبدالله بن علي ال ثاني
الدكتور حمد عبدالعزيز الكواري

[الوجبه]

الموضوع هواش اخوي :)

المكان ما يصلح للشيخ يوسف ..

وما يصلح للكوره والجماعه اللي ذكرتهم ..

ولا يصلح للحجري .. ولا يفهومن له ..

ابغي شيخ دين له علاقات بالدول العربيه كلها وبالحضور التلفزيوني في كل التلفزيونات العربيه .. حتى من في القاعه يعرفونه ويعرفون هذا من ..

ابغي سياسي له برامج سياسيه في الجزيره وغيرها او محلل قطري ..

ابغي اقتصادي معروف ..

لا تجيب لي ناس مشغولين مع وزاراتهم واعمالهم هذيلا ما عندهم وقت ..

اوضحت الصوره

[غايه الطواش]

ابغي شيخ دين له علاقات بالدول العربيه كلها وبالحضور التلفزيوني في كل التلفزيونات العربيه

لغز هاي كل التلفزيونات العربيه ..

الدكتور محمد المسفر ....

[الوجبه]

الله يهديك بس ..

مع احترامي للمسفر .. انا مش مقتنع فيه اصلا

[Bozizoo]

انت مالك حل
انت في راسك شي ولا تبي تأخذ غيره
عموما الله يوفقك اخوي

[elders]

انا برتاح لحكي الدكتور ابراهيم عبد الله الانصاري الله يجزيه الخير ويباركله واعي وومثقف ومتحدث ولا ازكيه على الله ...بس ما بعرف ازا مشهور على التلفزيون او غيرو

[استغفرالله]

عليك بفنار -مركز التعريف بالاسلام عندهم مشايخ قطريين فيهم اليركة

وين هالدولة وايش الهدف من دعوتهم لتتضح الصورة

والاقتصاديين عندك كثير في قطر ومستعدين ببلاش يعرفون عن قطر

[ريتويت]

شيخ القرضاوي ماينفع ؟؟؟

شباب ملف 2022 محليين ؟؟؟؟
الدكتور خالد صالح محلي ...انت لو تحضر دورات له في دول الخليج الحضور فوق الميه !!!!!

الدكتور علي فطيس المري بس معروف على مستوى محلي..!!!

الدكتور سيف الحجري بس على مستوى محلي.؟؟؟

انت اخوي على اي اساس تقيس على اساس معلوماتك الشخصيه ؟؟؟؟



خلاص اخوي
نقترح اسامي ثانيه
الشيخ حمد بن جاسم بن جبر ...
عبدالله بن حمد العطيه ...
السيد يوسف كمال ....
الدكتور عبدالله بن علي ال ثاني
الدكتور حمد عبدالعزيز الكواري

احس ان الموضوع بيقلب هواش .. ياجماعه صلوا على النبي

[استغفرالله]

ينفعون لك عقيل الجناحي و الحمادي

ومقدم البرامج الدينية في تلفزيون قطر

[فلتة زمانها]

اخوي وضح هدفك عشان الجماعه يقدرون يساعدونك انت محتاج الشيخ في اي مجال مثلا
شرايك في الشيخ موافي عزب او القره داغي مادري كتبت اسمه صح اممممم بس هاي الي اذكرهم

[الزعفراني]

سجل عندك :

1- الداعية أحمد الحمادي

2- الداعية أحمد البوعينين

3- أحمد السليطي - رئيس تحرير جريدة الوطن

4- حسن الذوادي - المدير التنفيذي لملف قطر 2022

5- د. أحمد عبيدان - عضو لجنة إعداد الدستور .

6- د. ربيعة الكواري - جامعة قطر

7- د. إبراهيم النعيمي - كلية المجتمع

8- المفكر جاسم سلطان .

9- د. عبدالعزيز الحر - شبكة الجزيرة .

10 - د. إبراهيم عبدالله الانصاري - إسلام أون لاين

11- عايض القحطاني - مؤسسة راف الخيرية

[كلنا قطر 1981]

اخوي الوجبه

مع احترامي لك

انا كنت برشح لك الدكتور محمد المسفر لاعجابي الشديد بشخصه و نظرته العربيه المستقبليه

بس لقيت في رد من ردودك على الاخت غاية الطواش انك بعد ما تبيه او مب مقتنع فيه و هذا

رايك

اخوي ممكن توضح الي تبيه او نوع المحاضره لانه في الكثير من الاسماء لها وزنها و

احترامها و انت رفضتها

فا لو توضح لنا المطلوب من الامر و انشاء الله بنعطيك اسامي تفيدك باذن الله

[حقيقه]

زين بتعرض هاللقاء على التلفزيون أو النت ؟؟ نبي أنشوف

[الوجبه]

1- الداعية أحمد الحمادي .. الله يطول بعمره .. بس الشيخ كبير سن وهادئ والقاعه فيها فوق ال 500

2- الداعية أحمد البوعينين ( ممكن)

3- أحمد السليطي - رئيس تحرير جريدة الوطن .. ما يصلح محاظر .. فيه فرق بين الكاتب والمحاظر .

4- حسن الذوادي - المدير التنفيذي لملف قطر .. ايش بيستفيدون الحظور من كوره .

5- د. أحمد عبيدان - عضو لجنة إعداد الدستور ... هذا محلي

6- د. ربيعة الكواري - جامعة قطر وايضا هذا محلي

7- د. إبراهيم النعيمي - كلية المجتمع هذا محلي ايضا

8- المفكر جاسم سلطان .,, محلي

9- د. عبدالعزيز الحر - شبكة الجزيرة . ( ممكن)

10 - د. إبراهيم عبدالله الانصاري - إسلام أون لاين (ممكن)

11- عايض القحطاني - مؤسسة راف الخيرية هذا مايعطي محاظرات فقط يستظيف

[الشامخ]

اذا كانو شباب فالشيخ احمد البوعنين وانت مغمض وبتدعي لي ،

[الوجبه]

احد عنده رقم الشيخ البوعينين :)

طبعا هذا لقطر مش لشخص الوجبه .. والهدف واحد اكيد :)

[الشامخ]

راسلني على الخاص ، وابشر بالخير

[بصمة قطرية]

الله يوفقــك أخوي الوجبــه ..
و يجـــزيك خير ..
و يعطيــك على قـد نيتــك ~ :)

[روح الاطلس]

في قطر ماعندنا شخصيات بارزة اعلامياً مثل الشخصية اللي في بالك وتدور عليها

لكن ارشح لك الدكتور عبدالحميد الانصاري ^_^ ترا يطلع بالفضائيات وله تطلعات دينية-سياسية ومتبني الفكر الحداثي

[الوجبه]

والله يا روح انج فاهمتني ... وفاهمه اللي ابحث عنهم .. وعارفه االمطلوب بصفتج اكاديميه ..

واعتقد في السلك التعليمي ..

صحيح ما عندنا ..

بس اختي انا ابغي قطري (دمه) قطري (روحه) قطري .. فلا تعطيني اسامي مره ثانيه :)

بشوف الشيخ البوعينين .. عند اخونا الكاسر .. يقول تقهوى عندي على الخاص ما يبغي يرسله :) ..

..

شكرا اختي بصمه الله يطول بعمرج

[تحداني]

الكفيف القطري النعيمي

حاصل على دكتوراه ... عمل مع الشيخه موزا فتره طويله
له بصمات كبيره في العالم العربي والعالمي
ثقافته الدينيه رائعه
إلمامه بالتعامل مع الغرب رائع
وله قصه مثيره مع الذات ومع اهله وابنائه
حقيقه بعد ما قابلني في احد المرات لمهمه انسانيه تغيرت بداخلي الكثير من الامور .. شخص مبدع للغايه



رقمه وعنوانه بالكامل لدي لكن بعد اسبوع استطيع ان ازودك به


جملك الله برضاه

[elders]

الدكتور ابراهيم الانصاري ما شاء الله عنه

[elders]

انا عندي نقص بي 12 :shy:

[الوجبه]

السلام عليكم ورحمه الله وبركاته

تم التنسيق مع الشيخ الفاضل احمد البوعينين
http://t3.gstatic.com/images?q=tbn:ANd9GcQ4nxsFtDcE_IgCwWKOBHe499UUer0A3 9omy6_Pm8Qb_isvcGPqBoVoi7zC5Q
وايضا الدكتور جاسم السلطان
http://www.4nahda.com/sites/default/files/get_img.jpg


شكرا للجميع

[موضي قطر]

بالتوفيق ..


اخوي الوجبه .. واحسك تعبت وانت تدور الشخصية المناسبة .. مشكلتنا حتى لو فيه شخص مناسب .. ماندري عنه للأسف

[بوطويشم]

السلام عليكم

عندك الشيوخ المريخي و البوعينين وغيرهم

واذا تربويين عندك الحرمي و عقيل الجناحي

مافي غيرهم

الخجل الأعلامي مشكلة