مكاتب الخدم وسرقه اموال العميل

[الشيخة شيوخة]

الكل يعرف ظلم مكاتب الخدم وذمتهم الواسعة في التلاعب والتحايل على العميل يقدم للعميل الصوره فقط ولكن لايتم شرح اى شي اخر لان الاخ موفاظى ماعنده وقت بس عليك يالعميل شوف الصورة واختار الشكل انت وحظك ولكن الافضل هو فتح المجال امام العميل وان يكون له حرية الاختيار سواء من مكتب او من خلال النت لان كم شخص اعرفهم اختاروا عن طريق النت وتوفقوا في طلبهم لانهم يشرحون كل مايريدونه للخادم وعلية الموافقه ام الرفض وهذا هو التطور وليس ان اغلق النت وامنع جلب الخدم منه بحجة النظام كلها فيزا سوا عن طريق المكتب او النت ويكون ارخص للعميل اعرف مكتب تعاملت معه اذا ارد شي يقولى روحى الجوازات خلصي امورك وهومستلم منى 8500 ريال خلونا نختار عن طريق النت هذا هو التطور لتلوعون كبودنا مثل الدش

[بومحمد55]

الشهر اللي طاف قدمت على خدامه فلبنيه في أحدى المكاتب في سوق العلي شفت صورتها عاديه

وعمرها تقريبا 39 أو 40 وخلصت معاهم وراح وطلع الفيزا وبعد أسبوعين أتصلي وقالي الخدامه

اللي أخترتها يبين عليها مزوره في العمر لأن من شكلها كبيره أكبر من 40 سنه ...

وقالي تبيني أكمل الأجراءات ولا أكنسل وتقدر تاخذ فلوسك أو تغير الخدامه ....

[doha2012]

واللي يقهر اذا رديت الشغاله يقولون لك

انتظر حتى ياخذها احد ثاني ونعطيك غيرها او نغير الفيزا

والاسعار يقولون كل شي غلا حتى البلاد اللي نجيبهم منهم غلوا


الله المستعان


الله يعطينا من خيرهم ويكفينا شرهم

[خليفـة]

يا زين ايام اول
تتفق مع خدامتك الموجوده عندك في البيت تجيب اختها او بنت حد من جماعتها
وتطرش لها نص قيمة التذكرة .. ولما توصل تعطيها النص الثاني
وكان الله غفوراً رحيماً
يعني بالعربي .. توصل وتسوي لها القومسيون و و و الخ ..
وفي الأخير ماتوصل التكلفة عليك 3000 ريال

لكن للأسف
الجماعة منعوا هالنظام
لأسباب احتفظ بها لنفسي
:)

خليفــة

[الشيخة شيوخة]

الاسباب الى تقول عنها هى لصالح المكاتب وليس لصالح العميل

[كود نمبر]

السلام عيكم

الاسبوع الي طاف مريت على مكتب واخترت لي وحده
عطوني رقمها اتصلت فيها وخليت الجماعه يستفسرون عن كل شي منها
لانها شغاله في الامارات ٤ سنوات واتفقنا معاها وهي فلبينيه خذو مني
٨٠٠٠ شامله كل شي

[فتى الجود]

السلام عليكم


كلامك صحيح والله يعينا ويعنيكم عليهم عموماً

للعلم بالشيئ :


في حالة وجود شكوى ضد مكاتب الخدم

ممكن التوجه الى جهة الاختصاص


وهي :

وزارة العمل
ادارة تفتيش العمل
قسم استخدام مكاتب الخدم

موقعهم :

بمبنى ادارة تفتيش العمل بالهلال مشاهد جريدة الراية جنب (( شرق )) السينمات

بالدور الاول اول مكتب على يدك اليمين .

عند الاخ / فارس الكعبي