ليش"شهر العسل" لازم يكون في بلاد بعيدة !

[بازار]

بسم الله والصلاة والسلام على رسول الله ..

حبيت لو تشاركوني بآرائكم حول موضوع

سفر "المعرس و العروس" في شهر العسل لبلاد "بعيدة"

واخترت كلمة بعيدة عشان تشمل كل الجهات ..

مع ان هناك بالدول "الخليجية" فنادق افضل منتجعات افضل اكل افضل وفوق هذا

قـــريب ،، ولو بيقارن الاخ المعرس والاخت العروس تكاليف الرحلتين اتوقع دبي او غيرها من

دول الخليج راح يكون موفر اكثر من نص تكاليف الرحلة البعيدة .

وجهة نظر لا اكثر ولا اقل ،،

اتمنى تشاركوني برايكم



=

[elders]

بتوقع لانو عرسان فبكون في الميزانية مبلغ لشهر العسل بالاضافة الى اجازة للاثنين فوق الاسبوع ...البلدان القريبة اكيد ممكن ينبسطو فيها بس احسن يخلوها لبعدين ميزانية اقل وممكن 3 او 4 ايام تكفيها..

[ريتويت]

عشان يشردون من عوار راس اهلهم

[doha2012]

دبي اصبحت اغلا من دول اوروبا واسيا

رحت ماليزيا 10 ايام طلع السكن 12 الف ريال مع فنادق راقيه

وفي دبي 5 ايام كل فندق من الفنادق الراقيه 1200 الى 1600

والاكل سعره سياحي حتى ابو ظبي اسعاره مولعه

الكيك الصغير في كوفي في مجمع فوق 20 ريال

وحدث ولا حرج عن الباقي


سكن غالي واكل غالي وسوق غالي


وجهة نظر لا اكثر

[elders]

عشان يشردون من عوار راس اهلهم

هههههههههههههه الله يسعدك

[خليفـة]

مب شرط اخوي تكون رحلة شهر العسل لبلاد بعيدة
يعتمد على الحالة المادية للزوج من جهة .. وعلى رغبة الزوجين من الجهة الأخرى

فيه ناس مقتدرين يروحون اخر الدنيا
وفيه ناس حالتهم المادية متواضعة ويروحون للدول المجاورة
وفيه ناس الله يكون في عونهم .. فكرة شهر العسل مش على البال اصلاً

خليفــة

[Just Smile]

اخوي السفر للخارج احلى للعرسان من ناحية سياحة للطبيعة و الاماكن الاثرية و الاسواق و الجو اما دول الجوار نفس الجو و الاماكن السياحية و بعضها ما تسوى التكاليف مثل دبي

[الدوحة قطر]

شهر العسل بالنسبه لي كان في ماليزيا تميت تقريبا 10 ليالي وفتريت في ماليزيا فر كولالمبور ولنكاوي وبنينغ وجنتينغ وسكنت في 3 فنادق ومنتجع واحد والفنادق والمنتجع كلهم خمس واربع نجوم وما خليت مكان او نشاط ترفيهي الى رحته والاكل الحمدلله ما عانيت منه كلش كل شي كان متوفر

وشرينا اغراض وصواغي حق الاهل

كل هذا ما كلفني اكثر من 25الف يمكن اقل بعد من غير تذاكر السفر طبعا

ورحت عقب من الاهل كم مرة الامارات اتم بالكثير 4 ليالي وفي فندق واحد

وارجع وانا صارف اقل شي 10 الاف الى 15 الف

طبعا دبي حلوة محد ينكر بس الي يدل فيها مكان ينفع حق العائلات غير القرية العالمية والمجمعات يدليني

انا بدليكم مكان حلو بس مب في دبي في الشارجة الي هو حديقة القصباء دايما في كل سفرة انا والمرة نخصص لنا كم ساعة ننزل فيها الشارجة تقريبا من عقب الساعة 8 ونروح هل حديقة نتم لنا قريب الساعتين نذكر اول ايام زواجنا ^_^

[Rashid554]

عشان ياخذون راحتهم اكثر
غير هذا لو وواحد بيروح دوله خليجيه شهر عسل انصحه يحجز له سيلين ابرك له

[غايه الطواش]

والله ياخوي الكريم ....الدول الخليجيه لو شافوا معاريس معاريس ماتنزل عيونهم من عليهم ...جنهم شافين ناس يايين من الفضاء ..وشوفوهم شوفوهم معاريس !!!
اما الدول العربيه خذ اللقافه والملاقه ...؟؟؟
اما الدول الاجنبيه راحه ...نوعا ما تحس بحريه ...

[NeverLand]

بعد حق الزبو قدام الناس .. الا رحنا فغااانس ولا ايتالي .. ماتعرف تفكير ربعنا شلون!

[بازار]

ننتظر المزيد من المشاركات

[Locale]

ارتاح اكثر من الخليج اللي كله مبققين عينهم

[فلتة زمانها]

بعد حق الزبو قدام الناس .. الا رحنا فغااانس ولا ايتالي .. ماتعرف تفكير ربعنا شلون!

لا فديتج فغانس مال اول الحين موضة باغيس:shy:

[elders]

والله ياخوي الكريم ....الدول الخليجيه لو شافوا معاريس معاريس ماتنزل عيونهم من عليهم ...جنهم شافين ناس يايين من الفضاء ..وشوفوهم شوفوهم معاريس !!!
اما الدول العربيه خذ اللقافه والملاقه ...؟؟؟
اما الدول الاجنبيه راحه ...نوعا ما تحس بحريه ...

كيف يعني بدهم يعرفو انهم معاريس؟

[ريتويت]

لا فديتج فغانس مال اول الحين موضة باغيس:shy:

وش ذا باغيس يامره؟؟

[فلتة زمانها]

وش ذا باغيس يامره؟؟

يعني باريس ياحرمه ههههههه
مثل الي تدلع وتقول اذافري = اظافري:nice:

[شيزكيك]

الصراحه دبي غاليه تونا راجعين وكلفتنا مبلغ وقدره اختي تقول لو رايحين دولة اوربية بيطلع لكم نفس التكاليف

الفنادق غاليه والاكل غالي والتكاسي غاليه والسوق بعد غالي

[OREO]

بعد حق الزبو قدام الناس .. الا رحنا فغااانس ولا ايتالي .. ماتعرف تفكير ربعنا شلون!

عجبني ردك ،، عندنا ناس مهب لاقية قوت يومها لكن مستعده تزابي على حساب البنوك و السلفيات ،،

قاااال ايش !!!

قاااااااال باغيس ،،، هذا المسكين لو اتطلع تاريخه راح تلاقي ما عمره طب الحسا بعد ،،، :rolleyes2:

برايي شهر العسل مافي احلى و احسن من العمره ،،،

[الراقيه سبشل]

تجربه جديدة

او بخاطرهم يزورو البلاد البعيده

:)

[خليفـة]

عجبني ردك ،، عندنا ناس مهب لاقية قوت يومها لكن مستعده تزابي على حساب البنوك و السلفيات ،،

قاااال ايش !!!

قاااااااال باغيس ،،، هذا المسكين لو اتطلع تاريخه راح تلاقي ما عمره طب الحسا بعد ،،، :rolleyes2:

برايي شهر العسل مافي احلى و احسن من العمره ،،،

الحين ما يسمونها باغيس اخوي
يسمونها : باغيه
ههههه
ناس طيبين أوي يا خال
:nice:

[OREO]

الحين ما يسمونها باغيس اخوي
يسمونها : باغيه
ههههه
ناس طيبين أوي يا خال
:nice:

افا ،،، غيروا الاكسنت ،،، اظاهر السلفه زادت و البنوك فاتحين اللمت هههههههههه

حاولت انطق باغيه كذا مره و ما قدرت و كلمت الدكتور قالي لازم تشل السن و تبدله بسن اقصر عشان تقدر تنطقها ،، :rolleyes2:

[لاجل QT]

امممم مدري بس احسة احلى ورومنسية في الدول الاجنبية لطبيعتها وجوها اللى يرد الروح

ممكن فنادقنا احلى من حيث التصميم بلا منافس.. بس وين بيتجيب الجو الحلو والطبيعة الخلابة هاي الشي لايوجد الا في الدول الاوروبية

[مشاكل]

تفكير البعض .. اذا راحوا دولة بعيدة ما فيها عرب بياخذون راحتهم اكثر..مثلا: العروسة تكشخ اكثر وتأخذ راحتها اكثر فالكشخه واللبس والدلع ..الزوج أيضاً ياخذ راحته اكثر مع زوجته في امور الرومانسية وغيره يعني الحب مقطع بعضه..اهم شي مافي عرب..لان الدين في نظر البعض اصحاب هذا الفكر ما يطبق الا على العرب.. ونسوا ان الله تعالى رقيبا عليهم أينما حلوا وارتحلوا ولاحول والقوة الا بالله

[الـقـاسـي]

كلن خسب رغبته وترى الدول القريبه تكلف اكثر بكثير من بعض الدول الاوروبيه

[بوحارب]

شهر العسل قضيته 3 ايام في مكة و 4 ايام في جده

وكانت احلى الأيام:secret::shy:

[hma]

تقرياب شهر العسل مرة وحدة في العمر

ولازم الواحد يأكل العسل ويستمتع بطعمه بدون إزعاج :)

لهالسبب العالم تسافر بعيد علشان ماحد يقدر يوصلهم :) :)

[تحداني]

ما أعرف بس أحسها الدول البعيده أحلى لأنها غير في كل شي... والأجواء هناك مختلفه عن أجواء الخليج .. ويمكن ما تتكرر وايد في حياه الزوجين .. غير عن الدول القريبه ان كانت صعبه بالطياره السياره الله يحفظها موجوده ..



الله يهنيهم دام متفقين


جملكم الله برضاه

[حسن]

امي اتقول ابوك الله يرحمه وداني شهر العسل ام سويه مادري وين هاي في اي بلد

[لاجل QT]

امي اتقول ابوك الله يرحمه وداني شهر العسل ام سويه مادري وين هاي في اي بلد

هههه يحليهم ..والله قبل بعد يدلعون حريمهم..ع بالي لا:shy:

[ريتويت]

شهر العسل قضيته 3 ايام في مكة و 4 ايام في جده

وكانت احلى الأيام:secret::shy:

هوا ده الكلام..

[غايه الطواش]

ليش اي واحد يروح بلاد بعيده قلتوا ديون وسلفيات ....
يمكن الناس مقتدرين.........
واحد وزوجته مسافرين على كيفهم بعد بنتدخل !!!

[مدرسة]

برايي شهر العسل مافي احلى و احسن من العمره ،،،


:victory:

[ام السعف]

ليش اي واحد يروح بلاد بعيده قلتوا ديون وسلفيات ....
يمكن الناس مقتدرين.........
واحد وزوجته مسافرين على كيفهم بعد بنتدخل !!!

صدقتي

مب شرط تكون ديون ،

بس نقدر نقول غلط لو كانت ديون ،،

[بازار]

الحمدلله

زوجتي تصدقت بنص المهر ،، واطلبت مكة والمدينة اسبوع

الله يجزاها خير

[الـمـرقاب]

يعتمد على الحالة الماديه للزوج، إن كان مقتدر بيروح مع زوجته آخر الدنيا،
أما إن كان من ذوي الدخل المحدود، فحدوده بتكون الخليج!

[بازار]

يعتمد على الحالة الماديه للزوج، إن كان مقتدر بيروح مع زوجته آخر الدنيا،
أما إن كان من ذوي الدخل المحدود، فحدوده بتكون الخليج!

ممكن وممكن

[بوحارب]

تقرياب شهر العسل مرة وحدة في العمر

ولازم الواحد يأكل العسل ويستمتع بطعمه بدون إزعاج :)

لهالسبب العالم تسافر بعيد علشان ماحد يقدر يوصلهم :) :)

احنا محد ضيعنا الا كلمة مرة وحده في العمر

نفس العرس مرة وحدة لكن الواحد يتم متحس طول العمر ههههه

اخوي حسن سلم على الوالدة وقولها تسلم على الكرك الحلو ^ـ*

وام سويه ابرك من ماليزيا وربعها :victory:

[تحداني]

يعتمد على الحالة الماديه للزوج، إن كان مقتدر بيروح مع زوجته آخر الدنيا،
أما إن كان من ذوي الدخل المحدود، فحدوده بتكون الخليج!


أحلى مكان هو هذا ( آخر الدنيا ) .. اهم شي ما إتعبه الميزانيه ويكون مقتدر



بوحارب الله يرضى عليك
العمره ومكه من اجمل بقاع هالعالم ما اختلفنا
مافي مانع يودينا آخر الدنيا ونروح ابنفس الوقت العمره
ليش تحسسنا ان احلامنا سخيفه والاماكن الي نروحها اسخف :(


ساعات ما ادري اشلون تتكلمون


جملكم الله برضاه

[R 7 A L]

الله يهديك اخوي قارون


تبي شهر العسل يكون وين .؟

[محمد 93]

احنا محد ضيعنا الا كلمة مرة وحده في العمر

نفس العرس مرة وحدة لكن الواحد يتم متحس طول العمر ههههه

اخوي حسن سلم على الوالدة وقولها تسلم على الكرك الحلو ^ـ*

وام سويه ابرك من ماليزيا وربعها :victory:


خبرك قديم يـ بوحارب ام سويه تشبكت واصبحت ممنوعه علينا:weeping:

[بوحارب]

أحلى مكان هو هذا ( آخر الدنيا ) .. اهم شي ما إتعبه الميزانيه ويكون مقتدر



بوحارب الله يرضى عليك
العمره ومكه من اجمل بقاع هالعالم ما اختلفنا
مافي مانع يودينا آخر الدنيا ونروح ابنفس الوقت العمره
ليش تحسسنا ان احلامنا سخيفه والاماكن الي نروحها اسخف :(


ساعات ما ادري اشلون تتكلمون


جملكم الله برضاه
المهم السالفة تعتمد على حسب الميزانية في الأول

لاتشدون على الزوج ونبي ونبي ولازم هالبلاد الفلانية وهو مسكين حالته حاله




خبرك قديم يـ بوحارب ام سويه تشبكت واصبحت ممنوعه علينا:weeping:

ياريال البر كله صار محمية حتى ام عبيرية مقفله من كل صوب

[تحداني]

المهم السالفة تعتمد على حسب الميزانية في الأول

لاتشدون على الزوج ونبي ونبي ولازم هالبلاد الفلانية وهو مسكين حالته حاله








بارك الله فيك هذا الكلام اهم شي الميزانيه

حاضر تحت امركم ما راح انشدد وانصر .. بس هم انتوا لا اتقولون ما عندنا وما عندنا ونكتشف ان عندكم درزن افلوس خاشينها
والله لو اكتشفنا بعدين لا انخليكم اتعيدون شهر العسل مره ثانيه



علم ؟؟


جملك الله برضاه

[بوحارب]

ههههههههههههههههههههه حلوة تعيديه

عووولم

[بوسلمان 2010]

تسلم اخوي على الموضوع وكل واحد زاستطاعته واغلب المعاريس كله ماليزيا الا الي مخباه مليان اوربا مافي


كلام

[بنت امي]

انا اشوف احلى برا الخليج , لانه اجواء الخليج كلها مثل بعض (ماتحس انك مسافر )

وانا عن نفسي احب الطبيعه , مثل طبيعة تركيا وماليزيا


وبعدين فرصة مدام انكم ثنين وبكره لي جاو العيال ماتقدر حتى تروح الحسا


بالتوفيق

[Class - Qtr]

شهر العسل ,,

اذا السفر في شهر ( 4 - 5 - 6 - 7 - 8 - 9 )

اوربا ,,

هالدول تاخذ لك جوله بحكم القرب ( بلجيكا - هولندا - المانيا - فرنسا )

او تختار طريق اخر .. ( النمسا - سويسرا - ايطاليا - فرنسا )


واللي يبي شرق اسيا ,,

ماليزيا - تايلند - سنغافورا


واجوف تكلفه ( 40 ) الف مناسبه حق شهر العسل سوء في اوربا ولا في شرق اسيا

مدة 15 يوم

[sweet qatar]

http://www.top10story.com/wp-content/uploads/2010/08/most-romantic-places-in-the-world-seychelles-beach1.jpg

هالشي موجود في كل الثقافات.. مكان نائي وبعيد عن العالم.. romantic getaway على ما يسمونه..

واذا عالتكاليف.. تبي تقنعني ان الخليج ارخص من بره..!!

خذ لك لفة على الفنادق المحترمة في الدوحة ودبي والسعودية.. اقصد الفنادق الي تنفع لمعاريس..

وبعد شوف الاسعار الخيالية للشاليهات عندنا..

وقارنها بأسعار وفنادق الجزر البعيدة وبتلقى ان البعيد اوفر لك حتى لو فوقه تذاكر بيزنس..


السفر حرية شخصية.. والناس أذواق..



ضحكتني الي قالت ان اهل الخليج تطلع عيونهم لما يشوفون معاريس..

وانتي الصادقة لو تمشيتي مع اخوج بيطلون فيج وفيه.. عاد هني تحلا اللعانة :victory:

وترى حتى لو رحتي اوروبا او شرق آسيا.. بتلقين نفس التعليقات..

الله يشغلنا بأنفسنا عن العباد..

[sweet qatar]

واجوف تكلفه ( 40 ) الف مناسبه حق شهر العسل سوء في اوربا ولا في شرق اسيا

مدة 15 يوم

صح..

في الوقت الي بعض الأماكن في دبي ممكن الايجار بس يكون بهالقيمة..

[الشيخة شيوخة]

انا اقولك ليش يمكن تكون اول واخر سفرة لهم مع بعض لان بعد الزواج ينقلب الحال يصير رد الزوج مااااعندى ماقدر موفاضى وهم بيقول سفرتك في شهر البصل :omg: اقصد شعر لمربى :omg: اقصد شعر العسل المغشوش :nice:

[أسير الاسهم]

دائماً اختيار المناطق البعيدة لشهر العسل يكون عشان يبعدون عن الناس اللي يعرفونهم واهلهم ويتولفون على بعضهم البعض .. واختيار ايضا البلاد البعيده وخاصة المناطق الهادية والجزر حاجه معروفه يبون الهدوء والرومانسيه

هذي وجهة نظري

[بوحمد111]

احلى مكان لشهر العسل رحلة بين مكة والمدينه

[لاجل QT]

عج اليوم غبار وشمس حارة وتبون شهر العسل هنا:(

خلهم يشردون يستانسون في الدول الاوروبية ..هناك فرق على الاقل مافي رمل:(

[Qa10]

هروب من مراقبة الناس لهم ، عشان مايحس الزوج انه سوا كبيرة من الكبائر
بعدين كل شخص له ميول ماله دخل القدر المالية وهالسوالف في ناس عندهم خير ومايحبون الا دول الخليج ، عادات وتقاليد

[قطريه ماركه]

عاادي مب شرط بلاد بعيدة .. حتى لو بلاد قريبة ...

تظل الايام الاولى للزواج احلى ايام العمر ................