صح النوم يالقمسيون الطبي

[بومحمد55]

أخوي عنده خدامه صار لها تقريبا شهر وطبعاً وداها القمسيون وطلعت سلميه

من القمسيون وبعد فتره كم يوم مرضت الخدامه ويوم راحت المستشفى وبعد الفحوصات

أكتشفو أنها تحمل مرض السل وبعدين أعترفت الخادمه أنها على علم بهذا المرض من موطنها.

من المسؤال لو العدوى أنتقلت للأطفال وأهل البيت ؟

[المسك1969]

مع ان كانت عندي شغاله وأعادوا فحصها مرتين بدون ما يخبروني بمرضها وكان عندها السل... لين التحليل الثاني خبروني اروح رميله ورحت العيادة قلت ليش هاي كله قالوا حتى نتاكد

يه خلاص دام عرفتوا شله بعد اخليها معاي في البيت... وطبعا لازم تحجز لها حتى تسافر ولازم اتم في بيتي لين السفر ولا يستقبلها المستشفى ولا البحث والمتابعه

الله المستعان

[بصمة قطرية]

لا حول ولا قوة الا بالله ..
خرعتوني .. :(
شلون يطلع الفحص سليم ..!!
و هالمرض مش بسيط و معدي ..!!؟؟
من المسؤول الحين ..؟؟

[بومحمد55]

وعشان يتأكد وداها المستشفى الأهلي وبعد ماتأكد على طول مطار تايم

[الدوحه1]

أخوي عنده خدامه صار لها تقريبا شهر وطبعاً وداها القمسيون وطلعت سلميه

من القمسيون وبعد فتره كم يوم مرضت الخدامه ويوم راحت المستشفى وبعد الفحوصات

أكتشفو أنها تحمل مرض السل وبعدين أعترفت الخادمه أنها على علم بهذا المرض من موطنها.

من المسؤال لو العدوى أنتقلت للأطفال وأهل البيت ؟

شوفلك محامي"شاطر"و ارفع عليهم قضيه بتهمة" الاهمال وتعريض حياة الاخرين للخطر"

[R 7 A L]

شدخل القمسيون الطبي ؟
!

الى نعرفه أنه مجرد وسيط بين الجمهور وموسسة حمد الطبية
اللوم على حمد الطبية

مو أهي الى تفحص ؟ وتأخذ التحاليل ؟

[al-buainain]

لا حول ولا قوة الا بالله


مؤسسة حمد الطبية والقمسيون الطبي بحاجة الى ماسة الى الرقابة في ما يخص الفحوصات وغيرها من امور تتعلق بهذا النوع من المواضيع

هل هو اهمال ام لا توجد كفائة في الفرق الطبية والتجهيزات لفحص الامراض ؟؟

السؤال المطروح من يتحمل المسؤلية لو انتقلت العدوى لاهل البيت ؟؟؟

[كازانوفا]

معقول ما بين معاهم انها مريضه؟؟والا شغل الواسطات بينهم سوى شغله عدل بين هالاجانب

[تعليقي]

مشاكل القومسيون الطبي حدث ولا حرج



بدايةً من المراجعين ونهايةً بالموظفين << حتى تأمين صحي ماعندهم



ليش الأمراض تدخل للبلاد بسهولة ؟


1- يكون موعد الفحص بعد شهر وينتشر المرض(للشركات)<< وش الفايده من الفحص بعد انتشار المرض.

2-عدم وجود قوانين صارمة للتعامل مع المصاب للسفر بأقصى سرعة<< طبعأً لازم تدخل الداخلية.

3- عدم شمولية فحوصات القومسيون الطبي<< فحص يروح للرميلة وثلاث اسابيع حتى تطلع النتيجة والثاني مستشفى حمد ونفس القصة.

4-القومسيون غير قادر على استقبال الآلف كل يوم<< مبنى دور واحد ومكان واحد في الدوحة فقط.


الحلول في وجهة نظري....



-في رأيي ان تقوم وزارة الداخلية بإدارة القومسيون الطبي كنفوذ بالتعاون مع
القسم الطبي وقسم التمريض وقسم الأشعة.


-لابد من وزارة الداخلية ان تضع في عين الإعتبار ان الأمراض من اكبر المخاطر التي تواجه البلاد فلابد ان يكون لها دور من خلال القومسيون الطبي للحد من انتشار الأمراض

-إلزام مكاتب الإستقدام بفحص العمالة وعدم تسليمها للكفيل قبل التأكد من سلامتها

-لابد ان توجد فروع للقومسيون/الصناعية/راس لفان/المطار



وزارة الداخلية تقوم بجهد جبار وملحوض فلابد التدخل للحد من انتشار المرضى في البلاد

[doha2012]

لاحول ولاقوة الا بالله


الله المستعان

[الحاقول]

الصحه بحاجه الى صحه

[ummalaz]

شدخل القمسيون الطبي ؟
!

الى نعرفه أنه مجرد وسيط بين الجمهور وموسسة حمد الطبية
اللوم على حمد الطبية

مو أهي الى تفحص ؟ وتأخذ التحاليل ؟

كلام سليم 100‏‏/100

[khaldoon]

شدخل القمسيون الطبي ؟
!

الى نعرفه أنه مجرد وسيط بين الجمهور وموسسة حمد الطبية
اللوم على حمد الطبية

مو أهي الى تفحص ؟ وتأخذ التحاليل ؟

اخوي العزيز رحال...القومسيون الطبي اصلا موجود للتأكد ان كل الوافدين الجدد و الزوار اللي بيزوروا البلد اكثر من شهر خاليين من الامراض المعدية و ليس الامراض المزمنة و القاتله

يعني السل احد الامراض المعدية...الايدز و جنون البقر و انفلونزا الطيور و هالاشياء هذه و قد تكون قاتلة بس المهم انها معدية اولا

اما اللي مريض بالسرطان و القلب مثلا فهو مرض قاتل و لكن ليس معدي

و الا ليش اصلا موجود القومسيون الطبي و ليش ما يسوونه الا للوافدين و الزوار؟

ما تنطبع الاقامة لاحد جديد الا لما يكون خالي من الامراض المعدية قبل قدومه للدولة

[بوسلمان 2010]

اما انا عن نفسي اي خدامة اجيبها لازم تخلص الفحص الطبي عن طريق المكتب وعقب اجيبها البيت في بعض


المكاتب يخذون رسوم زيادة 250 ريال وهو مسؤل عنها يوديها الفحص وبعد ماتطلع النتيجه اوكيه يكلمك


وبعد يااخواني المشكله عندنا في الخور المركز الصحي اذا جبت خادمة او صبي جديد اسبوع الين 10 ايام


حتى تظهر نتيجت الفحص وايد طويله

[khaldoon]

اما انا عن نفسي اي خدامة اجيبها لازم تخلص الفحص الطبي عن طريق المكتب وعقب اجيبها البيت في بعض


المكاتب يخذون رسوم زيادة 250 ريال وهو مسؤل عنها يوديها الفحص وبعد ماتطلع النتيجه اوكيه يكلمك


وبعد يااخواني المشكله عندنا في الخور المركز الصحي اذا جبت خادمة او صبي جديد اسبوع الين 10 ايام


حتى تظهر نتيجت الفحص وايد طويله


الله يعينك عليهم.....استغلال واضح...لو انت سويت الفحص يكلفك 100 ريال و تظهر النتيجة خلال 3 ايام بس

[umm yousef]

في القومسيون فقط صورة للصدر هي الحكم لاي التهاب فالصدر ، بالرغم من وجود تحليلين اخرين :
1-الابرة تحت الجلد و تنقاس درجه الاحمرار بعد 72 ساعه اظن. اسمها ppd.
2- تحليل دم فقط يتم ف حمد عن طريق عيادة الامراض الانتقاليه او اي عيادة مختصة .

كل تحاليل الدم الي تنسحب فالقومسيون يتم اجراءها ف مختبرات القومسيون . و يستقبل اكثر من 2500 مراجع يوميا. اذا ما صار اكثر بعد فتح الفترة المسائية..

ما تشوفون شر :)

[شبه الملاك]

ب العكس اخوي ترى القومسيون وايد دقيقين في ه الشغلات و خاصه مع العماله المنزليه لانها يعيشون في البيت و مع الاطفال ونتيجة الاشعه ممكن تاخذها ثاني يوم ترى كلهم اختصاصين في الاشعه ودكاتره ولازم الي يجيب شغاله يفحصها من ثاني يوم عشان في امراض تنتقل عبر التنفس

[راشد محمد]

الله المستعان