][ درجه إستثنائيه مستحقه والظلم من الموظفات !! ][

[مريش]

السلام عليكم ورحمه الله وبركاته

حاب أفضفض في مكان الفضفض والشكاوي فيه مسموعه وقد إجد حل
منكم , حد يحب يعيش بظلم ويسكت لن السكوت فتره بسيطه قبل الأنفجار :anger1:

الحمدلله وبفضل من ربي كان تقديري ممتاز لـ سنتين 2009 و 2010
ولازالت إدارتي لم ترقيني الى درجه رغم إستحقاقي لها
الموظفات ترقو وهو من رقو عمرهم وإسمي الظاهر طاح سهواً :rolleyes2:
ولما تكلمهم كأنهم مايعرفون القانون ومايفهمون شيء !!
على فكره مو بس أنا إشتكي من هالأداره 80%100 من الموظفين
يشتكون على هالموظفات الي مو مأديين واجبهم

ترقيه نسوها - أوراق ضيعوها - إجازات شقوها !!!
لكن ماراح ينعمل لهم شيء لانهم بنات :rolleyes2: كأني أقول ملاك وليسو
بنات عادي نحن في قطر المحاسبه فقط للشباب :telephone:

وانا مالي فيهم جعهم ماتحاسبو , لكن حقي من يجيبه لي
مابي الا درجتي + آثر رجعي

حد عنده خبره ويفيدني لان نفسيتي وربي :(

وهل إستحق الآثر رجعي , لان إنظلمت فيها وإذا جاتني درجتي بدون آثر رجعي
راح يكون حسابي شخصي مع هالأداره

والظلم ظلمات يوم القيامه وحسبنا الله ونعم الوكيل

[wadha-qa]

اكتب كتاب لمدير الموارد البشريه و وقعها من مديرك و ودها بنفسك للموارد و ان شاء الله تاخذ حقك

[روح الاطلس]

ما اعتقد له خص انهم بنات يعني هم ملاك!! ومايتحاسبون !! هالامور في مخيلتك انت اسمح لي بهالكلمة

انت ترى لانهم بنات يعني مايشتغلون وما يأدون واجباتهم وانت لانك شاب تشتغل وتكرف؟؟ عيني بعينك :)

ومافهمت شنو تقصد انهم الموظفات رقوا انفسهم؟ شلون رقوا انفسهم؟؟

انت اذا تبي درجة استثنائيه كلم مديرك ولا تجيب له طاري اشمعنى فلانه وفلانه ترقت وانا لا .. وضح له انك تستحق لتقديرك وحاول مره ومرتين وثلاث واسأل الموارد البشرية

[sweet qatar]

حاسه فيك يا اخوي.. لكن طول بالك شوي..

الاستثنائية رزق.. وعسى الله يكتبها لي ولك ولكل الموظفين الي يستاهلون..

و ما فيها أثر رجعي.. هذا الي يخلي الواحد يحترق وهو ينتظرها..

و تكون بيد الوزير.. يعني حسب الإجراءات الي يتبعونها عندكم لكن عادة تكون واحد من اثنين اما مديرك يرسل للرئيس مباشرة او ترسلون للموارد البشرية والموارد ترفع مذكرة للرئيس للموافقة..

الي تسويه طال عمرك اذا على كلامك يضيعون الاوراق تاخذ نسخ من تقاييمك السابقة ونسخة من الكتاب الي بتوقيع مديرك وتحتفظ بها للحاجة..

وتتابع اوراقك اول باول لين توصل..


وعليك بالدعاء وكثرة التصدق .. عشان ربك ييسر امورك..


ما بقولك لاتتكلم جذي عن البنات ولا تظلمهم.. انت حر برايك

بس بقولك عن شي انا اعرفه..

موظفين وايد خذوا الاستثنائية وهم مايستاهلون.. (( طبعا حسب معرفتي بشغلهم ))..

لكن واحد بالذااااااات اعرف انه مايستاهل اعرف شغله عدل...

انقهرررت لما عرفت انه خذها لكن بعدين ندمت و تعوذت من ابليس

رزقه وخذه.. ليش احط عيني عليه..

وناس ماشالله معاي لهم وقت طويل ماخذينها عسى الله يهنيهم ويكتبها لي..



و ملاحظة صغيرة..: عمر الشباب ما تحاسبوا عندنا ..

البنات شايلين الشغل كله.. وفوقه أخطاء المدراء الي من قلة حيلتهم يقطون عجزهم على الموظفات..

[Northqatar]

السلام عليكم



أولاً :



والظلم ظلمات يوم القيامه وحسبنا الله ونعم الوكيل


ثانياً :


في اى وزارة انت اخوي ؟

[مريش]

اكتب كتاب لمدير الموارد البشريه و وقعها من مديرك و ودها بنفسك للموارد و ان شاء الله تاخذ حقك

إن شاءالله , بس وين مكان مدير الموارد البشريه ؟


ما اعتقد له خص انهم بنات يعني هم ملاك!! ومايتحاسبون !! هالامور في مخيلتك انت اسمح لي بهالكلمة

انت ترى لانهم بنات يعني مايشتغلون وما يأدون واجباتهم وانت لانك شاب تشتغل وتكرف؟؟ عيني بعينك :)

ومافهمت شنو تقصد انهم الموظفات رقوا انفسهم؟ شلون رقوا انفسهم؟؟

انت اذا تبي درجة استثنائيه كلم مديرك ولا تجيب له طاري اشمعنى فلانه وفلانه ترقت وانا لا .. وضح له انك تستحق لتقديرك وحاول مره ومرتين وثلاث واسأل الموارد البشرية

أخوي مو مسأله إنهم بنات وأنا رجال , مو مساله أنهم مايشتغلون وانا إشتغل
بس مساله إنصاف مساله حق مساله مبدأ مساله الاجحاف من بيعمل بضمير

أقصد هم أقراب من الأداره فـ القوانين والأوراق والمدير والتواقيع عندهم
لكن لما كلمتهم انا قالو لي كلامي ماينفهم ولما رحت لمدير الأداره كلامي انفهم
شمعنى يوم انا كلمتهم مافهموني !! مع ان الي كلمتها مسووله الاداره تقريباً
فـ عيب لما تكون جاهله في بعض القوانين والبنود وهم من يعملون بالبنود يومياً

لما كلمت مدير الاداره قال أنت تستاهل قبلهم وقال هم رقو أنفسهم وانت مارقوك !!

لن الى الان لايوج شيء وهالكلام من 4 شهور




حاسه فيك يا اخوي.. لكن طول بالك شوي..

الاستثنائية رزق.. وعسى الله يكتبها لي ولك ولكل الموظفين الي يستاهلون..

و ما فيها أثر رجعي.. هذا الي يخلي الواحد يحترق وهو ينتظرها..

و تكون بيد الوزير.. يعني حسب الإجراءات الي يتبعونها عندكم لكن عادة تكون واحد من اثنين اما مديرك يرسل للرئيس مباشرة او ترسلون للموارد البشرية والموارد ترفع مذكرة للرئيس للموافقة..

الي تسويه طال عمرك اذا على كلامك يضيعون الاوراق تاخذ نسخ من تقاييمك السابقة ونسخة من الكتاب الي بتوقيع مديرك وتحتفظ بها للحاجة..

وتتابع اوراقك اول باول لين توصل..


وعليك بالدعاء وكثرة التصدق .. عشان ربك ييسر امورك..


ما بقولك لاتتكلم جذي عن البنات ولا تظلمهم.. انت حر برايك

بس بقولك عن شي انا اعرفه..

موظفين وايد خذوا الاستثنائية وهم مايستاهلون.. (( طبعا حسب معرفتي بشغلهم ))..

لكن واحد بالذااااااات اعرف انه مايستاهل اعرف شغله عدل...

انقهرررت لما عرفت انه خذها لكن بعدين ندمت و تعوذت من ابليس

رزقه وخذه.. ليش احط عيني عليه..

وناس ماشالله معاي لهم وقت طويل ماخذينها عسى الله يهنيهم ويكتبها لي..



و ملاحظة صغيرة..: عمر الشباب ما تحاسبوا عندنا ..

البنات شايلين الشغل كله.. وفوقه أخطاء المدراء الي من قلة حيلتهم يقطون عجزهم على الموظفات..

متأكده إن مافيها اثر رجعي :(
اذا كلامج صج لي كلام ثاني بهالأداره وقسم بالله ان ارشخهم بتقرير
حسبنا الله ونعم الوكيل :(

مو بس أوراقي والله العظيم يا أختي إنهم مسببين مشاكل من جو للأداره
والشغل صار مايسوى بيزه , والله العظيم ان في ناس تستحق كثير ترقيات
لكن هالموظفات شغلهم بارد وغبي وشيء لايصدق لو جبت لج كل موظف
شكثر تأذي منهم ماراح تصدقين , عالعموم مو كلهم لكن انا خصصت ادارتنا فقط
لان تعاملت وياهم وعارف شغلهم

لكن قسم بالله شيء يضيق الخلق , تدرين إن ادارتنا توهم قامو يسلمون لكل موظف
ورقه فيها ادائه الوظيفي كل سنه وهالورقه مستلمها من يومين
وأقول بقلبي الحين تسلموني اياها يوم كليتو حقي يعني المفروض درجتي من سنه
لكن الله كريم والله لايوفقهم وحسبي الله عليهم , انا واحد والله العظيم ظروفي صعبه
والله العظيم لو كل شخص يدري بظروفي انه لايقعد يفكر في الموضوع الف مره
ويفكر شلون دبرت عمري وشلون وشلون :(
يعني محتاج للترقيه أكثر من أي شخص ثاني

حسبي الله على من ظلمني والله لايسامحه يارب :(

[خليفـة]

اثبت لمسؤولينك ومدرائك وبالدليل القاطع انك ما ترقيت بسبب خطأ الموظفات وحقك بيجيك كامل وبأثر رجعي اخوي
اما انك تشكي الحال في منتدى او في مجلس وبدون ما تحرك ساكن .. تأكد ان النتيجة بتكون لا شيء

الله يوفقك وينصفونك في ترقيتك

خليفــة

[مريش]

اثبت لمسؤولينك ومدرائك وبالدليل القاطع انك ما ترقيت بسبب خطأ الموظفات وحقك بيجيك كامل وبأثر رجعي اخوي
اما انك تشكي الحال في منتدى او في مجلس وبدون ما تحرك ساكن .. تأكد ان النتيجة بتكون لا شيء

الله يوفقك وينصفونك في ترقيتك

خليفــة


صح كلامك , ممكن تحاجج الاداره ومادري ان كان حقوق الأنسان
ينفعونا بهالحاله أو لاء

انا ماشتكيت للمنتدى , انا وصلت موضوعي للاداره ومافي رد
انا كتبت هناك عشان انتو تدلوني على الي أكبر من الاداره ان وجد
حقي ماخذه غصبا من ورى خشوم الاداره وهذا رزق من ربي
ماراح يقطعه لي احد
فقط استفسار على فضفضه , كلها كم يوم راح ارفع تقرير قوي
لكن محتاج افهم القوانين هل يوجد مكان ياخذ حقي او لا فقط لا اكثر
غير الاداره طبعا

[شميرام]

عندنا العكس
ضيعو علي استثنائيه ،،،،يعطون ناس و ناس لا ،،،،،،يخافون منهم يمكن ،،،،،رفعنا تظلم وانرفض

[sweet qatar]

متأكده إن مافيها اثر رجعي :(





هذا الي اعرفه اخوي.. الترقية بالاقدمية فيها اثر رجعي..

لكن الاستثنائية من تاريخ صدور القرار..


راجع ادارة الموارد البشرية عندكم.. وان شالله لهم راي ثاني..

عسى الله يسهل امورك وترقيتك تمشي..



واذا قصدت بكلامك ان المسؤولين متساهلين مع الموظفات ارفعوا شكواكم للاعلى منهم..


دامك ذايق الظلم ياخوي لاتظلم غيرك..

دع الخلق للخالق.. وانشغل بامورك..

[ريم الشمال]

شوف من أكبر من مسؤولك وقدم كتاب تظلم له وأرفع تظلمك حق الموارد البشرية التابع لها شغلك
بالنسبة للظلم الله يرفعه عنك ... وبالنسبة للذين تعتقد أو متأكد من أنهم أضاعوا حقك أنت دعيت عليهم ما أظن دعوة الم/لوم بينها وبين الله حجاب ..
بس نصيحة حق الي في يدهم مسؤولية سواء صغيره أو كبيره راعوا الله في مسؤولياتكم لأن هناك من ينظلم بسبب تقصيركم واجعلوا قول الفاروق نصب عينك عندما قال ( لو أن بغلة عثرت في العراق لسألني الله عنها لما لم تمهد لها الطريق)
فكلنا محاسبون ونسئل الله العفو والمغفره على تقصيرنا

ريم الشمال

[Dawn]

الله يوفقك وتاخذ الدرجة + الأثر الرجعي

ومادري شقول عن البنات اللي في ادارتك ،، لان معروف في كل مكان ان البنت شغلها اكثر بحكم انها ملتزمه بالدوام من اول اليوم لي آخره ... بعكس الشاب اللي يطلع في اي وقت اثناء الدوام .. ( هذا كلام اخواني وهم مسؤولين وخبره ما شا الله ،، ودايما يقولون ان البنات حمير مكده ) .. وانا احس ان هالبنات يمكن مقصرين في شغلهم احتمال ان معطينهم مهام كثيره وقاطين عليهم شغلات مب من اختصاصهم ...

بس انا لو مكانك اوصل لمكتب الوزير بكتاب تظلم مرفق معاه التقاييم ونسخه من الطلب اللي ارسلته لادارتك .. أهم شي ما تسكت ... على قولة المثل الصيني : اللي ماله لسان ياكله الخنفسان ..

بالتوفيق ان شا الله

[راشد محمد]

اخوي اخذ نسخة من كتابك االلي طلبت في الترقيه من الارشيف وووروح حاججهم .

[قلبي قاسي]

اللي حاس انه مظلوم في جهات يقدر يلجئ لها وياخذ حقه بالكامل ولكن يتم يتحلطم في منتدى هالكلام ماراح يجيب له حقه كل طلاب حق المفروض يركض ورى حقه مهب يسكت عنه واما بخصوص الاجازات كان المفروض انك تاخذ منها صورة وتحفتظ فيها فالنسيان وضياع الاوراق شي طبيعي في المؤسسات
( الورقيه ) .. عموما اكتب تظلم واتبع الاجراءات المتبعه في هالخصوص واطلب حقك لا تسكت عنه

[قطريه ماركه]

ما ضاع حق وراه مطالب ........

طالب بحقك أخوي ..