بهدواء ما رئيكم في هذا .....واقعه حقيقيه ...

[بوغانم995]

كنت انا مع الغاليه في رحله الى بانكوك .....وفي المطار كانت الرحله بها الكثير من العوائل ....وفي قاعة الأنتضار ...تركت الغاليه وجريت خلف ...طرزان ....والخادمه معي ...وبعد ...جهد ....أمسكت ....البطل ....وتوجهت للغاليه ...وأذا...بنت الضاهر عروس جديده ... تتجاذب الحديث مع الغاليه ....فأخذت البطل معي ...الى الصاله الأرضيه ....الى ان توجهنا الى الطائره .:nice:

وفي الطائره قالت لي الغاليه ....البنت التي كانت معي توها متزوجه ...امس واليوم رايحين شهر عسل بانكوك .....فقلت لها خوش ...كلام الله يهنيهم ...ويسعدهم .:)

وتأتي الصدف تباعاً ....ان نسكن في فندق الماريت ...JW Marriott ...وتأتي العروس والعريس معنى في نفس الفندق ....:victory:

وعند خروجنا من الفندق صادف وجود العروس ....امام باب الفندق ...تنتظر التكسي مع الزوج ...امانحن فقد كانت الخطه أكتشاف المنطقه المحيطه بالفندق ....من اسواق ..ومحلات على الطريق ...الخ:omen2:

فسلمت عليها الغاليه ...وذهب الكل في حاله ......وفي ثاني يوم صحونا قبل الظهر ....وسيده المطعم....وبعد ..العصر ذهبنا للتنزه ....بأختصار ..:discuss:

عندما رجعنا كانت العروس جالسه لوحدها ...فذهبت الغاليه ..وسلمت عليها ....ورجعت لي وقالت خذا البطل وروح ...الغرف ....باجيكم :omen2:....OK ..

بعد فتره من الزمن جائت الغاليه ....وهي تسب وتلعن ....يامره أيش فيج ....قالت النذل خلا ..بنت الناس ....وذهب لربعه ....بتايه ...: بتايه هذا ..شاطى بحري بعيد ...عن العاصمه بانكوك ....:rolleyes2:

فقلت لها الله يغربله .....يمكن يرجع المغرب .......وعند العشاء كانت العروس ....جالسه لوحدها ...وسرحانه ماتنلام ....فقلت للغاليه الله يخليك ..واسيها ....بس لا تزيدين المواجع ...قولي لها بيرجع لا تحاتينه .... :omg:

المهم خلص وقت العشاء وجاء الليل .......ولا مجيب للعروس المسكينه .....جالسه في نفس الطاوله مشاهده الباب ......فأخذت الغاليه وذهبنا نتمشى ....وكثيراً من العوائل لا حظوا ...ذلك الذي يأشر والذي يتمتم ...بس الله يستر .:omg:

بعد التمشي رجعنا حوالي الساعه عشر ونص .....والبنت في نفس المكان جالسه ...فأخذت العاطفه الغاليه ....وذهبت لها ...وقالت لها تعالي شوي ..انا عازمتج على أكل ....ردت عليها أنا من طلعتوا الى ان رجعتوا ووانا ماتحركت من مكاني ....:weeping:

الغاليه ...جائتني ...وقالت انته أطلع مع الولد ....وانا بالتصرف .....المهم ان البنت ....باتت ليلتها الثانيه بدون زوج .....وتكفلت الغاليه بالمبيت عندها ....والله ان الغاليه جاتني .....وعيونها حمره ...تقول ..انا مانمت .....البنت ماخلت لا ام ولا اب ولا أخو من الطرفين الأ وشكت على زوجها من تصرفه الأحمق .....طول الليل وهي رقع تلفونات وصياح ..وعليه قطعت قلبي ..:eek5:

وفي اليوم الثالث ....والعروس جالسه في نفس الطاوله ....وعينها على باب الفندق ...وأحنا نراقب الموقف ...قبل الخروج في الليل ...واذا بتكسي يقف ..وينزل الأخ ...يتمطرق ...كنه ماعامل أي غلط ....:secret:

وتقوم البنت .....وهي مومصدقه انه عاد ....وتشب مشاجره عنيفه من جانب العروس ...وينسحب العريس ....وهي خلفه ....بعد ان كتمت ..غيضها بعد دخول الفندق ...وعند المصاعد دار حديث سمعه الغريب منهم ...ونصحت الغاليه بعدم التدخل ......وركب الأثنان المصعد ......:anger1:

وفي اليوم الثاني ....مسكت الشاب ....وقلت له يأخي ...أسمحلي هذه حياتك بس بنات الناس ماهي لعبه بيدكم ....والزواج ميثاق ...وأحترام هذا الميثاق ....هو السعاده بعينها ...تصور لو كانت بنتك ...وحصل لها الذي انته عملته في بنت الناس ....يأخي خفنا على البنت أتجنن وتنتحر ....:telephone:

وتأسف لي بس بعد ماوقع الفاس في الراس ......والله ان هذا الذي حدث ....والله حرام ...وانا أقول يأخي وأختي ,,,اذا أقدمتوا على الزواج أخلصوا النيه لله وحده ........بس

مارئيكم في هذه ... الواقعه .....بعدها....لم...نعرف ماذا حدث هل سافروا ..او غيروا الفندق ...الله أعلم .....هذا الذي صار ......وبسسسسسسسسس

[نتفـه]

صج قهر .. الله يصلح حالهم ويهنيهم ..
وجزاكم الله خير على مواساة الاخت ونصيحة الاخ ..

[لاجل QT]

لاحول ولاقوة الا بالله

هذا مبين علية مااستحمل يكون بوجهين لفترة طويلة مثل الباقي.. على طول من اولها..وفي شهر العسل عاد..وفي الغربة مالها الا هو!!

مدري ماعندى تعليق اكثر ..الاغلبية كذا عاجلا ام اجلا الله يهديهم

[@north_star@]

لا حول ولا قوة الا بالله الله يهديه ويصلح حاله يعني بشهر العسل وما قدر يصبر على ربعه وخلى بنت الناس بروحها ..... والله تصرف غريب وجزاك الله خير اخوي بو غانم انك نصحته

[همسه]

لا حول ولا قوة إلا بالله العلي العظيم

قد الدعوه عليه على طرف لساني لكن الدعوه له بالهدايه اولى لأنه يكفي دعوتها عليه و هي مظلومه

شذنبها ياخذها من بيت اهلها وهو مب كفو الزواج وش ذنب اهلها اللي امنو على بنتهم معاه مخليها في بلاد الغربه بروحها سلموه الامانه ولا كان كفو ولا هو برجال ولا يستاهل

وهذي غلطة الاهل اللي يزوجون عيالهم وهم عادهم ماعندهم حس المسئوليه بس بمجرد اي بزر يقول لأهله زوجوني طارو من الفرحه وراحو يخطبون له و يظلمون معاه بنات الناس

كل اب و كل ام قبل لا تخطبون لعيالكم حكمو ضميركم و تخيلو بنات الناس بناتكم هل ترضون على بناتكم اول تأكدو من ولدكم اذا رجال و يتحمل الزواج و المسئوليه ولا تظلمون بنات الناس و يدعون عليكم و دعوة المظلوم ما بينها وبين الله سبحانه و تعالى حجاب

اسفه على حدة ردي بس الموقف قوي كسرت خاطري العروس

[OTOsan]

غريب ..ومستنكر بشده هذا التصرف ..!!

اذا كان هذا فعل العريس من البداية .. فما الذي يمكن ان تحمله الايام لهذه العروس التي رماها حظها لتكون في رعاية هذا الزوج اللامسؤول ..!

ولماذا تزوجها بالاصل ان كان لن يتحمل مسؤولية رعايتها والاهتمام بها ..!!

غريبة ..!!

[حنان k]

إذا هذا أوله ينعاف تاليه
إذا هذه عملته فيها بالغربه وش عمايله فيها لا رجع ديرته
الله المستعان

[لاميزون]

صراحة هذا الرجل غير كفو فى بنات الناس

[هسلان]

مواري الرجال معروفة وهذا مواريه ما تبشر بخير الله يهديه

[N7eEeS]

وانا اقراء كلامك حسيت بقشعريريه في جسمي والجو احتر مره وحده.
لاحول ولاقوة الا بالله، احنا نكون مع حريمنا ونقعد نحاتيهم يصير فيهم شي لاطلعنا برع وخليناهم بروحهم وهذا الشيخ بايت عنها برع وفي شهر العسل.
كيف هانت عليه يخلي بنت الناس تبات بروحها والله لو اني اخوها ان ثاني يوم الصبح عندها وترجع الدوحه ولاتم عند واحد المرجله بعيده عن شواربه.

[همسه]

وانا اقراء كلامك حسيت بقشعريريه في جسمي والجو احتر مره وحده.
لاحول ولاقوة الا بالله، احنا نكون مع حريمنا ونقعد نحاتيهم يصير فيهم شي لاطلعنا برع وخليناهم بروحهم وهذا الشيخ بايت عنها برع وفي شهر العسل.
كيف هانت عليه يخلي بنت الناس تبات بروحها والله لو اني اخوها ان ثاني يوم الصبح عندها وترجع الدوحه ولاتم عند واحد المرجله بعيده عن شواربه.

كلامك من اول حرف لين اخر حرف عدل 100% المفروض اهلها يوم كلمتهم تشتكي واحد منهم جاها على اول طياره و رجعها معاه و خلا السفيه يلعب و يطامر على كيفه بروحه هناك

حارني الموضوع

[almaf1a]

يمكن يكون مصدوم
الله يعينها

[المتحدث الرسمي]

.....

لا يستحي ولا ينتخي

و مب كفو الواحد يأمنه على بنته

.....

[وطن]

قمة الاستهتار
ماعنده شي اسمه مسؤولية !!!!

نرفزني الصراحة

الله لا يبلينا بواحد مثله

انا بنت واذا اسافر مع اهلي و ما معانا ريال احاتيهم
واسوي لهم كل شي

شلون هذا اللي على اساس المسمى رجال crazy

[لاجل QT]

وانا اقراء كلامك حسيت بقشعريريه في جسمي والجو احتر مره وحده.
لاحول ولاقوة الا بالله، احنا نكون مع حريمنا ونقعد نحاتيهم يصير فيهم شي لاطلعنا برع وخليناهم بروحهم وهذا الشيخ بايت عنها برع وفي شهر العسل.
كيف هانت عليه يخلي بنت الناس تبات بروحها والله لو اني اخوها ان ثاني يوم الصبح عندها وترجع الدوحه ولاتم عند واحد المرجله بعيده عن شواربه.

انا هذا اللى مستغربة منة..زوجت بو غانم تقول ان البنت كانت تكلم اهلها وتشتكى لهم..المفروض يحضر حد من اخوانها فورا لان لو تمو بيستمر المشهد وبيتكرر بوطبيع مستحيل يوز عن طبعة.. والبنت في غربة..وماتدرون ضعاف النفوس ممكن يستغلون وضع البنت المسكينة.!!

[Locale]

اللي هذا اوله ،، ينعاف تاليه

[بوحمد111]

والله عيب على الزوج ان يترك زوجتة وفي شهر العسل اللي المفروض تكون احلى الايام للتعارف على بعض عن قرب وبدون الاهل
وصدق اللي قالوا اذا هذا اوله ينعاف تاليه ويجب على الزوج ان يعيد حساباته لأنها غلط في غلط

[مخطط قطري]

الله يستر علينا وعليهم وتلقاهم اصغار توهمم وبعدين الطيش لي في الريال راح تتغير انشالله ادعو له ولها

[ghanim911]

الله يهديه ... بنات العرب لهم حشمه وتقدير ... واذا هو موكفو ليش يتزوج ...

[كلنا قطر 1981]

استغفر الله العظيم

المشكله اطفال يزوجونهم و ما يعرفن من الزواج غير العلاقه الزوجه

ولا يعرف انه الزواج هو عقد شراكه موثق امام الله عز وجل

المشكله من هله الي ما علموه معنى الزواج

الله يهديه جد قهرني :anger1:

لو كانت اختي و دريت بلي سواه عادي اول تذكره اروح اخذها و ارد

الدوحه و عقب اشوف اذا في رجال في قبيلته نقدر نتفاهم وياهم و لا

كل هله ضايعين بالطوشه

لانه بص2راحه هالشي ما ينسكت عنه ابد :anger1:

[لاجل QT]

الله يستر علينا وعليهم وتلقاهم اصغار توهمم وبعدين الطيش لي في الريال راح تتغير انشالله ادعو له ولها

صغار:(

كل واحد كبر الطوفة وصغار:)

اللى قلبنا تزوجو اصغر منة وشالو المسؤلية وكانو كفو وقدها محد صغير دام انة بالغ وعاقل ومكلف ..لو انة صغير ماكان يعرف يخربط ويسهر ..بس ان توصل لهدرجة من الا مسؤلية يخلي بنت بروحها كم يوم في الغربة..بصراحة شخص غير مؤتمن على عرض بنات الناس

[موضي قطر]

المفروض مايتزوج قبل لا يعرف معنى الزواج .. وهي المفروض ماتمت قاعده في اللوبي قدام العالم .. وصارت فرجة للناس .. والدليل الموضوع نزل في المنتدى ..باتصل في اهلي يجوون ياخذوني .. ااو قلها مادامني بروحي ولا به رجال معاي .. وانا فيها فيها..احجز تذكره وارجع الديره .. من الأساس مابه رجال .. الله يعينها .

[sweet qatar]

لاحول ولاقوة الا بالله..

ما لقيت اي مبرر لتصرفه.. حتى لو صغير بالعمر..

هالشي ما يتعلمه.. هذي فطرة رب العالمين حطها في الرجال..

بوغانم..

أشكر لكم وقفتكم مع البنت.. الله يجزيكم خير ويكثر من امثالكم..

[همسه]

موضي قطر

قلتيها من الاساس مابه رجال

لأن القصه تقول انها تمت تتصل في اهلها واتصلت لأكثر من شخص ومع هذا محد منهم جاها

و الظاهر هو يدري ان ماورها حد و مب عامل حساب لهم لأنه عارفهم ماراح يسون شي

لكن كان الاولى به انه يخاف الله سبحانه و تعالى في الشوفه

فعلاً المفروض دام انها اتصلت في اهلها ولا حد جاها حجزت ورجعت قطر اكرم لها من انتظاره في اللوبي واثارة كلام و شفقة الناس

[الخيالة]

لا حول ولا قوة الا بالله بصراحه ماااعرف شقول الله يهديه بس

[كازانوفا]

هذا شكله امرتب اموره على انه بيسافر بروحه والزوجه بتكون منظر يكشخ فيه وقت ما يحب

[موضي قطر]

موضي قطر

قلتيها من الاساس مابه رجال

لأن القصه تقول انها تمت تتصل في اهلها واتصلت لأكثر من شخص ومع هذا محد منهم جاها

و الظاهر هو يدري ان ماورها حد و مب عامل حساب لهم لأنه عارفهم ماراح يسون شي

لكن كان الاولى به انه يخاف الله سبحانه و تعالى في الشوفه

فعلاً المفروض دام انها اتصلت في اهلها ولا حد جاها حجزت ورجعت قطر اكرم لها من انتظاره في اللوبي واثارة كلام و شفقة الناس



مع اني ماحب احكم على الناس .. بس المفروض ترد وتخليه .. موقف مثل هذا وهم في البداية بيكون دليل على سير " دفة الحياة الزوجية " وهو شاف مابه ردة فعل .. فتخيلي باقي حياتها معاه شلون :secret:

[السيف5]

موضوع يرفع الضغط بصراحة والله يصبر البنت على البلوة زوج مستهتر
لايعرف المعنى الحقيقي للزواج ...الله يهديه ويصلح حاله

[دبلوماسية]

ممكن تكون ضحية الاهل....لسوء اختيار الزوج ....لان في اهل الله يهديهم ينظرون الى الجانب المادي اكثر من الجانب الاخلاقي .....

وممكن اتكون ضحية نفسها ....هي اختارت ....ولهذا الاهل مب مهتمين ....


وحتى الرجال ....ممكن ايكون ضحية اهله ....زوجوه وهم يدرون انه مب كفو ...
او مازوجوه اللي يبيها ...


الله يهدي الجميع ...

[هداف]

هذا مافيه ذره رجوله ولا ربا ربوه ارجال على الاقل شوية غيره يالديوث ! كيف تترك زوجتك يومين
لحالها في فندق وتسافر عنها !

للاسف هذا جيل من الشباب الحالي مهوب كفو الله يستر من القادم

[لابس بشت]

هذا مب رجل
الله يعين بنت الناس عليه
ويصبرها عليه ويهديه ان شاء الله

[سان سيمون]

الله لا يحطني ولا يحط احد من غواليي مكانها اقرب مكتب سفريات أحجز وارجع للبيت الي عزني ورزني ولا اقعد مع واحد ما راح اتحصل منه الا الردى

[سلطان_قطر]

هذول اليهال لما يتزوجون مايحسون بالمسئووليه
والاغلب ان ياهل اصلا

[تاسيتوس]

قل الاحترام للزواج
صار مثله مثل الوظيفة والسيارة والمشروع التجاري هدف لاستكمال الشكل الاجتماعي قدام المجتمع
بدل مايكون استقرار ومودة وشراكة لاستقرار المجتمع

[راشد محمد]

الله يهديه..شكلها بتصير علوووم اذا ارجعوا الدوحة

[ريتويت]

قويه صراحه ...

الله يهديه....


ويصبرها ....

[HAYA]

جزاكم الله خيرا على موقفكم الطيب مع العروس المسكينة ، و هذا الشاب نموذج لمن يقدم على الزواج كواجهة اجتماعية دون أدنى تحمل للمسئولية .
كان من المفروض أن تترك له العروس البلد برفقة أحد من محارمها حتى لا يتمادى هذا المستهتر في غيه .

[روح الاطلس]

بالنسبة للموقف لا تعليق مايحتاج اعلق اللي قبلي استنكروا فعلته وفعل اهلها كيف ما احد جاء وخذها من هالمراهق اللي رايح شواطي ويتمشى ومخلي العروس تنطره.

لكن استغربت من تصرفك بأي قلب سويته لما تركت الغالية تبات عندها !! ماخفت يجي زوجها فجأة بالليل ويدش عليهم ؟ وزوجتك عندها؟ وهم ناس ماتعرفونهم ولا تعرفون الحرمة نفسها! كيف ضمنتهاا؟ شيء غريب عن نفسي ما اثق بأحد في الغربه لا رجل ولا انثى وايد قصص تصير

بس الله ستر لان نيتها طيبه

[Northqatar]

السلام عليكم

ما أقول الا الله يهديه ويصلح ، ويصلحهم لبعض

بس الأخ هذا من وين جايب هالبرود ؟


شهر عسل و بتايا

هذي

اشبي يسوى في الــــــ 40 اذا ربت المره ؟؟؟؟؟

[مشتاقة لقطر]

حرام اللي سواه وانا رايي انها زين سوت قعدت باللوبي اامن لها من الغرفة

[basma222]

لاحول ولاقوة الا بالله

[مرحوم قطر]

اتزوج عشان اطلع مع ربعي !!!

الحمدلله و الشكر اذا ما اعوذ كل سنين العزوبيه ولا ما اكون انا


بعدين طول عمري شبعان منهم اروح لهم اخلي مرتي

ما سمع الصمري يوم قال اذا جات الست يغور الراجل

بس صراحه هذا مب كفو

بغض النظر عن كل الي سواه شلون يخلي الي على ذمته بروحها وفي بانكوك

[دنيا الاسهم]

لا تستغربون واجد الطرطنقية والمخابيل والمتعاطين اللي سووا ازيد من اللي قالة الاخ بس البيوت اسرار ومب كل حد ينشر اللي شافة وعاشة وان شاء الله محد يشوف شر
وفي الاخير اذا تطلقت يقولون المراة هي الغلطانة
مجتمع رجولي وجاهل

[Bozizoo]

الله يعين البنت على هذا الزوج الياهل
والله يهديه و يصلحه
عشان بنت الناس المسكينه

[love life]

ياريت الشباب كلهم نفسك قلوبهم حنونه الله يسعدك إن شاء الله في الدنيا والاخره

[شمس]

الي هذا اوله ينعاف تاليه

[فلتة زمانها]

الافضل انها تطلق لانه هالذكر مب وجه زواج
وحده معانا فالدوام اصيله وبنت ناس ارجعت بروحها من ماليزيا بعد 3 ايام من زواجها لانه المعرس يسهر برا الظاهر هاذي موضه جديده زين تطلقت وافتكت منه

[Rosy]

اي عليها كأن شريط ذكرياتي ينعاد

الله يكرهم مايعرفون شي اسمه مسؤليه

[تحداني]

ويلومون بعض البنات لي جاوا يفكرون بالزواج فكروا في كل تفاصيلها
الحياه الزوجيه من اصعب الخطوات ولازم الواحد يعمل لها مليون حساب .. ولا البنت اذا إطلعت من بيت إبوها .. فهي لازم تكون في بيتها ابحلوه وابمره



اتقول الوالده يا يمه مرت ايام سوده على بعض الابيوت في ذيج السنوات .. والبنت تكتم غصتها وترد بيتها بحسرتها وان جات تشتكي لامها اكتمت الام سرها وعلمتها ترفع يدها لرب العالمين

كم وحده فينا تقتدر تتحمل .. ؟؟ ما اعتقد فينا
وان كان فينا فنلقى البعض منهم مالقو مفر الا هالسجن الي هم عايشين فيه ابظلمه




اللهم عافنا مما بلاهم



جملك الله برضاه

[jewelry-qtr]

حسبي الله ونعم الوكيل

الله يهديه

[أحاول]

الحمد لله ان سخر لها عيال حلال الله يجازيهم خير اما اهلها اظن يبون الستر ما يبون يتدخلون لو منها رحت اتجول في السوق واشوف لبلادالا اذا ما كان عندها فلوس ذي مشكلة ثانية ما اظن بتقعد عندة شكل اصدقائة لهم اولوية عن زوجتة يما انه مغصوب عليها ويبيها تاخذ القرار عنة المهم انه خالي من الرجولة تماما المرأة تبحث عند الرجل الحماية والامان وهذا لا امان ولا حماية الله يهدية لنفسة ويعوضها خير

[الخزرجي قطر]

لاحول ولا قوه الا بالله العلي العظيم
الله يهديه ان شاالله ويحافظ على بنت الناس
وخاصة وهم في غربه ماادري اشلون قلبه طاوعه

[ابن قطر]

بو غانم بيض الله وجهك ما قصرت

وما قصرت ام العيال

والله واقعه تعور القلب وزين انكم موجودين وبارك الله فيك انك نصحت الزوج يمكن يفيق

وبارك الله فيك وفي ذريتك والله يسر امرك دنيا واخره

[كحيلآن]

هذا ملامحه ملامح رجال .. بس بالاصل حرمته اشرف منه ولا شلون يخلي حرمته في بلد غريب لحالها بالفندق ويروح يتمشى والله العالم وش سوى .. الله ستر على البنت ولا البنت بروحها ومهي من اهل البلد كانت صيده والله يخليلك الغاليه لولاها كان البنت راحت ضحية بتايا

[انصار جليري]

بالنسبة للموقف لا تعليق مايحتاج اعلق اللي قبلي استنكروا فعلته وفعل اهلها كيف ما احد جاء وخذها من هالمراهق اللي رايح شواطي ويتمشى ومخلي العروس تنطره.

لكن استغربت من تصرفك بأي قلب سويته لما تركت الغالية تبات عندها !! ماخفت يجي زوجها فجأة بالليل ويدش عليهم ؟ وزوجتك عندها؟ وهم ناس ماتعرفونهم ولا تعرفون الحرمة نفسها! كيف ضمنتهاا؟ شيء غريب عن نفسي ما اثق بأحد في الغربه لا رجل ولا انثى وايد قصص تصير

بس الله ستر لان نيتها طيبه





نفس تفكيري :victory:

[alma3ani]

طبعا موقف مب حلو ولا اتمناه لاحد

بس انا قاعد اشوف هجوم وهجوم وهجوم

واتقولون ليش نسب الطلاق عاليا عندنا

من ادنات ادون قلتو اتكلم اهلها وخل احد يجيها ولاماعندها رياجيل

اسمحولي من انتو علشان اتكلمون في اهل البنت بهطريقه

يعني وحده وكلمت اهلها اخر الليل تبونهم يركبون ويجونها وكان الطيرات تحت امرهم ولا بانكوك في الفريج الي وراهم

وخلونا واقعين البنت نفسها ماتدري هو متى بيجي والدليل تنطره في اللوبي لو تدري متى بجي او ببات

كان ماقعدت تنطر بلوبي

انا معاكم موقف مب حلو ويدل على قل الوعي والمسؤلية

بس ما اهاجم الموقف بهشكل الفضيع

ماتدرون اشظروفه ممكن راح يشوفهم ساعه ولا ثنتين وتعطل او صارله ظرف وماقدر يرجع بنفس اليوم وجا اليو الثاني غلط صح والف صح بس هل انعالج الغلط بغلط ثاني

هي بعد ما عجبتني تصرفاتها مع الاسف لازم تكتم غيظها لين يجي مهما كان هي زوجته ستر وغطى عليه

واذا شافت ما يناسبها لارجعت البلاد دخلت وسيط يحل الي بينهم

اما امساكن بمعروف او تسريحن باحسان

اما والله قاعده بلوبي وعلى عينك يا تاجر وكل من جاها قالت له السالفه

والقاصي والداني بدوحه درا فيها لا عيب والله عيب مب لهدرجه

هي على ذمة ريال غلط او قصر اتفاهم وياه قبل لا ادخل اي وسيط

سوري احنا مب في مدرسه ونبي المدير او المدرس يشوفلي حل بمشكلتي ويا زميلي لا

هذا زواج ومن اهم اهم اهم الاشياء الي فيه هي المحافظة على اسرار بيتها

مب رايحه تتصل في الناس ويوم وصل الزوج بلوبي ايتهاوشون

كان اقعدة بلغرفه او تمشة بسوق اشوي وانطرته وبعدها اتفاهم وياه ماشافت في حل

حزتها اتقوله يا اتحشمني يا ترجعني بيت اهلي

اما اتسوي سالفه واتكبر الموضوع بزياده وهم في اول يومين وحتى للغرب قالت يعني الديره صغيره

واكيد بيتكلمون الناس ماشاءالله الناس عندنا يموتون على القرض في خلق الله

اسمحولي لا عجبتي تصرفه ولا عجبني تصرفها والاكثر ما اعجبتني الردود

الي اتطاول على اهل البنت والي ما خلت ولا بقة فيه والي اتقول خل ترجع وخل اتطلق

عيب يا قولو شي عدل ولا اسكتو حسبالكم الطلاق هين حرام ان ابغظ الحلال عند الله الطلاق

انا ما احب اصف في طرف على احساب طرف لو بقول ان الزوج مب رجال ومب كفو فبعد البنت

مابينت لنا انها باغيه زوجها وبيتها والدليل ان السالفه احنا عرفنا فيها لو هي بعد اهلها معلمنها على المحافظة

على اسرار زوجها بسرا والضرا كان مادرينا بلموضوع

للاسف بشكل عام في قلة وعي وثقافه من الطرفين

وادعيلهم الهداية والاستمرار بزواج لان ما اتخيل اذا اول يومين وصارة هلمشكله الي الكل درا عنها

اشلون لا صار لهم شهر

الله يهديهم

[كحيلآن]

طبعا موقف مب حلو ولا اتمناه لاحد

بس انا قاعد اشوف هجوم وهجوم وهجوم

واتقولون ليش نسب الطلاق عاليا عندنا

من ادنات ادون قلتو اتكلم اهلها وخل احد يجيها ولاماعندها رياجيل

اسمحولي من انتو علشان اتكلمون في اهل البنت بهطريقه

يعني وحده وكلمت اهلها اخر الليل تبونهم يركبون ويجونها وكان الطيرات تحت امرهم ولا بانكوك في الفريج الي وراهم

وخلونا واقعين البنت نفسها ماتدري هو متى بيجي والدليل تنطره في اللوبي لو تدري متى بجي او ببات

كان ماقعدت تنطر بلوبي

انا معاكم موقف مب حلو ويدل على قل الوعي والمسؤلية

بس ما اهاجم الموقف بهشكل الفضيع

ماتدرون اشظروفه ممكن راح يشوفهم ساعه ولا ثنتين وتعطل او صارله ظرف وماقدر يرجع بنفس اليوم وجا اليو الثاني غلط صح والف صح بس هل انعالج الغلط بغلط ثاني

هي بعد ما عجبتني تصرفاتها مع الاسف لازم تكتم غيظها لين يجي مهما كان هي زوجته ستر وغطى عليه

واذا شافت ما يناسبها لارجعت البلاد دخلت وسيط يحل الي بينهم

اما امساكن بمعروف او تسريحن باحسان

اما والله قاعده بلوبي وعلى عينك يا تاجر وكل من جاها قالت له السالفه

والقاصي والداني بدوحه درا فيها لا عيب والله عيب مب لهدرجه

هي على ذمة ريال غلط او قصر اتفاهم وياه قبل لا ادخل اي وسيط

سوري احنا مب في مدرسه ونبي المدير او المدرس يشوفلي حل بمشكلتي ويا زميلي لا

هذا زواج ومن اهم اهم اهم الاشياء الي فيه هي المحافظة على اسرار بيتها

مب رايحه تتصل في الناس ويوم وصل الزوج بلوبي ايتهاوشون

كان اقعدة بلغرفه او تمشة بسوق اشوي وانطرته وبعدها اتفاهم وياه ماشافت في حل

حزتها اتقوله يا اتحشمني يا ترجعني بيت اهلي

اما اتسوي سالفه واتكبر الموضوع بزياده وهم في اول يومين وحتى للغرب قالت يعني الديره صغيره

واكيد بيتكلمون الناس ماشاءالله الناس عندنا يموتون على القرض في خلق الله

اسمحولي لا عجبتي تصرفه ولا عجبني تصرفها والاكثر ما اعجبتني الردود

الي اتطاول على اهل البنت والي ما خلت ولا بقة فيه والي اتقول خل ترجع وخل اتطلق

عيب يا قولو شي عدل ولا اسكتو حسبالكم الطلاق هين حرام ان ابغظ الحلال عند الله الطلاق

انا ما احب اصف في طرف على احساب طرف لو بقول ان الزوج مب رجال ومب كفو فبعد البنت

مابينت لنا انها باغيه زوجها وبيتها والدليل ان السالفه احنا عرفنا فيها لو هي بعد اهلها معلمنها على المحافظة

على اسرار زوجها بسرا والضرا كان مادرينا بلموضوع

للاسف بشكل عام في قلة وعي وثقافه من الطرفين

وادعيلهم الهداية والاستمرار بزواج لان ما اتخيل اذا اول يومين وصارة هلمشكله الي الكل درا عنها

اشلون لا صار لهم شهر

الله يهديهم




اي صح كلامك سليم يمكن تعطل ومافي تكاسي وكان فالبر ولا فوق جبل ورجع مشي وما وصل الا ثاني يوم لآزم نحسن النية يآ جماعه :secret: :telephone:

[الصغيره]

هذي مشكله الخطوبه والمكالمات بين الخطيبين يعني واحد خطب وجلس مع خطيبته كل اسبوع ويكلمها ليليا وش يسوي معها شهر كامل وهو وهي مالين من بعض سنه او ست شهور

ماا اجمل ان يرى صورتها بس ويتمملك ولا يمسع صوتها ولا يشوف زولها الا على الكوشه بيتم كل شهر العسل يكتشفها مش يتزوجها وهو عارف كل شي

الصراحه الخطوبه مشكله وملل

[ابوحشر]

استغفر الله العظيم

المشكله اطفال يزوجونهم و ما يعرفن من الزواج غير العلاقه الزوجه

ولا يعرف انه الزواج هو عقد شراكه موثق امام الله عز وجل

المشكله من هله الي ما علموه معنى الزواج

الله يهديه جد قهرني :anger1:

لو كانت اختي و دريت بلي سواه عادي اول تذكره اروح اخذها و ارد

الدوحه و عقب اشوف اذا في رجال في قبيلته نقدر نتفاهم وياهم و لا


كل هله ضايعين بالطوشه

لانه بص2راحه هالشي ما ينسكت عنه ابد :anger1:
صح لسانك وبعدين الشرهه على اللي زوجه والوقت الحالي الحريم هم اللي يزوجون بعض وولي الامر اخر واحد يدري يقولون لة فلان كذا ووووووو طبعا حسب كلامة امة ولا يسالون عنه ولا شي الله المستعان

[المواطن]

الله يبارك لكاتب المقال في دينه واهله وذريته ويجزيه الخير ويعين الزوجة اللي ابتلت بزوج جاهل عديم الاحساس والمسئولية

وأسال الله سبحانه وتعالى أن يهدي شباب وفتيات المسلمين وأهلهم مب كل واحد قال بتزوج وأهله خلاص شبيك لبيك طب وتخير الواجب في أهل الرجل والبنت أن يتحرون قدرة الشخص على الزواج من كل النواحي وأهمها قدرة المسئولية على الزواج.
وهذا الأمر ليس مقصور على الرجل فقط بل على البنت كذلك.