لا نزوج بناتنا من غير العائلة حتى ولو عنسو

[فريج النجادة]

ما زالت بعض العوائل مع الاسف تعيش في عصور الجاهلية

ولا تزوج بناتها الا من نفس العائلة

حتى

ولو كان انسان فاسد ولا يصلي

كيف نحمي الشباب والبنات من الغلو القبلي

[elders]

هو بس مشان ما بصلي او فاسد ...ازا ضلهم ياخدو من بعض رح يطلع مشاكل وراثية كتير ...الله المستعان

[اليحصبي]

هذي العاده السيئه منتشره في ابناء القبايل
الله يكفينا من العادات السيئه

[اليحصبي]

هو بس مشان ما بصلي او فاسد ...ازا ضلهم ياخدو من بعض رح يطلع مشاكل وراثية كتير ...الله المستعان


http://www.shooq4.com/vb/images/bb/32.png

[أسير الاسهم]

فعلاً موجود هالشي لحد الآن .. اعرف واحد كل ما خطب من عنده أحد زحلقه على طول من دون ما يأسل البنات .. بحجة انه ولد عمها يبيها ...!!؟ وولد العم للحين سلتوووح بلشتي صايع لا عمل ولا عقل

[سهام]

كثير من ضحايا هذا التفكير المحدود
وهناك من يفرض قبائل معينه دون غيرها
ويرفضون من يتقدم لها في انتظار المجهول
ويطول الانتظار حتى تبقى البنت تربي اعيال اخوانها
وبعض هالصغار يعوضها بكلمة ماما الي احرموها اهلها منها
وتكتفي البنت بهالشيء وترضى بنصيبها
والمصيبه لو البنت بتشتكي ولا بتجرا وتكلم ، وين تروح ؟
واذا وجد وراحت وشلون بتقدر تخسر اهلها؟
الله يعين

[مهاجر]

في اسباب تدعوا الى ان الزواج يكون نوعا ما محدود لاسباب كثيره بس مب معناه انه ممنوع من عايله ثانيه لكن طبعا مب اي شخص وهذا لا غلو قبلي ولا غيره ......

[لاجل QT]

البنت كثير مظلومة عندنا بسبب عادات وافكار مالها اي علاقة بالشرع او بالسنة مثل عدم الزواج الا من قبيلتها..الكبيرة لازم تتزوج قبل الصغيرة واذا ماجاها نصيبها محد يتزوج..ولو عنست استلموها العيب منها وان تزوجت واحد مهب كفو عيب لاتطلقين هو ريال يسوى اللى يبية وانتى ابلعي القهر وربي عيالج واسكتى وغير وغيرة من القهر للبنت كانها اسوء المخلوقات وارخصها حقوق

[fooz55]

موضوع جدا رائع

كل واحد يتكلم على البيئة الي يعيش فيها والعائلة الي اهو منها
يعني الاحرار ما ياخذون سمر او ناس فيهم امراض وراثية
للحفاظ على النسل وهذا ما اعتبرة عيب او غلط
واذا وحده من عائلة (حره) تزوجت من اسمر او فيهم عرق برص او خمص
او غيرة من الامراض الوراثية .. خواتها المزوجات يتطلقون .. لكي لا تعايير بهم
اتكلم عن عادات العائلة
الحمدالله رب العالمين على كل نعمة التي انعم علينا بها ..


وشكرا لصاحب الموضوع

[همسه]

صادقه لاجل

مع ان الانسان كرم المرأه و الرسول عليه الصلاة و السلام وصى بالنساء خيراً

قال صلى الله عليه و سلم ( رفقا بالقوارير )

ماقال خلهم يعنسون في بيوت اهلهم ولا ياخذها الا ولد عمها طيب اذا ولد عمها صايع ضايع مايسوى التاليه من الغنم شذنبها هي وحتى لو كان رجال و كفو وهي ماتبي الاسلام يرفض زواج الاكراه

من اتاكم من ترضون دينه و خلقه فزوجوه ان لا تفعلو تكن فتنة في الارض و فساد كبير

اهم شي الرجال الكفو اللي يحافظ على زوجته و يحفظ كرامتها

الله يهدي الجميع

آمين يارب

[كلنا قطر 1981]

والله مادري وين بيوصلون المراه

ما يصير تاخذ حد مب من نفس القبيله

مايصير تتزوج واحد اكبر منها بفارق كبير بالعمر علشان كلام الناس

ما يصير انها تتزوج واحد متزوج

ما تاخذ واحد على قد حاله لانها بتتعب بتشقى وياه بالدنيا

لا تاخذ واحد اقل منها بالمستوى التعليمي لانه الفارق بالتفكير بيوصل حق الطلاق

لا تتزوج واحد مب من ديرتها لانه حلاة الثوب رقعته منه و فيه

لا تتزوج بمهر قليل لانه ممكن تصير رخيصه بعيون زوجها

لا تتزوج وحده مطلقه او ارمله لانه مشكوك باخلاقها

لا تزوجون من هالقبيله لانه مب اصل و فصل

نزين اذا كل هالعوائق قدام زواج البنات من وين بيصير عندنا بشر؟؟؟

ليش تستغربون لين يصير في انحرافات سولكيه من البنات ؟؟؟

ليش تستغربون من وجود مسترجلات من بناتنا؟؟

ارحموا النساء و كفى بالعادات و التقاليد المريضه التي لا تمط للاسلام باي صفه

و سهلوا الزواج لانه والله العظيم اي واحد يرفض زواج اخت او بنت له باي سبب مب من

اسباب الرفض في الدين الحنيف انه محاسب عليها و اي فعل او اي سلوك منحرف تقوم فيه

بيكتب عليه اثمها

يسروا فتؤجروا ولا تعسروا و تاثموا

كلام الرسول صلى الله عليه وسلم ((من ترضون دينه و خلقه فزوجوه)) ومافي اصدق من كلامه

اللهم يسر و استرعلى بنات المسلمين في الدنيا و الاخرة اللهم امين

[بو طالب]

هو بس مشان ما بصلي او فاسد ...ازا ضلهم ياخدو من بعض رح يطلع مشاكل وراثية كتير ...الله المستعان

كلام سليم

والرسول ( عليه الصلاة والسلام ) يقول : غربوا النكاح

فخليهم يخللوهن في البيت احسنلهم

[أبو عبدالعزيز]

غالبا لا يمكن في عصرنا إجبار الفتاة على الزواج داخل نطاق العائلة، وهذا الأمر راجع لموازنة تجريها صاحبة الشأن فإن شاءت عدم إغضاب أهلها لو كانت وجهة نظرهم كذلك، فهي ستفعل.. ولكن لها إن شاءت أن ترفع هي أو الشخص المتقدم لها من خارج العائلة (دعوى عضل) في المحكمة، وهنا قد تتزوج بمن ترغب - ولو لم يكن من أصول عربية حتى - بغض النظر عن موقف أهلها.. وقد صارت حالات عدة في قطر، حيث تزوجت فتيات عن طريق المحكمة مع رفض أهاليهن


موضوع جدا رائع

كل واحد يتكلم على البيئة الي يعيش فيها والعائلة الي اهو منها
يعني الاحرار ما ياخذون سمر او ناس فيهم امراض وراثية
للحفاظ على النسل وهذا ما اعتبرة عيب او غلط
واذا وحده من عائلة (حره) تزوجت من اسمر او فيهم عرق برص او خمص
او غيرة من الامراض الوراثية .. خواتها المزوجات يتطلقون .. لكي لا تعايير بهم
اتكلم عن عادات العائلة
الحمدالله رب العالمين على كل نعمة التي انعم علينا بها ..

وشكرا لصاحب الموضوع


في زماننا ومجتمعنا الحالي الجميع... البيض والسمر...الخ جميعهم أحرار، ولا يوجد بيننا من هو من الأرقاء.. فلنتخير ألفاظنا وننتقيها حتى لا نجرح سوانا.

[NeverLand]

^
^

اي والله حتى انا لفتت نظري جملة الاحرار والسمر!!

كلمه وايد جارحه فوز .. مهما يكونون ترا هم بشر مثلنا!!

[العقل الحر]

كلن يزوج من نفس عرقه واصله

العرب يتزوجون العرب

والعجم يتزوجون من العجم ( حتى ولو استعربوا )

[هداف]

بالعكس هذه الظاهره بدأت باالانحسار والتلاشي من المجتمع القطري على وجه الخصوص !

يوجد مبالغه في الموضوع

[فريج النجادة]

بالعكس هذه الظاهره بدأت باالانحسار والتلاشي من المجتمع القطري على وجه الخصوص !

يوجد مبالغه في الموضوع


لو لا انني لا اود ان أحرج احد

كان كتبت لك اسماء عوائل

مصرة على ذالك

[كازانوفا]

صعبه والله حالتهم
ربي يكون بعونهم لانه شي محزن

[هداف]

لو لا انني لا اود ان أحرج احد

كان كتبت لك اسماء عوائل

مصرة على ذالك

انا معك انه يوجد ولكن بدأت تتلاشى قبل اربعين سنه واكثر كان الغالبيه الان قله وبعض
الاسر من القبائل وليس الكل !

[نسيم الغربي]

كلن يزوج من نفس عرقه واصله

العرب يتزوجون العرب

والعجم يتزوجون من العجم ( حتى ولو استعربوا )

صح الله لسانك :victory:

وبيض الله وجهك :discuss:

والمثل يقول حلات الثوب رقعته منه وفية :shy:

[دااانة قطر]

بالعكس هذه الظاهره بدأت باالانحسار والتلاشي من المجتمع القطري على وجه الخصوص !
يوجد مبالغه في الموضوع

لا مبااالغه ولا شي
ولا عااد اللي يجونك يبون يحسنون النسل
الله يعينهم على تفكيرهم

[سان سيمون]

الزواج قسمة ونصيب وانا صراحة كنت منذ سنوات اشوف انه عادي الوحدة تاخذ من برى العائلة بس مع الكبر والخبرات وتجارب الي حواليي اشوف انه حلاة الثوب رقعته منه وفيه يعني مثلا انتمي للقبيلة الفلانية ممكن أتقبل أني أخذ من هالقبيلة وطبعا بشروط ومواصفات معينه لكن من قبيلة ثانية احس انه مستحيل وصعب وحاليا والله في بنات منا تتوفر فيها المواصفات من حسب ونسب ودين وجمال واخلاق ولكن بسبب نظرتنا ما تزوجوا وللأسف تفضيلنا لعايلتنا قلص فرصهم فالغالبية متزوجين ومستحيل تاخذ واحد متزوج او اصغر منها حتى لو بسنتين او سنه او امه قويه وغيره كثير
صراحة القريب افضل و ممكن اختارو على الغريب حتى لو كانت مميزات الثاني افضل ولكن شرط ان يكون القريب موظف حسن الاخلاق والسيرة يعني موب صايع ولا راعي حريم والوضع الاقتصادي تتقاضى عنه لانها بتعين وتعاون *


وصراحة فيه شباب مواصفاتهم ممتازة بس لانه من هالعائلة نرفضه و صعب ان الوحدة اتغامر وتتهور. وتوافق وممكن ترضى انها تعنس على الموافقه عليهم واقر انه هذا الشيء خطاء بالأخص اذا كان نظرتنا او موقفنا بسبب تجارب أهلنا او أجدادنا وأجدادهم فجيلنا تفوق عليهم من ناحية العلاقات الجيدة لكن الموقف الاجتماعي يحكم ويفرض رأيه علينا

[راشد محمد]

انا اشوف وااااااااااااااااااجد من عيال قطر صاروا ياخذون من دول الخليج خاصه السعودية..لانه مرات الواحد يخطب في اكثر من 10 بيوت وما يرضون ...في النهاية يقولون عندنا عنوسة وليش الرجال ما يتزوج 4..

فعلا في عوائل ما ترضى تناسب الا اللي نفس مستواها او اعلى.. الله يعين شبابنا..لو انهم يمشون على نهج الرسول كان حالنا غير (من جائكم من ترضون خلقة ودسنه فزوجوه)

[كبير المتداولين]

الزواج قسمه ونصيب اهم شي الصحه

[سارق الكحل]

الزواج قسمة ونصيب وانا صراحة كنت منذ سنوات اشوف انه عادي الوحدة تاخذ من برى العائلة بس مع الكبر والخبرات وتجارب الي حواليي اشوف انه حلاة الثوب رقعته منه وفيه يعني مثلا انتمي للقبيلة الفلانية ممكن أتقبل أني أخذ من هالقبيلة وطبعا بشروط ومواصفات معينه لكن من قبيلة ثانية احس انه مستحيل وصعب وحاليا والله في بنات منا تتوفر فيها المواصفات من حسب ونسب ودين وجمال واخلاق ولكن بسبب نظرتنا ما تزوجوا وللأسف تفضيلنا لعايلتنا قلص فرصهم فالغالبية متزوجين ومستحيل تاخذ واحد متزوج او اصغر منها حتى لو بسنتين او سنه او امه قويه وغيره كثير
صراحة القريب افضل و ممكن اختارو على الغريب حتى لو كانت مميزات الثاني افضل ولكن شرط ان يكون القريب موظف حسن الاخلاق والسيرة يعني موب صايع ولا راعي حريم والوضع الاقتصادي تتقاضى عنه لانها بتعين وتعاون *


وصراحة فيه شباب مواصفاتهم ممتازة بس لانه من هالعائلة نرفضه و صعب ان الوحدة اتغامر وتتهور. وتوافق وممكن ترضى انها تعنس على الموافقه عليهم واقر انه هذا الشيء خطاء بالأخص اذا كان نظرتنا او موقفنا بسبب تجارب أهلنا او أجدادنا وأجدادهم فجيلنا تفوق عليهم من ناحية العلاقات الجيدة لكن الموقف الاجتماعي يحكم ويفرض رأيه علينا


رد واقعي وجميل

وأضيف ان المحافظه على الانساب تتولى اهمية كبيره لدى بعض القبائل
والغريب جدا في هذا الموضوع ان المرأه تمانع وترفض زواج الرجل القطري من خارج قطر
في حين انها تقبل الزواج بزوج خارج عن بيئتها القبليه

[كلنا قطر 1981]

انا اشوف وااااااااااااااااااجد من عيال قطر صاروا ياخذون من دول الخليج خاصه السعودية..لانه مرات الواحد يخطب في اكثر من 10 بيوت وما يرضون ...في النهاية يقولون عندنا عنوسة وليش الرجال ما يتزوج 4..

فعلا في عوائل ما ترضى تناسب الا اللي نفس مستواها او اعلى.. الله يعين شبابنا..لو انهم يمشون على نهج الرسول كان حالنا غير (من جائكم من ترضون خلقة ودسنه فزوجوه)

اخوي راشد محمد

الحين في البعض من البشر تناسوا كلام الرسول صلى الله عليه و سلم

من اتاكم من ترضون دينه و خلقه فزوجوه ان لا تفعلو تكن فتنة في الارض و فساد كبير

و قاموا يتماشون على امثله ما انزل الله و رسوله من سلطان

حلاة الثوب رقعته منه و فيه

مادري شسالفه هم بيزوجون بناتهم و لا بيفصلون لهم فساتين؟؟؟؟؟؟!!!!!!

و ان كان على الثوب و الرقعه عيل حلاة الثوب بدون رقعه :tease:

[سان سيمون]

رد واقعي وجميل

وأضيف ان المحافظه على الانساب تتولى اهمية كبيره لدى بعض القبائل
والغريب جدا في هذا الموضوع ان المرأه تمانع وترفض زواج الرجل القطري من خارج قطر
في حين انها تقبل الزواج بزوج خارج عن بيئتها القبليه

موضوع النسب جداً مهم مثل ما تفضلت حتى انه عادي لو واحد من شبابنا تزوج وحده من خارج البيئه لانه في الاخير العيال منسوبين له لكن انه وحده من بناتنا تاخذ من الخارج صعبه لانه معروف المره تتبع زوجها وعيالها وسبحان الله يكون ولائها وانتمائها لهم وبس :nice:

[مسكين قلبي]

البنت كثير مظلومة عندنا بسبب عادات وافكار مالها اي علاقة بالشرع او بالسنة مثل عدم الزواج الا من قبيلتها..الكبيرة لازم تتزوج قبل الصغيرة واذا ماجاها نصيبها محد يتزوج..ولو عنست استلموها العيب منها وان تزوجت واحد مهب كفو عيب لاتطلقين هو ريال يسوى اللى يبية وانتى ابلعي القهر وربي عيالج واسكتى وغير وغيرة من القهر للبنت كانها اسوء المخلوقات وارخصها حقوق

ايه والله كلامك صحيح والبنت تكون الضحيه بسب العادات والتقليد .

يعطيك العافيه

[همسه]

رد واقعي وجميل

وأضيف ان المحافظه على الانساب تتولى اهمية كبيره لدى بعض القبائل
والغريب جدا في هذا الموضوع ان المرأه تمانع وترفض زواج الرجل القطري من خارج قطر
في حين انها تقبل الزواج بزوج خارج عن بيئتها القبليه

اخوي يحق لها تتزوج من خارج قبيلتها وين الجريمه في هذا الموضوع

القبايل كثيره من بدو و حضر وحتى عوايل اهل قطر الطيبه مب لازم اسم عايله كبير ماقلنا تروح تاخذ عجمي

لكن الغلط انه تنجبر اما تتزوج واحد من قبيلتها او تعنس هذا ظلم

طيب افرض وحده ماتقدم لها حد من قبيلتها لكن شكثر يخطبونها من برا قبيلتها شتسوي تقعد عانس طول عمرها ولا شرايك

في النهايه محد بدايم لها واخوانها بيلهون في حياتهم و بيوتهم وترى البنت في النهايه بشر تحس لما تشوف اخوانها مع حريمهم وعيالهم يجي بخاطرها ولو كانت ساكته حيا البنت يمعنها تبين لاخوها ضيقتها لكن تتم بقلبها غصه

[ghanim911]

بالنسبه لي انا مـــع وبنفس الوقت ضـــد
انا مع تزويج البنت من نفس القبيلة وشي طبيعي بيكون قريبها ولد عم او ولد عمة او خاله
وبحكم صلة القرابة باكون على بينه ومعرفه باخلاقه وتربيته واخلاق اسرته كلها وخصوصا خواله وباحكم عليه من هالمنطلق
اذا انه صالح وكفوا ببارك هالزواج لاني ربيت بنتي وتعبت ودللت ماعطيها الا الي يقدرها ويصونها ويدللها

وانا ضــد اذا انه فاسد( قليل صلاة او سكير او قليل ادب ) والله لو انه ولد اخوي يخسى ويخسى ويخسى مايمس طرف ثوبها.

[الأصيلة]

بالعكس هذه الظاهره بدأت باالانحسار والتلاشي من المجتمع القطري على وجه الخصوص !

يوجد مبالغه في الموضوع

صحيح تقريبا انقرضت هذه الأفكار وانتهت
إلا كان عند بعض الشياب...

[سارق الكحل]

اخوي يحق لها تتزوج من خارج قبيلتها وين الجريمه في هذا الموضوع

القبايل كثيره من بدو و حضر وحتى عوايل اهل قطر الطيبه مب لازم اسم عايله كبير ماقلنا تروح تاخذ عجمي

لكن الغلط انه تنجبر اما تتزوج واحد من قبيلتها او تعنس هذا ظلم

طيب افرض وحده ماتقدم لها حد من قبيلتها لكن شكثر يخطبونها من برا قبيلتها شتسوي تقعد عانس طول عمرها ولا شرايك

في النهايه محد بدايم لها واخوانها بيلهون في حياتهم و بيوتهم وترى البنت في النهايه بشر تحس لما تشوف اخوانها مع حريمهم وعيالهم يجي بخاطرها ولو كانت ساكته حيا البنت يمعنها تبين لاخوها ضيقتها لكن تتم بقلبها غصه

اختي همسه لا احد يرفض ان تتزوج البنت من قبيلة أخرى خاصة اذا لم يأتي نصيبها من ابناء عمومتها او قبيلتها ولم اسمع بهذا الامر مسبقا الخلاف هنا في أنه تتزوج الفتاه من اي زوج
ليس له قبيله انا مع تزويج الفتاه ولكن ليس لاي زوج والأفضل ان البدوي يتزوج بدويه والحضري يتزوج حضريه والهولي يتزوج هوليه الخ الخ
وذلك لكل منهم عادات يمكن أن يتقبلها ولا تكن غريبه عليه

[همسه]

سارق الكحل الحين ما بقى من البداوه الا الاسم عشان نكون واقعيين

يعني اسم القبيليه هو اللي يبين ان هذول بدو و هذول حضر لكن في الواقع مافينا الحين بدو كلنا عايشين حياة الحضاره والبيئه وحده مافيه فرق

فعلا بنت العرب ما تتزوج عجمي وهذا في رايي انا وانت وبعض الاخوات و الخوات لكن على الاقل اذا خطبها حد من القبايل الثانيه حضر ولا بدو ما يردونهم و يخلون البنت مثل البيت الواقف هذا ظلم

يخلونها تتبع نصيبها و تعيش

[سارق الكحل]

سارق الكحل الحين ما بقى من البداوه الا الاسم عشان نكون واقعيين

يعني اسم القبيليه هو اللي يبين ان هذول بدو و هذول حضر لكن في الواقع مافينا الحين بدو كلنا عايشين حياة الحضاره والبيئه وحده مافيه فرق

فعلا بنت العرب ما تتزوج عجمي وهذا في رايي انا وانت وبعض الاخوات و الخوات لكن على الاقل اذا خطبها حد من القبايل الثانيه حضر ولا بدو ما يردونهم و يخلون البنت مثل البيت الواقف هذا ظلم

يخلونها تتبع نصيبها و تعيش

صحيح اختي ان البدو ليس بدو الآن وايضا الحضر الآن ليسو مثل الحضـر سابقا
هناك عادات حميده اندثرت لديهم
ولكن انا قلت افضـل فقــط اعرف شباب بدو امهاتهم من الحضر والعكس
والمعلوم هو ان الاولاد يأخذون سلوم وعادات اهلم وليس اخوالهم

[Mr. H]

احسن حل

البدوي و بدوية

و الحضري مع حضرية

و الهولي او العجم مع الي مثلهم

و السمر مع السمر

و الشيعة مع الشيعة

و اليمني مع اليمني

و انتيهنا و الكل مرتااااااح !! بكذا كل واحد مجموعة تحافظ على اشيائها الي تميزها عن غيرها ولا يصير اختلاط و يطلع لنا شي ماسخ ماندري وشهو , و اكبر غلط ان الواحد يتزوج من بـرا قطر !! خصوصا من غير العررررب !!!!!!!!!

[chillis]

وبالاخير يتم الطلاق ويضيعون اليهال او بناتهم يعنسون ولا يتزوجون من ورا الاهل

[doha2012]

الله يوفق الكل والجميع

( من جاءكم من ترضون دينه وخلقه فزوجوه )

[حقيقه]

والله حرام عليهم في ذمتهم

فيه بيوت بناتهم كلهم عوانس والسبب انه الاب والاخوان والعمام والخوال رافضين انها تزوج حد من غير قبيلتهم

حسبي الله ونعم الوكيل

[ام ناصر1]

يعتمد الحين .....من ولي امر المرأة ...وعقليته ....وافكاره وماله خص بالعادات والتقاليد ذاك اول
بس كقطريين يفرق عندنا العرب عن العيم ...والحضر عن البدو ....والسني من الشيعي ...
والاصيل من الفصيل ....والي عنده خير وحلال والي ماعنده غير راتبه ....العائلات القطرية هالشكل تتنوع ....
عاد الي الله باليه ....بالي مركزين زياده عن الحد بالتمسك بالعادات القديمة التراثية ...
الله يعينه ويعينها ...وممكن يفكرون بحل يراضون الشيبه بمبلغ وقدره ليرضى ....لأنه هالسوالف
ما تجي الا من تحت راسهم هالايام ....او ....شخص صغير يبغي يكبر نفسه عبر ادعاء الالتزام
بالعادات والتقاليد ....

[STAR]

يبه خلهم يعنسون ..لا تنسى. على قولتك :
)) وراء كل خلاف اسري امرأة..!!!((

فليش عوار الراس ..!!!!

[نسيم الغربي]

تقريبا قبل 30 سنة و اكثر كانت بنت العم لولد العم

لاكن الان ممكن اذا انا قبيلي وجاني واحد قبيلي وومعروف نسبهم مشرف ممكن ازوجه

ومثل ماقالو الاخوان

العيم ياخون لهم عيم

والخدموني ياخذون خدموني

والعرب للعرب

وبعدين انتو قاعدين تقولون عن حديث الرسول صلى الله عليه وسلم - من ترضون دينة وخلقة الخ

ونسيتو

"تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك".

الحسب والنسب شئ مهم جدا وخاصه فالزواج وفي المحافظه على نسل العايله

[مسك روز]

تخيروا لنطفكم فأن العرق دساس

[Just Smile]

التركيز على الحسب و النسب و التغاضي عن أمور الأخلاق و الدين اكبر غلط

سمعت كذا قصة من شباب و من سوالف أهلي عن بعض العوائل الي صمموا على الزواج من عوائل معينة ما جات من ورآهم الا المشاكل و عوار الرأس من الجهتين

واحد من خويياي يراجع المحاكم له فترة سبة ما توفق بالاختيار الصح الي أساسه الدين و الأخلاق كان همه الاول و الاخير يتزوج من العيلة الفلانية

في الاخير الزواج قسمة و نصيب و من الصعب نقعد انتفلسف و نحكم على بناتنا ما تتزوج بسبب الاصل و لون البشرة هذا شي مقدر ومكتوب بصحفنا

الحمدلله عندنا بالعائلة متى ما جا نصيب زين و رجال خلوق و راعي صلاة للبنت زوجناها و انعدمت نسبة العنوسة عندنا :)

[العقل الحر]

غير صحيح ماتكرر من كلام وتفصيل للمجتمع القطري

اهل قطر الاصلين مافي فرق بينهم وبين قبائلهم

وكلهم متزوجين من بعض وكلن يتشرف بثاني

وكل اهل قطر حضر في الصيف وبدو في الشتا

[نمآرق]

صحيح كلامك أخوي العقل الحر أهل قطر الأصليين يأخذون من بعضهم البعض وكلآ يتشرف بالثاني *

[ام ناصر1]

غير صحيح ماتكرر من كلام وتفصيل للمجتمع القطري

اهل قطر الاصلين مافي فرق بينهم وبين قبائلهم

وكلهم متزوجين من بعض وكلن يتشرف بثاني

وكل اهل قطر حضر في الصيف وبدو في الشتا
صحيح مافي فرق وصج العائلات القطرية تتناسب من بعضها ....بس بعد في تقسيمات...
انت بنفسك قلت في احد ردودك العرب والعيم ....
واهل قطر في منهم الحضر وفي منهم البدو ....ما سمعت بدوي كان من ملاك السفن البحرية
او كان سيب او غواص او من تجار اللؤلؤ مثلا بالسابق او فاتح له دكيكين
يترزق منه .... هاي كان شغل الحضر ...
بس اذا في معلومات جديدة ممكن نستفيد ونغير راينا ....

[همسه]

غير صحيح ماتكرر من كلام وتفصيل للمجتمع القطري

اهل قطر الاصلين مافي فرق بينهم وبين قبائلهم

وكلهم متزوجين من بعض وكلن يتشرف بثاني

وكل اهل قطر حضر في الصيف وبدو في الشتا

:victory:

صادق الحين كل اهل قطر اهل بحر في الصيف حتى البدو وكلهم اهل بر في الشتا حتى الحضر ما بينهم فرق

اتكلم عن اهل قطر الاصيليين

:)

[العقل الحر]

صحيح مافي فرق وصج العائلات القطرية تتناسب من بعضها ....بس بعد في تقسيمات...
انت بنفسك قلت في احد ردودك العرب والعيم ....
واهل قطر في منهم الحضر وفي منهم البدو ....ما سمعت بدوي كان من ملاك السفن البحرية
او كان سيب او غواص او من تجار اللؤلؤ مثلا بالسابق او فاتح له دكيكين
يترزق منه .... هاي كان شغل الحضر ...
بس اذا في معلومات جديدة ممكن نستفيد ونغير راينا ....

اهل قطر الاصليين عرب

وفيه من كل قبايل قطر عندهم سفن بحرية ونواخذة ولكن تختلف النسبه من يميل الى البحر اكثر والعكس صحيح ولا تنسين اني ذكرت الكل منهم

وقبائل اهل قطر متميزين بعدم ميولهم الى التجارة ( سابقا) ولا تتعدى النسبه من قبائل قطر سابقا 1 % عندهم دكاكين

وبعد كثرة الفلوس في الخمسينات تغيرت بعض العادات وانتشرت التجارة
ولكن لحد الان اغلب هوله قطر هم المسيطرين على التجارة

[روح الاطلس]

تعجبني المثاليات في هالمنتدى :)

واللي يقول عادي البدو ياخذون من بعضهم ومن القبايل الثانيه والحضر نفس الشي !! اصفق لكم بحرارة :)

ولولا معرفتي بقبايل البدو والحضر واعرف منهم اللي لا يمكن بل مستحيل يزوجون بناتهم لفخايذ ثانيه فما بالكم بقبيلة ثانيه !! صلوا على النبي بس ولين الحين العنصرية القبلية وبقايا ابوجهل موجوده.

واعرف وايد عائلات بناتهم معنسات بسبة هالتعصب القبلي من الحضر والبدو.

[Dana’1]

روح الاطلس
ماهي قاعدة ثابتة
احنا من قبيلة اساسها من الآزد...واختي ماخذة واحد يرجعون في وايل
وفي ناس من معارفنا نفس القبيلة بس نختلف بالفخيذة اخوي ماخذ منهم بالسعودية وخواتها متزوجين من اهل الدوحة قبيلة معرووفة ترجع لبني تميم ..وغيرها من الزواج وتخالط الانساب بس الحمدلله النسب واضح هذا اهم شي عند عيال القبايل بعد الدين والاخلاق طبعا
يعني عادي مو مثاليات او خيال

[khalid969]

اهل قطر الاصليين عرب

وفيه من كل قبايل قطر عندهم سفن بحرية ونواخذة ولكن تختلف النسبه من يميل الى البحر اكثر والعكس صحيح ولا تنسين اني ذكرت الكل منهم

وقبائل اهل قطر متميزين بعدم ميولهم الى التجارة ( سابقا) ولا تتعدى النسبه من قبائل قطر سابقا 1 % عندهم دكاكين

وبعد كثرة الفلوس في الخمسينات تغيرت بعض العادات وانتشرت التجارة
ولكن لحد الان اغلب هوله قطر هم المسيطرين على التجارة

بيض الله وجهك

كفو يا اليودي

[سارق الكحل]

اهل قطر الاصليين عرب

وفيه من كل قبايل قطر عندهم سفن بحرية ونواخذة ولكن تختلف النسبه من يميل الى البحر اكثر والعكس صحيح ولا تنسين اني ذكرت الكل منهم

وقبائل اهل قطر متميزين بعدم ميولهم الى التجارة ( سابقا) ولا تتعدى النسبه من قبائل قطر سابقا 1 % عندهم دكاكين

وبعد كثرة الفلوس في الخمسينات تغيرت بعض العادات وانتشرت التجارة
ولكن لحد الان اغلب هوله قطر هم المسيطرين على التجارة

مافهمت عقلي على قدي

ممكن تفسـر لي ردك اخوي او اختي

[بوسلمان 2010]

للاسف مازالت هذي العادات وفي بعض القبائل قائمة الله يهديهم ويصلحهم ان شاء الله

[HAYA]

كان هذا القانون ساريا لدينا في الأسرة و بقوة ، و لكنه بدأ يتلاشى شيئا فشيئا مع انتشار الوعي ، و إن كان البعض لا زال متمسكا به .
و حتى لا نظلم من قبلنا فقد كانت هذه العادة تطبق لأسباب عدة أذكر البعض منها و باختصار :
- حرصا على البنت نفسها من أن تنتقل لعائلة غريبة لا تعرف أصولها و تربيتها .
- حرصا على مال الأسرة من أن ينتقل عن طريق البنت للأسر الأخرى .
- حرصا على العلاقات الأسرية فالعم إن تقدم خاطبا لابنه فهو لا يرد . بل يحق لابن العم أن يحير ابنة عمه فلا يتقدم لخطبتها أحد .
- حرصا على سمعة الأسرة نفسها فالطبقة العليا لا تزوج بناتها من الطبقات الأدنى .
و طبعا غالبا ما تكون الفتاة هي التي تدفع الثمن ، إما أن تكون ضحية زواج فاشل و إما أن تكون أسيرة العنوسة ، و لا يمكننا إنكار أن عددا كبيرا من مثل هذه الزيجات يكون زواجا ناجحا و الحمدلله .
هذا باختصار و لي عودة إن شاء الله .
مع الشكر لصاحب الموضوع .

[الشيخة شيوخة]

لاعادة سيئة ولاشي النسب مهم ياقلبى

[همسه]

روح الاطلس

مانتكلم بمثاليه صدقيني فعلا للحين مازال فيه ناس متمسكين بهذي العادت صادقه بس الحمد لله انها اقل من قبل

الحين كل القبايل يزوجون بعضهم حضر ولا بدو بس شرطهم يكون قبيلي منسبه معروف هذا الحاصل

[قطريه ماركه]

(( اذا جاءكم من ترضون دينه و خلقه فزوجوه ))

ياليت الناس تاخذ بهالحديث ...

[العقل الحر]

بيض الله وجهك

كفو يا اليودي

ووجهك ابيض

وماقلنا الى الصدق

ولكن بعض الناس لحد الحين ماتعرف معناه لانها مالها صله بتاريخ قطر

[alzbara_qa]

ثلاث في أمتى لا يتركونها حتى قيام الساعه وذكر منها التفاخر بالأنساب.....

[نجدي قطري]

- حرصا على مال الأسرة من أن ينتقل عن طريق البنت للأسر الأخرى .



هذيه بصراحة أحقر سبب للزواج من داخل العيلة.

[سفير الدوحة]

في فرق يا صاحب الموضوع بين القبيله و العائلة
اذا الزواج من نفس العائلة ، قد يكون بين اولاد العم نفسهم او انساب العائلة نفسها
اذا الزوج من نفس القبيله، هذا اللي يكون منشود فيه
مثلا يقول لك تزوج فلان من العائلة الفلانية وناسبوا ناس من العائلة الفلانية اللي يرجعون للمنطقة الفلانية
الزواج من نفس العائلة قد يضعف الافراد الناتجين ،، وليس بالتأكيد ،، وبالتحديد انتقال بعض الامراض
انا انصح بالزواج من نفس القبيله،،،

بالرجوع للموضوع ،، انا كلمت واحد نفس الشئ يطبق عندهم من ناحية ان مايزوجون حد من برع البيت،، فقال لي بعض القبائل تعتبر هذه كصفة للأشراف عندهم ،، ويقول لي ان العنوسة قليلة جدا عندهم

[ابن قطر]

غير صحيح ماتكرر من كلام وتفصيل للمجتمع القطري

اهل قطر الاصلين مافي فرق بينهم وبين قبائلهم

وكلهم متزوجين من بعض وكلن يتشرف بثاني

وكل اهل قطر حضر في الصيف وبدو في الشتا

اخونا العقل الحر

اختلف معاك في جزئيه ان كل اهل قطر على قولتك الاصليين ما في فرق بينهم ومتزوجين من بعض

الشواهد كثيره ما نقدر نذكرها لاسباب انت وانا وغيرنا نعرفها

تقبل رايي واسمح لنا على المداخله

[ابن قطر]

:victory::victory:
تعجبني المثاليات في هالمنتدى :)

واللي يقول عادي البدو ياخذون من بعضهم ومن القبايل الثانيه والحضر نفس الشي !! اصفق لكم بحرارة :)

ولولا معرفتي بقبايل البدو والحضر واعرف منهم اللي لا يمكن بل مستحيل يزوجون بناتهم لفخايذ ثانيه فما بالكم بقبيلة ثانيه !! صلوا على النبي بس ولين الحين العنصرية القبلية وبقايا ابوجهل موجوده.

واعرف وايد عائلات بناتهم معنسات بسبة هالتعصب القبلي من الحضر والبدو.

كلامك صحيح

[الجوكر90]

تعجبني المثاليات في هالمنتدى :)

واللي يقول عادي البدو ياخذون من بعضهم ومن القبايل الثانيه والحضر نفس الشي !! اصفق لكم بحرارة :)

ولولا معرفتي بقبايل البدو والحضر واعرف منهم اللي لا يمكن بل مستحيل يزوجون بناتهم لفخايذ ثانيه فما بالكم بقبيلة ثانيه !! صلوا على النبي بس ولين الحين العنصرية القبلية وبقايا ابوجهل موجوده.

واعرف وايد عائلات بناتهم معنسات بسبة هالتعصب القبلي من الحضر والبدو.

صحيح كلامج
كله كلام وقت الصج يقولون
لا ماناخذ بدوي
لا ماناخذ هولي
لا ماناخذ عيمي
لا ماناخذ يمني

وكلمهم قطريين

حتى لو كان يصلي ويخاف ربه
اهم شي واول سوال هو من منه
انزين هو لو كان من العيله فالفلانيه راح يدخل الجنه قبلنا

الله يبعد عنا الجهل

[نسيم الغربي]

حلات الثوب رقعتة منه وفية


والسلام ختاااام

[العقل الحر]

اخونا العقل الحر

اختلف معاك في جزئيه ان كل اهل قطر على قولتك الاصليين ما في فرق بينهم ومتزوجين من بعض

الشواهد كثيره ما نقدر نذكرها لاسباب انت وانا وغيرنا نعرفها

تقبل رايي واسمح لنا على المداخله


نتقبل وجهه نظرك اخوي ابن قطر

ولك كامل الاحترام

ولي نظرتي في الامر ولك نظره ومن النقاش الاحترام المتبادل هو من يثري الموضوع

تقبل تقديري

[تحداني]

هالموضوع يعور القلب وايد .. وآخرتها كلنا عند رب العالمين سوى ... لكن سبحان الله
الناس ارسمت لنفسها طبقات ومستويات واشكال وألوان
وإنت من ومن وين ومردنا لقبر لا يتسع لاثنان
ودي أقتل شي اسمه عادات وتقاليد تعارض الدين
اكرها


جملكم الله برضاه

[gemini]

العرب للعرب مهما اختلفت قبائلهم .. والعجم للعجم مهما اختلفت عوائلهم

والنسب مهم والا لما ذكره الرسول (صلى الله عليه وسلم) في حديثه.

[ولد ازغوى]

قمة الجهل وانهم متمسكين بالدين انهم ما يدرون ان حديث تخيروا لنطفكم هو حديث ضعيف لا يستدل به :rolleyes2:
ليتنا نقوي ديننا عشان نقدر نعدل بعض العادات والتقاليد الباليه*

[ابن قطر]

:nice::nice:

نتقبل وجهه نظرك اخوي ابن قطر

ولك كامل الاحترام

ولي نظرتي في الامر ولك نظره ومن النقاش الاحترام المتبادل هو من يثري الموضوع

تقبل تقديري

احب اضيف امر اخر ان من نفس العائله اذا الواحد اقبل على الزواج وبياخذ وحده تقرب له

للاسف حتى اذا الام مب قطريه مع احترامي لكل الجنسيات يقولون لا تاخذها هذه امها مصريه


ولا


سريه

ولا سوريه ولا اردنيه ولا فلسطينيه

والله احنا في قطر ما نتجاوز 225 الف قطري

وعندنا فروقات لا تعد ولا تحصى

لا واذا جاء واحد امه سمره يقولون لا هذه امه خاله

وكلام لا تمت بالبشريه بصله

عموما الله يرزق البنات القطريات افضل الرجال

ولا نشوف اي وحده معنسه نتمنى والف شكر اصاحب الموضوع

[ريتويت]

قمة الجهل وانهم متمسكين بالدين انهم ما يدرون ان حديث تخيروا لنطفكم هو حديث ضعيف لا يستدل به :rolleyes2:
ليتنا نقوي ديننا عشان نقدر نعدل بعض العادات والتقاليد الباليه*

:victory::victory::victory:

[حسن]

هذا الكلام في وقتنا الحالى صار من الماضي شفنا القبايل اختلطت مع بعض وانتها ان بنت العم لولد العم يمكن تكون موجوده بس تعد على الاصابع وشفت ناس قريبين لين الام والاب حرموهم من الزواج ولان محد يتقدم لهم لدرجه اثنين من خيره اعيال عمهم تقدمو لهم بسبب الام المهم ان الاب والام محاسبين عليهم اكيد امام رب العالمين مهب حسن ولا بوحارب وخالد ياولهم من الله

[hamoor4ever]

الكل مثالي بالمنتدى ، انا اشوف ان لحد الحين هالشي موجود ، والدليل الكثير من اهل قطر متزوج من دول خليجيه لوجود هاذي المشكله . بالتوفيق للجميع بس هاذي المشكله هي جزء من مشكله العنوسه الموجوده بالمجتمع وبصراحه هالشي طبيعي يعني الحضر ماياخذون بدو والعكس صحيح ولو وجد فهو قله برايي

[بوحارب]

اصلا اكبر غلط زواج الأقارب /:)


وكلن حر في حلاله:tease::omen2:

[مشاكل]

تبي الصراحة..قلبي مايطاوعني ازوج بناتي الا واحد اعرفه عدل عدل عدل ويكون لي كلمه عليه وهيبه واحترام ويحسب لي الف حساب وهالشي مايتوفر الا في واحد من المقربين او من العايله او على مستوى القبيله ... ولو ان هالشي فيه من الرجعية وانا اعترف بهالشي لكن احس ان زواج الأقارب هو الاكثر رسوخ واستقرار

[ثابت]

كلامك واضح انك مش قبيلي وشكلك ميت تبي تتزوج قبيلية

والله فخر كل الناس القبيلية والله يحفظهن

بس انا اشوف انت تتكلم عن عصر الجاهلية انا اشوف الظاهرة هذي بدت تتلاشاء والدليل عيال قبايل ماخذين سمر و عجم ماخذين بنات قبايل وشيعة ماخذين سنيات وسنة ماخذين شيعة يعني اطلع براء وشوف المجتمع

[فريج النجادة]

كلامك واضح انك مش قبيلي وشكلك ميت تبي تتزوج قبيلية

والله فخر كل الناس القبيلية والله يحفظهن

بس انا اشوف انت تتكلم عن عصر الجاهلية انا اشوف الظاهرة هذي بدت تتلاشاء والدليل عيال قبايل ماخذين سمر و عجم ماخذين بنات قبايل وشيعة ماخذين سنيات وسنة ماخذين شيعة يعني اطلع براء وشوف المجتمع

هههههههههههههههه

[فريج النجادة]

تبي الصراحة..قلبي مايطاوعني ازوج بناتي الا واحد اعرفه عدل عدل عدل ويكون لي كلمه عليه وهيبه واحترام ويحسب لي الف حساب وهالشي مايتوفر الا في واحد من المقربين او من العايله او على مستوى القبيله ... ولو ان هالشي فيه من الرجعية وانا اعترف بهالشي لكن احس ان زواج الأقارب هو الاكثر رسوخ واستقرار


اتفق معاك كلامك صحيح

[فريج النجادة]

الكل مثالي بالمنتدى ، انا اشوف ان لحد الحين هالشي موجود ، والدليل الكثير من اهل قطر متزوج من دول خليجيه لوجود هاذي المشكله . بالتوفيق للجميع بس هاذي المشكله هي جزء من مشكله العنوسه الموجوده بالمجتمع وبصراحه هالشي طبيعي يعني الحضر ماياخذون بدو والعكس صحيح ولو وجد فهو قله برايي


نحن بحاجة ماسة الى الكلام عن المثالية حتى نصل لها

[ام ناصر1]

لكن احس ان زواج الأقارب هو الاكثر رسوخ واستقرار
من تجارب محيطنا هو مستقر ولكن مشاكله وخلافاته بلانهاية وتخليك تشيل بنفسك
من جماعتك

[Dawn]

وحده مجنسه عندنا في الدوام ( أصلها من دوله عربيه ) قالت مره انها ندمانه وتعض اصابع الندم لانها قبلت بالزواج من زوجها ...


والسبب



انه مب قبيلي !!!! :omg:

( مجنسه من كم سنه ) للعلم فقط:secret:

[qatara]

^

هههههههههههههههه

يدورون اي سبب يعيب الزوج
ياويلها من ربها بدل ما تمدحه او تثني عليه
او على الاقل تسد بوزها مهما كان فهو ابو ابنائها وستره من سترها
مالقت شي تعيبه به وهي مجنسه عابته باصله سبحان الله
قومها رداها

هاذي الي ينطبق عليها المثل
(مكسوره وتبرد)

[Dawn]

^

هههههههههههههههه

يدورون اي سبب يعيب الزوج
ياويلها من ربها بدل ما تمدحه او تثني عليه
او على الاقل تسد بوزها مهما كان فهو ابو ابنائها وستره من سترها
مالقت شي تعيبه به وهي مجنسه عابته باصله سبحان الله
قومها رداها

هاذي الي ينطبق عليها المثل
(مكسوره وتبرد)


بتضحك اكثر لو عرفت هو ولد من :secret: :secret: :secret:

[qatara]

الله المستعان

رب اشعث اغبر لو اقسم على الله لابره

[ريتويت]

الله المستعان .......

[كتكوت الوحش]

اصلا اكبر غلط زواج الأقارب /:)


وكلن حر في حلاله:tease::omen2:

كلاااااااااامك يا بو حارب والله عين العقل وفعلا غلط اكبير الزواج من الاقاارب

[mrloverman]

يوم القيامه خل قبيلته تنفعه الي حرم بنته تتزوج
والي رد رجل ارتضوا دينه وخلقه ولكنهم ردوه لعادات القبايل