ايهما اجمل وافضل في الوقت الحالي: البورسلان او الرخام!!!

[PGR]

السلام عليكم ,,, انا فتحت هالموضوع من باب المناقشه لانه في السابق كان مافي مقارنه بين البورسلان والرخام من الناحية الجماليه فقط كان يتفوق من الناحية العمليه ,,, اما الحين فقمنا نشوف البورسلان باشكال الرخام واحلى وحتى من الناحية العمليه افضل ,,, فايهما تشوفه احسن وافضل البورسلان او الرخام مع ذكر الاسباب

يعطيكم العافيه

[كبير المتداولين]

بلا منازع الرخام افضل بكثير من حيث الجمال البريق القوه

البورسلان فيه الجمال ولاكن لايقارن بالرخام بريقه قد يتغير بالعوامل الجويه قوه اضعف بكثير من الرخام

وبشكل عام يعتمد على الذوق لاكن كمواصفات الرخام افضل

[شموخ دائم]

,

,


مرحبا

الرخام اجمل وافخم وحتى اوضح لك الموضوع

كل ما يفعلونه بالسيراميك والبورسلان هو ( تشبيه ) او تقليد على الرخام
لانه اجمل فهم يقلدون شكله وعروقه وتمازج الوانه

عمرك شفت لوبي فندق خمس نجوم مركب سيراميك ؟؟

لازم رخام

:)

بس في الاخير هو مسئله ذوق و ارتياح نفسي لنوع معين منهم

واحد يحب يركب مرسيدس
وواحد يركب bmw
او الكروزر

وواحد يعشق البورش
:)

كلها اذواق




,

,


اخوك

شموخ دائم

[Amer]

الرخام طبعا

[دهــن العود]

وأن كنا لا نقلل من جودة السيراميك ولكن يبقى الرخام هو الافضل والأجود

لكن احيانا الحالة المادية تتحكم في الاختيار

:)

[Almossafer]

شفت احدى المنازل مركب سيراميك ومطعمه بالرخام

بصراحه طالع روعه

[WELLDONE]

الرخام بلا منازع

[khaldoon]

اعتقد اخوي العزيز لو سعره رخيص كان ما احد ركب بورسلان

[A.L.I]

اكيد الرخام

[almaf1a]

هل الرخام ممتاز على المدى الطويل لاني سمعت من البعض انه تثير فيه تشققات وحفز في حالة تبلله بالماي

[PGR]

هل الرخام ممتاز على المدى الطويل لاني سمعت من البعض انه تثير فيه تشققات وحفز في حالة تبلله بالماي

هذي النقطه اللي الكل ماذكرها لانه انا كان قصدي من الموضوع جميع النواحي ومب الناحية الجماليه فقط,,, نسبة شرب الماي للبورسلان 1% تقريبا بينما للرخام اكبر بوايد,, شي ثاني انه البورسلان مايحتاج صيانه مثل عمل بوليش له كل فتره بينما الرخام يحتاج,, هاي على حسب معلوماتي المتواضعه وارجوا حد يصححلي اذا كنت غلطان


مشكورين الجميع على الردود وننتظر ردود اعضاء اخرين

[شموخ دائم]

,

,



مرحبا

منورين

:)

اسئله جميله جدا

الماي ماله اي تاثير على الرخام نهائيا
والدليل انه يتركب ( للمغاسل ) والماي يصيده بشكل يومي

بالنسبه على المدى الطويل مثل ما سئل بعض الاخوان فهو ( يتاثر ) ويحتاج الى صيانه والسبب هو المنظفات وليس الماء
دائما الرخام من الافضل ما نستخدم له اي منظفات ولا ديتول فقط الماء
وكل 6سنوات طريقه الصيانه نجيب له مكينه الجلي والتلميع ونعمل له بولش
ويرجع يلمع مثل اول ما تركب وترجع له الحيويه والبريق
البولش يكلف المتر ( 15 ريال )
اما اذا نعمل ( جلي + بولش ) يكلف المتر 30 ريال تقريبا



,

,


اخوك


شموخ دائم

[khaldoon]

,

,



مرحبا

منورين

:)

اسئله جميله جدا

الماي ماله اي تاثير على الرخام نهائيا
والدليل انه يتركب ( للمغاسل ) والماي يصيده بشكل يومي

بالنسبه على المدى الطويل مثل ما سئل بعض الاخوان فهو ( يتاثر ) ويحتاج الى صيانه والسبب هو المنظفات وليس الماء
دائما الرخام من الافضل ما نستخدم له اي منظفات ولا ديتول فقط الماء
وكل 6سنوات طريقه الصيانه نجيب له مكينه الجلي والتلميع ونعمل له بولش
ويرجع يلمع مثل اول ما تركب وترجع له الحيويه والبريق
البولش يكلف المتر ( 15 ريال )
اما اذا نعمل ( جلي + بولش ) يكلف المتر 30 ريال تقريبا



,

,


اخوك


شموخ دائم

شوف يا اخوي يا راعي الموضوع

عن نفسي اعتبر كلام اخونا شموخ دائم ثقه لاني اعتبره ملك الرخام و الجرانيت من غير قصور بالجميع ....و خبرته كبيره في هذا المجال

فتوكل على الله لو بغيت الرخام و بالتوفيق

[WELLDONE]

,

,



مرحبا

منورين

:)

اسئله جميله جدا

الماي ماله اي تاثير على الرخام نهائيا
والدليل انه يتركب ( للمغاسل ) والماي يصيده بشكل يومي

بالنسبه على المدى الطويل مثل ما سئل بعض الاخوان فهو ( يتاثر ) ويحتاج الى صيانه والسبب هو المنظفات وليس الماء
دائما الرخام من الافضل ما نستخدم له اي منظفات ولا ديتول فقط الماء
وكل 6سنوات طريقه الصيانه نجيب له مكينه الجلي والتلميع ونعمل له بولش
ويرجع يلمع مثل اول ما تركب وترجع له الحيويه والبريق
البولش يكلف المتر ( 15 ريال )
اما اذا نعمل ( جلي + بولش ) يكلف المتر 30 ريال تقريبا



,

,


اخوك


شموخ دائم

دايما سباق ورايك صحيح 100%

[ولد المنصور]

الرخام اخوي ولاتردد .. مهما كان نوع البورسلان والجوده .. الرخام يعطيك فخامه

[مضارب دوسري]

كل واحد تحكمه سيولته اخوي
اذا الشخص عنده خير ومقتدر اكيد الرخام
واذا شخص مايقدر يحط فوق المليون وميتين الا مبلغ بسيط يركب سيراميك او بورسلان

واللي مايقدر كلش يفرش البيت

[تحداني]

شموخ دائم كلامه منطقي ورائع
صار لنا اكثر من 10 سنوات امركبين رخام في المداخل وحول المغاسل والسلالم وما صاده شي .. اما المطبخ فإخترب علينا من المنظفات

العدو الاول والاخير للرخام هي المواد المنظفه وليس الماء


جملك الله برضاه

[كبير المتداولين]

http://forum.hawahome.com/nupload/1478_1238221046.gif

بواسطه هالليفه يكون فيها نفس الحديد مع الصابون والماء تخلي الرخام يلمع بدون اي مواد
متوفره في جميع البقالات

قيمتها 3 ريال
والصابون 5 ريال
وكلك ماي بلاش
الاجمالي 8 ريال

وامحق شركات تنظيف عندنا
واحد طالب مني 15 الف

مادري ينظف الديوان

[هارودز]

وين تنصحون شراء الرخام في الدوحة او خارج الدوحة
البعض يقول منطقة الخرج في الرياض من ناحية الاسعار و الجوده
نرجوا افادتكم

[بوخالد2]

الرخام ولا تفكر بغيره

[ولد المنصور]

وين تنصحون شراء الرخام في الدوحة او خارج الدوحة
البعض يقول منطقة الخرج في الرياض من ناحية الاسعار و الجوده
نرجوا افادتكم

طبعا اخوي من الرياض اشكال اكثر واحلا ... بس سمعت انه ممنوع لا اذا , بتجيبه باسم الشركه اللي بتشتري منها .. الله اعلم
اما في الدوحه المحلات وايد بس اظن الاسعار متقاربه

[PGR]

يعطيكم العافيه شباب على الردود المفيدة ,,, بس عشان يكون الموضوع غني بالمعلومات ,, ارجوا تزويدنا باسماء المحلات المعروفه واللي عندهم رخام كواليتي ,, واذا ممكن تنحط انواع الرخام ومدى الاسعار من كم لين كم ,, ومشكورين وماقصرتوا

ارجوا انه الجميع يستفيد

[محمدوميار]

الرخام لانه يكفية انه طبيعى