بخصوص فيزا شنغن ضرووري جداً

[Dissney]

السلام عليكم ورحمة الله وبركاته

اعزائي الاعضاء ارجوو المساعده
بعد شهر ان شاء الله بسافر الى اسبانيا
وعندي سؤال بخصوص الفيزا اقدر اطلعها من السفاره الفرنسيه ولا لااازم اطلعها من السفاره الاسبانيه

لاني سمعت ان السفاره الفرنسيه اجراءاتها اسهل من الاسبانيه واذا لازم اطلعها من الاسبانيه شنهي الاشياء المطلوبه مني وهل تتأخر في استخراج الفيزا

ارجو المساعده هذي اول سفره لي لاوروبا

واللي عنده معلومه او نصيحه ياليت يفيدني

وشكرا

[AL-MAYSTRO]

انا قبل شهرين مطلع فيزة المانيه وسافرت اسبانيا
خذيت الاجراءات 3 ايام فقط وبدون ماتحضر للسفاره
يعني صورتين شخصيه بخلفيه بيضا + جواز السفر ..
طبعا عن طريق المندوب اللي تعاملت انا معه اريحلي
ويعني عادي لو تطلع الفيزة من الفرنسيه وتروح لاسبانيا

[SomeOne]

طلعها عن طريق السفارة الالمانية

مثل ماتفضل اخونا تاخذ 3 ايام فقط

وعن طريق مندوب المتحدة للسفريات ،

برسوم 600 ريال للجواز الواحد ،

ومدتها سنتين ، وعدة سفرات ،،

والله يحفظك ،

[سلامي للكل]

وعليكم الســلام ورحمة الله وبركاته

شوف ردي لاحد الاعضاء الكرام . . . ومدام الشغلة مايبغي لها اي مجهود وتعب نصيحة سوها بروحك وخل عنك مكاتب السفريات . . . وان شاء الله تتيسر امورك

وتروح وترجع بالسلامة

ملاحظة: انا مقدم ع الفيزا في السفارة الفرنسية وسافرت ايطاليا :nice:

:victory:







الســلام عليكم ورحمــة الله وبركاته

بالنسبـة لفيــزة الشــنغـن

نصيحــة لك ومن مجــرب مافي احســن من السفـارة الفرنسية (طبعاً اذا الجنسيــة قطــري) ولاداعي للسفريات لان الموضوع مايبغي له شي والسفريات ياخذون ع الجواز الواحد بحدود 200-300 طبعا غير رسوم الفيزا للسفارة

اتبعــوا الخطوات وان شاء الله اموركم طيبة

تعبئة الطلب + عدد صورة او 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا بالاضافة لحضــور الشخص عند التقديـم

يفضــل يكون الجــواز مدة صلاحيته طويلة وعلى فكــرة ممكــن تاخذون التاشيــرة لمدة اربع سنــوات

والجواز ما يطول عندهم بنفس اليوم او اليوم الثاني على طــول (قبل الصيف والزحمة الحق)

ملاحظة: يجب اخذ موعــد من السفارة الفرنسية وهذا اللنك لاخــذ الموعـد
https://pastel.diplomatie.gouv.fr//r...gid=099&suid=1

طلب الفيــزا موجود ع هالموقع
http://www.ambafrance-qa.org/spip.php?article413

بالنسبـة لحجز الطيران: طريقة سهلة وبلاش ومايحتاج تدفع ولا ريال لاي مكتب سفريات

اتصلوا على القطــرية واحجزوا تذكرة دوحة باريس دوحة, باي تاريخ يعجبكم وبعدها قولوا للموظف انه يرسل نسخة من الحجز على الايميل الشخصي, وبعدها اطبعوا الحجز واموركم طيبة.

بالنسبة لحجز الفندق: ادخلوا على موقع بوكينك واعملوا حجز لاي فندق في فرنسا (بنفس تواريخ حجز التذكرة) بس بشرط اختاروا الفنادق الي من شروطها (الغاء الحجز مجاناً) وبعد ماتحجزوا سيتم ارسال لكم الحجز اطبعوه واموركم طيبة. (للحجز محتاج فيزا كارت)
وادخلوا على حجزكم ثاني يوم وكنسلوه

بالنسبــة للتاميــن الصحي: اذا عندكم تاميــن صحي من مكان شغلكم صورة من البطاقة تكفي واذا لا مكاتب السفريات تعطيك تامين صحي للسفـر بـ 70 ريال اكثر اقل واموركم طيبة.

ولاتنســون ان تعبون الفورم على اساس انكم رايحين فرنسا وتحطون التواريــخ المطابقة للتذكرة والفنــدق

واتمنى اني افدتكم ولو بقليل

ترى انا مقدم ع الفيــزا من شهـر واشوي وعطوني 4 سنوات مده التاشيــرة ونفس الشي من قبل الاهل

وبالتوفيــق

[Dissney]

انا حجزت التذاكر والسكن اللي ابيه واموري تمام بس توني ادري عن التامين الصحي بلاقيه فكل المكاتب السياحيه ولا مكاتب محدده؟
وبالنسبه للموعد لازم اخذه عن طريق النت ولا عادي اروح لهم وهم يخلصوني؟

والله يعطيكم العافيه ماقصرتوا*

[العاني]

شباب نصيحه اذا أخذت الفيزا مثلا من المانيا قانونيا لازم اول شي تدخل المانيا بعدها تعتبر الفيزا مفتوحه لكن الي دخلوا بالطريقة ترى هاي بمزاجهم طوفوهم نصيحه خذها من سفارة اسبانيا

[AL-MAYSTRO]

شباب نصيحه اذا أخذت الفيزا مثلا من المانيا قانونيا لازم اول شي تدخل المانيا بعدها تعتبر الفيزا مفتوحه لكن الي دخلوا بالطريقة ترى هاي بمزاجهم طوفوهم نصيحه خذها من سفارة اسبانيا

لا اخوي مب لازم سفاره اسبانيا

(.. فيزة اسبانيا .معقده وتتاخر ولازم الحضور ..)

انا متحدثك مجرب شخصيا وقبل شهر مستخرج فيزتي الشينقن من السفاره الالمانيه
وسافرت دايركت لاسبانيا بدون مازور المانيا يعني مش قانونيا تزور المانيا عادي لو تزور
اي دولة في اوروبا ضمن الشنقن ..

..

[آنــه]

شباب نصيحه اذا أخذت الفيزا مثلا من المانيا قانونيا لازم اول شي تدخل المانيا بعدها تعتبر الفيزا مفتوحه لكن الي دخلوا بالطريقة ترى هاي بمزاجهم طوفوهم نصيحه خذها من سفارة اسبانيا



معاك في الكلام اللي قلته
لان صار لي نفس الموقف و كانوا رافضين ادخل بس انا أوردي كانت رحلتي باريس بعدها اروح سويسرا ورفضوا يدخلوني بعدها الله هداهم ودخلوني
في وقت وشهر يعني مب يوم ولا يومين أويهدي هم نفس الفور ما بس عبها وتوكل على الله

[عربسات]

انا حجزت التذاكر والسكن اللي ابيه واموري تمام بس توني ادري عن التامين الصحي بلاقيه فكل المكاتب السياحيه ولا مكاتب محدده؟
وبالنسبه للموعد لازم اخذه عن طريق النت ولا عادي اروح لهم وهم يخلصوني؟

والله يعطيكم العافيه ماقصرتوا*


هو الي اعرفه انه مش تأمين صحي !! هو تأمين سفر travel insurance

الااسعار متفاوته بين السفريات مره في مكتب قالي بياخذ 400 وخرده :eek5: بعدها رحت مكتب الدرويش الي عند دوار سناء خذ على الشخص تقريباً 70 للامانه ناس الرقم بس الاكيد اقل من 100

[Dissney]

حيرتوني المشكله ان السفاره الاسبانيه عسره اخاف يطول الجواز عندهم او اطول الفيزا خاصه ان السفر بعد شهرر والاسبوع الجاي بنروح مكه للعمره ان شاء الله

افكر اسوي الفيزا فالسفاره الفرنسيه

اللي جرب السفاره الاسبانيه يقول لي شنهي الاجراءات وكم ياخذون من وقت وكم يوم يتم الجواز عندهم

مشكلتي ضغط الشغل ماعندي وقت امرهم

[العاني]

والله هذا العلم اذا تبي وخذ الكلام أنا دوم ف اوروبا وقلت لك بالمزاج بيمشونك بس ما تسوي لو رجعوك او اي شي والمآيسةروااا اسمح لي الكلام مش صحيح وهذا قانون

[Dissney]

الله يعطيك العافيه العاني

طيب ممكن تقول لي شنهي الاشياء اللي يطلبونها السفاره الاسبانيه وكم يوم لين تطلع الفيزا والجواز ابي بالتفاصيل لاهنت

[Hamad7788]

يطلبون صوره شخصيه وخلفيتها بيضا لك .. واذا معاك حريم لازم الرقبه والأذن يبينون .. هاي طبعا شي يديد .. قبل مايحتاي يطلعون الاذن والرقبه ..
ولازم الحضور الشخصي .. و تملي الطلب عندهم في ثواني .. والرسوم تدفعها 290 ريال للجواز الواحد ..

ويخلص لك الجواز في خمس أيام عمل بالضبط ..

[Dissney]

الله يعطيك العافيه

اخذ موعد ولا اروح لهم ويخلصوني وبالنسبه للحريم لازم الاذن والرقبه طالعه

[ولي العهد]

انا على اول شهر ثلاثه مسافر جوله اوروبيه وبتبتدي من المانيا ومن اسبوع رايح سفريات رنجسي ومعطيهم جوازي وصورتين خلفيتهم بيضا ودافع 850 ريال ويوم الاحد الياي بروح استلم الجواز بلا وجع راس بلا مشاوير

[Hamad7788]

الله يعطيك العافيه

اخذ موعد ولا اروح لهم ويخلصوني وبالنسبه للحريم لازم الاذن والرقبه طالعه

مب لازم موعد .. روح لهم على طول .. والحريم لازم يطلعون الرقبه والأذن وخلفية الصورة بيضا

وعن كل جواز بتدفع 290 ريال

[almaf1a]

انصحك بالالمانيه الي في بن عمران
اسرع وافضل

[bu 3li]

السفاره الفرنسيه من احسن السفارات ( عن تجربه )

دخلت الساعه 10 الصبح عبيت الطلب وعطيتهم جوازي و 290 ريال
قالو لي تعال 3 العصر استلمها .. لا مكاتب ولا غيره ولا ينصبون علي

هالكلام العام شهر 12 .. مادري تغير الوضع الحين ولا نفس الشي

[سفيرالاحزان]

اجراءات السفارة الفرنسية

حجز فندق + تذكرة + تامين سفر و تعبئة طلب و ما يحتاج تحجز من النت روح لهم و راح يخلصونك
رسوم السفارة تقريبا 300 و يوم الثاني تمر عليهم و تستلم جوازك

[alma3ani]

اخوي انصحك تعطي الجواز مكتب رجنسي وهم بسون لك الاجراءات وفك روحك من عوار الراس

وعادي تقدر اتروح لاسبانيا قبل

انا رفيجي طلع شنقن من سفارة المانيا وراح لباريس اول شي ولا مر على المانيا ولا شافها بحياته