بخصوص الخيام الي عند البيوت

[JN000N]

السلام عليكم ورحمة الله وبركاته


عندي سوال وفنفس الوقت ابي تأكيد وابي سبب اذا حد يعرف الله يعافيكم


هل في قرار عن الخيام الي عند البيوت يشلونها؟
وهل القرار عالكل ؟

اكرر ما اقصد العنن اقصد الخيمه الي عند البيت :)
الي مسوينها نفس الميالس
وهل في كل المناطق او مناطق معينه؟

واذا صح الخبر حد يعرف الاسباب؟
للعلم الكلام مب من الهوا .. سبق وجا انذار لناس اعرفهم انهم يشلون خيمتهم اجباري

[ANONYMOUS]

على ماسمعت سابقا اذا فيها تعدي ع املاك الدوله و شكلها مش حضاري اذا تتطلب إزاله

والله اعلم

[بصمة قطرية]

و عليكم السلام والرحمة ..
هلا حبيبتي جنون ..
اللي اعرفه انه ممنوع ..!!
بس اغلب العالم حاطين ..
ما ادري هل في مخالفة تندفع في حالة المخالفة ..

[R 7 A L]

إذا برا الحوش نعم فيه


أما إذا كان في نطاق الحوش لا أعتقد


وشكراً

[مضارب دوسري]

اذا تعرف احد من البلديه اللي في منطقتك
امورك فالرووووب يجيك انذار ومن بعدها محد بيمر صوبك
بس اذا ماتعرف احد بيملغون عليك لين تشيلها

طبعا يجيك انذار فالحاله الاولى عشان محد يمسك على الشخص اللي تعرفه واذا حققوا معاه يقول عطيته انذار

[JN000N]

لا شكلها حضاري ومرتب من الخيام اليديده الي داخلها ميلس
ويايه فحدود تحطيط البيت يعني مب متعديه ع الشارع او مشوهه المكان

وبخصوص لكم حد فالبلديه
المنطقه الي اتكلم عنها تقدر تقول القراده بين الاهل قبل الغريب
ف الغريب فالموضوع ان تركو كل الخيام الموجوده وماجفنا ولا خيمه تزحزحت من مكانها غير الخيمه الي تكلمت عنها
واللي رايح راد عالقرار تقدر اتقول انه ضاربه عنده مب متحرك من عندكم ولا بشيل ولا خيمه فالفريج الا خيمتكم اول شي وعقب باجوف غيركم

[بصمة قطرية]

لا شكلها حضاري ومرتب من الخيام اليديده الي داخلها ميلس
ويايه فحدود تحطيط البيت يعني مب متعديه ع الشارع او مشوهه المكان

وبخصوص لكم حد فالبلديه
المنطقه الي اتكلم عنها تقدر تقول القراده بين الاهل قبل الغريب
ف الغريب فالموضوع ان تركو كل الخيام الموجوده وماجفنا ولا خيمه تزحزحت من مكانها غير الخيمه الي تكلمت عنها
واللي رايح راد عالقرار تقدر اتقول انه ضاربه عنده مب متحرك من عندكم ولا بشيل ولا خيمه فالفريج الا خيمتكم اول شي وعقب باجوف غيركم

ليش ان شاء الله ..؟؟
اش هالعداوة ..!!؟؟
لاحول ولا قوة الا بالله ..

[ANONYMOUS]

بعد انتهاء مهلة البلدية
انطلاق حملة إزالة الكبائن ومظلات السيارات المخالفة

2010-04-02
الدوحة - العرب *
بدأت جميع البلديات بوزارة البلدية والتخطيط العمراني اتخاذ الإجراءات اللازمة بشأن إزالة الغرف التنقلية (الكبائن) والصناديق ومظلات السيارات التي قام أصحابها بوضعها وتشييدها خارج حدود عقاراتهم في المناطق والأحياء السكنية دون الحصول على ترخيص من البلدية المختصة، وذلك بعد انتهاء المهلة التي حددتها الوزارة لإزالتها (أمس).
وكانت جميع البلديات قد قامت بحصر جميع الكبائن والصناديق ومظلات السيارات والخيام المخالفة وإخطار أصحابها بضرورة العمل على إزالتها قبل أول أبريل الجاري، وتم وضع ملصقات تحذيرية بالإزالة على هذه المنشآت المخالفة.
في بلدية الدوحة، تم حتى الآن حصر (65) بورت كابن و(12) مظلة سيارة، و(2) خيمة، موزعة كالتالي: (4) بورت كابن و6 مظلات في منطقة بن محمود، 1 بورت كابن و6 مظلات في الثمامة (رقم 46)، (2) خيمة و(3) بورت كابن في الثمامة (رقم 47)، (19) بورت كابن في منطقة الطوفة، (1) بورت كابن في منطقة كليب، (18) بورت كابن في منطقة دحيل، (19) في مدينة خليفة الشمالية.
في حين يواصل مفتشو البلدية أعمال حصر باقي الإشغالات بمختلف المناطق ووضع الملصقات التحذيرية بمراجعة البلدية بشأن عملية الإزالة، وفي حالة عدم الالتزام سوف تتخذ البلدية الإجراءات القانونية اللازمة.
وفي بلدية الريان، بلغ عدد الإشغالات التي تم حصرها ووضع الملصقات التحذيرية عليها (457) بورت كابن، (468) مظلات قديمة، (296) مظلات حديثة، (12) خيمة مجلس. وقد تم إخطار جميع أصحاب هذه الإشغالات بضرورة إزالتها ووضع الملصق الخاص بذلك.
وأبدى بعض أصحاب هذه الإشغالات تجاوبهم مع البلدية وقاموا بإزالتها أو نقلها داخل حدود منازلهم، أما الباقون فسيتم تحرير محاضر وإحالتها للشرطة لاتخاذ الإجراءات اللازمة.
وفي بلدية الخور والذخيرة، تم حصر (515) مظلة مخالفة منها (240) بمدينة الخور، (275) بمدينة الذخيرة، فضلا عن (25) بورت كابن قام أصحابها بمراجعة البلدية بخصوص إزالتها.
وفي الوكرة، تم توجيه إنذارات لأصحاب حوالي (10) بورت كابن تمهيدا لاتخاذ الإجراءات اللازمة في حالة عدم الالتزام بالإزالة.
وفي بلدية أم صلال، تم إخطار جميع أصحاب الكبائن والمظلات المخالفة بوجوب الإزالة، والتزم بعضهم في حين ينتظر الباقون، وسيتم توجيه إنذار نهائي بالإزالة، بعده سيتم تحرير المحاضر اللازمة وإحالتها للشرطة.
وفي بلدية الشمال، تم إخطار أصحاب (15) بورت كابن بإزالتها وهي في مناطق الشمال والرويس وأباظلوف والكعبان وعين سنان، وسيتم تحرير المحاضر اللازمة في حالة عدم الإزالة.
أما في بلدية الظعاين، فقد تم حصر (156) بورت كابن، (143) مظلة سيارة، (52) خيمة، (21) عزبة، وهي موزعة على مناطق لعبيب و العب وجريان جنيحات والصخامة والخيسة القديمة وأم قرن وسميسمة.
وقد قام أصحاب عدد (10) بورت كابن بالتجاوب مع البلدية وغزالتها من تلقاء أنفسهم، في حين ستتخذ البلدية الإجراءات القانونية اللازمة حيال الباقين.




هاي مقتبس من سنتين

موضوعج فيه ان

[elders]

عاد انا بحب شكلهم ..في واحد وانا رايحة على الدوام بنبسط بس اشوفو مولع فيها نار وبشرب شاي ..

[naklan]

لا شكلها حضاري ومرتب من الخيام اليديده الي داخلها ميلس
ويايه فحدود تحطيط البيت يعني مب متعديه ع الشارع او مشوهه المكان


اختي JN000N الا رض الي بنيت عليها الخيمة لكم ولا خارج حدود ارضكم ؟؟
وبعدين الكلام الي سمعته من صديق في البلدية انه حتى داخل المنزل لازم تبنى بترخيص
وحتى النطاطية تدخلو فيها لازم ترخيص :omg: البلدية صارت موذيه ومخالفاتهم خيالية
من 5000 وفوق :( لذالك اسمهم الجديد (البلا والاذية ) :nice:

[JN000N]

ليش ان شاء الله ..؟؟
اش هالعداوة ..!!؟؟
لاحول ولا قوة الا بالله ..


كيانهم عجيب شوي
يعني يبيلي يمكن اربع خمس مواضيع اصفهم لج يالله يالله تفهمين كيانهم :(

[JN000N]

اختي JN000N الا رض الي بنيت عليها الخيمة لكم ولا خارج حدود ارضكم ؟؟
وبعدين الكلام الي سمعته من صديق في البلدية انه حتى داخل المنزل لازم تبنى بترخيص
وحتى النطاطية تدخلو فيها لازم ترخيص :omg: البلدية صارت موذيه ومخالفاتهم خيالية
من 5000 وفوق :( لذالك اسمهم الجديد (البلا والاذية ) :nice:


:omg:
لا مع حدود البيت مب عالشارع ولا زايده عن الرصيف
نفس بيوت وايد جفتها فالدوحه ماتخالفت
بس الموضوع وييرد حده اذا حتا عالنطاطه مثل ماتقول

[ام السعف]

:omg:
لا مع حدود البيت مب عالشارع ولا زايده عن الرصيف
نفس بيوت وايد جفتها فالدوحه ماتخالفت
بس الموضوع وييرد حده اذا حتا عالنطاطه مثل ماتقول

جنون ،، في حدود البيت يعني في حدود سور البيت
اما لو طلت الخيمة اشوي برع السور هذا مخالف ،،

عاد ليش يخالفون ناس وناس لا،،
هذي عقلية العرب :(

[JN000N]

جنون ،، في حدود البيت يعني في حدود سور البيت
اما لو طلت الخيمة اشوي برع السور هذا مخالف ،،

عاد ليش يخالفون ناس وناس لا،،
هذي عقلية العرب :(


هذي الي انا اقول عنه
تراها ع ناس وناس
وحاطين حطه من صوبنا بس
نفس حد من اهلنا هم وجيرانهم شلو الي عند اهلنا وخلو جيرانهم لين يومج ماشلوه

[بو خليفه 123]

بالنسبه لاستفسارك اي نعم هي قابله للأزاله في اي وقت حد يبلغ البلديه لأنه اغلب الخيام تكون موضوعه على ارض الدوله و ليست جزء من المنزل ..


بعض الخيام يغضون النظر عنها لانها تضيف منظر جمالي او اذا كانت مثلاً 50 متر اضافيه بأمكانك ضمها الى ارضك اذا وافيتي الشروط .. يكون راعي الخيمه مسوي حديقه و موقع الخيمه مايعيق حركة الشارع .. لكن البعض عليها العين و يحق للدوله ازالتها


و تأكدي مايجي الانذار الا بشكوى من الجيران ..

في بيتي انا كاسر جزء من سور البيت و مخلي مدخل الخيمه مواجه الشارع / موازي مع السور لكن موقعها جزء من ارضي


طرشيلي احداثية خيمتكم و ابشري بسعدك :tease: