حوار يستحق المناقشه ( الخدم في المنازل )

[عضو نشيط]

مع كثرة تزايد المشكلات التي تعاني منها الأسر القطرية من الخادمات والسائقين أحببت أن أطرح هذا الموضوع للجميع لكي يبدي كل من يرغب المشاركة رأيه حول أهمية تواجد السائق أو الخادمة في المنازل القطرية.

وما الفائدة التي جنيناها من وتواجدهما بيننا ؟
وما هي أبرز المشاكل التي تواجه الأسرة القطرية من كل منهما ؟

وهل تواجد السائق ضرورة ملحة للأسرة القطرية ؟
هل تواجد الخادمة نوع من البرستيج للمرأة القطرية والتباهي بها أمام الأسر الأخرى أم أن كل أسرنا التي تعج منازلهم بالخادمات في حاجة فعلية لهن ؟

وما هي أبرز المخاطر التي وقعت أو نخشى وقوعها من واجد السائقين بين افراد اسرنا خاصة البنات والأمهات ؟

وما هي الخطورة المتوقعة من تواجد الخادمة بين المراهقين من الشباب ؟

وما هي أبرز القصص التي حدثت من تواجد هاتين الفئتين داخل البيوت القطرية ؟

وهل تضررن بناتنا من تواجد الخادمات فأصبحن إتكاليات وغير مباليات بما يفترض أن يقمن به من أعمال داخل البيت العائلي استعدادًا وتهيئة لبيت الزوجية في المستقبل ؟

كل هذه التساؤلات أطرحها بين أيديكم قبل أن أتناولها من جانبي وأتمنى أن يكون الحوار هادفًا وصادقًا ليستفيد منه الجميع .

مع وافر التقدير والتحية للجميع .


للأمانة
منقول مع تغيير إسم البلد المعني

[كلنا قطر 1981]

اولا اخوي الله يعطيك العافيه

ثانيا مع احترامي لموضوعك كنت اتمنى انك تتكلم عن المرأه العربيه او البيت العربي بشكل عام لانه اخوي الحين سالفة الخدم مب مقصوره بس على المراه القطريه بل لمعظم بيوت العرب مع الاسف

اما بالنسبه لي شخصيا

ف مافي عندنا سائق او (دريول) و لا يدخل بيتنا بارك الله فيك مب لشيئ ما بس لعدم حاجتنا له

اما في الخادمه ف بالسابق فكانت الوالده الله يعطيها الصحه و طولت العمر ترفض وجود خادمه في البيت و اقولها لك و ما استحي منه الي تربيت عليه على يد الوالده

الوالده الله يسلمك كانت تجبرني انا و اخواني و رضعيتي انه ننظف غرفنا بانفسنا و نعتمد على

نفسنا في تنظيف الغرف اما الصاله و المجلس فكان جدول كل يوم على واحد و هي كانت الله

يحفظها تشرف على هالشي بنفسها لين تعلمنا انه ما نقط او نوصخ شي في البيت و برا البيت

لانه احنا الي بنخم و بنظف و طبعا هذا و عقبها خلاص صار اعتمادنا كلي على انفسنا دخلت

عندنا الخدامه من قبل 8 سنين طبعا هي شغلها بس تنظف الصاله و المجلس و الحوش و

المطبخ اما غرف النوم فكل واحد مسؤل عن نفسه والطباخ على الوالده الله يطول بعمرها و

الحين اخواني و حتى رضعيتي يتعاملون مع اعيالهم بنفس الطريقه الي تربينا عليها و انشاء

الله نستمر على هالحال و لين الحين لم تسجل عندنا اي محاولة هروب للخدم :nice:

الله يوفق الجميع :victory:

[بوحمد111]

الخدم والسائقين شر لا بد منه واذا بتقولون ليش نجيب الشر لبيوتنا انا اقول حريم هالزمن غير عن حريم الاول والحين الحرمة تشتغل من الصبح الى الظهر وبعضهم الى العصر وبعضهم شفتات والرجال نفس الحاله ووجود الخدم لتخفيف معاناة الاسره وخاصة في التنظيف والغسيل وبعضهم للطبخ وللأسف بعضهم لتربية العيال وهذا اللي غير مرغوب فيه بالمره واما السايق فهو في اعتقادي مهم لتوصيل العيال المدارس وبحدود ان ما ياخذ البنت بدون امها او الخدامة او احد اخوانها الكبار الى ما يكبرون العيال ومن بعدها السايق ماله حاجه في البيت

[الصغيره]

لي عوده

[الأصيلة]

وما الفائدة التي جنيناها من وتواجدهما بيننا ؟
المساعدة والمعاونة في بيوت زادت عدد غرفها وسكانها وأثاثها ..
بيوت تحتاج إلى تنظيف وترتيب تعجز ربة البيت القيام بها..

وما هي أبرز المشاكل التي تواجه الأسرة القطرية من كل منهما ؟
جرأة الخدم وقيام علاقات بين الرجل والمرأة منهم
وامتلاكهم للجوالات وإقامة علاقات مع كل الأشكال والأصناف...
هروبهم من البيت وحسد أصحاب البيت على المال...

وهل تواجد السائق ضرورة ملحة للأسرة القطرية ؟
حسب نوعية رب الأسرة وعدد أفرادها ونمط حياتهم...
هل تواجد الخادمة نوع من البرستيج للمرأة القطرية والتباهي بها أمام الأسر الأخرى أم أن كل أسرنا التي تعج منازلهم بالخادمات في حاجة فعلية لهن ؟
يمكن البعض يشوفه برستيج ( اللي ماشافوا خير )
لكن صراحة كان قبل خدامة وحده تكفي
الآن كل وحده تشوف شغلها كثير وتتأفف
وحده تغسل وتكوي ووحده تنظف والثالثة تطبخ..
ماعاد يرضون يشيلون شغلتين في البيت...

وما هي أبرز المخاطر التي وقعت أو نخشى وقوعها من واجد السائقين بين افراد اسرنا خاصة البنات والأمهات ؟
الخطر حسب الأب والأم ومدى حرصهم على أبنائهم..
السائق لما يشوف أهل البيت حريصين على عيالهم ومايهملونهم..
يلزم نفسه ومايتجرأ وكذلك الخادمة...

وما هي الخطورة المتوقعة من تواجد الخادمة بين المراهقين من الشباب ؟
لازم وضروري مانجلب خادمة صغيرة وجميلة للبيت اللي فيه مراهقين
وياما وياما صارت مشاكل ..
حسب تربية الولد وإهمال الأم لبيتها وعيالها...
وما هي أبرز القصص التي حدثت من تواجد هاتين الفئتين داخل البيوت القطرية ؟
أسمع بالكثير لكن الحمد الله في محيط بيئتي ماشفت شيء
إلا مشاكل عادية معروفة وبسيطه..

وهل تضررن بناتنا من تواجد الخادمات فأصبحن إتكاليات وغير مباليات بما يفترض أن يقمن به من أعمال داخل البيت العائلي استعدادًا وتهيئة لبيت الزوجية في المستقبل ؟

نعم تضررن ضرر كبير
وكل وحده تعجز تسوي شيء في بيتها
ولاحتى تجيب كاس الماي...

[Dawn]

حتى على ايام الرسول صلى الله عليه وسلم كان لربة البيت جواري وخدم .. مادري ليش تحسسون الواحد ان الاستعانه بالخدم بدعه جديده ومحرمه وما عرفوها العرب الا من كمن سنه .. جداتنا كان عندهم خدم يعيشون معاهم وتحت كفالتهم بشكل دائم لا عقد ولا شي .. وكانت الدنيا بخير مافيها مشاكل ولا بلاوي .. اعتقد ان المشكلة في الكفيل نفسه .. اذا ما عاملهم بطريقه زينه وما احترم انسانيتهم .. او اذا عطاهم كل الصلاحيات للتحكم في ادق تفاصيل الحياة بالنسبه له ولباقي افراد اسرته هنا بتصير المشاكل .. اما الخدم الهدف من وجودهم هو ( مساعدة ) المرأه او الرجل في تحمل ( بعض ) مسؤوليات البيت .. لكن اللي نشوفه هالايام للأسف شي ثاني ..

[الصغيره]

الخدم وما ادراك ما الخدم

الخدم صاروا بلاء وليس نعمه

من جانب المباهاه يا مكثرهم ويا قلبي لا تحزن ان ترى خادمه معها بلاك بيري وشنطه ماركه وشعر مسبسب ومك اب ولا باس ان عملوا لها مناكير وبدكير ومساج لزوم الفوشار


تعاملها مع رب البيت ياما سمعت عن حركات تسويها الخدامات اغرائيه لرب البيت واذا الذمه ناقصه وهي راعية سحر واعمال تلاقيه يقول ما اشرب الا الشاي مالها طعمه مش مثل اي شاي الاكل من يدها يكلمها بحنيه اكثر من زوجته وعياله يا ويل المدام اذا قالت سفرها ما ابيها هي الباقيه وانتي الطالعه واقول عسى تركتي عمل بيتك وواجبك لها فتستاهلين

الحين قبل الواحد ما يتزوج يجيب الخادمه لامه تدربها هههههههه عز الله ظمن رضى المدام


اما المراهقين حدث ولا حرج هم لعبة الخادمه

الخدم مع الخدم قصص يوقف لها شعر الراس واذ لقيت نص اكل البيت يطبخ بطبخ خاص وبهارخاص ويخصص لخادم من السواقين من قبل خادمه اعلم انه مميز فحالو التصرف بسرعه

اما عن بلاويهم مع بعض حاول تلقى كم تلفون مع الخادمه لان تلفون لك ولبيتك وتلفون فودافون للسايق ولشارع

اسغفر الله واتوب اليه الصراحه اسرفنا اسرفنا والبيوت مكتضه بالخدم كل بزر تركض وراه خدامه وكل طفلين لهم اربع خدامات وسايق


والله اننا ببتلاء منهم


اقترح على كل راعية بيت تجيب لها مساعده مسلمه من السودان او ارتيريا وتجيب فلبينيه مسلمه كبير ه للغسيل والتنظيف وتجيب طباخ مسلم هندي كبير بالسن وهي تاخذ ليسن وتسوق بحالها وعيالها وتريح راسها من البلاوي

[بوسلمان 2010]

والله الصج كلام اخوي كلنا قطر وايد مقنع والله يخليلك امك الصراحة شي طيب مثل هذي العادات الطيبة وهي


الاعتماد على النفس

[دااانة قطر]

اولا اخوي الله يعطيك العافيه

ثانيا مع احترامي لموضوعك كنت اتمنى انك تتكلم عن المرأه العربيه او البيت العربي بشكل عام لانه اخوي الحين سالفة الخدم مب مقصوره بس على المراه القطريه بل لمعظم بيوت العرب مع الاسف

اما بالنسبه لي شخصيا

ف مافي عندنا سائق او (دريول) و لا يدخل بيتنا بارك الله فيك مب لشيئ ما بس لعدم حاجتنا له

اما في الخادمه ف بالسابق فكانت الوالده الله يعطيها الصحه و طولت العمر ترفض وجود خادمه في البيت و اقولها لك و ما استحي منه الي تربيت عليه على يد الوالده

الوالده الله يسلمك كانت تجبرني انا و اخواني و رضعيتي انه ننظف غرفنا بانفسنا و نعتمد على

نفسنا في تنظيف الغرف اما الصاله و المجلس فكان جدول كل يوم على واحد و هي كانت الله

يحفظها تشرف على هالشي بنفسها لين تعلمنا انه ما نقط او نوصخ شي في البيت و برا البيت

لانه احنا الي بنخم و بنظف و طبعا هذا و عقبها خلاص صار اعتمادنا كلي على انفسنا دخلت

عندنا الخدامه من قبل 8 سنين طبعا هي شغلها بس تنظف الصاله و المجلس و الحوش و

المطبخ اما غرف النوم فكل واحد مسؤل عن نفسه والطباخ على الوالده الله يطول بعمرها و

الحين اخواني و حتى رضعيتي يتعاملون مع اعيالهم بنفس الطريقه الي تربينا عليها و انشاء

الله نستمر على هالحال و لين الحين لم تسجل عندنا اي محاولة هروب للخدم :nice:

الله يوفق الجميع :victory:

الله يخليلكم الواالده ويطول بعمرها
وهذا النظاام كاان متبع عندنا من واحنا صغار
ويوم استقليت في بيتي وبحكم اني موظفه جبت من الخدم فوق 5 ولا توفقت مع ولا وحده والحمدلله العياال كبروا وبنتي تسااعدني في كل شي ومب محتااجين الشغااله
وان احتجتها وقت العزاايم وغيره طلبت بالسااعات يجون ويخلصون شغلهمم ويتوكلون على الله

[دااانة قطر]

حتى على ايام الرسول صلى الله عليه وسلم كان لربة البيت جواري وخدم .. مادري ليش تحسسون الواحد ان الاستعانه بالخدم بدعه جديده ومحرمه وما عرفوها العرب الا من كمن سنه .. جداتنا كان عندهم خدم يعيشون معاهم وتحت كفالتهم بشكل دائم لا عقد ولا شي .. وكانت الدنيا بخير مافيها مشاكل ولا بلاوي .. اعتقد ان المشكلة في الكفيل نفسه .. اذا ما عاملهم بطريقه زينه وما احترم انسانيتهم .. او اذا عطاهم كل الصلاحيات للتحكم في ادق تفاصيل الحياة بالنسبه له ولباقي افراد اسرته هنا بتصير المشاكل .. اما الخدم الهدف من وجودهم هو ( مساعدة ) المرأه او الرجل في تحمل ( بعض ) مسؤوليات البيت .. لكن اللي نشوفه هالايام للأسف شي ثاني ..


كلاامك صحيح بس هذا زماان ورااح
اذا بنجي للمعاامله هي الاساااس
اغلب الخدامات قبل هنديات ومعااملتهم غير تلاااقيها تصحى قبل المعزبه والمعزب قبل الاذاان وهي الي تصحي وتجهز الشااي والقهوه وبعدها الريوق وعقب تغسل وتطبخ وتنظف وتكوي وتخم الحوش وماتناام الا لين نااموا الكل يعني مافيها مشكله لو جاات 12 من الليل وهي مانامت
وانصدمت من نااس مايحسبون الخدم لا في غدا ولا عشا ولا ريوق اللي يزيد يعطونهم وان مرضت ياويلها وتيلفون ممنوع
وتعاالوا شوفوا الفلبينيه ولا الاندونيسيه ولا الاثيوبيه المعزبه تقول والله اخااف تسوي فيني شي فمخلينها على رااحتها شوي الا شردت ويحلفون ماسوينا فيهم شي ومعااملينهم احسن معاامله
:rolleyes2: