مدينة ترفيهية بسوق واقف ( بالصور )

[ولد البدر]

العمل على قدم وساق - كما يقال - في الساحة الموجودة شرق سوق واقف والتي تقام فيها الاحتفالات في بعض المواسم لعمل مدينة ألعاب حديثة للصغار تحتوي على قطار الموت وحلبة سباق وألعاب متنوعة، فهذا جانب ترفيهي جيد ن ولكن هل ستستوعب المواقف الحالية هذا الكم الهائل من الزوار الذين سيأتون إليها وهي مواقف تغص بكثرة المركبات الموجودة فيها حاليا، ثم هل ستكون التذاكر في متناول الجميع والأمرالآخر أنها قد أنشئت بالقرب من المسجد فهل ستتوقف الموسيقى التي ستكون فيها احتراما للآذان ، يجب على القائمين عليها مراعاة ذلك ونتمنى أن تكون مدينة ألعاب محببة ومناسبة للجميع من حيث السعر والمضمون
http://www6.0zz0.com/2012/02/20/21/729155922.jpg (http://www.0zz0.com)
صورة قطار الموت
http://www6.0zz0.com/2012/02/20/21/147845854.jpg (http://www.0zz0.com)
ألعاب للأطفال
http://www6.0zz0.com/2012/02/20/21/342260837.jpg (http://www.0zz0.com)
حلبة سباق
http://www6.0zz0.com/2012/02/20/21/192440684.jpg (http://www.0zz0.com)
مع السلامة

[روضة]

قلنا يمكن جاهزة الحين ، لكن إن شاء الله تكون أسعارها مناسبة حتى نودي اليهال

[الإكسير]

امس كنت في سوق واقف وشفت الالعاب... المشكله مافيه مواقف بعد ماشلوا المواقف الي مكان مركزالعاصمه القديم..

[بصمة قطرية]

فكرة حلوة ..
بس المشكلة في المواقف ..
أزمة المواقف ..!!!
و ان شاء الله مثل ما ذكرت تحترم الأذان ..
ما نسمع الموسيقى و هالسوالف وقت الاذان والصلاة
لان المسجد قريب ..
و الاسعار لازم تكون مناسبة للجميـع ~

[R 7 A L]

ما شاء الله
مافيه شي ماحطوه في سوق واقف
اتمنى يحطون مدرج مطار صغير على الاقل داخلي
على شأن يكتمل

[فتى الجود]

السلام عليكم

تسلم على الصور

: : بس ياليت من المنظمين أن يراعوا الأتى
: :


01 . اسعار الالعاب ، لان اللى بيلعب يهال فياليت يتم مراعاة الناس وتكون الاسعار معقولة .

02. مواقف سيارات .

03. اماكن الصلاة و الحمامات قريبة .

04. وجود محلات لبيع الشاي والذرة با أسعار معقولــــــــــــــة .

[كتكوت الوحش]

ياريت اتكون دائمة وارقى من كذا ومغلقه واتكون مدينة ترفهيه حكوميه اووو الناس الي مشغلينها الحكومه مو تجاريه بحتة

[توشيبا]

السلام عليكم

تسلم على الصور

: : بس ياليت من المنظمين أن يراعوا الأتى
: :


01 . اسعار الالعاب ، لان اللى بيلعب يهال فياليت يتم مراعاة الناس وتكون الاسعار معقولة .

02. مواقف سيارات .

03. اماكن الصلاة و الحمامات قريبة .

04. وجود محلات لبيع الشاي والذرة با أسعار معقولــــــــــــــة .



السلام عليكم ورحمة الله وبركاته

بخصوص اللعاب للحين ماندري إذا بفلوس ولا مجاني

وماعتقد ان أداره سوق واقف تخليها بفلوس وعلي رأسهم محمد السالم لي انهم مايهتمون في الماده إلا إذا الساحه موجره علي شركة للألعاب والله أعلم

أما بخصوص أماكن الصلاه ودواره المياه والحمدالله عندك مسجد سوق واقف ومسجد الأحمد وعندك في السوق استراحه ومصلى للنساء بدوراة المياه

وكل زاويه في السوق تحصل امكان لدواره المياه وعمال النظافه شغلين نهار وليل علي ان تكون نظيفه أول بأول


والمواقف عندك مواقف صوب عشيرج مدخلها من عند شارع حمد الكبير

والمواقف اللي في واجهه السوق

وعندك مواقف جامع الشيوخ صوب الديوان الأميري ثلاث طوابق وفيها نفق يؤدي الى سوق واقف

[راشد محمد]

ذكرتني بعلاء الدين...يارب تكون الاسعار طيبة

[NeverLand]

شكلها من طخت هات ايدك والحقني

مادري متى بيكون عندنا مدينة ترفيهية فخمه مثل الناس

[صاحب الذوق]

يا خوفي من الاسعار

[الزعفراني]

اللي أخبره انه ذي مؤقته ضمن مهرجان الربيع الترفيهي اللي المفترض بدأ يوم 15 فبراير لين 29 فبراير بس الظاهر الشركة متأخره في تركيب الألعاب ذي ، يعني الخوف يخلص المهرجان وعقب يشلونها والعالم للحين ما استفادت منها .

[شيزكيك]

انا مع اهلي نروح عادتا يوم الجمعه صج السوق ونيس نقعد احذا الحريم الي يبيعون الاكل ونشتري خبز الرقاق والخبيص والعصيده واليهال يستانسون يروحون يشوفون الطيور والارانب والحين عاد مع الالعاب بيفرحون اكثر وان شاء الله الاسعار تكون رمزيه توني راده من دبي والعاب القريه العالميه غاليه والفيشه الوحده بخمس دراهم وكل لعبه تتطلب مب اقل من فيشتين واليهال فرصتهم الوحيده للعب عقب بتبدا المدارس ويبدا الهم

[لمعة الالماس]

فيه مواقف تحت الارض بالقرب من مسجد الشيوخ :nice:

وهي عبارة عن طابقين تحت الارض ومكيفة اعتقد تنفع في اوقات المهرجانات والعطل

[الخيالة]

نبي ديزني لاند ؛(

[NOOUR]

السلام عليكم

تسلم على الصور

: : بس ياليت من المنظمين أن يراعوا الأتى
: :


01 . اسعار الالعاب ، لان اللى بيلعب يهال فياليت يتم مراعاة الناس وتكون الاسعار معقولة .

02. مواقف سيارات .

03. اماكن الصلاة و الحمامات قريبة .

04. وجود محلات لبيع الشاي والذرة با أسعار معقولــــــــــــــة .

معاااااااااك مية مية :nice:

[NOOUR]

شو صار بمدينة علاء الدين الترفيهية ؟؟؟؟!!!

[حقيقه]

أنتو مايعجبكم شيء أبد

[NeverLand]

لا يختي حقيقه احنا يعجبنا اي شي بس يكون شي يستاهل .. كل اللي نبيه هو انهم يحترمون عقولنا واذواقنا يعني مب قاصين علينا بكم لعبة سخيفه اشك حتى ان فيها سيفتي مثل الناس .. شوفوا الصور بس والله تضحك .. معقوله هاي ببلد تعتبر من اغنى دول العالم .. شكل الالعاب يفشل احس كأنها موجوده بشمال شرق ايران .. تصميم اللعبة اللي فيها جني ارررف وتشيب

[ضوى]

دخيلك ربي نبي مكان مفتوح نلعب عيالنا فيه ، تعبنا من الزحمة ومن سناء وفن دي كلها مسكرة وتجيب الامراض والعياذ بالله

[اليحصبي]

فيه مواقف تحت الارض بالقرب من مسجد الشيوخ :nice:

وهي عبارة عن طابقين تحت الارض ومكيفة اعتقد تنفع في اوقات المهرجانات والعطل



http://www.shooq4.com/vb/images/bb/29.png
مادري يمكن لحين محد يدري عنهاأ ، دايما المواقف فاضيه

[فلتة زمانها]

مكانها غلط بصراحه

[biscuit]

دخيلك ربي نبي مكان مفتوح نلعب عيالنا فيه ، تعبنا من الزحمة ومن سناء وفن دي كلها مسكرة وتجيب الامراض والعياذ بالله

اختي ضوى عندج مدينة الالعاب اللي في حديقة الحيوان مفتوحة ويوم الخميس نساء وأطفال :nice:

[ولد البدر]

اللي أخبره انه ذي مؤقته ضمن مهرجان الربيع الترفيهي اللي المفترض بدأ يوم 15 فبراير لين 29 فبراير بس الظاهر الشركة متأخره في تركيب الألعاب ذي ، يعني الخوف يخلص المهرجان وعقب يشلونها والعالم للحين ما استفادت منها .


مشكور أخوي الزعفراني على المرور ، بس ما اعتقد انها مؤقتة لأن الألعاب جديده ( بقراطيسها ) والحلبة شكلها ثابتة ، ما اتوقع أبدا إنها مؤقتة ، وإذا كانت مؤقتة يمكن لمدة طويلة

[خوي الدرب]

سيلوث ضجيجها سكون سوق واقف

[دااانة قطر]

اهم شي يوسعوون الموااقف الضيقه

[حلم الطفولة]

حلاتين على هالمدينة وأحسن ما فيها خادم المصباح اللي بيخرع اليهال من أولها ،، مشكور أخوي على الصور

[فتى الجود]

السلام عليكم ورحمة الله وبركاته

بخصوص اللعاب للحين ماندري إذا بفلوس ولا مجاني

وماعتقد ان أداره سوق واقف تخليها بفلوس وعلي رأسهم محمد السالم لي انهم مايهتمون في الماده إلا إذا الساحه موجره علي شركة للألعاب والله أعلم

أما بخصوص أماكن الصلاه ودواره المياه والحمدالله عندك مسجد سوق واقف ومسجد الأحمد وعندك في السوق استراحه ومصلى للنساء بدوراة المياه

وكل زاويه في السوق تحصل امكان لدواره المياه وعمال النظافه شغلين نهار وليل علي ان تكون نظيفه أول بأول


والمواقف عندك مواقف صوب عشيرج مدخلها من عند شارع حمد الكبير

والمواقف اللي في واجهه السوق

وعندك مواقف جامع الشيوخ صوب الديوان الأميري ثلاث طوابق وفيها نفق يؤدي الى سوق واقف


السلام عليكم

اخى الكريم

واخونا محمد السالم اذا كان لا يهتم بالمادة لماذا لا يتدخل في أسعار البيع المحلات

التى تبيع الناس با الأسعار الغالية مع انه ان السوق اجارة رخيص ؟

وللأسف

ان المطاعم والمقاهى تبيع با أرقام خيالية

ولما يجيب لك المنيو ( قائمة الطعام ) نلقى ختم السوق عليه

فنتمنى من الأخ محمد السالم يراعى الاسعار او يدعمها وترحمنا من الاسعار السياحية

وتسون لنا مثل مصر

الاسعار للمصرين اقل من الاسعار للسياح والأجانب



معاااااااااك مية مية :nice:

يـــاهـــلا