دلوني على افضل طبيبة جلديه؟؟؟؟؟

[stand-by]

السلام عليكم

بغيت اعرف افضل طبيبة جلدية في قطر (وليس طبيب)،، طبعا تكون في مستشفى او عيادة خاصة لانه الرميلة اغسل يدك تحصل موعد،،

الرجاء من المشرفين الكرام عدم نقل الموضوع الا بعد الحصول على الجواب الشافي،،
الموضوع مستعجل الله يرضى عليكم، وما تشوفون شر،، :weeping:

[فتى الجود]

السلام عليكم

اسأل الله العظيم رب العرش العظيم ان يشفييك

ارشح لك الدكتورة / عايدة

بمدينة خليفة - بن عمران

العيادة مشاهدة مجمع المنصور الطبي


واذا تبي دكتور مضمون " بس انه رجل "
ممكن ادرلك عليه

لكنه امين وبيقابلك في نفس الوقت ومجاناً

باقي التفاصيل على الخاص

[stand-by]

الله يجزاك خير يافتى الجود، والشر مايجيك،،

كم رقم عيادة الدكتورة عايدة؟؟
لازم نحجز موعد والا عادي تستقبل الحالات المستعجله؟؟

[stand-by]

سويت بحث سريع بدليل قطر وطلعلي رقم عيادة الدكتورة عايدة،،
حابة اضيف الرقم عشان يستفيد غيري

عيادة الدكتورة عايدة الصالح
44182929
44182828

باكلمها بكرة والله يشفي الوالدة وجميع مرضى المسلمين،،
اللي حاب يرشح اسماء ثانية اكون شاكرة،،

[فتى الجود]

اعتقد أن دومها

من 8.00 الصباح
الى 12.00 الظهر

والعصر

من 4.00
الى
8.00


وبدون مواعيد تروحيين وتدخلين
الحل

اذا الحاله عند مستعجله على الــ 7.45 صباحً روحي العيادة واخذي رقم واخلك بالأنتظار بحيث اول مات\خل الدمتورة يخلونك عليها

الحل

[stand-by]

سؤال،، هل الدكتورة عايدة جيدة في علاج الحساسية؟؟
ياليت اللي جربها من هالناحية يطمنا؟؟ او يرشح لنا اسماء ممتازة في علاج الحساسية على وجه الخصوص؟؟؟

الله يجزاك الجنة يا فتى الجود،،

[بومحمد55]

في عياده جلديه بالنسبه لي دكتور ممتاز أسمه الدكتور : غازي وعيادته في فريق كليب وأنا شخصياً

تعالجت عنده من الصدفيه والحمد الله شفيت بأذن الله وزوجتي كان فيها حساسيه ونفس الشي علاجه

طيب ...

موقعه ورى المطابخ الشعبيه اللي في فريج كليب

[راشد محمد]

غازي وااااااااايد زين وما يعطيج ادوية وحبوب واااااااايد

[الليل]

من تجربه وحده من الاهل انصحك بالدكتوره بدريه المحمود و عيادتها عند الاشاره اللي بين فيلاجيو و المخازن الكبرى

[doha2012]

الله يشفي الوالده ويطمنك عليها

[تحداني]

بدريه المحمود انا امجربتها رااااائعه
مكانها كما وصفه الليل
المواعيد والرقم ما اعرفه



ما اتشوفون شر


جملك الله برضاه

[barod888]

السلام عليكم ورحمة وبركاته
اخوي انا جربت دكتوره حلت لي مشكله كنت اعاني منها عشر سنين وتعالج احد اقاربي من الصدفيه بأمر الله على يدها وهي الدكتوره غاليه الدويغر ولكن في دولة البحرين وبامكانك تسأل استعلامات البحرين ويعطونك رقم عيادتها آنا الحين في تايلند وقبل ما أسافر خذت رقمها لأحد

[موضي قطر]

بدرية المحمود عن تجربه شخصية انا واللي اعرفهم بعد .. وهي تسمع المريض شيقول باهتمام ...

واتوقع هذا اهم شي .. الله يشفي المسلمين


هذا العنوان من الكرت حقها شارع الوعب تقاطع البعيا هاتف 44514680

[هبة ريح]

عايده الصالح ممتازه، بس الادوية سعرها مبالغ فيها يعني نفس الدوا تاخذينه من الرميلة ببلاش
وماتشوفون شر ان شاءالله

[فارس قطر]

اعرف دكتورة هندية ورخيصة عندها عيادة خاصة شي ماتتوقعة وقديمة في الدوحة
والاهل والجيران كلهم يعالجون عندها تبي رقمها برسلك اياة