متى يتم دمج البطاقات يا دولة قطر

[فريج النجادة]

1- البطاقة الشخصية

2- رخصة القيادة

3- التموين

4- الصحية

5 - البنك

وغيرهم الكثير

في مملكة البحرين تم دمج

اربع بطاقات

الشخصية والرخصة والصحة والبنك

ومتى يتم دمج البطاقات في قطر

[احب قطر]

مايصير دمج البطاقات ، لكل خدمة لها نظامها ونظام حماية ومعلومات محددة لحفظ خصوصية البيانات مع كل جهة بالاضافة الى صلاحية محددة ، ولكن ممكن اعتماد رقم البطاقة في كافة الخدمات

[airbus]

لكن الرقم موحد في كل الجهات معادا البنك

[للصبر اخر]

صح كلامك اخوي ايرباص
نتمنى تطبيق هالقرار

[تحداني]

من يوم وانا صغيره كل أحلم إن بوكي فيه وايد بطاقات وللحين احب البطاقات
حلوه الفكره بس اتضايق احلامي وايد



جملكم الله برضاه

[الـقـاسـي]

المفروض البطاقه الصحيه والشخصيه والليسن كلها بطاقه وحده لكن يكون في رمز خاص بكل وحده ...

لان والله مالها معنى هالبطاقات انا استخدم البطاقه الشخصيه اذا رحت لطواري ولا مركز شرطه ولا اي مكان وماشيل الا هي وياي

[alfahad1]

فكره حلوه من عضو حلو

[اليحصبي]

فكره حلوه ، إن شاء الله يطبقونهآ
http://www.shooq4.com/vb/images/bb/32.png

[شيزكيك]

خوش فكره واحنا الحريم عندنا بعد البطايق الصحيه حق اليهال وبطايق المحلات يعني زحمه في البوك

[كتكوت الوحش]

فكره حلوه ، إن شاء الله يطبقونهآ

[الخزرجي قطر]

فكره حلوه وخاصة للبطاقات الحكوميه بدلا عن عدة بطاقات

[£عبدالعزيز£]

هي فكرة حلوة وعملية من ناحية ان الواحد ما يحط مليون بطاقة في البوك

لكن هالشي صعب انه يتطبق لانه في حالات تحتاج فيها اكثر من اثبات للهوية

..

مثلا لو انسحب ليسنك .. شلون بياخذونه منك ؟

..

لو رحت مكان معين (المدينة التعليمية مثلا) ياخذون منك هويتك عند البوابة

انزين لو احتجت بطاقتي الشخصية وانا داخل شاسوي ؟

..

انا ادرس في الخارج .. وممكن جدا ان البوك يضيع .. عشان جي شايل البطاقات القطرية منه

وحاط بطاقتي الصحية بس كاثبات هوية .. لو كانت بطاقة وحدة وضاع البوك .. تعال رقع السالفة

واكيد في حالات ثانية تحتاج فيها لاكثر من بطاقة
..

ملاحظة اخيرة : شلون يتم دمج بطاقة البنك معاهم ؟

ولو عندي اكثر من اكاونت شاسوي ؟

..

وشكرا على الموضوع