جماعة الهكرز"انونيموس" تزرع خلاياها في راواتر كيوتل الجديدة!

[ام السعف]

قبل التعرف على الخبر وما بعد الخبرتعالوا نتابع هذه الفاتنة في حركاتها الايقاعية الجميلة
http://www.pic4ever.com/images/2uge4p4.gif
انظروا الى جمال خطواتها وهي تلتف حول نفسها بمنديليها على انغام رائعة
Andrea Bocelli المدعوة Because We Believe
منبهين الى اهمية ما سيذكر في ما بعد ذكر الخبر " لاتقولون ما نبهتكم "


الخبر يقول

تمكنت جماعة الهكرز "انونيموس"

http://www.anaonline.net/multimedia/articles/20122.jpg

من زرع خلايها في اجهزة الراوترز الحديثة التي تم تركيبها في البيوت في دولة قطر من قبل شركة الاتصال الأولى فيها ، واصبح بإمكان تلك الجماعة من الوصول الى كل التفاصيل الخاصة في حياة ساكني تلك البيوت ،، ومع التلاعب ببعض برمجيات الجهاز ستسيطر الجماعة على عقول و أمزجة قاطني البيوت التي تم تركيب الاجهزة بها ،، وسيصبحون رهن اشارتهم ،، ربما تستغلهم الجماعة في احداث ثورة ضد شركة كيوتل والغاء كل خدماتها و الابتعاد عن التكنالوجيا كيدا بها ،، وشعار الجماعة في هذا الهجوم هو " تعبنا من خدمتكم التعبانة يا كيوتل والنت المريض" " انتهى الخبر "

ما بعد الخبر يقول

في تطور سريع للخبر المنشور كان لمركز الرصد الرقمي هذا التصريح :
صرح السيد ابو قلب مكسور
http://www.pic4ever.com/images/139fs108574.gif

المراقب العام للمركز انه صعق لمدى تأثير الخبر على الشعب القطري عامة والشباب المتعلقين بعالم الديجتال بشكل خاص ،، فلاحظ ان الخبر انتشر مجرد اطلالة حروفه الأولى ،، وفي خلال دقيقة واحدة خارت قوى برامج التواصل بشكل لا يمكننا تصديقه ،،

وبعد الدقيقة الأولى تلت دقائق توقفت بها خدمات كيوتل بشكل عام بسبب فصل كيابل الكهرباء حتى لا تتأثر من الاجهزة المزروعة في البيوت ،، وفي الدقيقة الخامسة خرج الناس من بيوتهم خوفا من تأثير اجهزة الراوتر على ادمغتهم وعطب تفكيرهم ،،


في حين العقلاء تمكنوا من السيطرة على الوضع بعد الدقيقة السادسة ،، فأنتزعوا اجهزة الراوترز من على الحوائط والقوها تحت عجلات سياراتهم وهتفوا بقوة،، لقد دهسنا "الانينيموس"http://www.pic4ever.com/images/hexer.gif


وبعد ساعة من انتشار الخبر لاحظ المرصد بكاء كثيرات في تجمهر امام بوابة كيوتل الالكترونية مطالبات بحفظ عرضهن وصورهن التي سرقنها الهكرز ،،

بينما مجموعة ثانية من الشباب والبنات يحملون هواتفهم ويهتفون بأصوات هستيرية لقد سرقت ارقام الهواتف من هواتفنا ولقد اضعنا اقرباءنا وابناءنا واصدقاءنا وكل من تعرفنا عليهم في هذا الهجوم الغادر ،،

بينما الأكثر أسى كانت جماعة الرومانسيين الأحرارhttp://www.pic4ever.com/images/inlove2.gif التي اغمى عليهم دفعة واحدة وقد كتبوا بحروف من الزهور " عشقنا وهيامنا وحبنا فقد عذريته بعد اغتصاب الجماعة للرواتر "


عواصف رقمية تائهة،، ومشاعر رقمية لا مستقبل لها ،،رياح رقمية ثائرة ،، اغبرة وامطار رقمية مبددة للرؤيا،، والناس في ذهول وجري وبكاء واغماءات ،، والمرصد يحاول استيعاب الموقف وشرحه للعامة ،، بأن الخبر المنشور لم يكن سوى دعابة من السيدة العجوز المدعوة ام السعف التي رفع عنها القلم في مثل هذه الحالات :(

فاصل قصير قبل ان نتعرف على ردة فعل العجوز ام السعف
http://www.pic4ever.com/images/connie_24.gif


http://www.pic4ever.com/images/interview.gif

وفي ردة فعل عنيفة من السيدة العجوز على تصريح السيد بو قلب مجروح،،

ثارت العجوز ام السعف قائلة :
ان كان القلم رفع عني في مثل هذه الحالات فما هو عملكم في توجيه
هذه الحشود التي صدقت الخبر دون تمعن فيه ؟

أين دوركم في بيان اهمية حمل جهاز رقمي يتعامل الشباب معه كما يتعلمون مع المسباح
يستخدمونه للزينة ولا يعرفون عن برامجه الا التواصل والكلام ؟

أين دوركم عندما اصبحت الاجهزة الحديثة ،، كعلبة مكياج تحملها الفتاة ،، وتنشر كل لون
به دون تمعن او تفكير ان كانت الألوان للصباح او المساء ؟

أين دوركم في تثقيف هذا الحشود ،، ووضع مناهج مدرسية تواكب التطور الحاصل
مع البرمجيات والتطبيقات الحديثة التي تتناول بين ايادي شباب هذا البلد ؟

أين دوركم في بيان اساسيات طرق الحماية من القرصنة وعدم ترك الجيل الرقمي تتلاقفهم التقارير الكاذبة ؟


أين دوركم عندما نقرأ و نسمع ونشاهد الجيل الرقمي يصدق كذبة هكر سعودي
يخترق هواتف اهل قطر http://www.pic4ever.com/images/4fvgdaq_th.gif

من المسؤول يا جماعة من هالتخلف الرقمي ؟
من المسؤول عن التعامل مع الأجهزة والتطبيقات
بشكل سطحي جدا ؟ من من من ؟

عطوني اللي عندكم
:(

http://www.pic4ever.com/images/4lqqtqv.gif

[OTOsan]

سويتها يا .. انيمونيموس ..!!

[موضي قطر]

تبين تعرفين وش سبب التخلف الرقمي " التفاحة المقضومة :telephone:


شوفي ياعجيزنا الغالية .. تطورت اجهزتنا كثيراً جداً جداً .. وواكبنا كل جديد في السوق الرقمي

في شتى بقاع الأرض ... وقد ندخل في سباق محموم لإقتناء احدث الأجهزة الرقمية .. لكن ورغم

ذلك ابت عقولنا العربية اطلاق سراح " المؤامرات " خاصة بعد الربيع العربي والذي اسهمت فيه الأجهزة الرقمية و بشكل كبير في سقوط فراعنه العروش العربية <<< يا للمفارقة العجيبة ويا تلك العقول العصية <<< متعوب على الكلمة :shy:

[بوحمد111]

يعطيج العافية اختي ام السعف

موضوعج شوقني لقرايته ثلاث مرات ولا فهمت شي منه بس عجبني وقلت يمكن بعرف اش قصدها اختي الصغيرة ام السعف واذا انتي تقولين عن نفسج عيوز عيل ايش اقول عن نفسي والله يعطيج طولة العمر
برجع اقراة اكثر يمكن استوعب اللي فيه وبرد

اخوج الكبير بوحمد١١١

[لاجل QT]

انيمويس ماغيرة الا معناة في المنتدى؟؟:omg:

بغلو عنة:p

[أسير الاسهم]

ايس فيـه :omen2: !!؟

[ام السعف]

لحظة لو سمحتوا

من نزلت الموضوع كمبيوتري سكر علي المنتدى ،،

دستور يا اسيادنا الظاهر من صجهم متحكمين في اجهزتنا هالانينموس :(

[ام السعف]

تبين تعرفين وش سبب التخلف الرقمي " التفاحة المقضومة :telephone:


شوفي ياعجيزنا الغالية .. تطورت اجهزتنا كثيراً جداً جداً .. وواكبنا كل جديد في السوق الرقمي

في شتى بقاع الأرض ... وقد ندخل في سباق محموم لإقتناء احدث الأجهزة الرقمية .. لكن ورغم

ذلك ابت عقولنا العربية اطلاق سراح " المؤامرات " خاصة بعد الربيع العربي والذي اسهمت فيه الأجهزة الرقمية و بشكل كبير في سقوط فراعنه العروش العربية <<< يا للمفارقة العجيبة ويا تلك العقول العصية <<< متعوب على الكلمة :shy:

هو علشان الكلمة "المتعوبة" خليتج اول وحدة ينرد عليها :shy:

شوفي يا مضوي ،، عيب بجد عيب والله ،، لما نشوف عيالنا اغلبهم صدقوا كذبة
الهكر السعودي اللي دخل جواويلهم ،، والبعض شطح بخياله وقال ان ارقامه
انباقت والبعض الثاني قال ان جواله فقد السيطرة عليه ،، واللي قال ان الهكر
كلم اللي معاه على الواتس اب " OMG"
والأدهى انه هكر واسمه محطوط :weeping:
طيب من وين يابوا هالمعلومات عنه ؟
واشلون خيالهم اوحى لهم ان ارقامهم انباقت والهكر كلم ربعهم في اللست ؟
في اللي تحلف :( وتقول والله :(

احنا يبي لنا ربيع رقمي يعدل من فكر عيالنا ،، ما يصير كل واحد شال جهاز
على 4000 و 3000 وارخص جهاز على 2000 ريال في الأخير
ما يعرفون فيه الا الهذرة وتنزيل التطبيقات !!

عني احمل جهات عدة مسؤولية التراجع الرقمي في عقول عيالنا او توقفها
من عند ضغط زر التشغيل لأي جهاز ،، لكني راح اترك المجال للآخرين ،،

[khaldoon]

انا من زمان شاكك بأخونا العضو انيمونيموس اقول هو مب هين خخخخخخخ

[ام السعف]

سويتها يا .. انيمونيموس ..!!

:(

انيمويس ماغيرة الا معناة في المنتدى؟؟:omg:

بغلو عنة:p

لا مب هو ،، المقصودين اصحاب هالقناع
http://www.anaonline.net/multimedia/articles/20122.jpg


ايس فيـه :omen2: !!؟

خلك متابع لا تروح بعيد ولا ما بتستوعب ايس فيه :(

[airbus]

انتي قصدك على موضوع الwhats App والهكر الي يطرش الرسائل ؟

[أ التميمي]

:telephone::telephone::telephone:

[ام السعف]

انا من زمان شاكك بأخونا العضو انيمونيموس اقول هو مب هين خخخخخخخ

صدقني انه بريء براءة الذئب من دم سيدنا يوسف عليه السلام


يعطيج العافية اختي ام السعف

موضوعج شوقني لقرايته ثلاث مرات ولا فهمت شي منه بس عجبني وقلت يمكن بعرف اش قصدها اختي الصغيرة ام السعف واذا انتي تقولين عن نفسج عيوز عيل ايش اقول عن نفسي والله يعطيج طولة العمر
برجع اقراة اكثر يمكن استوعب اللي فيه وبرد

اخوج الكبير بوحمد١١١

الله يعافيك يا اخوي حمد 111

راح اترك لك الوقت كله تقرى الموضوع مرة لين عشرة ،، وناطرة ردتك
بس تراني مب اختك الصغيرة :shy:

[al-sadd]

ماتوقع جماعة مثل انونمس راح تضيع وقتها على اجهزتنا !
جماعة تقدر تبيد دول ! تطيح اقتصاد دول !ّ
كيف تتوقعون انهم يضيعون وقتهم على اجهزتنا :)

وانا شاك بعضو بينا معاهم وهو العضو anonymous !! شكلة منهم ههههههه

[ام السعف]

انتي قصدك على موضوع الwhats app والهكر الي يطرش الرسائل ؟

قصدي في كل شي ،،

اليوم اي خبر لو انتشر راح ينخذ على محمل الجد ،، ممكن يكون كذب
وممكن يكون صج ،، لكن عيالنا تايهين في تطبيقات الهذرة والسوالف
وما عندهم فكر يرشدهم للتفكير في مثل هالأخبار ،

لاحظ اشلون الدنيا تطورت والمفروض المسؤولين في البلاد
يواكبون هالتطور الحاصل كل حسب مكانه ومسؤوليته

*التعليم لازم يواكب التطور
*شركات الاتصال لازم يكون لها دور توعوي بما انها توفر حزم وتطبيقات
تاخذ عليها فلوس
*الهيئة العامة للأتصال لازم يكون لها دور في نشر الثقافة الرقمية
*محتاجين الى مرصد او مركز يحتوي مثل هالتطور ،،وينشر منشورات دورية
عن التطبيقات اللي تنزل وكيفية التعامل معها ايجابا او سلبا ،،ويكون لها
دور في الكثير من الخفايا المعلوماتية اللي ممكن تحيط بخبر ينتشر ويتداولونه
الشباب ،،

اللي ابي اقوله اخوي ايرباص،، شوف عيالنا اشلون صدقوا السالفة
واسألهم في امور كثيرة راح تلقاهم عدم ........> من المسؤول ؟

[ام السعف]

:telephone::telephone::telephone:

:telephone:


ماتوقع جماعة مثل انونمس راح تضيع وقتها على اجهزتنا !
جماعة تقدر تبيد دول ! تطيح اقتصاد دول !ّ
كيف تتوقعون انهم يضيعون وقتهم على اجهزتنا :)

وانا شاك بعضو بينا معاهم وهو العضو anonymous !! شكلة منهم ههههههه

يالسد توقع ترى ممكن كوبي بيست للعنوان وتلقاه منتشر على انه خبر عاجل
وهم ما يدرون وين الله قاطهم !!

هذا انت واحد انت عرفت جماعة المجهولين ،، هم ممكن يعرفونهم لكن البعض او الاغلب
منهم راح يتركون التفكير قراية الموضوع وتحليله وبتلقاهم بينشرون : خبر عاجل
المجهولون هكرو راوترات كيوتل:(

[عايش عمره]

جماعة anonymous هههههه اخبرهم

دمرو سيرفرات شركة سوني تدمير نهائي لدرجه الاون لاين اعتقد شهرين ماشتغل خلوهم يعيدون كل شي من اول ويديد :P

لو يبون جان خلو كيوتل يبيعون باجلا ونخي :P

[وطن]

من المسؤول يا جماعة من هالتخلف الرقمي ؟
من المسؤول عن التعامل مع الأجهزة والتطبيقات
بشكل سطحي جدا ؟ من من من ؟


احنا للأسف :(
والأجيال الحديثه جيل البلاي ستيشن و الاي باد
اهلهم والمدارس
لان لازم يتثقفون
مو بس Games
و فيديوااات و خلاص

[ام السعف]

جماعة anonymous هههههه اخبرهم

دمرو سيرفرات شركة سوني تدمير نهائي لدرجه الاون لاين اعتقد شهرين ماشتغل خلوهم يعيدون كل شي من اول ويديد :p

لو يبون جان خلو كيوتل يبيعون باجلا ونخي :p

واخترقوا حسابات الجي ميل لكبار مسؤولي الحكومة الأمريكية ،،

ما يدرون عن كيوتل ،،، بس نبي عيالنا يعرفون امور موجودة في جواويلهم
واشلون التعامل معاها واشلون تشتغل واشلون ممكن تنسد الثغرات
واشلون ممكن يحللون اي خبر بناء على ثقافة رقمية تقنية مدعومة
من جهات معنية ومتخصصة في البلاد ،،

بس اهتمام في الرياضة والكورة والمباريات :(

لو قالوا لهم مارادونا ،، عطونا تاريخ اجداده
لكن قالوا هكر سعودي اعتفسوا وصادتهم الفوبيا وقاموا يتخيلون
اشياء مب موجودة ولا صارت لجواويلهم :(

[السديم]

جبتيها على العوق يا ام الزين

عيل سالفة هكر الواتس اب هذي سالفة !!!!

وكل من قام يأكد .. اي هكر بيطرش من رقم جواله ؟؟

و وين الهدف من الهاكنج ؟؟ انه يطرش مسجات توعوية زوجية او دينيه !! طيب جزاه الله خير وماقصر :tease:

كل تكنلوجيا نملكها نحولها لتسلية ومضيعة وقت وماننظر لايجابياتها الثانية نهائيا !!

يعني تشوفين يهال بال 14 و 15 شايلين لهم بلاكبيري و اي فون ويوم تقولين لهم ليش

يقولون لج الاي فون للالعاب احلى والبلاكبيري للتشاتنج احلى :secret::eek5: يا لهوي

وهل هذي المطلوب وفقط !!!

والمشكلة ان التكنلوجيا صايرة في تطور سريع جدا جدا ويالله نقدر نواكب ..

المطلوب من شركات الاتصال عند توفير اي خدمة عمل كليبات دعائية وتوعوية بنفس الوقت .

[بلوتنيوم]

http://mo5tasar.com/wp-content/uploads/2012/01/%D8%A3%D9%86%D9%88%D9%86%D9%8A%D9%85%D9%88%D8%B3-300x167.jpg

هذا انونيموس يلقي بيان الهجوم :)


http://upload.wikimedia.org/wikipedia/commons/thumb/5/51/Anonymous_Flag.svg/200px-Anonymous_Flag.svg.png

وهذا علم دولة انونيموسنا العظمى

القناع طبعا محتاج موضوع علشان نتكلم عنه :)

[ام السعف]

احنا للأسف :(
والأجيال الحديثه جيل البلاي ستيشن و الاي باد
اهلهم والمدارس
لان لازم يتثقفون
مو بس games
و فيديوااات و خلاص

احنا يعني اولياء الأمور ؟

اسمحي لي اختلف معاج يا وطن في نقطة الأهل

احنا لو نراجع مناهج الكمبيوتر في المدارس ،، راح نشوف ان
ما عندنا معامل للتعرف على تطبيقات صارت في متناول كل عيال قطر
كحصص انشطة حتى مب منهج :(

وين دور التطور في التعليم ؟

هل المناهج تواكب التطور الحاصل ؟

اقول لج لا ،،

في بعض المدارس الهندية في قطر ،، طلاب الثانوية يدرسون البرمجة
احنا يروحون الجامعة توهم يتعلمون الاساسيات هذا لو تخصص برمجة
وعيالنا في المدارس هارينهم على الأوفس :(والفوتوشوب وتصميم المواقع :(

هل صار تصميم المواقع اليوم من اوليات اهتمام عيالنا ؟

لا ،، لأن صارت مواقع التواصل هي المهمة ،، ومع هذا يدخلونها وما يعرفون
الموقع هذا اشلون يشتغل وشلي يشغله واشلون يحمون نفوسهم ،،

والدليل ان غالبية الطلاب حاطين اساميهم وعناوينهم وصورهم الشخصية
في حين مدير احدى المدارس الخاصة الأجنبية في احدى الاجتماعات الأسبوعية
مع طلاب المدرسة ،، نبهمم الى اهمية اخفاء المعلومات الخاصة والصور الخاصة،،

واحنا كم ورشة عمل او موضوع انفتح في مدارسنا بشكل عام تنبه للشيء هذا
وحتمية حفظ البيانات الشخصية للأطفال والمراهقين ،،
وما بالج صارت في كل جوال تطبيقات توصف البيت واتطرش ملفات تعريفية
بمجرد الضغط على ارسال :(

مب كل ولي أمر مواكب للتطور ،، لازم يكون هناك دور اكبر من قبل الدولة
في دفع عجلة التطور التقني والمعلوماتي عند الجيل الحالي ،،

[ام السعف]

http://mo5tasar.com/wp-content/uploads/2012/01/%D8%A3%D9%86%D9%88%D9%86%D9%8A%D9%85%D9%88%D8%B3-300x167.jpg

هذا انونيموس يلقي بيان الهجوم :)


http://upload.wikimedia.org/wikipedia/commons/thumb/5/51/Anonymous_Flag.svg/200px-Anonymous_Flag.svg.png

وهذا علم دولة انونيموسنا العظمى

القناع طبعا محتاج موضوع علشان نتكلم عنه :)

والله يا صديقي القديم ،، انت شوف الجماعة هذي شتسوي في دول وحكومات
وشوفنا على الرغم من تطورنا الاقتصادي ،، اشلون اهتزوا عيالنا من خبر سخيف
هذاني العيوز ما تقبلته يوم عيالي يقولونه لي ،، ورفضته عقب فترة ،،

فشنهو كان مطلوب من جيل يدرس في مدارس يقدم تعليم متطور ؟

شنهو هالتعليم المتطور اللي عيالنا ياخذونه وهم ما يعرفون اشلون
يحللون مثل هالأخبار ؟

واسمح لي اطلب منك تكتب لنا سالفة القناع ومنكم نستفيد :shy:

[R 7 A L]

أم السعف
منتي بقاعده لين يجيك هكرز أرض جو يفجر جميع اجهزتك الالكترونية
وشتبين بسوالف الهكرزيه

[ANONYMOUS]

http://aqarcity.org/up10/images/jdv1285799719p.jpg

تو قاعد من النوم

كيف اقدر اخدمكم؟





http://24.media.tumblr.com/tumblr_lkuszvYxyE1qfjszxo1_500.jpg


:secret:

[بوحمد111]

صدقني انه بريء براءة الذئب من دم سيدنا يوسف عليه السلام



الله يعافيك يا اخوي حمد 111

راح اترك لك الوقت كله تقرى الموضوع مرة لين عشرة ،، وناطرة ردتك
بس تراني مب اختك الصغيرة :shy:

يعطيج العافية اختي الصغيرة ام السعف ولا تزعلين اذا قلت لج اختي الصغيرة والحين بديت استوعب شويونة من موضوعج وانا ولله الحمد ما اعترف بالاشاعات اللي تتطرش من الكذاب بيري قصدي البلاك بيري او الواتس اب وقال لي ولدي عن الهاكر السعودي وقلت له تعوذ من ابليس وركز على دراستك يا وليدي وخل عنك ترويج الاشاعات تراها تودي في داهية وان شاء الله انا قدرت اتوصل الى مفهوم موضوعج وعن كيوتل انا مالي شغل فيهم واهم شي عندي جوالي يرسل ويستقبل هاذا المطلوب وآسف على الاطاله ولي متابعة للموضوع

واكرر واقول اخوج الكبير بوحمد111 وبدون زعل

الله يحفظج

[khaldoon]

http://aqarcity.org/up10/images/jdv1285799719p.jpg

تو قاعد من النوم

كيف اقدر اخدمكم؟





http://24.media.tumblr.com/tumblr_lkuszvYxyE1qfjszxo1_500.jpg




:secret:

صباح الخير...تو الناس.....خلاص انا الحين بطفي الجهاز

escape

[ام السعف]

جبتيها على العوق يا ام الزين

عيل سالفة هكر الواتس اب هذي سالفة !!!!

وكل من قام يأكد .. اي هكر بيطرش من رقم جواله ؟؟

و وين الهدف من الهاكنج ؟؟ انه يطرش مسجات توعوية زوجية او دينيه !! طيب جزاه الله خير وماقصر :tease:

كل تكنلوجيا نملكها نحولها لتسلية ومضيعة وقت وماننظر لايجابياتها الثانية نهائيا !!

يعني تشوفين يهال بال 14 و 15 شايلين لهم بلاكبيري و اي فون ويوم تقولين لهم ليش

يقولون لج الاي فون للالعاب احلى والبلاكبيري للتشاتنج احلى :secret::eek5: يا لهوي

وهل هذي المطلوب وفقط !!!

والمشكلة ان التكنلوجيا صايرة في تطور سريع جدا جدا ويالله نقدر نواكب ..

المطلوب من شركات الاتصال عند توفير اي خدمة عمل كليبات دعائية وتوعوية بنفس الوقت .

:(

هذا اللي زعلني ،، واللي زعلني اكثر قامت تتلاقفنا فيديوهات وكل يقول عن امكانية
اختراق هالبرنامج او عدم امكانية اختراق البرنامج ذاك ،،
واللي يحط برامج لتعرض المسجات
واللي يبين طرق الدخول ،، واللي يقول لا تشبكون واير لس بالواتس اب :(

كل الكلام المذكور صح وغلط بعد ،، صح لما تطلع من ناس ثقات
غلط لما تطلع من ناس يبون يستفيدون او ينشرون الكلام لمجرد النشر :(

طيب احنا كمستخدمين من له نرجع علشان نتأكد ؟

عالم النت الوسيع ؟
من لنا فيه ؟
مالنا حد يا السديم انا ضايعين للأسف :(

الهيئة العامة للأتصال ليش مالها دور فاعل في مثل هالأمور
كيوتل ليش ما كان لها دور لو توعوي ينفي الزوبعة الخربوطية اللي صارت
ليش مثل هالأمر مب موجود في الخطط المقدمة لتطور البلاد ؟

عني والله طلباتي كثيرة وايد ،، وقلبي يحرقني على عيالنا اللي ضايعين في
هالتكنالوجيا ومب لاقين لا عوين ولا عضيد ينتشلهم من الحواري ويحطهم
في مراكز متطورة تستفيد من طاقتهم الفكرية في بناء عقولهم وخدمة بلدهم :(

عطوني واحد
My Wish

[اليحصبي]

انيمويس ماغيرة الا معناة في المنتدى؟؟:omg:

بغلو عنة:p

Anonymous
http://media.giantbomb.com/uploads/5/58178/1294596-anonymous_icon.jpg
هم مجموعة من الناس عندما يرون ان شيئ ما غلط ،يبادرون إلى تصحيح رؤية العالم إليه
من خلال اختراق المواقع الكبيره الحكوميه او غيرها
في مواقع كثير اخترقوها من ضمنها
شبكة البلاي ستيشن
موقع وزارة الدفاع السورية
موقع الاخوان المسلمين


http://mo5tasar.com/wp-content/uploads/2012/01/%D8%A3%D9%86%D9%88%D9%86%D9%8A%D9%85%D9%88%D8%B3-300x167.jpg

هذا انونيموس يلقي بيان الهجوم :)


http://upload.wikimedia.org/wikipedia/commons/thumb/5/51/Anonymous_Flag.svg/200px-Anonymous_Flag.svg.png

وهذا علم دولة انونيموسنا العظمى

القناع طبعا محتاج موضوع علشان نتكلم عنه :)



http://www.shooq4.com/vb/images/bb/7.png
قبل يمكن 3 اسابيع قام هكر باكستاني باختراق موقعهم ، تحت مسمى shadow 08

[sweet qatar]

:omg:

عزيزتي ام السعف.. تدرين انج بديتي اشاعه ممكن اصدقها عقب ساعتين..

من كثر ما بيرسلونها لي الحبايب والاقارب والمعارف.. حتى الي ما يعرفني يبيلي الخير..


في المدارس مركزين على امور بسيطة يمكن كنا نشوفها مهمة لما كنا في سنهم بس الحين المفروض يكون مستوى ثاني من التعليم..

ودي نفس الوقت الي بيدخلون فيه العيال لعمق التكنولوجيا..

يدخلون اهلهم بعد.. ترى المعرفة بعض الاحيان نقمة.. خصوصا بلا رقابة..

واتمنى التطبيقات التكنولوجية تستخدم بشكل اكبر في العمل..

شي غريب صراحة لليوم ناس تاخذ دورات في الباوربوينت.. اسهل برنامج في الاوفيس.. كنت احسب ان هالدورات فيها احترافية وشي ما نعرفه.. :rolleyes2:

http://26.media.tumblr.com/tumblr_lvwpyjt6i11qmf9gqo1_500.jpg

والله يستر علي ويبعد انظار عبدالهادي وربعه عني.. :shy:

شسالفة قناع V ...؟؟؟!!!

[ام السعف]

أم السعف
منتي بقاعده لين يجيك هكرز أرض جو يفجر جميع اجهزتك الالكترونية
وشتبين بسوالف الهكرزيه

بصراحة لي الشرف يدخلون كمبيوتري هالانينموس ابي اقول لهم
Go on
:shy:


يعطيج العافية اختي الصغيرة ام السعف ولا تزعلين اذا قلت لج اختي الصغيرة والحين بديت استوعب شويونة من موضوعج وانا ولله الحمد ما اعترف بالاشاعات اللي تتطرش من الكذاب بيري قصدي البلاك بيري او الواتس اب وقال لي ولدي عن الهاكر السعودي وقلت له تعوذ من ابليس وركز على دراستك يا وليدي وخل عنك ترويج الاشاعات تراها تودي في داهية وان شاء الله انا قدرت اتوصل الى مفهوم موضوعج وعن كيوتل انا مالي شغل فيهم واهم شي عندي جوالي يرسل ويستقبل هاذا المطلوب وآسف على الاطاله ولي متابعة للموضوع

واكرر واقول اخوج الكبير بوحمد111 وبدون زعل

الله يحفظج

خلاص ولا يهمك اخوي الكبير بو حمد 111

الموضوع ما يتكلم يا اخوي الكبير عن الشائعات ،، الموضوع يتكلم
ان ولدك هذا ليش صدق ان الهاكرز دخل جواله ،، وفي شباب غيره ما صدقوا
وبينوا الحقيقة للناس ؟

اهنيه لو تكتشف ان اللي بتقابلهم 98% منهم صدقوا سالفة الهكرز
مع ان الموضوع جدا بسيط ما يبي له بحث وتحليل عميق مع انه مريب
بس ما توصل الى نسبة اللي شاركوا في مثل هالموضوع تخوفوا من المسجات
والبعض طار فكره وخياله وتصور يوم بطاريته فضت ان الهاكرز ذبح جواله :(

ليش بنتي صدقت ليش ولدي صدق ليش ولدك صدق ليش شباب وبنات في المنتدى
صدقوا وليش في منتديات قطرية كثيرة صدقوا ،،
وليش 2% حللوا الموضوع وفسروه وبينوا امور كثيرة في عالم التطبيقات
والاتصال ؟

ليش عيالنا يستخدمون شي ولا يعرفون شنهو هالشي ؟ :(

فهمت علي يا اخوي الكبير ؟

[ام السعف]

http://aqarcity.org/up10/images/jdv1285799719p.jpg

تو قاعد من النوم

كيف اقدر اخدمكم؟





http://24.media.tumblr.com/tumblr_lkuszvYxyE1qfjszxo1_500.jpg


:secret:

أبد كفاية تشريفكم
بنتم هادين في حضرتكم وراح يذيع الصخب في غيابكم





Anonymous
http://media.giantbomb.com/uploads/5/58178/1294596-anonymous_icon.jpg
هم مجموعة من الناس عندما يرون ان شيئ ما غلط ،يبادرون إلى تصحيح رؤية العالم إليه
من خلال اختراق المواقع الكبيره الحكوميه او غيرها
في مواقع كثير اخترقوها من ضمنها
شبكة البلاي ستيشن
موقع وزارة الدفاع السورية
موقع الاخوان المسلمين




http://www.shooq4.com/vb/images/bb/7.png
قبل يمكن 3 اسابيع قام هكر باكستاني باختراق موقعهم ، تحت مسمى shadow 08

قريت عن سالفتهم مع سوني واشلون عطلوا حسابات المشتركين والحقوا اضرار كبيرة لهم وخساير فادحة :(..............> بس اللي ابي افهمه
هل هم يلعبون دور روبن هود الرقمي ؟ :shy:

بس يا خوسيه يقولون في الأسابيع الفائتة موقع stem تعرض لاختراقات لحسابات اعضاءه
وتم سرقة باسورداتهم ،، وانت اليوم تقول ان البكستاني اخترق موقع المجهولين
طيب على جذيه هل نقدر نقول ان عالم الاختراق صار مفتوح ؟

[ام السعف]

:omg:

عزيزتي ام السعف.. تدرين انج بديتي اشاعه ممكن اصدقها عقب ساعتين..

من كثر ما بيرسلونها لي الحبايب والاقارب والمعارف.. حتى الي ما يعرفني يبيلي الخير..


في المدارس مركزين على امور بسيطة يمكن كنا نشوفها مهمة لما كنا في سنهم بس الحين المفروض يكون مستوى ثاني من التعليم..

ودي نفس الوقت الي بيدخلون فيه العيال لعمق التكنولوجيا..

يدخلون اهلهم بعد.. ترى المعرفة بعض الاحيان نقمة.. خصوصا بلا رقابة..

واتمنى التطبيقات التكنولوجية تستخدم بشكل اكبر في العمل..

شي غريب صراحة لليوم ناس تاخذ دورات في الباوربوينت.. اسهل برنامج في الاوفيس.. كنت احسب ان هالدورات فيها احترافية وشي ما نعرفه.. :rolleyes2:

http://26.media.tumblr.com/tumblr_lvwpyjt6i11qmf9gqo1_500.jpg

والله يستر علي ويبعد انظار عبدالهادي وربعه عني.. :shy:

شسالفة قناع V ...؟؟؟!!!


شوفي يا sweet qatar ما اقدر اقلل من اهمية برامج الأوفس
لما شفت اشلون مدرس بنتي رفض عرضها على الوورد وطلب عرض اكثر احترافية
قلت في نفسي البرامج هذي تعطي أكثر مما نتخيل ،،

بس احنا اليوم مثل ما قلتي امام تطور متلاحق وسريع للتكنالوجيا
ما يصير اركز على تعليم الأوفس وياليت يكون بشكل محترف بعد
الا افتح البرنامج رتب السطور ارفق صورة احفظه في مجلد واستحضر الملف،،

وبعدين ؟
هالكمم من التطبيقات اشلون بيتعاملون معاها عيالنا ؟
مهي صارت جزء من حياتهم ؟
علمناهم يصلون يتريقون يتنظفون لازم يتعلمون اشلون يتعاملون
مع التكنالوجيا اللي رابطتهم ليل نهار ،،

اما بخصوص القناع
شوفي صديقي القديم بلاتنيوم حملته طلب عرض ممتع عن القناع خلينا ننطره
وانشوف وين بيوصل :(

[بوحمد111]

بصراحة لي الشرف يدخلون كمبيوتري هالانينموس ابي اقول لهم
go on
:shy:



خلاص ولا يهمك اخوي الكبير بو حمد 111

الموضوع ما يتكلم يا اخوي الكبير عن الشائعات ،، الموضوع يتكلم
ان ولدك هذا ليش صدق ان الهاكرز دخل جواله ،، وفي شباب غيره ما صدقوا
وبينوا الحقيقة للناس ؟

اهنيه لو تكتشف ان اللي بتقابلهم 98% منهم صدقوا سالفة الهكرز
مع ان الموضوع جدا بسيط ما يبي له بحث وتحليل عميق مع انه مريب
بس ما توصل الى نسبة اللي شاركوا في مثل هالموضوع تخوفوا من المسجات
والبعض طار فكره وخياله وتصور يوم بطاريته فضت ان الهاكرز ذبح جواله :(

ليش بنتي صدقت ليش ولدي صدق ليش ولدك صدق ليش شباب وبنات في المنتدى
صدقوا وليش في منتديات قطرية كثيرة صدقوا ،،
وليش 2% حللوا الموضوع وفسروه وبينوا امور كثيرة في عالم التطبيقات
والاتصال ؟

ليش عيالنا يستخدمون شي ولا يعرفون شنهو هالشي ؟ :(

فهمت علي يا اخوي الكبير ؟



شاكر لج اختي ام السعف والله ينور عليج دنيا وآخره
ايه فهمت بس ولدي ما قال انه الهكر دش جواله لأنه مثل ابوه يشوف هالاشاعات ولا يعترف بها بس قال ان فيه هكر سعودي

الله يدوم عليج الصحة والعافيه ولا يحرمنا من مواضيعج بارك الله فيج

[ام السعف]

شاكر لج اختي ام السعف والله ينور عليج دنيا وآخره
ايه فهمت بس ولدي ما قال انه الهكر دش جواله لأنه مثل ابوه يشوف هالاشاعات ولا يعترف بها بس قال ان فيه هكر سعودي

الله يدوم عليج الصحة والعافيه ولا يحرمنا من مواضيعج بارك الله فيج

العفو وربنا يدوم الصحة على الجميع

[sweet qatar]

وبعد هذا نوع من انواع الجهل بالتكنولوجيا..

احيانا ننزل برامج لأمور ممكن تكون موجودة في الأوفيس بس ما نعرف نستخدمها..

الي قصدته بالذات بالنسبة للموظفين.. لازم دوراتهم تكون احترافية ويلتزمون بالتطبيق..

الطلاب بالتدريب وبحصص الأنشطة.. مستواهم بيتطور..


تصدقين يجونا بنات صغار خريجات ثانوي أو اقل..

ماتعرف تستخدم ابسط ادوات الاوفيس.. او ما تعرف تعدل في تنسيق ملف وورد..

بس عندها ايميل وتدخل شات و مسن و منتديات .. :oops:

[ام السعف]

وبعد هذا نوع من انواع الجهل بالتكنولوجيا..

احيانا ننزل برامج لأمور ممكن تكون موجودة في الأوفيس بس ما نعرف نستخدمها..

الي قصدته بالذات بالنسبة للموظفين.. لازم دوراتهم تكون احترافية ويلتزمون بالتطبيق..

الطلاب بالتدريب وبحصص الأنشطة.. مستواهم بيتطور..
تصدقين يجونا بنات صغار خريجات ثانوي أو اقل..

ماتعرف تستخدم ابسط ادوات الاوفيس.. او ما تعرف تعدل في تنسيق ملف وورد..

بس عندها ايميل وتدخل شات و مسن و منتديات .. :oops:

وينه وطر الماسنجر راح المسكين ،، الحين ما بقى الا منتدانا واسلام اون لاين
مافيهم خدمة الشات ،،، لو افتحوهم بعد خلاص بيكنسلون MSN :shy:

شوفي عني ما اقدر ابري نفسي من هالجهل :shy:

فمن جذيه احمل من يقع على عاتقهم المسؤولية في الجهل اللي نعاني منه :(

[al-sadd]

بس اختي ام السعف
انتي تطلبين شي من اصعب الاشياء الي ممكن تصير
كيف تبون الشعب يتثقف لمثل هالامور ! وهي جداً معقده
وخذي هالسالفتين اختي ام السعف وببين لج ان المشكلة مب فينا المشكلة في الي يعلمونا

في سنة 2009 ومع بداية السنة الدراسية لي في ثاني ثنوي كنت ف مدرسة مستقلة ف مدينة خليفه وبدون ماذكر اسم المدرسة.
المهم جات حصىة الحاسوب , ومابي اخبي عليج 80 - 90% من الشباب الي معاي ف الصف مايعرف يكبر الخط ف برنامج الـ word !! **شوفي لأي درجة**
سألت الاستاذ *يا استاذ ممكن ولا تهون تقولنا شالدروس او الدورات الي بتعطينا هالسنة؟*
الاستاذ *حتتعلمو كتير ان شاءالله ! حعلمكم كيف تستخدمون برنامج الـword*
قتله يا استاذ هذا مش مهم علمنا على الـ c++ وهو لعمل البرامج
قالي دى كتير عليكو ومش أدرين تستوعبوه !!
صراحة كان لي شغف ابي اتعلم البرمجة و..و..و.. سوالف كثيره :weeping:

المهم خذي السالفة الثانيه جاني شوية تحطيم لان صدق على ذيك الايام انا و واحد معانا فـ المنتدى آللــــــــــــــــــــــــــه يستر عليه :vampire:
كانت لنا سوالف فـ الهكر ما هكر ( يافلان تخبر ايام موقع ترياق :nice: )
المهم كان عندنا برنامج نستخدمه علشان نخترق الاجهزة وعيبه ان بعد فتره برامج الحماية تكشفه
فقلنا نبي نصمم واحد بسيط ممكن احنا نعطيه الشباب يستخدمونه وكل ماتكتشفه شركة حمايه نعيد برمجته ونسويله update والي عنده البرنامج بيجيه تنبيه ان في نسخه جديده لازم تحملها ولاكن للأسف ماكنا عارفين كيف !
فرحت لمدرس الحاسوب وهذي السالفة على ايام ثالث ثنوي
المدرس على كلامه انه يعرف فسوالف البرمجه
فجيته قتله يا استاذ السالفة كيت كيت كيت ونبي كيت كيت كيت
كيف؟ بس علمنا البداية واحنا نتصرف قال لا هذي صعبة ومادري ايش وبدى ف التحطيم وان مستحيله تصير ولازم شركات كبيرة وخرابيط
:rolleyes2:
المصيبة ان بعد هالسالفة بفتره بسيطه وقتها تركنا البرنامج وتركنا الفكرة الي والله كانت بتكون الاولى على مستوى العرب !
جحصلت من باب الصدفه شرح عن طريق عمل الفكرة والله يا جماعة الخير الفكرة ماتاخذ نص ساعه اله وانت خالص !!
شكان السبب؟ المدرس !

---

اختي ام السعف اذا بتثقفين الشعب لهلامور والله بتصير مصايب !
اكيد من نفسه ذليله وبيخترق كمبيوترات ربعه او كمبيوترات بنات وبيشوف وبينشر !!

واذا تبين تثقفين الشعب انه يحمي نفسه بعد مايقدر ! لان مستحيل ومن سابع المستحيلات انج تحمين نفسج من الي يخترقج بدون ماتعلمين شلون تخترقين الناس !

ولاكن في النهاية ممكن نثقفهم نفس ماتفظلتي
نعلمهم اشياء بسيطه
ولاكن للاسف المشكلة في الشباب
لان معظم الشباب مايفتكرون لهل الامور ولا لهم فالكمبيوترات اصلا !

وش نقدر نقول غير الله يعين

[ام السعف]

السد ............> شكرا على طرح السالفتين،،

بس الموضوع ما يتكلم عن تعلم التهكير ابدا ،،

الموضوع يتكلم عن التطبيقات الموجودة شنهي نقاط قوتها وشهي نقاط ضعفها
شنهي الأمور اللي لازم يراعيها الواحد لما ينزل التطبيق
اشلون يتعامل مع الشبكات المغلقة او المفتوحة
اشلون يحمي جواله ،

الموضوع يتكلم عن الشبكات والتعامل معاها
وغيره وغيره

اليوم تدخل ام السعف وتقول حملوا البرنامج هذا يحميكم
اشوي تكتشف انت ان البرنامج هذا اصلا يفتح المغلق في الكمبيوترات او الجواويل،،

عني ما عندي فكرة كبيرة في الأمور هذي،،بس اللي زعلني اشلون
عيالنا غالبيتهم مشت عليهم سالفة الهاكرز ولا كانت عنده ادناة فكرة عن
كيفية تحليلها فكريا مب تقنيا حتى :(

هذا اللي اتكلم عنه

[al-sadd]

السد ............> شكرا على طرح السالفتين،،

بس الموضوع ما يتكلم عن تعلم التهكير ابدا ،،

الموضوع يتكلم عن التطبيقات الموجودة شنهي نقاط قوتها وشهي نقاط ضعفها
شنهي الأمور اللي لازم يراعيها الواحد لما ينزل التطبيق
اشلون يتعامل مع الشبكات المغلقة او المفتوحة
اشلون يحمي جواله ،

:nice: نفس الي انا تكلمت عنه اختي ام السعف
كيف راح تعلمينهم كل هالسوالف؟ وهم غير مبالين اصلا بالي حولهم؟

الموضوع يتكلم عن الشبكات والتعامل معاها
وغيره وغيره

اليوم تدخل ام السعف وتقول حملوا البرنامج هذا يحميكم
اشوي تكتشف انت ان البرنامج هذا اصلا يفتح المغلق في الكمبيوترات او الجواويل،،

عني ما عندي فكرة كبيرة في الأمور هذي،،بس اللي زعلني اشلون
عيالنا غالبيتهم مشت عليهم سالفة الهاكرز ولا كانت عنده ادناة فكرة عن
كيفية تحليلها فكريا مب تقنيا حتى :(

جهل :(

هذا اللي اتكلم عنه
:nice:

للأسف صعب نثقف شعب كامل وهم صعب ان نعيش ونخليهم جهلة

[ام السعف]

للأسف صعب نثقف شعب كامل وهم صعب ان نعيش ونخليهم جهلة

لاحظ يا السد اني زعلانة من الجيل اللي يتعامل مع التكنالوجيا والمفروض
انه تشربها لصغر سنهم :(

يعني العتب مب على اولياء الأمور لو صدقوا هالسوالف
لكن العتب على اللي ملزقين في النت ويدرسون ويستخدمون علوم متطورة بحسب
تصريحات المجلس الأعلى للتعليم وهيئة الاتصال عندنا
لكن في الأخير اسم هكر سعودي زلزلهم :(

اما اشلون انعلمهم ،، المدرسة ممكن اتعلمهم ،،
على الأقل نطلع بنسبة 60% مستوعبين اللي صار
مب 98% ما يعرفون ......> بتقول لي اشلون عرفتي النسبة
بقول لك راجع موضوع الهكر السعودي وشوف نسبة اللي تروعوا :(

[al-sadd]

لاحظ يا السد اني زعلانة من الجيل اللي يتعامل مع التكنالوجيا والمفروض
انه تشربها لصغر سنهم :(

يعني العتب مب على اولياء الأمور لو صدقوا هالسوالف
لكن العتب على اللي ملزقين في النت ويدرسون ويستخدمون علوم متطورة بحسب
تصريحات المجلس الأعلى للتعليم وهيئة الاتصال عندنا
لكن في الأخير اسم هكر سعودي زلزلهم :(

اما اشلون انعلمهم ،، المدرسة ممكن اتعلمهم ،،
على الأقل نطلع بنسبة 60% مستوعبين اللي صار
مب 98% ما يعرفون ......> بتقول لي اشلون عرفتي النسبة
بقول لك راجع موضوع الهكر السعودي وشوف نسبة اللي تروعوا :(

بخصوص ان المدرسة تعلمهم فهذي مستحيلة
بالذات سوالف الكمبيوترات والتلفونات والاجهزة محد راح يفهمها اله الي يحبها
وللأسف كثار من شبابنا مايحبون يعورون راسهم
وقلة الي يشوفون ان هالمواضيع مسيله والله اخبر قبل كانت هوايتي وعلشان جي حبيتها
ولاكن في المدرسة الطلبه مش مركزين وخاصة ان الحاسوب مادة إضافيه فـ اذا نجحو او رسبو ماراح يغير شي :weeping:

تدرين ان في قطري من احسن 50 مبرمج وهكر في العالم وعمره 20 سنه :victory:
هنا الناس الي تبي تعلم اما بالاجبار فمستحيل
حتى اذا نبي نثقفهم مجرد تثقيف هم من نفسهم رافظينه

[ابيض و اسود]

لو الأمر إقتصر على نقص الثقافة (التكنولوجية) لقلنا نعم ... لا بد من توعية عامة و ictQatar تحاول بعض الشئ في زيادة الوعي الإلتكروني و التكنولوجي و مخاطر الإنترنت وضرورة المراقبة .

ولكن .... المشكلة ليست هنا

أساس المشكلة هو (الغفلة) عند الغالبية و الكثيرين

الغفلة التي تجعلهم (يصدقون) كل شئ ومن أي شخص و في أي موضوع (تكنولوجي، صحي، إجتماعي، رياضي، ...إلخ) بمجرد ما يقرأونه في الإنترنت أو على الجوال الذكي حتى لو كانت إشاعة.

والأدهى و الأمر إنه (يؤمنون) و (يدافعون) عن ما قرأوه وكأنها حقيقة (مسلّمة)

هنا مكمن الخلل

لا بد من قناعة جديدة (تغرس) في هذه العقول وهي كالتالي:

( كل ما تقرأه أو تسمعه في الإنترنت (كذب) حتى يثبت العكس )

[بوحارب]

http://www.pic4ever.com/images/2uge4p4.gif

[بولينجر]

تبين تعرفين سالفة القناع؟ باختصار القناع اشتهر بعد فيلم V for vendetta. تاريخيا له جذور قديمة من سنة 1605 في انجلترا. وينسبونه إلى قاي فوكس. له قصة طويلة. كان متمرد وثائر ويبي يفجر بيت اللوردات وينسف الملك والبرلمان وكل من فيه وينصب الأميرة اليزابيث ملكة على البلاد. مخططه انكشف وأعدموه ومعاونيه.
صار القناع رمز لجماعات كثيرة تشترك في أنها ضد النظام أو معارضة. حاليا صاروا جماعة انونيمس يستخدمونه.

ولأن جماعة انونيمس والجماعات المعارضة مسببة قلق للحكومات الغربية. حظرت الحكومة الكندية مؤخرا لبس قناع انونيمس وفرضت عقوبة سجن خمس سنوات. فتحايلت إحدى المعارضات على القانون و"رسمت" القناع على وجهها.

http://i.imgur.com/LRflf.jpg

[اليحصبي]

أبد كفاية تشريفكم
بنتم هادين في حضرتكم وراح يذيع الصخب في غيابكم




قريت عن سالفتهم مع سوني واشلون عطلوا حسابات المشتركين والحقوا اضرار كبيرة لهم وخساير فادحة :(..............> بس اللي ابي افهمه
هل هم يلعبون دور روبن هود الرقمي ؟ :shy:

بس يا خوسيه يقولون في الأسابيع الفائتة موقع stem تعرض لاختراقات لحسابات اعضاءه
وتم سرقة باسورداتهم ،، وانت اليوم تقول ان البكستاني اخترق موقع المجهولين
طيب على جذيه هل نقدر نقول ان عالم الاختراق صار مفتوح ؟



مافهمت شلون مفتوح يعني !؟
من كم يوم بعد مخترقين متجر مايكروزفت - مايكروسوفت - الهندي
مجموعه مسميه نفسهآ Evil Shadow معروفه بالهجمات المتعددة التي تقوم بها خاصة ضد المواقع الحكومية والأمنية في الهند
http://www.tech-wd.com/wd/wp-content/uploads/2012/02/msft-db-05.jpg
http://www.shooq4.com/vb/images/bb/11.png
وهذي صوره فيها معلومات قاعدة البيانات الخاصة بالمستخدمين
http://www.tech-wd.com/wd/wp-content/uploads/2012/02/msft-db-01.jpg.png

http://www.shooq4.com/vb/images/bb/14.png
حتى شركات الحماية هذه الأيام استطاعوا اختراقها
ونشر الكود البرمجي لها
وللحين ندرس بوربوينت وورد ونعدل الفيديو بالفوتوشوب http://www.shooq4.com/vb/images/bb/24.png

[catqat]

للأسف الاجهزة تطورك لكن العقول هي هي

[sweet qatar]

تبين تعرفين سالفة القناع؟ باختصار القناع اشتهر بعد فيلم V for vendetta.




عاد انا حبيت الفلم.. :shy:



جزاكم الله خير زودتوا ثقافتي الالكترونية البسيطة.. بحاول اقرا عنهم اكثر..

[مدرسة]

اي والله محتاجين توعية

التوعية تبدا من البيت ،، مو معقول عيالنا مبققين عيالهم و مجابلين الاجهزة طول اليوم و مع
ذلك يجهلون التعامل ( بمنطق ) مع ما يطرح من افكار !

من مدة جلست مع بنتي - يعني على
أساس انها connected و ناقشتها في اشاعة انتشرت ذيك الايام ،، اقوللها من وين جبتي
المعلومة شنو مصدرج ،، تقوللي كل الناس يقولون :anger1:
و بس منها ، الله وكيلكم انضمت لمجموعتي ( قوم ما اصدق ) وصارت تشيك على كل شي
و تطرش حق ربعها بعد بالأدلة تنبههم ،،

عيالنا ما يستخدمون التكنولوجيا الاستخدام الصحيح ،، تلقى حد فيهم يسألك ،، في بحر اسمه
البحر الاسود ؟؟؟؟؟ و هالمردمة اللي جدامك اللي فيها معلومة من كل نوع ليش ما تستخدمها و تدور و تبحث ؟؟؟

عيالنا يستخدمون التكنولوجيا بشكل غير موجه ،، كل قعدتهم على مواقع التواصل الاجتماعي
التويتر و الفيسبوك و التمبلر ،،،،، والا يجابلون يوتيوب يشوفون مسلسلات وافلام ،، طيب
هل نحط مواعيد لاستخدام النت ؟ هل في قواعد والا سبهللة ؟؟؟

عيالنا يصدقون كل شي ينقال على ماما تويتر و بابا جوجل !!!هل سلحناهم بثقافة عامة ؟
أساسيات دينهم و حضارتهم العربية و هويتهم القطرية بحيث يعرفون ان اللي اوك و ماشي
بالنسبة لغيرهم في بلدان أخرى قد يكون عيب و منقود عندنا ؟؟

دورنا كبير و خطير ، و علشان نقوم فيه [ صح ] لازم ما نرفض التكنولوجيا بالعكس ، نتبناها
و نكون متواصلين مع العالم الرقمي ، و نحدث معلوماتنا اول بأول ،، و نشوف الجديد علشان نعرف نحكم شنو الصح و شنو الغلط ،،

عندي اختبار حلو ،، بما اني في مجال التربية و التعليم ،، ساعات اذا شفت جدامي طفل او مراهق
اسولف معاه شوي و عقب اسأله ، تعرف صلاح الدين الايوبي؟ أغلب الاجابات تكون لا ،،،،، !!
سألوا عيالكم ،، يعرفون زوجات الرسول عليه السلام ؟ يعرفون ابطال المسلمين ؟ يعرفون تاريخنا؟
والا حدهم جستن بيبر وون دايركشن ؟؟؟؟ من هم ابطال هذا الزمن ؟؟

مع اعتذاري يمكن شطحت ،،،،!

[ام السعف]

مافهمت شلون مفتوح يعني !؟
من كم يوم بعد مخترقين متجر مايكروزفت - مايكروسوفت - الهندي
مجموعه مسميه نفسهآ evil shadow معروفه بالهجمات المتعددة التي تقوم بها خاصة ضد المواقع الحكومية والأمنية في الهند
http://www.tech-wd.com/wd/wp-content/uploads/2012/02/msft-db-05.jpg
http://www.shooq4.com/vb/images/bb/11.png
وهذي صوره فيها معلومات قاعدة البيانات الخاصة بالمستخدمين
http://www.tech-wd.com/wd/wp-content/uploads/2012/02/msft-db-01.jpg.png

http://www.shooq4.com/vb/images/bb/14.png
حتى شركات الحماية هذه الأيام استطاعوا اختراقها
ونشر الكود البرمجي لها
وللحين ندرس بوربوينت وورد ونعدل الفيديو بالفوتوشوب http://www.shooq4.com/vb/images/bb/24.png


يوم قال لي ولدي ان ستيم اخترق ..............> قلت له شنهو يعني ممكن يسترجعون باسورداتهم ،، قال لي لا يا ماما ،، باقوا ارقام البطاقات الخاصة فيهم،،
قلت له هوووبااا ،، ما بيلقون شي في بطاقتي لأني خلصتها قبل لا تنتهي مدتها ،،

من اهنيه لازم كلنا نتعلم درس واللي هو : نخصص كرت نحول له الرصيد في كل مرة
نبي نشتري من النت ،، وحاليا مصرف الريان موفر الخدمة هذي ،،

اما بخصوص للحين اندرس عيالنا وورد ونعدل الفيديو ونشتغل على الانيمشين في الفوتوشوب
هذيه رد على اخونا السد اللي يقول الكمبيوتر هواية ،، وهو مب هواية كثر ما صار علم
لازم يتعرف عليه الكل ،، واللي يبي يكمل يكمل واللي ما يبي يكمل يرقد في سبات بعيد عن التطور اما بخصوص ان التهكير صار مفتوح ،،، اقصد صار متوسع بشكل يصعب التوصل الى الجماعات هذي ،والحديث في الموضوع هذا ذو شجون ،،
وله نظريات كثيرة ،، البعض يقول اساسا شغل حكومات ،، والبعض يقول شغل اميرك:(

ي بحت
والبعض يقول اتحاد عباقرة ضد الحكومات و ... و.... و.... واحنا بس نقرا وما ندري شسالفة ،،

[ام السعف]

تبين تعرفين سالفة القناع؟ باختصار القناع اشتهر بعد فيلم V for vendetta. تاريخيا له جذور قديمة من سنة 1605 في انجلترا. وينسبونه إلى قاي فوكس. له قصة طويلة. كان متمرد وثائر ويبي يفجر بيت اللوردات وينسف الملك والبرلمان وكل من فيه وينصب الأميرة اليزابيث ملكة على البلاد. مخططه انكشف وأعدموه ومعاونيه.
صار القناع رمز لجماعات كثيرة تشترك في أنها ضد النظام أو معارضة. حاليا صاروا جماعة انونيمس يستخدمونه.

ولأن جماعة انونيمس والجماعات المعارضة مسببة قلق للحكومات الغربية. حظرت الحكومة الكندية مؤخرا لبس قناع انونيمس وفرضت عقوبة سجن خمس سنوات. فتحايلت إحدى المعارضات على القانون و"رسمت" القناع على وجهها.

http://i.imgur.com/LRflf.jpg

كل قانون وله ثغرة ممنوع لبس الأقنعة راح ورسم القناع ....> عجيبة فكرته

الله يستر مصير صاحب القناع الحقيقي الاعدام ،، وانا كنت ناوية اكشخ فيه
في حفلة تنكرية :weeping:

شكر وايد مب اشوي كلش للتوضيح :nice:

[ام السعف]

بخصوص ان المدرسة تعلمهم فهذي مستحيلة
بالذات سوالف الكمبيوترات والتلفونات والاجهزة محد راح يفهمها اله الي يحبها
وللأسف كثار من شبابنا مايحبون يعورون راسهم
وقلة الي يشوفون ان هالمواضيع مسيله والله اخبر قبل كانت هوايتي وعلشان جي حبيتها
ولاكن في المدرسة الطلبه مش مركزين وخاصة ان الحاسوب مادة إضافيه فـ اذا نجحو او رسبو ماراح يغير شي :weeping:

تدرين ان في قطري من احسن 50 مبرمج وهكر في العالم وعمره 20 سنه :victory:
هنا الناس الي تبي تعلم اما بالاجبار فمستحيل
حتى اذا نبي نثقفهم مجرد تثقيف هم من نفسهم رافظينه

اسمح لي اختلف معاك ،،

اليوم يوم صار الواحد يسوق والكل له علاقة بقانون المرور في الشارع
وحتى في السكة اللي جدا باب حوشه ،، صار واجب على الدولة انها توعي الناس ،،

فمن جذيه اليوم لما يصير هالجهاز في يد البزور قبل الكبير ،، صار واجب
على الدولة انها توعي الشعب بخصوص مضار وايجابيات هالجهاز ،،
فمن جذيه اختلف معاك كليا في مقولة صعب يتعلم ،،

بما انك تقول قطري هكر ،،
راح اقول لك الواحد لو ما اجبروه يروح المدرسة مب رايح من نفسه
وراح يفضل يدرس في البيت وفي البيت بيقول ما عندي مدرسين بتطرشه المدرسة
بيقول ياليتني اغيب وارتاح من المدرسة ،،

فالحياة صعبة ،، وقمة التحدي انك نتتج في صعوبتها ،،

فمن جذيه ما شخصيا ما اعترف بشي اسمه صعب،،
خلنا انجرب اول شي ،، بخطة تعليمية متواكبة للتطور وعقب نقول مستحيل،،

والله لو عندي ميزانية اني اول شي بسويه اني اخصص مركز لتعليم
التكنالوجيا الحديثة ،، كفاية استقطب اللي لهم خاطر واللي اهليهم يتمنون عيالهم
يتعلمون شي .............> شوف حزتها اخواننا العرب بيسجلون عيالهم وبيدفعون بعد
لكن عيالنا بيفضلون الهياتة :(

[ام السعف]

لو الأمر إقتصر على نقص الثقافة (التكنولوجية) لقلنا نعم ... لا بد من توعية عامة و ictqatar تحاول بعض الشئ في زيادة الوعي الإلتكروني و التكنولوجي و مخاطر الإنترنت وضرورة المراقبة .

ولكن .... المشكلة ليست هنا

أساس المشكلة هو (الغفلة) عند الغالبية و الكثيرين

الغفلة التي تجعلهم (يصدقون) كل شئ ومن أي شخص و في أي موضوع (تكنولوجي، صحي، إجتماعي، رياضي، ...إلخ) بمجرد ما يقرأونه في الإنترنت أو على الجوال الذكي حتى لو كانت إشاعة.

والأدهى و الأمر إنه (يؤمنون) و (يدافعون) عن ما قرأوه وكأنها حقيقة (مسلّمة)

هنا مكمن الخلل

لا بد من قناعة جديدة (تغرس) في هذه العقول وهي كالتالي:

( كل ما تقرأه أو تسمعه في الإنترنت (كذب) حتى يثبت العكس )



مشاركتك بشكل عام اخوي الكريم ما يشوبها اي خطأ ،،

بس بنفس الوقت ،، نعتبر الكلام المنشور صحيح ،، طيب اشلون
ممكن عيالنا يتعاملون معاه ؟

من ممكن يفيدهم ؟
من ممكن يرشدهم من غير ما يخدعهم ويزيد الطين بلة في اجهزهتهم ؟

احنا اليوم لو بغينا انزل اوزاننا رحنا مراكز التمرين
لو حبينا نسأل في فتوى رجعنا لمراكز الفتاوى والمشايخ

لكن في حالة هالهكر اللي خلانا نوعى واقعنا ....> من له انروح ؟

ليش ما عندنا مركز او مرصد او جمعية او ... او خلونا انسميها اي اسم
ممكن نرجع لها في مثل هالأمور ؟


ليش المؤسسة العامة للأتصال ما ادري شسمها ما تخصص مركز معلومات
للي يعاني من جهل معلوماتي ؟

هذا اللي اطمح له من خلال طرحي للموضوع هذا ..:(

[بصمة قطرية]

:telephone:



يالسد توقع ترى ممكن كوبي بيست للعنوان وتلقاه منتشر على انه خبر عاجل
وهم ما يدرون وين الله قاطهم !!

هذا انت واحد انت عرفت جماعة المجهولين ،، هم ممكن يعرفونهم لكن البعض او الاغلب
منهم راح يتركون التفكير قراية الموضوع وتحليله وبتلقاهم بينشرون : خبر عاجل
المجهولون هكرو راوترات كيوتل:(

و انا قلت نفس هالكلام يوم قريت الموضوع ..

متابعة عن قرب ..:nice:
استمري .. :tease:

[ام السعف]

http://www.pic4ever.com/images/2uge4p4.gif

راقبها زين شوفها بتضعف والا لا .....> تراها داشة تحدي تبي اتنزل من جسمها المدور:shy:


للأسف الاجهزة تطورك لكن العقول هي هي

هذا اللي نبي نقوله ...............> ما يصير جذيه نتعامل مع الأجهزة المتطورة
على اساس انه جهاز فيه كيبورد باللمس وخلاص :(




اي والله محتاجين توعية

التوعية تبدا من البيت ،، مو معقول عيالنا مبققين عيالهم و مجابلين الاجهزة طول اليوم و مع
ذلك يجهلون التعامل ( بمنطق ) مع ما يطرح من افكار !

من مدة جلست مع بنتي - يعني على
أساس انها connected و ناقشتها في اشاعة انتشرت ذيك الايام ،، اقوللها من وين جبتي
المعلومة شنو مصدرج ،، تقوللي كل الناس يقولون :anger1:
و بس منها ، الله وكيلكم انضمت لمجموعتي ( قوم ما اصدق ) وصارت تشيك على كل شي
و تطرش حق ربعها بعد بالأدلة تنبههم ،،

عيالنا ما يستخدمون التكنولوجيا الاستخدام الصحيح ،، تلقى حد فيهم يسألك ،، في بحر اسمه
البحر الاسود ؟؟؟؟؟ و هالمردمة اللي جدامك اللي فيها معلومة من كل نوع ليش ما تستخدمها و تدور و تبحث ؟؟؟

عيالنا يستخدمون التكنولوجيا بشكل غير موجه ،، كل قعدتهم على مواقع التواصل الاجتماعي
التويتر و الفيسبوك و التمبلر ،،،،، والا يجابلون يوتيوب يشوفون مسلسلات وافلام ،، طيب
هل نحط مواعيد لاستخدام النت ؟ هل في قواعد والا سبهللة ؟؟؟

عيالنا يصدقون كل شي ينقال على ماما تويتر و بابا جوجل !!!هل سلحناهم بثقافة عامة ؟
أساسيات دينهم و حضارتهم العربية و هويتهم القطرية بحيث يعرفون ان اللي اوك و ماشي
بالنسبة لغيرهم في بلدان أخرى قد يكون عيب و منقود عندنا ؟؟

دورنا كبير و خطير ، و علشان نقوم فيه [ صح ] لازم ما نرفض التكنولوجيا بالعكس ، نتبناها
و نكون متواصلين مع العالم الرقمي ، و نحدث معلوماتنا اول بأول ،، و نشوف الجديد علشان نعرف نحكم شنو الصح و شنو الغلط ،،

عندي اختبار حلو ،، بما اني في مجال التربية و التعليم ،، ساعات اذا شفت جدامي طفل او مراهق
اسولف معاه شوي و عقب اسأله ، تعرف صلاح الدين الايوبي؟ أغلب الاجابات تكون لا ،،،،، !!
سألوا عيالكم ،، يعرفون زوجات الرسول عليه السلام ؟ يعرفون ابطال المسلمين ؟ يعرفون تاريخنا؟
والا حدهم جستن بيبر وون دايركشن ؟؟؟؟ من هم ابطال هذا الزمن ؟؟

مع اعتذاري يمكن شطحت ،،،،!

مشاركة تمس الواقع بكل مافيه ..............> ما نقدر ننكره بصراحة

الجواويل جروبات عبط ،، الفيس بوك توبيكات خرابيط
تويتر مسجات حب وغرام ،، او تقطيع في بعض ،،

طيب شنهو اللي يستفيدونه عيالنا من التكنالوجيا ؟ ولا شيء ابدا ،،

لو حبيتي تسحبين عيالج لعالم ثاني ،، تلقين المحيط كله له عالم خاص
يفرطون عيالج من يدينج ويتجهون للمحيط غصب عنج ،،

ابدا ما شطحتي ابدا ،، بالعكس اسلوبج صحيح ومهم في التعامل مع عيالنا
ولدي بو 8 سنين ،، اضطريت افتح حساب في الفيس بوك له بروحه
وقلت له شوف يا ماما ........> لك مني اي هدية تبيها الا بلاك بيري لو قدرت
اتجاوب على 100 سؤال بسئلك في صفحتك .. قال لي اي شي اي شي
" فكرت انه مقدر حالتي المادية فما بيشطح وايد " بس الصدمة قال لي
ابي سيارة صجية :( قلت له لا اتمصخها على قد ميزانيتي باشتري لك ،،

وبديت بالفعل وياه ،، سؤال بالعربي اثنين بالانجليزي ،،وارد اسأله اربع بالعربي
يعدد لي المبشرين بالجنة ويكتبهم ،، يكتب الأرقام بالفرنسي ،، اسئله من هم الخلفاء الراشدين ؟
اعلمه اشلون يصيغ الجملة لو يبي يكتبها
ما عندي مشكلة يبحث ،، لأن اخوانه قالوا لي يغش ،، قلت لهم هو مب في امتحان
هو في تجربة تعليم وتعلم ،، ولازم تتوفر له وسائل التعلم هذي ،، اعتبروه امتحان اوبن بوك ،،

آخر سؤال واللي للحين ماجاوب عليه في صفحته،، حتى لما جاوب كان صيغة الجواب فيه اخطاء
قلت له امسح ردك ،، وعدل الجواب ،، وابيك تتكلم لي عن الشخصية هذي عقب اسبوع جدامنا في البيت
من غير ما تشوف الكلام المكتوب ،، والسؤال كان بالانجليزي والجواب بعد بالإنجليزي لازم يكون
حطيت له صورة الدكتور يوسف القرضاوي وسألته : " من هذا الشخص " اكتب بعض المعلومات عنه !!

اشتطوا اخوانه قالوا احنا بنغششه ،، قلت لهم ليش اتغششونه ،، قلت لهم
عندكم فرصة تربحون 5000 ريال لو سألتوا بعض 200 سؤال ولحد فيكم يعيد السؤال على الثاني // يعني الحصيلة 400 سؤال بالعربي والإنجليزي ،، فوقهم 2000 ريال للي بتكون اسئلته اعمق ومتوسعة في المجالات كلها ،، يعني كل واحد بيريح 5000 واللي بيكون الافضل في طرح الإسئلة حصيلته بتكون 7000 ريال ،،

واسئلتي حق ولدي الصغير ما تتكرر عند الكبار ،، يعني في الأخير يضطرون يقرون حق اخوهم الصغير
ويضطرون يبحثون وبيضطرون انهم يتعمقون ........> هذا لو يبون 7000 ريال ،،

كنت طالبة منهم الكبار طبعا ،، يحطون لي عن الايفون بكل مافيه في مدوناتهم
ولدي اللي سواه كوبي بيست وقال لي خلصت ،، البنت كوبي بيست بس باحتراف

ما اعترفت بالمكتوب لأني ما شفتهم اكتبوه باسلوبهم و
للحين ادري انهم شالين الأجهزة للسوالف والهذرة :(

طيب هذي قدراتنا احنا اولياء الأمور ،، جدا متواضعة وعلى قدنا ،، وين ممكن انطورها ؟
وين ممكن نسأل والله هالبرنامج شنهو عيبه شنهي مميزاته ،،
اشلون تنصحوننا لو حبينا انكلم عيالنا عنه واشلون
انبين سلبياته .............> يبي لنا مركز ينصحنا ويوزجهنا الكترونيا :(

واسفة على الاسترسال ،، لأني بكل صراحة اتمنى كل خير لكل عيال قطر وكل المسلمين
اليوم لو صديق ولدي استخدامه كان ممتاز للاجهزة راح يأثر على ولدي ،، لو المحيط
كان يقدر قيمة العلم والمعرفة كان بيكون لهم تأثير كبير على عيالنا ،،

لكن الحاصل اننا نحاول كثر ما نقدر وفي الأخير كل شي يضيع ،، لأن كثيرين يتعاملون
مع التعرف على الأجهزة نوع من انواع الرفاهية اللي مب شرط تتوفر وكفاية القناعة
بالحدود الدنيا للاستخدام :(

[ام السعف]

و انا قلت نفس هالكلام يوم قريت الموضوع ..

متابعة عن قرب ..:nice:
استمري .. :tease:

مستمرة ،، شاركينا باللي عندج :shy:

[مدرسة]

لكن الحاصل اننا نحاول كثر ما نقدر وفي الأخير كل شي يضيع ،، لأن كثيرين يتعاملون
مع التعرف على الأجهزة نوع من انواع الرفاهية اللي مب شرط تتوفر وكفاية القناعة
بالحدود الدنيا للاستخدام :(



ما شاء الله عليج مبدعة ،،

مافي شي يضيع عند رب العالمين

كفاية النية سليمة !

الحل في اعطاء ابنائنا الأدوات الصحيحة للعيش في هذا الواقع ،، ليس في عزلهم عنه ! عندهم جروبات ، عندهم اهتمامات مختلفة عن اهتماماتنا ، انا شخصيا ما عندي مانع طالما انهم عارفين
الأساسيات في الحياة و مطبقينها صح . لا قال الله أكبر كلمن قط اللي في يده و قام يصلي ، كل واحد يدعي الثاني قوم صل ، يتناهون عن المنكر ، يتناصحون ، نحن لا نعدهم للعيش في زماننا فزمانهم
مختلف .
لن يتأتي هذا الا لما نبذل المزيد من الجهد ، لمواكبة كل جديد . اعرف بأن معرفتنا بالتكنولوجيا كآباء
و أمهات تختلف و تتراوح فمنا اللي ( يدوب يطقطق ) و منا اللي ( ماشي حاله ) و منا اللي ( بروفشنال :nice: )
فرصتنا في ان احنا نكون عايشين مع عيالنا نفس الواقع هو ان احنا نشتغل اكثر علشان نفهم
فيم يشغلون أوقاتهم ، و بالتالي تكون نصايحنا على نور مو عن جهل.

في برامج تطور ابداعهم و تقضي على اوقات فراغهم ،، نعرفهم عليها

كان عندي جروب عالفيسبوك لطالباتي لما كنت معلمة ، ما تتصورون هالبنات شكثر ضايعين و محتاجين توجيه و ناقصتهم القدوة .

الله المستعان