اللغة و العادات و التقاليد في قطر

[قطر١٢٣٤]

بسم الله الرحمن الرحيم

السلام عليكم و رحمة الله و بركاته


احنا طلبة من الجامعة نشتغل على فلم وثائقي عن التغيير فاللغة و العادات و التقاليد في قطر بين الاجيال
حبينا نسألكم اذا حد منكم او تعرفون اي شخص تأثر بدراسته ولا بتعامله فالشغل او حياته الاجتماعيه بموضوع اللغة او العادات و التقاليد
و ماعنده مانع يطلع بالفلم و يقول قصته
بنكون شاكريـــــــــن لكم لو ساعدتونا

من خلال الفلم نحب نتيح الفرصه للي يبون يعبرون عن رايهم و يوصلون قصتهم

و شكرا مره ثانيه

: )

[alzbara_qa]

روح قطر فاونديشن

[sweet qatar]

في رايي لو تحدد الي تبيه في مواضيع او اسئلة معينة..

لان الانسان نفسه مايقدر يحكم على نفسه ويقول تغيرت..

و تختار أشخاص تطرح عليهم الاسئلة.. ما تنتظرهم يتقدمون لك..

ومن اجابتهم بتقدر تلاحظ اذا في تغير في السلوك او اللهجة وغيرها..

واظن انك بتستغرب ان اللهجة القديمة رجعت .. في الوقت الي المتوقع انها تختفي.. والاسباب معروفة..


موفقين ان شالله..

[الصغيره]

الصراحه موضوع اللغه والعادات والتقاليد والتراث يطول شرحها لانها تختلف من بدو وحضر وقبيله واخرى وفعلا فيه تغيير فالبدوي لما يجي للحضر ويقعد معهم مده يتاثر بهم وياثر بهم

يعني الحضر يسموون الجح يح عكس البدوي جح
دياي والبدوي يقول دجاج
يهال اي جهال اي اطفال عكس البدوي بزور عيايل بزران طبعا هناك تغيير وتحريف وتاثر

الموضوع مثير لكن للاسف مقدر اطلع معكم :)

[اليحصبي]

فكرتي ان يكون الفلم عبر 3 مقاطع او 3 سكشنآت مادري شسمها المهم يقسم 3 اقسام
القسم الاول يظهر فيه الحياه في الماضي ومرحله الغوص .. الخ
القسم الثاني يظهر فيه الحياه في القرن السابق نفترض السبعينات مثلا مع بدايه دخول العماله للبلاد يعني تكون هالمرحله وسط التغير او الاندماج بين المرحله السابقه والمرحله الآتيه
القسم الثالث يظهر فيه وقتنا الحالي ومدى التغيير الي حدث بسبب الطفره السكانيه المتنوعه وتغير وسائل الاتصال بالعالم
انترنت ، هواتف ، تلفزيونات .. الخ
ودائما تغير العادات يكون وياه بعض تغير في مصطلحات المستخدمه
بالتوفيق اخوي
إن شاء الله فكرتي تكون واضحه

[بوحمد111]

مب غلط ولو تنزل استفتاء والكل ان شاء الله سيشاركك وبالنجليزي نسميه Questionair على حسب علمي

[بوسلمان 2010]

الله يوفقكم ان شاء الله

[بازار]

راجع الخاص

[قطر١٢٣٤]

alzbara_qa
ان شا الله و شكرا

sweet qatar
نقاط مهمه
احنا نبي شخص يعاني باللغه مثلا ماقدر يدش الجامعه لان بالانجليزي و هالنوع من المشاكل

sadroo7
فكره حلوه بس احنا حابين نركز علي شي عام اكثر شلون اللغه و العادات قاعدين يتغيرون

jose
شكرا علي رايك بس احنا لازم نركز علي شخصيات و قصص الشخصيات
نحاول من خلال الشخصيات نبين التغيرات و الفكره

بوحمد111
الاستفتاء للبحث احنا مركزين علي القصص اكثر
بس شكرا علي الاضافه

بوسلمان 2010
و يوفق الجميع

قارون
شكراا


شكرا على التفاعل الي يثلج الصدر و اذا تذكرتوا حد و لا شي
لو عندكم اضافه بنكون لكم شاكرين
و احنا نبي نركز على التعليم فإذا تعرفون حد من الطلاب الي عانوا او المسؤولين او شي يقدرون يساعدونا
بيكون شي طيب
شكرا مره ثانيه

[elders]

الله يوفقك ...جميلة الفكرة

[ROSE 26]

عندك دكتور يوسف العبدالله يطرح تاريخ قطر ڤــــيۓِ جامعة قطر ممكن يساعدك
ويرشح لك شخصيات..

[قطر١٢٣٤]

اخوي قارون
للاسف اردنا عليك ماوصل لان مشاركاتنا ماتعدت ال ٥٠عموما هذا كان الرد
و عليكم السلام و رحمة الله و بركاته

شكرا علي الفكره بس الي احنا نحاول نسوييه ان نكلم طلاب عانوا من هالمشكله ، نخليهم يقولون قصتهم
من خلال قصص و تجارب الناس الشخصيه الي ماوصلت ارائهم غير المسؤولين
بس فكرتك حلوه و ان شا الله بنحطها ببالنا
و اذا تعرف حد عانا مع اللغه فالتعليم بنكون لك شاكرين
و يعطيك العافيه

elders
امييين و يوفق الجميع يارب
و شكرا


ROSE 26
صج! يمكن يقدر يفيدنا
اذا ممكن تبعثين لنا ايميله او رقمه على الخاص بنكون لج شاكرين

[ROSE 26]

عنوان دكتور يوسف العبدالله
http://www3.0zz0.com/2012/02/24/10/956991784.jpg (http://www.0zz0.com)