سعودية تطلب الطلاق بعد ان اكتشفت ان اسمها على محمول زوجها هو

[تمون]

طلبت سعودية الطلاق بعد ان اكتشفت ان اسمها على محمول زوجها هو ‘غوانتانامو’، على ما ذكرت صحيفة ‘الوطن’ السعودية يوم أمس الاحد.
وقالت الصحيفة ان الزوجة اكتشفت ان اسمها ‘غوانتانامو’ في ذاكرة هاتف زوجها المحمول عن طريق المصادفة، عندما نسيه في المنزل وحاولت الاتصال به فعثرت عليه يرن في المجلس وكانت ‘المفاجأة والصدمة’.
وذكرت ‘الوطن’ ان الزوجة ‘سارعت لطلب الطلاق من زوجها معتبرة ان وصفها بهذا اللقب في المحمول يدل على تسلطها ووصفها بالشرسة التي لا تعاشر’.
وتؤكد الزوجة ‘ام احمد’ ان ما قام به زوجها بعد 17 عاما من الحياة الزوجية ‘هو تقليل من مكانتها’ ولذلك تصر على الانفصال ‘او دفع مبلغ من المال كترضية لها حتى يكون رد اعتبار لها ودرسا يتعلم منه’ زوجها.
اما الزوج فيقول انه اعتمد هذه التسمية من باب الحفاظ على الخصوصية وعدم معرفة من هم بجانبه ان المتصلة هي زوجته على حد قول الصحيفة.

المصدر
http://sa.ae/948091/

والله جاب الاسم صح ههههه

[بطل الفريج]

الحمدالله والشكر

[بصمة قطرية]

:secret:

لا حول ولا قوة الا بالله ..

[مسك روز]

الزوجه خبلا

والزوج ماعنده سالفه

[كتكوت الوحش]

الحمدالله والشكر

[ولــ(الزعيم)ــد]

الزوجه ماديه بحته

[طرفه]

الله يصلحهم ان شاء الله

[سداوي&مدريدي]

ايس فيه :secret: :telephone:

[STAR2012]

هذي تبي الفكة وجات من الله
ناس كثير زوجاتهم بمسميات ( وزارة الداخلية و ساهر و ووو)

[الصغيره]

من حقها والله يستاهل الافراج الحين يرتاح

[بوحمد1]

الله يهديها

انا كاتب في جوالي (وراك وراك ) :tease:

[بوحمد111]

الحمدلله والشكر عاااااد على مسمى والمفروض هذه الزوجة تفتخر وترفع راسها ان زوجها يسميها بهذا لاسم
وخلاص من اليوم بغير انا مسمى زوجتي في التلفون من Wife الى دارفور وبشوف ردة فعلها

[STAR]

زين تسوي عفية عليها

[فلتة زمانها]

جوانتنامو عاد شدعوه معتقل هههههه ابي اعرف شسالفه الشباب يسمون حريمهم بهالاسامي واحد كاتب المحقق كونان والثاني عايشه المرطه واخبر واحد كاتب الحكومه ليش يعني

[بوسلمان 2010]

طلعت المدام الفلوس اهم عندها اهم من كرامتها وعزة نفسها الله يهديها ويصلحها ان شاء الله

[اليحصبي]

طيب تسمى زوجها بتلفونها ابو غريب
http://www.shooq4.com/vb/images/bb/24.png

[هسلان]

هذي اتلكك وتبي سبة عشان اتطلق
صج اغوانتنامو ماكذب زوجها

[qrt_trading]

اذا ماكنت غلطانه الموضوع قديم جني سامعه نفس الموضوع تقريباً من سنة ونص او سنتين.
شالسالفة ما ادري هو نفس الموضوع ولا شخص ثاني سوى نفس الاخ من سنتين؟

[بوغانم995]

صح أني حاط .....نك نيم .....للغاليه ......وعندها ...هاتفين .......بربري .....الأول ...عمري ....والثاني ...حياتي ....بس ...لا أجد اي حرج في الرد على أي مكالمه تصلني منها ......وعلى فكره ...بنينا الأسرة على الشفافيه ....من اول يوم ....مافيه شىء ..ينخش .....وبس

[وجه السعد 2]

الزوجه خبلا

والزوج ماعنده سالفه

الزوجة معاها حق و الزوج هو الغلطان ولازم يراضيها وما يعيدها

[GOOKLUCK]

ههههههههه

وهو ما كذب لان الواضح من ردت فعلها العنيفه انها فعلا غوانتنامو ..

[hma]

هههههههههههه

فعلا زوجة دكتاتورية

وين حرية التعبير :)

[المقاول]

هذا سجن ابو غريب .. الله يكون في عونة و17 سنة والله إاللي
عندة صبر .. يطلقها ويعيش حياتة .

[حسن]

الحمدلله على نعمه العقل صج في ناس هايفه وفي ناس غاويه مشاكل

[كبير المتداولين]

من افضل الاسامي لتخزين اسم الزوجه في الهاتف

الي يحب زوجته
----------
الغاليه
الحب
ام العيال
فلانه
ام فلان
شمعه حياتي
-----------

والي يبي الفكه

------------
محقق كونان
النشبه
مشكله
البقاله



والخافي اعظم

الله يصلح الشباب

[بو الجوري]

مدري ليش كل الأخبار تجي من السعوديـه :..
نادر مانسمـع أخبار غريبه في دول خليجيه ثانيه :..

و ماقد مر علي حد مسمي زوجته فالتلفون بهالأسامي :..
صح كنا نسمع نكت عن هالأشياء و عن الأسامي اللي تنكتب :..
لكـن عمرنا ماشفناها عالحقيقه :..

كل اللي أعرفهـم كاتبين أم فلان أو المدام أو أي شي ثاني :..


الإعلام مشكلـه ،،
كله تسويق و دعايه ،، نفس الخبر اللي إنتشر عن الشيخه موزا و زوجة أوباما :..

إنهم شاريين من المحل الفلاني شسمـه بـ 50 ألف دولار :..

طبعاً كلام فاضي و بس يبون يسوون دعايه للمحل و لـصاحب الخبر :..

الله المستعان

[حسن]

بالنسبه لى مسجلها شمعه الجلاس وهي مسجلتني امل حياتي :secret:

[أسير الاسهم]

واحد مسجل أسم زوجته فالجوال ::

وينـك ؟


ههههههههههههههاااي الظاهر من كثر ما تنشده وينك !!!؟

[بو الجوري]

بالنسبه لى مسجلها شمعه الجلاس وهي مسجلتني امل حياتي :secret:

أنا مسجلهـا ( أم فهد ) :..
لكـن تدري مادري هي وش حاطـه :secret:

يبيلـه اليوم نشوف :telephone:

[OTOsan]

وليش في الاساس يحفظ الرقم ..؟

المفروض رقم الزوجه ينحفظ عن ظهر قلب .. لانه محفور في القلب :)

[شيزكيك]

ههههههههه يضحك الاسم
الصراحه زوجي مسميني ام فلان وانا مسميته ابو فلان

[حسن]

أنا مسجلهـا ( أم فهد ) :..
لكـن تدري مادري هي وش حاطـه :secret:

يبيلـه اليوم نشوف :telephone:

اوبيه هل الموضوع اخاف بيسوي مشاكل الحين الكل يبي يفتش ننظر الرد منك يابو الجور:telephone:

[ريتويت]

هههههههههههههههههههههههههههههههههههه

[almaf1a]

اهنيك العقلان يازوج
ومبروك الخروج من المعتقل

[الدوحي7]

يمكن علشان الملاغيف مايلقطون رقم زوجته،، بس لازم نسمع رد الزوج،،

[كازانوفا]

هههههههههههههههههههههههه
حلوه هاي لا ورده المقنع معقول نوعا ماا
قال خصوصيه قال خخخخخخخخخخ

[JN000N]

مسكيييين
والله ماعندها سالفه الا تبي تاخذ البيزات وتقب
والا انا اخواني كل واحد مسميني اسم
واحد مسميني الحكومه والثاني الدرع ههههههه
وواحد مسمي اختي السنداره
واخوي واحد مسميني خطر
وعادي سهالات وضحك

بروح بارفع عليهم قضيه كككك

[doha2012]

لاحول ولاقوة الا بالله


اشوفه عادي جدا وفيه فيه اشياء مانعرفها



وهو بما انه الرجل يفترض ارضاها بالي تبيه وانتهى الموضوع

[لاجل QT]

خلاص بعد وش يبي بيفرجون عنة

ولاتنابزو بالالقاب..كان كتب ام العيال او الاهل ..لازم يراوى ربعة ان اللى عندة مهب مقدرتة وعايش ياحرام في سجن ونار معاها

[التميمي 3]

إهبي والمه على الطلاق

[مسك روز]

وليش في الاساس يحفظ الرقم ..؟

المفروض رقم الزوجه ينحفظ عن ظهر قلب .. لانه محفور في القلب :)

طول عمرك حكيم زمانك :nice:

[مسك روز]

الزوجة معاها حق و الزوج هو الغلطان ولازم يراضيها وما يعيدها

اوكي معاها حق تعاتبه بس مب لدرجة انها تطلب الطلاق ..

شلون هانت عليها العشره

المفروض تكلمه تتناقش معاه مب على طول ابي الطلاق

وهو بعد ماعنده سالفه يوم سماها غوانتنامو

دامه يعرف ان مرته حساسه المفروض يتجنب هالشي

وبس :omen2:

[findi]

اما الزوج فيقول انه اعتمد هذه التسمية من باب الحفاظ على الخصوصية وعدم معرفة من هم بجانبه ان المتصلة هي زوجته على حد قول الصحيفة.

عذر أقبح من ذنب

زين تسوي فيه :nice:

[بوعلي2]

هههههههههههههه

[qatara]

(البعض من من ابتلو بازواج بهم عيوب حقيقيه لا يتقبلها لا عقل ولا شرع مثل زوج سكير او زوج زاني او ديوث او مدمن والعياذ بالله) فكل عاقل يتقبل حجة المراه في هذه الحالات

لاكن

ما دام اسباب الطلاق تافه ويحس من يلمسها انها ماهي الا فرصه وحجج للطلاق فهذه مصيبه

والحاصل والملموس ان الطلاق اصبح له امتيازات للمراه
وعلاوات وحريه موهومه

فاصبح الطلاق موضه فاغلبهم يبحثون عن اي سبب للطلاق ولو اخترعوه بفتعال المشاكل لتحصل رده فعل من الرجل وتوخذ عليه الحجج


(أيما امرأة طلبت الطلاق من زوجها في غير ما بأس فالجنة عليها حرام)

[الكواري 1972]

يبيلها تخمس لين تقول بس

بعدها فرقاها عيد

[لاجل QT]

مسكيييين
والله ماعندها سالفه الا تبي تاخذ البيزات وتقب
والا انا اخواني كل واحد مسميني اسم
واحد مسميني الحكومه والثاني الدرع ههههههه
وواحد مسمي اختي السنداره
واخوي واحد مسميني خطر
وعادي سهالات وضحك

بروح بارفع عليهم قضيه كككك

هذا بالنسبة لاخوانج الله يحفظهم لج عادي دعابة

اما بالنسبة للزوج غيييير:) يكون لها الف تفسير وتفسير تحبيبن تسمعين او تحسين بمشاعرة ورومنسيتة وحبة صوبج..

تفسير اللقب نفسيا..الزوج ماحط هالاسم عبث ..ولا كان حط لها اسم حلو يحسسها انة يحبها وغالية

بصراحة لو انا مكانها بازعل بس ماراح اطلب الطلاق..ولكن باعرف انة غير مرتاح معي هاللقب وصل لى هالاحساس الموضوع مش موضوع دعابة ..هذا احاس عبرة عنة الزوج انها بمثابة السجن لة..والدليل اختيار وصف غواتنما

[JN000N]

هذا بالنسبة لاخوانج الله يحفظهم لج عادي دعابة

اما بالنسبة للزوج غيييير:) يكون لها الف تفسير وتفسير تحبيبن تسمعين او تحسين بمشاعرة ورومنسيتة وحبة صوبج..

تفسير اللقب نفسيا..الزوج ماحط هالاسم عبث ..ولا كان حط لها اسم حلو يحسسها انة يحبها وغالية

بصراحة لو انا مكانها بازعل بس ماراح اطلب الطلاق..ولكن باعرف انة غير مرتاح معي هاللقب وصل لى هالاحساس الموضوع مش موضوع دعابة ..هذا احاس عبرة عنة الزوج انها بمثابة السجن لة..والدليل اختيار وصف غواتنما



الواضح انها قششششره ويييلده ردة فعلها
لان تبي الفكاك وفنفس الوقت تبي بيزت
شدخل البيزات فاللقب الي حاطه شدخل الرضوة الغبيه الي اختارتها
عادي تزعل لكن مايات مني والدرب وسماها الا وانها صج غوانتنامو :tease:

[بوعلي2]

انا فهمتكم

[JN000N]

الواضح انها قششششره ويييلده ردة فعلها
لان تبي الفكاك وفنفس الوقت تبي بيزت
شدخل البيزات فاللقب الي حاطه شدخل الرضوة الغبيه الي اختارتها
عادي تزعل لكن مايات مني والدرب وسماها الا وانها صج غوانتنامو :tease:


من وين طلعت هالصوره ف ردي :rolleyes2:
تغيرو الاختصارات!

[رآعي موآجيب]

يااااهالرضوه على كل شي :rolleyes2:

المفروض يسميها !!! FLOSING ويهتز الجوال إذا تتصل له :telephone: