من ياخذ حقي ....؟ حليب فاسد و جرثومة المعدة . والله ماساة

[يراعٌ فراتي]

السلام عليكم ورحمة الله وبركاته

من فترة مريت سوبرماركت معروف في محطة بترول
شريت قطعه كيك و حليب
بعد ما كليت الكيكة شربت الحليب والمشكلة طعم الكيك مغطي على ريحة و طعم الحليب
ويوم انتبهت وشميت ريحته اعوذ بالله ريحة وطعم تقول انه منتهي من سنة
مع ان تاريخ الصلاحية مب منتهي
رجعت للسوبرماركت وطلبت المدير المسؤول وفعلا اخذ غرشة ثانية ويوم بطلها وحاول يشرب وما قدر لانه من الريحة داخ
وشتكيت وجا مفتش البلدية وفعلا تاكد بنفسه
ورحت المستشفى بالاسعاف
عطوني ادوية و قالوا لي الحمد لله على السلامة وسويت ضبط شرطة في المستشفى
بعدها صرت اعاني من معدتي
وللاسف تابعت الموضوع مع البلدية بس قالوا فالبداية بنوصل الموضوع لمكتب الوزير
ولكن مرت 4 شهور ولا شفت شي
اخر مرة متصل فيهم قالوا ان الحليب فيه خلل في عملية البسترة
مع ان الحليب طعمه اعوذ بالله وريحته شششششششينة
حتى الفلبيني اللي فالسوبرماركت كتب لي ضبط داخلي فالحادثة وكان شاهد انه الحليب فاسد

بعد فترة بدت معدتي تعورني احس بضيق نفس ودوخة وصداع والم فالكتف
تجي كلها بشكل نوبات وكاني ماكل حصى او شي ساد مجرى الطعام
مع اني ما شكيت في حياتي من معدتي
المهم
بعد فترة رحت وسويت تحاليل وطلع عندي جرثومة فالمعدة
والعلاج 5 انواع حبوب واكثرها مضادات ومتعبة ومن قوتها تسبب هلوسة وسخونة فالليل
ولمدة شهر :eek5:
حتى اكل ما عاد اكل مثل الناس
حسبي الله ونعم الوكيل

[سان سيمون]

الله يعينك ويشفيك ما ادري ايش اقول بس صدقني تنفخ في اربه مئطوعه لانه للأسف القوانين واضحة لكن ما تتطبق

[Me&OnLy]

اوصيك اخذ لك عسل سدر وماي زمزم قلاص كل صبح ذوب فيه ملعقة عسل واشربه بتدعي لي .. اهم شي الاستمرار لاتنسى

[intesar]

جرثومة بس حاسب من القرحة.. واستمر حتى تاخذ حقك.. ساعات اعتقد المشكلة سوء تخزين أو مثل ما قالوا من البسترة.. لأن التاريخ مو منتهي.. يعني العيب مو من وقود.. العيب من الشركة الأم..

ونص الدوحة عندهم جرثومة.. أكل برع من الأسباب.. بس اللي ما يقرب أكل برع..
ودمتم بحفظ الرحمن..

[^^^EAGLE^^^]

اسال الله العظيم ان يشفيك

واللوم مو على السوبر ماركت اللوم على المصنع يلي صنع الحليب ويلي المفروض اهو يلي يتشمع بالشمع الاحمر لمدة شهر مع غرامة بسبب سوء التصنيع ووالاهمال
وينكتب فيه انذار ، يعني يومها كم علبة حليب اتوزعت على السوبرماركتات في قطر وكم شخص شرب منها وكم شخص ممكن تكون صابته نفس حالتك واهو ما يدري
والله لوقلنا في بلد ثاني ،اشوى شوي لكن في قطر ، صعبة الصراحة نتقبلها

ولاحول ولا قوة الا بالله

[أين الحل ؟]

روح حق محامي الله يسلمك وود معاك جميع الأوراق وأوراق الضبطية والمستشفى وتقرير الشرطة وانت انتحصل حقك وطالب بتعويض ما يقل عن مئة مليون ريال من الشركة الأم الى ما بسترة الحليب بطريقة صحيحة . لو فقت حياتك بسبة هذا الحليب من بعوضك عن أهلك خلهم يكنون عبره لم لا يعتبر .

وانصحك بالمحامي محمد أحمد المهندي وهو يعرف يجيب حقك زين .

[روح الاطلس]

الحليب من اي شركة؟ مراعي ولا ندى ؟ ولا شنو ؟ حليب محلي ؟

واحتمال مايكون فاسد من الشركة لكن طريقة التخزين افسدته يمكن خلوه بالشمس فترة

ولو لك بارض ارفع قضيه عليهم مع كل الاثباتات روح لمحامي واسألة يمكن تطلع بتعويض تقدر تعالج فيه نفسك

[غزلان]

الله يشفيك

مانقول الا حسبي الله ونعم الوكيل

[ام ناصر1]

لاتذكر اسم الشركة تجنبا للمشاكل .......اذا طعمه متغير قبل انتهاء فترة الصلاحية
ومحدن اشتكى بغير محلات على حليب هالشركة .....فالصريح والواضح إنه سوء تخزين
......بس يبون يغطون ...الحقائق ويمشونها عليك

[يراعٌ فراتي]

الله يشفيكم ويعافيكم جميع
وما راح اسكت ابي اشوف تالي هالسالفة
والله اكتب لكم ومعدتي مولعه نار

اخوي اين الحل من صجك مئة مليون ريال
عبالك فالمريكا
هههههههههه
جان زين اذا حصلت تكاليف علاج وفحوصات فالخارج

[مدرسة]

لا حول ولا قوة الا بالله

لا بأس طهور ان شاء الله

[ANONYMOUS]

ماتشوف شر

وانشالله يأخذون حقك

[Dawn]

معقوله هالكلام في قطر :(
ما تشوف شر ..
قول حسبي الله ونعم الوكيل .. وتابع موضوع الشكوى .. وتابع صحتك والله يعينك

[راشد محمد]

ما تشوف شر ... بس ياليت تذكر اسم الشركة للحليب

[الخزرجي قطر]

الله يشفيك ويعافيك من كل شر
لاتسكت عن حقك مهما كان عندك الادله والتقارير

[elders]

اوووووووه سلامتك هلأ عرفت عشان شو الادوية

طهور اخي الكريم وضلك وراهم

وعرفت اسم السوبرماركت المشهور
http://www9.0zz0.com/2011/02/23/16/551274216.gif

[kitmat]

عليك بمحامي شاطر وعندة ظمير

[كتكوت الوحش]

لا حول ولا قوة الا بالله
الله يشفيك انشالله

[نتفـه]

حسبي الله ونعم الوكيل .. لا باس طهور ان شاء الله اخوي وما تشوف شر ان شاء الله ..

[قلم صادق]

الحمد لله على السلامة وما تشوف شر ان شاء الله

[بلوتنيوم]

استشير محامي
وارفع قضية :)

[airbus]

شوف المحل الشي شريت منه عنده سوء في التخزين انا متأكد لانه الايسكريم دوم يكون دايب وبعدها يتم تجميده مرة تانية فامعروف ان الايسكريم كيف يكون طعم وشكل الايسكريم الي يتم تجميده مرة تانية وطبعا يسبب امراض لانه ادا اي يشي يذوب وبعدها يتجمد ينتج عنه بكتريا تسبب امراض خطيرة

[ابوالكلام]

لاحياة لمن تنادي والحق ضايع الله يستر من القادم

[حسن الاحمد]

ارفع دعوة على شركة الحليب وطالب بتعويض