مـــواطنــة : هــل أقبـل بـــ " مهــر 400 درهــم " ؟

[Live]

مواطنة: هل أقبل بـ"مهر 400 درهم"؟



http://www.alittihad.ae/assets/images/Emirates/2012/02/20/320x240/19.jpg


طرحت إحدى المشاركات في منتدى إماراتي قضية بالغة الأهمية في المجتمع العربي
بشكل عام، والإماراتي بشكل خاص وهي قضية المهور.



وقالت المشاركة:


"أنا مخطوبة لولد خالي والحمد لله مرتاحين لبعض وايد، والوضع المادي ما يساعد وايد
وأنا ما ابي أثقل عليه بالديون.. من كام شهر أخوه خطب وكان مهر العروس 500 درهم،
ولما عرف أبوي قال مهر ابنتي 400 درهم وأنا اتضايقت وايد ليش ابوي يرخصني؟".

وتستكمل العروس الشابة مشكلتها، حيث لم تحمل زوج المستقبل أي من متطلبات الزواج،
حيث اكتفت بغرفة داخل منزل والده رغم أن أثاثها مستعمل لكن المشكلة أنها بدأت
تحس أنها قللت من مكانتها بسبب هذه التنازلات.



وتقول العروس الشابة:



"أنا للأسف في عيلتي صارت قصة أن الأب طلب مهر قليل وقال نحن نشتري الريال..
فأنا خايفة أوفر عليه وأخاف ينقلب ضدي مع أن الريل محترم جداً وطيب والحمد لله".

الكثيرات من المشاركات شجعن العروس الشابة عن رغبتها في الاستقرار والزواج
دون النظر إلى الأمور المادية من المهر وبيت الزوجية وتكاليف العرس.


وكتبت مشاركة

"المهر لايرفع الحرمة ولا ينزلها هالشيء في أخلاق الرجال إذا كان ولد ناس
ومرباي لو كان مهرك درهم ما بينزل ولا بيرفع من قيمتك وسط الناس".


وقالت أخرى:
"لا تضيعين الفرصة تبين تعرسين اتنازلي عن كل شيء أهم شيء ما تعنسين بعدين
أبوج راضي بالعرس زاد المهر ولا نقص كله في النهاية زواج".


وتساءلت عضوة في المنتدى:
"شو يعني مهري رخيص ومهرها غالي اللي يطالع الناس ويسمع كلامهم يتعب
ويمرض محد يعجبه شيء توكلي على الله وتفاءلي خير".


وقالت أخرى:
"خليك معتدلة وطبيعية نفس أي بنت يعني المهر ما يكون وايد 400 مبالغ فيه
ولا يكون شوي وترخصين نفسك ولا تقولين لا يغير الأثاث انت عروس،
ومن حقك أثاث غرفتك يكون حلو وجديد خير الأمور أوسطها".

[غايه الطواش]

من حقها كعروس مهر تتجهز فيه ....400 درهم ككلمه قالها والد العروس لانه يشتري الرجال ..بس المفروض الرجال تطلع شيمته على الاقل يدفع 20000
يعني اقل شي من وين بتلبس له فستان العرس..وين تتمكيج له ...
هو يوم دفع مهر 400
المفروض مايطلب من العروس تلبس له جديد ولا لانجري ولا لبس جديد....
اعرف ناس واجد يحطون المهر الف والا عشره ....
بس الواقع يدفعون اكثر

انا ماقول يدفع اكثر ..اذا هو رضى يدفع 400 لايطلب من البنت تتجهز له باكثر من مهرها ....

والله استغرب من هالناس ...

[لاجل QT]

من المعروف عندنا ان اب العروس اذا سئلو كم المهر يقول 1000 ريال وهو يدري ان المعرس ماراح يدفع هالمبلغ ممكن 300 الف..بس ان من باب ان يقصد يقول ان احنا نشتري ريال..بس ان يكون هذا المبلغ هو الرقم الصحيح لزواج البنت فقد ظلمت ..
وفعلا هاللى نشوفة من البعض صاحبة المهر الرخيص للاسف يرخص بها ..ماينظر لها انها راعت ظروف المعرس وان المفروض تنحط على الراس لا للاسف تنداس

البعض وليس الكل

[سان سيمون]

أبوي الله يرحمة صدمني عند القاضي يوم ساله عن المهر قال:rolleyes2: ريال وشيمة رجال :rolleyes2: جاني هبوط ايش هبب بس القاضي ما اعجبه وقال قول كم ما يسير هالشكل والحمد لله جاني هبرة فلوس

نرجع للموضوع صراحة 400 درهم شوي ومستحيل أوافق تاخذ بما هو في استطاعة الرجل يعني هو لغاية كم يقدر يوفر والأثاث لازم يكون جديد لانه بصراحة عمر هالشيء لا راح يرفع من قيمتها عنده ولا غيره بالعكس ممكن يهضم حقوقها الباقيه لانها إنسانه قنوعة الوسط في كل شيء زين لا فرط ولا تفريط

[بداية مساهم]

شكرا ع طرح الموضوع :)

وانا مع الاخت اللي قالت ..
"المهر لايرفع الحرمة ولا ينزلها هالشيء في أخلاق الرجال إذا كان ولد ناس
ومرباي لو كان مهرك درهم ما بينزل ولا بيرفع من قيمتك وسط الناس".


فعلا قبل تفكرين في كم المهر فكرو في شخصية الرجل نفسه ... من ناحية حفاظه ع الصلاة وفي اوقاتها... اخلاقه... هل هو بار بوالديه او لا؟؟ والله ان اهم شئ عندي صلاته وبره بوالديه ورحمته وحبه لاخواته.. لان اللي فيه خير للاهله ماراح يشقي بنت الناس معه..واللي تحب هالصفه في زوج المستقبل ماراح تتعب ولا تشقى لا معه ولا مع اهله.. وعلى نياتكم ترزقون

وبعضهن لا تبالي اذا كان عاق بوالديه او اخواته .. لايجب ان ترضى بهذا او على الاقل اذا كانت ما تعرف فيه هالصفه تحاول تقربه لوالديه ولاهله تحاول تغيره وتخليه للافضل :)

اما بالنسبه لكم المهر ... ما يغلي ولا يرخص المره...وانا ما اقول لا تطلبون مهر بالعكس هذا من حق كل بنت بس بحدود المعقول.. المهر مجرد وسيلة لشراء حاجيات العروس وتجهيزها للعرس..مش وسيلة اشتري بها أمرأة؟؟ عيب اللي تفكر ان الفلوس ترفعها او تنزلها او اللي تفكر ان المهر يشتري ويبيع في الحريم...وحتى لو تزوجت بدون مهر...اذا انا ماعرفت شلون ارفع من قدري عند زوجي واكسب رضاه واكسب ود وحب اهله ...فاعتبر نفسي مش كفو للزواج...
.. وبعضهن ينكت عليها من المهر بمبالغ لاتوصف ...ووحيد اهله وتطلب بيت بروحها... يعني ما في البيت إلا امه وابوه وتطلعينه منهم؟؟ هذول كبار سن محتاجين من يرفق بهم من يحسسهم بالاهتمام من يعطيهم كلمه طيبه..من يصبحهم بالخير ويمسيهم بالخير..هم بركة البيت..يكفي هم اللي اختاروها له.. :( ...وفي النهايه مب كفو.. مب كفو بيت لا تهتم فيه ولا تسال عنه ماغير مولية الشغاله عليه...البيت صاير لها فندق بس تنام فيه...طيب ليش؟؟شاللي شاغلك عن بيتك اللي طلبتيه؟؟
الله يصلح بعض البنات هالايام ماخذين الزواج مجرد تجربة... يستكشفون يعني شنو الزواج؟؟ وبعضهم فكرة الزواج عندهم بس اعلق هالعباية والشنطة ع كتفي واتمشى معه شهر...شهرين...سنة...مو ع طوووول؟؟؟ وغيره يعني؟؟ وبعد هالتمشي والتسوق؟؟ فيه شئ ثاني؟؟ هل عرفت البنت مسؤولية الزواج شنهي؟؟

مابي اتكلم كثير :) فلو تكلمت يطووول الحديث :(

[بلوتنيوم]

اتوقع الـ400 هذي عربون
مستحيل ترتاح نفسيا قبل ماتخليه يجلس على تل ديون :)

[ام ناصر1]

بصراحة المبلغ جدا قليل ....الحد الادنى للمهر من وجهة نظري 25 الف -20 الف في
حالة كونه معسر وفقير ........بس اذا اهي راضية مع اهلها بكيفهم ...

[عيسـى]

كل الشكر لك على الموضوع

[الحاقول]

انصح هذي البنت ان لاتاخذ هذا الرجل

اذا من البدايه عاجز ماليا اشلون في المستقبل

صعب الحياه معه

[بداية مساهم]

اخووووي الحااقووول الزوج ماحدد المهر بل ابو الزوجة هو اللي حدد...البنت تشوف ان ابوها ارخصها :)

[qatar25]

اكثرهن بركة، أقلهم صداقا





والي يقول ان لازم ماتوافق. يستحي على ويهه ويرجع لقول الرسول صلى الله عليه وسلم

[qatar25]

انصح هذي البنت ان لاتاخذ هذا الرجل

اذا من البدايه عاجز ماليا اشلون في المستقبل

صعب الحياه معه

"ان يكونوا فقراء يغنهم الله من فضله والله واسع عليم"

سورة النور

[al_Caesar]

موضوع رائع صراحه

اناا اييد وما اييد

على حسب الرجل المتقدم ممكن ان يقدر ويحشم البنت

وممكن ان يعيرها بالمبلغ ويرخصها

لكن مثل ماذكر في الموضوع انه رجل صالح وفيه خير يعني المبلغ لايهم لانه دام انه رجل صالح وفيه خير اكييد انه راح يسعدها بقدر المستطاع

اماا يي رجل يدفع مليوون وهو في الواقع مايدري عنهاا

الزواج مب مزاد من يدفع اكثر الزواج نكويين حياه ومستقبل



وكل الشكر على الطرح


لاعدمنا جديدك


دمت بحفظه

[حقيقه]

الحمدلله والشكر

خلو عنكم المثاليات
هذاك اول اللي اقل مهر اكثر بركه

الحين اللي مهرها قليل بيذلها ذل هو واهله ومصيرها ترجع لاهلها

قال نشتري رجال مانبي فلوس قال

ياعيوني اذا ماعنده فلوس خليه يستريح في بيتهم لين مايكون نفسه
ولا يوهق بنات الناس معاه

ومثل مافيه عيال فقر محترمين

فيه بعض الرجال عندهم خير ومحترمين

يعني مب اعطي بنتي لواحد فقير واقول ان شاءالله بعدين يزيد خيره متى الله العالم

[فلتة زمانها]

اقول خلوا عنكم المثاليه لو واحد تقدم لخواتكم والا لبناتكم بتشرطون عليه 400 ؟!!

وهو شكله مب كفو يتزوج شلون يسكنها بغرفه اثاثها مستعمل والله جاتني حكه

[سان سيمون]

اقول خلوا عنكم المثاليه لو واحد تقدم لخواتكم والا لبناتكم بتشرطون عليه 400 ؟!!

وهو شكله مب كفو يتزوج شلون يسكنها بغرفه اثاثها مستعمل والله جاتني حكه

هههههههههههههههههههه حكة تخيلت المكان كله غبار

[حلم الطفولة]

اخووووي الحااقووول الزوج ماحدد المهر بل ابو الزوجة هو اللي حدد...البنت تشوف ان ابوها ارخصها :)

المهر تطييب لخاطر الزوجة
الزواج في الوقت الحالي بهذا المهر القليل صعب بصراحة، خاصة وأن عددا من الناس يظن أن ذوات المهر القليل رخيصات عند أهلهن، والبعض يقول إن من يشتري بلا ثمن يُباع بلا ثمن

[qatari 111]

خير الامور اوسطه

[بوراشد]

ممكن يقول بريال بس هل فعلا ريال. ٤٠٠ ريال هل فعلا ٤٠٠. واللي يقول زواج والسلام. ليش. زواج والسلام. الزواج استقرار. الزواج اولاد يبون يعيشون. الزواج. زوجه لها احترامها وتقدير. اهم شي. العيشه الكريمه. الزواج حياه جديده. الله يوفقهم. بس الوحده ما تقدم تنازلات تندم من عقبها. انا لا ابالغ في الزواج انا مع الاعتدال وحفظ الكرامه.

[ولي العهد]

اذا الرجال ماعنده فلوس المهر يفركشون الزواج ابرك لهم واذا عنده وبيدفع يشترون رجال ابرك لهم من المهر وياما زوجات ادفعوا لهم مهر خيالي وتزوجوا وصارت حياتهم خربط بربط يعني حياتهم صارت جحيم ولا نفعهم المهر

[طير حوران]

الاهم من المال قناعتها بالرجل لوحدها تكفي اما الامور الماليه فشكليه جدا عند قرارات مصيريه كهذه ومن هو الذي يستطيع ان يجزم ان يبقى الغني غنيا الى الابد والفقير فقير الى الابد

اما البنت فما فات من عمرها بدون زواج فهو وبلاشك خساره فحتى لو فشل الزواج فيكفي ان الله رزقها بمن يملأ عليها حياتها ابنا كان ام بنتا

الله يوفق الجميع لما فيه الخير

[أسد الجزيرة]

تتزوج و تتوكل على الله و انا مرت علي حالتين شباب اعرفهم البنات هم الي ادفعوا حق العرس عشان يتزوجون

[دااانة قطر]

تتزوج و تتوكل على الله و انا مرت علي حالتين شباب اعرفهم البنات هم الي ادفعوا حق العرس عشان يتزوجون



:rolleyes2:
الله يهني سعيد بسعيده
وان شااء الله مايجي اليوم اللي يتحسرون ويندمون على اللي سووه
والله يباارك فيهم ويوفقهم

[نوار قطر]

اعتقد هالمبلغ كان كمبلغ ينكتب في ورقة الملجه بس اكيد لها مبلغ ثاني لتجهيزاتها''' اختي مهرها في العقد الف ريال طبعا التجهيزات مبلغ ثاني

[قوي العزايم]

فلا ينبغي المبالغة في المهور، وليس هذا الفعل من التدين،
بل هو مخالف للهدي النبوي


ففي الحديث أن النبي صلى الله عليه وسلم قال:
* إن أعظم النكاح بركة أيسره مؤونة * رواه أحمد


والمهر حق للمرأة فلها التنازل أو التخفيف منه عما تشاء للزوج

[ام السعف]

في شي احنا مب فاهمينه ،،

مهر العروس غير عن مصاريف التجهيز ،،

مهر العروس ينكتب في عقد الزواج ،، مثلا مهرها 10 الاف ريال
يتسجل يوم الملجة ،، ومن ثم يكون هناك حساب ثاني لتكاليف التجهيز ،،
بكيفهم يكتبون في عقد الملجة او لا ،،

فالمهر غير عن مصاريف تجهيز العروس ،، نفس اختلاف المقدم عن المؤخر ،،

فلو الأب مثلا تنازل عن كل شي مقابل 400 ريال ،، واجب عليه شرعا
تجهيز العروس للمعرس ،،
فراح يبقى حق المعرس في تجهيز عورسته له وحق العروس في تجهيزها
في ذمة الأب ،،

[أبو يووسف]

بصراحة المبلغ جدا قليل ....الحد الادنى للمهر من وجهة نظري 25 الف -20 الف في
حالة كونه معسر وفقير ........بس اذا اهي راضية مع اهلها بكيفهم ...

هذا الكلام الصحيح

[بداية مساهم]

يا جمااااعه الموضووع ما يتكلم ان الزوج مادفع مهر الزوجة.... البنت تقوووول ليش ابووهااا ارخصهااا قدااام الناس ... يعني مافيه اي دليل يقول ان الزوج مادفع ؟؟؟

[wadha-qa]

عسى ماشر ليش 400 حتى ما تجيب لها قميص من مانغو هالايام

من حقها مهر و غرفه مجهزه بالكامل شنو اثاث مستعمل بعد صراحه مسكينه هالبنت

انا اقول اتعنس ابرك لها هذا بكره شلون بيجيب مقاضي البيت و العيال

[الخزرجي قطر]

عادة المبالغ الي تكتب في عقود الزواج مبالغ رمزيه مالها علاقه بالواقع
اكيد المعرس راح يدفع اكثر من المهر بكثير ولاتكون الامور الماديه سبب

[جرح الزمان]

اكثرهن بركة، أقلهم صداقا





والي يقول ان لازم ماتوافق. يرجع لقول الرسول صلى الله عليه وسلم

:victory:

[ذياب]

من الاهم ؟ الرجل ام المهر

[بوحارب]

بل مهر 400 الف ليش ليكون ماخذ حورية :(


اخوي ذياب اكيد الرجل اهم من المهر والفلوس وصخ دنيا :)

[أسد الجزيرة]

بل مهر 400 الف ليش ليكون ماخذ حورية :(


اخوي ذياب اكيد الرجل اهم من المهر والفلوس وصخ دنيا :)

400 ريال مب الف

[بوسلمان 2010]

اللهم ولك الحمد ابو زوجتي الله يرحمة ويسكنه الجنة حط المهر في العقد ريال واحد بس وقال انا ابي رجال


مو ابي فلوس وطبعا انا مارضيت على نفسي والحمدالله حطيت الله قدرني عليه من كل شي والي تستاهله اي


مره في اول زواج لها اللهم ولك الحمد وهذا مااثر على اي شي بينا هذا شور ابوها الله يغفر له ولجميع اموات


المسلمين اللهم امين

[بنت امي]

مادري شقول
بس اذا تحبه ويحبها وبيحافظ عليها وبيقدرها وبيتعاون معاها على البر والتقوى

ياما ناس الله رزقهم بفلوس ولكن يفتقدون الحب والاحترام