اذا تشاجر أطفالك وأطفال اخوك من تظرب فيهم

[فريج النجادة]

من الطبيعي ان يتشاجر الاطفال

ومن الطبيعي بعد ذلك ان يرجعو الى بعضهم البعض

وينسو بعد ذالك الشجار الذي حصل بينهم

والمصيبة الكبرا ان بعض الآباء

لا بد ان ينتقم الى أطفاله وكنها معركة بين الكبار

وليست بين الصغار

كيف نفهم بعض الآباء او الأمهات

ان الشجار بين الاطفال ما يزيدهم الا محبه بينهم

[فلتة زمانها]

بعض الحريم يكبرون مثل هالمواضيع بالذات اذا كان فيه خلافات بينهم

لو انا مكانهم ماراح اضرب بفلعهم الاثنين باي شي قدامي :nice:

[سان سيمون]

المشكلة هذه ما تطلع الا عندنا يالحريم وبعض قليلين المروءة من الرجال صراحة العم والخال والد وعادي جداً ينضربون العيال اذا تهاوشوا بس مشكلة بعض الحريم تنتقم واذا تكره افلانه تسرف في عيالها وهذا الي ما فيه ام ترضى به

[JN000N]

انا عاقبت اختي الصغيره عشان تهاوشت مع بنت خالتي
وتوقعت من خالتي الي هي اكبر مني تتصرف نفس التصرف مع بنتها اللي اساسا كان هي الغلطانه
بس عشان ما اقوي عين اختي وماتطول لسانها هاوشتها ورديتها عن الغلط
فالاخير ماستفدت شي واختي انظلمت وتحسفت لاني انا ماقويت العين عليهم

هذاك اول تعاقبهم كلهم وتهاوشهم الحين محد يرضى على عياله خاصه الحريم واللي صارو رياييلهم يسمعون لهم
مره طولت نفس البنت لسانها علي ويوم رديتها يات امها تفازع لها بدل ما تقول لها عيب هذي اكبر منج واحترميها

[كان فيه وخلص]

الاصل ان ما بين الاطفال يبقى بينهم

ولكن بعض الاباء يتخذها كاذريعةلإنتقام بعضهم من بعض

ولكن اللي احسه انه مصيبة ان احد غيري وغير زوجتي يضرب عيالي من الكبار

اذكر وانا صغير لما كنت اتهاوش مع ولد عمي كان عمي يضربني وما يكلم ولده حتى

المفروض ان الواحد يعز اطفاله. ولو صار خطأ من واحد منهم يعاقبه او حتى يكسر عظمه
بس مش قدام الناس

[intesar]

المفروض الكبار ما يتدخلون.. حتى لا تكون هناك فجوة بين الأخوان سببها الكبار..

ودمتم بحفظ الرحمن..

[Dark_QTR]

اطفال .. اليوم يتزاعلون .. بكره يتصالحون .. كأني شئ ما صار
خلوهم يعيشون طفولتهم ولا تتدخلون فيها ..
تدخلكم بيكبر الموضوع و بيتحول من سالفة أطفال إلى سالفه شخصية و تصفية احسابات
--
ابكل بساطه .. جيبوا إعيالكم المتزاعلين و خليهم يتسامحون جدامكم و علموهم
ولا تهوشونهم ولا تضربونهم على سالفه يهال ..
قلب الطفل ما يحقد نفس ما قلوبنا تحقد على الغير .. الصراحه يعني

[شميرام]

المفروض محد يتدخل او يعاقب الجميع نفس العقاب

[Locale]

المشكله لما اتكون بيت اهل الريل وولدك ينضرب من عيال عمه فاليوم بدال المره عشر مرات
ساعتها بيكسر خاطرك لانك اذا سكت انضرب واذا تكلمت انت غلطان ويهال ويتهاوشون ويتصالحون
عقب يقولون من الحريم يكبرون السوالف
لازم بيكبرون السوالف لان الريال طول يومه برع وين بيشوف اللي يصير

[كلاسيك قطر]

الأطفال يتشاجرون على أشياء بسيطه وما أسرع أن ينسو

وعلى الأباء الا يتدخلو في هذه المشاجره حتى لا يفتعلو مشكله من لا شيء

وقد يكون تدخل الأباء سبب في كره الأطفال لبعضهم

[elders]

المفروض كل مرة تمسك عيالها او تراقبهم وتفكهم عن بعض بالوقت المناسب..ما احلاني وانا عندي ولد شرس ورايحة عند ناس اصغر منو واحط اجر على اجر واحكي ولاد ببعض ..او اكون عارفة ابني ضعيف واخليهم يكسرووه...اصلا اللي بعمل المشاكل برود الام !!!

[بحرقطر]

ياما اخوان تزاعلو ويتمون سنين ما يكلمون بعض بسبة اليهال

[بصمة قطرية]

24 ساعه العيال عندنا يتهاوشون ..
اولاد و دفشين الله يحفظهم ..
عادي تعودنــا ..
يتهاوشون و يتراضون بروحهم ..
اذا صار و برت الهوشة بينهم
يتعاقبون كلهم ..
هالشي اتبعه مع الكل ..

[غزلان]

هواش اليهال من اسباب الزعل بين الأخوان والخوات كل وحده ماترضى على عيالها وفي نفس الوقت ماتسمح حد يغلط عليهم

[qatara]

كلهم سواسيه يا تركهم جميعا او ضربهم جميعا
لكي لايصبح بخاطر اخي شي

وبعدين هذا حال الجهال شوي متضاربين وشوي ربع

[بوخالد911]

شقاوة اليهال لا حدود لها

والذكي من يحسن التصرف بوقتها
وبعيدا عن المشاكل

[ريتويت]

الله المستعان

[sara jsm]

اسطرهم كلهم نفس الشي ,,
الاخت او الاخو ماراح يقولون شي لاني امون عليهم ,,
بس المشاكل تصير اذا مثلا ( عيال اخوي تهاوشوا مع عيال اخوي الثاني )
هني حريمهم اذا مب خوات تستوي حساسيه بينهم عشان اليهال ,,

[سان سيمون]

الله المستعان

انا وحدة بسبب ان أمي من عايله وابوي من عايله فلما كنت اجتمع مع خوالي وعيالهم وشفت ان ولدي منبوذ من بينهم لانه عندهم انا وأخوي على ولد عمي وانا ولد عمي على الغريب فا ولدي كان الغريب وكان الي ينطق منعته يجتمع معهم علشان اكون مرتاحة ولا أحزن عليه لين ما كبر وتجاوز مرحلة الاطفال والهواش وحاليا ربع وما فيه منهم

[عبدالله الخوار]

لا يمكن اضرب عيال اخوي عشان عيالي !! الا بالعكس اضرب عيالي ان ذيلين عيال عمهم

ولازم تكونون مع بعض مب تتهاوشون ..

سوالف الحريم ما تخلص .. كلن تلقاها تشيش زوجها على هالامور عشان شي في نفسها

على العموم الرجال المفروض يكون قدوة ولا يكبّر هالامور

[R 7 A L]

كل كبير سوا رجل أو أمراه يثور مع أطفاله ضد أقرباءة
ماعندهم سالفه وضايعين

[تحداني]

ما أرضى أحد يمس طرف من إخواني ...إن غلط على إعيال خالاتي او إذا إغلطوا عليه
يترك المكان ويروح .. ساعات اتنرفز من هالتصرفات ارد اتذكر كلام الوالد هذيلن يهال وإصغار ومعاه حق بعد يومين نلقاهم يتعشون مع بعض



جملك الله برضاه

[فيزيائية]

ما اضرب ولكن الوم الكبير ....
وتنتهي السالفة
المصيبة اذا جاك الولد سوسة
والام تسمع من ولدها وتصدقه

[بوحارب]

بالراحة عيال اخوي ارقد بهم هههههه

[طواش]

أطلب منهم أن يقصوا علي قصة الهوشة ، ومع تسلسل الأحداث يتضح أن الخطأ مزدوج بين

الأثنين أو أن هناك سوء فهم وينتهي الأمر بعقد صلح بعد محاكمة عائلية لا يتدخل فيها أحد

سوى الأطفال المتهاوشين والكبير المصلح .

والنتيجة كم دمعة وسنسون وضحكة وتحلف للمرة القادمة وصافي يا لبن وترد حليمة لعادتها القديمة

[elders]

أطلب منهم أن يقصوا علي قصة الهوشة ، ومع تسلسل الأحداث يتضح أن الخطأ مزدوج بين

الأثنين أو أن هناك سوء فهم وينتهي الأمر بعقد صلح بعد محاكمة عائلية لا يتدخل فيها أحد

سوى الأطفال المتهاوشين والكبير المصلح .

والنتيجة كم دمعة وسنسون وضحكة وتحلف للمرة القادمة وصافي يا لبن وترد حليمة لعادتها القديمة

في عنا مثل بقول : قاضي الزغار شنق حالو
:shy:

[بوجاسم 75]

اسطرهم كلهم عيالي وعيال اخوي اي والله 0

[ولي العهد]

ينضرب الغلطان سوى ولدي ولا ولد اخوي الاهم انه مرتي ومرت اخوي مايتدخلون بين لعيال بحكم ميول عواطفهم لعيالهم وهذا اتفاق بيني وبين اخوي منذ مبطي او منذ زمن بعيد

[نوار قطر]

الواحد مايقوم بقومة اليهال يتهاوشوون ويتراضون بس اذا لزم الامر اوقف مع الحق والغلطان يتعاقب سواء عيالي او عيال اخوي

[كلنا قطر 1981]

بعض الحريم يكبرون مثل هالمواضيع بالذات اذا كان فيه خلافات بينهم

لو انا مكانهم ماراح اضرب بفلعهم الاثنين باي شي قدامي :nice:

هههههههههههههههههههههههههههههههههههههههههههههههه

هذا هو احلى و اكثر رد مختصر و مفيد

تفلع ال 2 و عدم ترك الاذن لبعض الانواع من الحريم :nice:

[doha2012]

اضربهم الاثنين


وبعضهم يزعل ... وكله واحد ماهمنا


من زعل من هوش العيال هو والبزر واحد

[انصار جليري]

لاتضرب حد




ولا تراك




بتحط نفسك بمواقف بايخه

[ام السعف]

اذا تهاوشوا وكانوا عيالي غلطانين ممكن اضرب ولدي لو كان تصرفه فوق المعقول
اما لو كان الطرف الثاني غلط ،، اكلمه واوجه له كلام فيه تهديد اني بكلم امه
او انه عيب يتهاوشون على شي ما يسوى ،،

وان شفت الموضوع تكرر شي طبيعي اكلم امهاتهم :telephone:

بس ما اضرب عيال الناس لأنهم اضربوا عيالي ،،،

[نيساني]

اذا كنت معصب الكل ينضرب (راحت عليهم)

واذا كنت رايق والحمدلله اكثر الاوقات رايق اسوي تحقيق واصير المحقق كونان واخذ افادة اصغر واحد عقب يمقن اسامح ويمقن اضرب


وشكرأ على الموضوع

[لاجل QT]

مستحيل اضرب عيال غير عيالى ..وصارت معي اللى اسوية هو اكون اكثر حكمة وعقلانية لان في النهاية هذيلا اطفال ويصدر منهم اخطأ واشياء تبط الجبد :(لازم نطول بالنا..مثلا اجيب بنت اخوي وامسح على راسها واقولها كلام حلو انها مثل اختك ومرة ثانية ماراح نجي بيتكم اذا ضربتيها ..هنا تخاف وتاخذ بنتى وتلعبها اسلوبي يكون ناعم مع الاطفال

بس في ناس عندنا بصراحة مدري شاقول عادي عيالها يطقون عيال غيرها اما لين حد قرب من عيالها عادي تسوي هوشة حتى لو السبب صغير وبسيط...ويدخل في السالفة الكبار وتكبر المشكلة وتصير العداوة:(

واذا عيالي الغلطانين بعد مستحيل اضربهم جدام الناس او اقولهم كلام يجرح مشاعرهم

لين شفتهم مصخوها :anger1:خذتهم وطلعنا:)

[يراعٌ فراتي]

اكفخ الاثنين اذا كنت معصب مثل ما قال الاخ نيساني حتى لو مافي حد غلطان

هههههههههههه
واذا الحريم تدخلو يتكفخون بعد

هذا هو حل المشكلة

واذا روقااااااااااااان تايم
تسكت عنهم بس تكتفي بتخويفهم ونصحهم

[لاجل QT]

اكفخ الاثنين اذا كنت معصب مثل ما قال الاخ نيساني حتى لو مافي حد غلطان

هههههههههههه
واذا الحريم تدخلو يتكفخون بعد

هذا هو حل المشكلة

واذا روقااااااااااااان تايم
تسكت عنهم بس تكتفي بتخويفهم ونصحهم

محد يخرب السالفة ولا يكبرها غير الحريم اسالنى عنهم:(

بس هل بتقدرون تكفخون الحريم صج ولا حزتها بيصير كلام ثانى:)

[يراعٌ فراتي]

اذا الاسرة متماسكة والاخوان قلوبهم ع بعض راحت على الحريم

ههههههههههه
بس مو لدرجة الضرب طبعا
لانه اهيه تخاف تمد يدها وتطق اليهال وتعرف العواقب

يهال يلعبون يتهاوشون بدقيقة ويردون بنص دقيقة

[لاجل QT]

اذا الاسرة متماسكة والاخوان قلوبهم ع بعض راحت على الحريم

ههههههههههه
بس مو لدرجة الضرب طبعا
لانه اهيه تخاف تمد يدها وتطق اليهال وتعرف العواقب

يهال يلعبون يتهاوشون بدقيقة ويردون بنص دقيقة

صح كلامك..بس في حريم تشحن الريال في مواقف اليهال تكبرلة السالفة كانة اخذ ثأر ..:eek5:

في رجال والله تمشى ورا الحريم ومايفكرون بعقل ان السالفة سالفة بزران:(

[دااانة قطر]

لو هيي مشكلة عياال بنقول معليه بيتهااوشون وبيتضااربون ومردهم بيردون يلعبون مع بعض
لكن المشكله عندي في الكباار اللي مايعرفون الفرق بين كبير وصغير وعلى طول تشتغل ايااديهم

الله المستعااان

[غير عنهم]

افك بينهم وقول عيب عليكم واثناء الفك احط كوعي بصدر ولد اخوي بطريقه مايحس فيها اخوي ....
الا اضربهم كلهم قسم بالله مايعودونها مره ثانيه...

[مدرسة]

المشكلة مب من غلطان و من صح

اليهال يتهاوشون و يتراضون و ينسون الموضوع

و الحريم تلقونهم للحين شايلين في قلوبهم و يعتبرونه اهانة شخصية ...

و يثيرون فتنة بين اليهال !! و يقوونهم على بعض بدل ما يقوون علاقتهم ببعض

عادة الرياييل مالهم هالسوالف ،،مب من اهتماماتهم يعني الا اللي يتابع مرته

ولد اخوي وولد اختي هم عيالي اكيد و غلاهم من غلا عيالي

اذا تضاربوا ،، فهم اطفال نقومهم علشان مصلحتهم مب علشان اخذ حق ولدي والا ولد اخوي

[NOS]

اضربهم كلهم ههههههههههه

[العساس]

الكلام غير والفعل غير

طيب أضيف ع الموضوع قليل من الملح اذا شفت ابوهم يصارخ على عيالك
ويقوي عين عياله. ويش ردت الفعل

[ANONYMOUS]

الله يلوم اللي يلومك يابوطلال

[دااانة قطر]

الكلام غير والفعل غير
طيب أضيف ع الموضوع قليل من الملح اذا شفت ابوهم يصارخ على عيالك
ويقوي عين عياله. ويش ردت الفعل


داام تدخل الأب أو الأم ضد عياالي والغلط على عيااله مب أحسن لهم :anger1:

[OTOsan]

كلهم ..!!

واعطي ولدي زياده عشان ولد اخوي مايتهمني بالتفرقه .. :)

[مخطط قطري]

عيال اخوي عيالي وبكلمه الطيبه وباسلوب محترم تكسبهم وتشل عنهم البغضاء والعدواه
وهذي مرحله عمريه حساسه تتطلب منك الهدوء والحكمه وقليل من الصبر
عمر الضرب ماجاب نتيجه الا بالعكس بيكرهم فيك وبتوصل مرحله وياهم بيقلون لك تعال اضربنا
وبيتعدون علية

[ولي العهد]

الكلام غير والفعل غير

طيب أضيف ع الموضوع قليل من الملح اذا شفت ابوهم يصارخ على عيالك
ويقوي عين عياله. ويش ردت الفعل


انطره برع البيت انا وعيالي والميدان ياحميدان :telephone:

[الرويـس]

الله يصلحهم

[غايه الطواش]

اهاوشهم كلهم

سنه من السنين اخوي وعيال اخوي تهاوشو بحكم قرب السن من بعض وجدام امي طبعا امي ماقدرت تسوي شي هاي ولدها وهاي وولد ولدها
قامت اختي اضربت عيال اخوي:)

[درع الوطن]

الله يذكر أيام أول بالخير ...

إذا تهاوش الأطفال مع بعض .. ماحد من الكبار يتدخل .. وإذا تدخلوا .. واحد من الشياب يضرب الأثنين .. حتى لو إنهم مهوب عياله .. وماحد يقدر يقول شي ..

والأول إذا راح الولد يصيح عند أبوه ويشتكي إنه ضربه واحد كبير سواء كان رجل أو شايب من الجماعه .. يمسكه الوالد ويلشطه بالخيزران .. ويقول له لو إنك مو غلطان ماكان ضربك فلان ..

الحين ... الولد دلوعة أبوه وأمه .. (البعض وليس الكل) .. إذا أنضرب .. قامت الدنيا ولا قعدت
وأشتغل البلاك بيري .. وجات الفزعه من كل مكان .... :eek5:

الله يرحم أيام أول بس ...

[ام السعف]

الكلام غير والفعل غير

طيب أضيف ع الموضوع قليل من الملح اذا شفت ابوهم يصارخ على عيالك
ويقوي عين عياله. ويش ردت الفعل

:eek5:

بصراحة اسحب عيالي ،، ولا اتكلم ولا ابطل حلجي
وعيوني بتلقاها :weeping:

اشلون اخوي يسوي هالشي ؟ :(


شوف يااخوي طبيعة العلاقات مابين الأخوان تختلف باختلاف العلاقات بينهم
هذا اولا ثانيا ،، تختلف باختلاف سنين خبرة كل طرف في هالحياة ،،

ممكن تلقى لك واحد من اخوانك حار وعقله صغير في هوشات اليهال
المهم انك تكون حيكم وتسحب عيالك مهما بدر منه الغلط ،،

ترى الدنيا ما تسوى ،، الكبار نتهاوش والصغر يحنون حق بعضهم البعض
ويردون يلعبون مع بعض،، ولكبروا عيبوا علينا ان تهاوشنا على سوالف يهال :(

[qatari911]

الله يذكر أيام أول بالخير ...

إذا تهاوش الأطفال مع بعض .. ماحد من الكبار يتدخل .. وإذا تدخلوا .. واحد من الشياب يضرب الأثنين .. حتى لو إنهم مهوب عياله .. وماحد يقدر يقول شي ..

والأول إذا راح الولد يصيح عند أبوه ويشتكي إنه ضربه واحد كبير سواء كان رجل أو شايب من الجماعه .. يمسكه الوالد ويلشطه بالخيزران .. ويقول له لو إنك مو غلطان ماكان ضربك فلان ..

الحين ... الولد دلوعة أبوه وأمه .. (البعض وليس الكل) .. إذا أنضرب .. قامت الدنيا ولا قعدت
وأشتغل البلاك بيري .. وجات الفزعه من كل مكان .... :eek5:

الله يرحم أيام أول بس ...
:nice:
هذا الي كان ودي اقوله

[هدى ورحمه]

كلهم ينضربون اذا الخطأ مشترك
واذا عيال اخوي اغلطوا طيران نعطي ابوهم خبر يبهدلهم هههه

[penguin]

مب متزوج بس اذا عيالي تهاوشو

مع عيال اخوي

بقول فخار يكسر بعضه لوووول

بابا ماما مالي بعوار الراس والصيحه والحنه :telephone:

[رمــش الغلا]

افك بينهم وقول عيب عليكم واثناء الفك احط كوعي بصدر ولد اخوي بطريقه مايحس فيها اخوي ....
الا اضربهم كلهم قسم بالله مايعودونها مره ثانيه...

هههههههههههههههه

عجبني الرد :nice:

[شمس]

ينضرب الغلطان سوى ولدي ولا ولد اخوي الاهم انه مرتي ومرت اخوي مايتدخلون بين لعيال بحكم ميول عواطفهم لعيالهم وهذا اتفاق بيني وبين اخوي منذ مبطي او منذ زمن بعيد



بارك الله فيكم وفي عيالكم
قدوه حسنه لحريمكم
واكيد الضرب ما يجي الا في الشديد الاوي الاول كلام حسن عقب كلام مب حسن هههههههه عقب ذاك الي مابد منه...للاسف

[ضوى]

يووووه

ياما تكافخوا وتذابحوا وكسرو بعض

والله ولا شي بس كلمة عيب عليكم جذي تسوون ، بس وكلها كم ثانية ولا كانه شي صار

بس احيانا يسوون شي كبير فنضرب الغلطان او نحبسه عندنا ومايلعب معاهم

[مهرة]

حلو الموضوع .. لقيت متنفس اليوم .. بلا شك مافيه اي بيت يخلو من هالشي وخاصة اذا فيه اكثر من عايلة فما بالكم بجيش او فريق كرة قدم متكامل مع الأربع حكام وفيه جمهووور بعد ..!!

انا اتعامل مع الكل من الأقارب بالمعقووول لا أظلم ولا أنظلم وماسكت عن حقي او حد من خواتي الصغار والحمدلله ماطق احاول افرق امبينهم والغلطان لازم ياخذ جزاه لأنه بنظلم الطفل المجني عليه وبنصيبة بالإضطهاد والكـــآبه والتبلد وبينطوي على نفسه وبحز في خاطرنا ليش هاي كله .. لا الي يطق ويبدى بالغلط لازم ينطق وحده بوحده ..

مثـــآل >>> بنيتي الأمورة عمرها 9شهور تنطق وتنعض وياخذووون أي غرض من يدها بالقوة ويدزوونها واتطيح على راسها من على الدرج من السرير عادي ولا همهم ولا يخافووون لأنه يدرووون محد بيكلمهم وانه شي عادي والي يسوونه صح وهذا حقهم .. اهنيه كيف ممكن اعاملهم هالقرووود وترى مب اصغار وايد أصغر واحد فيهم عمره 3 واكثر من النص والباقي 7و 6 و5 بالعقل كيف ماتبونا انطقهم الا اعضهم بس ماقدر اوسخ نفسي .. والأدهى والأمر اهلهم يزعلوون لين هاوشناهم بس بصوت مو بالضرب قلة أدب وحيا وسفالة وعدم تربيه >>> ناهيكم عن الكلمات النابيه الي تقطر من لسانهم ليش لأن تربية خدامات وامهاتهم مايدروون عنهم الا اذا درو ان فلانه تكلمت اهنيه يتذكرووون ويصحوون من غفلتهم او طلعتهم ان عندهم عيـــــال ..!!!

بس ماعليكم اني لهم بالمرصــــآد..ْْ

واخذ بنتي بحضني واقولها ( طقيهم طقيهم بيدها الصغيرووونه) ويبطووون الجبد يحرووون من قلب لين ينحاشوون ويسوون عمرهم مساكين اووووف لا تشوفوون الفيســــآت الي عندنا ..!!

وللحديث بقية وعندي أمثال كثيرة !

[الدمعه]

مب لازم الريال يدري بالهوشات بين اليهال ..

اذا عيالي تهاوشوا مع عيال اختي واخوي .. او مع اي حد من العيال من صوب هلي ..

كلن يادب عياله .. لان لاحظنا ان الكناين ..مايرضون نهاوش او نضرب عيالهم ...

فمن البدايه نقولهم بتتصرفون والا بنتصرف احنا .. في بعضهم يقولون هذول عيالكم

كيفكم معاهم .. وبعضهم واللي عيالهم اقويه يقولون لا واااعليه عليهم لاتهاوشونهم ..

والله مره قلت حق وحده منهم يا تأدبين عيالج والا ترا في غيرج يادبهم ..

ماعندنا عيال يقلون ادبهم .. يايلعبون عدل ياتمسكينهم عندج .. والحمدلله كلن عارف حدوده ..

واليهال ينسون بس الاهل يتمون شالينها في قلوبهم ..

[meme~qatar]

وانا بعد بضيف شوية ملح

اذا كانت الام بنفسها تحرش عيالها من تحت لتحت على عيال عمهم وش السواة ؟؟
واذا عاقبتي عيالها على الغلط اللي سووه وزعلت وكبرت الموضوع؟؟

[وتبقى الدنيا حلوه]

انا ماعندي منيه مناك ان شاء الله امها جدامي

اذا اللي انضرب او ضرب حد من عيال اختي او عيال خالي اتخذ الاجراء التالي

اسمع اقوال الطرفين وعقب احكم

[بو خليفه 123]

العم ولي , والمفترض انه يمون على عيال اخوه او اخته و الحمدالله مازالت موجوده بيني و بين اخواني .. اهاوش عيالهم على الخطأ بدون استدعاء ابوهم والعكس صحيح ولا يحاسبني او يشل بخاطره علي لأنه يدري بالنهايه في مصلحتهم ..

اما اذا البزران تهاوشوا مع بعض ماظنتي تكبر السالفها كلها دقيقه و نص الا راجعين يلعبون مع بعض ..


لكن اذكر يوم كنت في مراهقتي ولد عمتي فزع مع ناس اغراب ضدي "طبعاً ذاك اليوم انضربت لين قلت بس" و كبر الموضوع و زعل الشايب وشلون ولد عمتي يفزع ضدي و اذكر رجل عمتي جانا المجلس مع اخوانه و ولد عمتي و اهداني "رشاش" ههههه و من عقبها طاح الحطب و الحين علاقتي معه سمن على عسل و كل مانشوف بعض نضحك على السالفه و يقولها لـ عياله ..

[بوحارب]

وانا بعد بضيف شوية ملح

اذا كانت الام بنفسها تحرش عيالها من تحت لتحت على عيال عمهم وش السواة ؟؟
واذا عاقبتي عيالها على الغلط اللي سووه وزعلت وكبرت الموضوع؟؟

تقصدين الأم السوسة :secret:

[قطرية فله]

اليهال لو يتضاربون ولا يتهاوشون عقبها بساعه بتجوفهم يلعبون مع بعض و ما جنه شي صار بينهم

لكن البلى من الكبااااار لأنهم اذا تدخلو بينهم تصير الزعلات و الهوشات ..

[فريج النجادة]

اليهال لو يتضاربون ولا يتهاوشون عقبها بساعه بتجوفهم يلعبون مع بعض و ما جنه شي صار بينهم

لكن البلى من الكبااااار لأنهم اذا تدخلو بينهم تصير الزعلات و الهوشات ..


:shy: :shy: :shy:

[قطرية فله]

تقصدين الأم السوسة :secret:

هههههههههه يااااااكثرهم هاذيلن :nice:

عاد يكون اليهال شيطاااان و الام تقويه :shy:


مع ان الكلام مب لي بس ما قدرت امسك نفسي من التعليق على هالكلمه:nice:

[قطرية فله]

:shy: :shy: :shy:

:nice: