سوال بخصوص الكهرباء والماء

[HSMK]

السلام عليكم ورحمة الله وبركاته

اخواني الاعزاء اتمنى لكم الصحه والعافيه جميعا

عندي استفسار انا حاليا في صدد عمل تمديدات الكهرباء والماء للفيلا
ولكن سوت عرض اسعار لبعض المحلات ولاحظت اسعارهم خياليه جدا

وهي تتراوح بين 130 الف واقل شي حصلت 115 الف
طبعا العمل على اساس تمديدات كهرباء وماء بيبات والخ ..

فانا حبيت استشيركم هل اروح الامارات ولا السعوديه اشتري المواد وخلي بس التركيب هنا بقطر ولا السالفه ماتسوى .. واذا احد عنده خلفيه عن المواصفات الزينه بخصوص الكهرباء
من وايرات والخ وبابيات لشغل الفيتر اكون شاكر لكم والسموحه على الاطاله
والسلام عليكم ورحمة الله وبركاته

[aaziem]

ايش المواصفات والانواع اللي عطاك علي اساسها السعر دة
شوف بالنسبة للحمات الله يعزك بيكلف من اعمال سباكة كامل ٢٠٠٠ الي ٣٠٠٠ ريال شامل المواد بعدين بيجيك الصرف الخارجي بروحه يعني تقدر تقول لو ان الفيلا فيها ٦ حماما و ٢ مطبخ بيطلع عليك بحدود ٤٠ الف تقريبا
علي اساس ان البيبات الماني والصرف بيبات بحريني
اما الكهرباء فعلي اساس عدد البوينت الموجودة وحسب المخططات والديبهات والويرات الخارجية والداخليه وسعرها في العموم لايقل عن ٦٠ الف ريال لو ان الفيلا صغيرة لانها اللي بيفرق بس لو عدد غرف زيادة لكن غالبا بيبداء من ٦٠ الف لين فوق حسب الانواع سوكت صيني ب ٧ ريال غير ايطالي ١٤ ريال والاتنين نفس الشكل بالاخير انا اشوف السعر معقول للمياة والكهرباء

وبالتوفيق

[كبير المتداولين]

اخوي يعتمد علئ المواصفات والحجم اذا شرحت لنا كم نقطه عندك وكم مساحه بيتك من غرف وحمامات ممكن نفيدك الله يوفقك

[ميلاف]

اذا حبيت بطرش لك رقم الكهربائي والبيب فيتر على كفالتي وسو العقد عند احسن استشاري وشوف اسعاره وشوف شغله ولك الحريه

من ناحيه التوفير تشتري المواد من برا السعوديه وقطر نفس الاسعار بس اذا لك حد في سلطنه عمان بتلقا فرق في الاسعار على شرط تشتري جميع مواد الكهرباء مناك

[حسن]

والله شوف في الدوحه الاسعار خياليه الك يتضرب في الاسعار الله يعينك اهم شي الوايرات مثل العماني ماعندك مشكله
وبالنسبه للحمامات انت تبي تركب نحاس ولا سحب ولا البي بي ار اهم شي المواصفات والله يعينك
بس نصيحه هذه من اهم الاشياء اللى في البيت