التبرع بالدم !؟

[الرايــق]

السلام عليكم ورحمة الله وبركاته

ياجماعة من فيكم تبرع بالدم من قبل ؟

ومتى وفي وين بالضبط يقدر الواحد يتبرع ؟

وجزاكم الله خيرا .

[اليحصبي]

ماعمري تبرعت بالدم
http://www.shooq4.com/vb/images/bb/19.png

[البدع]

تتبرع في مستشفي حمد

وتتبرع في اي وقت ولو يفضل بعد الاكل

وياخذ ١٠ دقائق

وبتشعر براحة في اول مرة تتبرع فيها

[البدع]

ستحصل علي عصير وأكل مجاني

ويجب ان تكون لم تسافر او عملت حجامة في اخر ٦ اشهر

[اليحصبي]

ستحصل علي عصير وأكل مجاني

ويجب ان تكون لم تسافر او عملت حجامة في اخر ٦ اشهر

http://www.shooq4.com/vb/images/bb/11.png
الله يجزاك خير اخوي

[ام السعف]

ماعمري تبرعت بالدم
http://www.shooq4.com/vb/images/bb/19.png

me too:weeping:

ما ادري متى ممكن افيد العالم بدمي :(



بشكل عام اعتقد في مستشفى حمد في قسم خاص للتبرع بالدم

[@north_star@]

هذا رقمهم 44394081 وفاتحين لين الساعه 9 على ما اظن ومكانهم بجانب مستشفى حمد مقابل اللولو

[سان سيمون]

انا تبرعت مره وناويه ان شاء الله هاليومين أتبرع لان فصيلتي عليها طلب وكل يوم والثاني جايني مسج انهم بحاجة ماسه لها واهم موقعهم المبنى الابيض المقابل للمستشفى حمد ( مقابل العيادات الخارجية )

[الرايــق]

جزاكم الله خيرا جميعا على الافادة ...

[زهرة بنفسجية]

و الله نفسي كثير اتبرع
لعلي انقذ حياة انسان و انا لا اعلم
لعلها تكون سبب في دخولي للجنة
بس اخاف..
هل هي مؤلمة و لا شلون؟

[البدع]

الم خفيف

٥ ثواني

واول مرة تشعر بالراحة بعد التبرع ،،، وتحس ان ثيابك صارت شوي وسيعة

وتحس ان سويت إنجاز في الدنيا وانك قمت بالواجب

اما المرة الثانية والثالثة فماتحس بشي

هذا رأيي

والله اعلم

[زهرة بنفسجية]

حلو جزاك الله كل خير اخي البدع
لكن من اسبوع عملت حجامة
نسال الله ان يستعملنا في الخير
الحمدلله الامر ميسر
لكن اعتقد يلزمنا توعيه باهمية التبرع بالدم فايدته على المتبرع و المجتمع ككل

[بوحارب]

الحمدلله تبرعت 3 مرات يمكن وكنت احس بحال افضل بسبب تجديد الدورة الدموية


لكن خلال هالأشهر الأخيرة صرت اخذ دم وبكرة بعد عندي نقل دم لأنه دمي ينقص بشكل غير طبيعي وبدون اي سبب على قولة الدكاترة !!!!!


التبرع اخوي في مركز الشيخ عيد للتبرع بالدم عند مجلس الشورى من 9 الصبح لين 9 الليل

نصيحة روح ولاتأخر

انا لما اروح اخذ دم احصل ناس بالعشرات ياخذون دم

لكن لما كنت اروح اتبرع ماكنت احصل ولاحد يتبرع الا واحد او اثنين !!!

[برشلوني قطر]

مقابل العياده الخارجيه...

والموضوع بسيط ودقايق وانت خالص

والله يجزيك خير

[R 7 A L]

لولا موقفهم السيئ معي في المره الأولى 2001 لتبرعت أكثر من مرهـ
( الدعوهـ تبرع مو سرقه )

بس توبه

[البدع]

يبدو ان لديهم نقص حاد بالدم

وصلني اكثر من مسج للتبرع

[QTR-1978]

انا تبرعت 21 مره بالعكس التبرع مفيد لتجديد الدم وانشالله في ميزان حسناتكم الموووقع مقابل اللولوعند مدخل مستشفى حمد

[ابوحشر]

انا تبرع اكثر من عشر مرات والحمدلله والشكر احس بالراحه الجسدية والطمانينىة لكونني انقذ حياة انسان

بس انا عندي اقتراح ياليت يوصلة لحد مسؤل في بعض الدول الخليجية اللي يتبرع اكثر من عدد معين يكرم ويعطى شهادات ويكون لة مميزات في بعض الامور والاولوية ياليت يعملون هالشي عندنا حتى مايكون هناك نقص في مخزون الدم ؟ لان بعض المتبرعين يحتاج الى دعم وتحفيز

[khaldoon]

انا تبرعت 3 مرات من سنة 1994 بس صارلي كم سنة مب متبرع .....يعني اخر مرة كانت بسنة 2004 على ما اذكر

العبوة بتكون 450 ملج من الدم و بيعطونك بطاقة انك صرت متبرع و ما يحاولون يغيرونها لك حتى لو تكسرت ..طلبت منهم هالشي و رفضوا...للاسف

البطاقة اللي معاي عليها تليفون قديم جدا جدا جدا تغير بعده تليفوني يمكن 4 مرات على الاقل لانه من سنة 1994 و عليها فصيلة الدم

على العموم انصحك بالتبرع بالدم و ممكن لو ما وصيت لشخص معين بالدم اللي تتبرع فيه الان يكون مخزون لك في المستقبل ان احتجت دم لعملية او لاي شيء لا قدر الله و لذلك يسمى بنك الدم....يعني بتتبرع فيه بالدم مثل ما انك بتحط فلوس توفير بالبنك