مشترياتكم من السعودية (الاحساء )؟؟

[راشد محمد]

كل اسبوع نشوف مئات السيارات في حدود بوسمرة؟؟ لما نروح الحسا مثلا ..نشوف سيارات قطر متنشرة في اغلب الشوارع؟؟شنهي مشترياتكم؟؟وهل الاسعار ارخص من الدوحة؟؟

[al3grab]

قطع غيار

[غايه الطواش]

والله مادري ..انا ماروح

[طير حوران]

كل شيء حتى البضاعه اللي اسعارها مماثله للدوحه!!!!!!!!!!!!!!! بل هناك بضائع اسعارها اعلى منها في الدوحه !!!!!!!!!!!!!!

لآن السفر لدى العامه في حد ذاته اصبح متعه كما ان هذا هو الوقت المناسب الذي يبدأ فيه اكثر اصحاب الحلال بالتحرك به وتغيير مواقعهم

[BoFahed]

:ok:مب شرط كلهم رايحين للشراء اخوي مثل ما تعرف اكبر قبايل قطر لهم اهل في المنطقة الشرقية وعزب وحلال وعموما انت تعرف احنا شعب كله قابض شنطته و يموت في السفر

بالنسبة للمشترين العوايل اهم شي عندهم فساتين الاعراس والاطفال يعني الملابس عموما لانه اخوانا اليمنيين التجار هناك عندهم تشكيلات حلوة وايد على الموضة يعني الفستان اللي بالالاف عندنا سعره هناك من (600-1500 ريال ) ورخيصة والشباب قطع الغيار والشياب الله يطول في اعمارهم يحبون القهوة والتمر

وفي اللي يروح لمواد البناء من سيراميك واثاث ومطابخ

يعني مب كل ناس تدور الرخص بس الواحد في هاليومين زهقان من الدوام والمشاكليطش يومين يغير جوا وناس ووجوه :victory: ويحصل اشياء حلوة مب موجودة عندنا

[Class]

أهل قطر يروحون للحسا يتسوقون ويشترون أغلب الأشياء إذا مب كلها بعد

أشياء لا تعد ولا تحصى !

مثلأً: شراء القهوة والهيل وقطع الغيار وغيرها الكثير الكثير
وحتى العرايس يجهزون من هناك

وحتى وصلت الحالة أن البعض يتزوج هناك لوجود صالات الأفراح
وذلك لسعرها الرخيص وتجهيزاتها الفخمة وتنوعها وعدم الإحتكار كما هو موجود عندنا !

[R 7 A L]

كل اسبوع نشوف مئات السيارات في حدود بوسمرة؟؟ لما نروح الحسا مثلا ..نشوف سيارات قطر متنشرة في اغلب الشوارع؟؟شنهي مشترياتكم؟؟وهل الاسعار ارخص من الدوحة؟؟



صار لي فوق سنه ونص مارحت للسعودية

ممكن أنت تخبرنا شنو شريت من الحسا وهل الاسعار مازالت أرخص من الدوحة ولا أهل قطر أرفعوها .

[الكاسب]

لاتنسووووووون زواج المسيار!!!!!!

[راشد محمد]

صار لي فوق سنه ونص مارحت للسعودية

ممكن أنت تخبرنا شنو شريت من الحسا وهل الاسعار مازالت أرخص من الدوحة ولا أهل قطر أرفعوها .

الاهل يحبون يشترون الملابس والمكياج وعبي والاواني والدلال بالاضافة للطحين والهيل والقهوة وغيرها..وانا اخذ قطع غيار للسيارات..
في ناس تفصل جلسات وستاير وخيام ...

[بوحارب]

اذا اروح مع الأهل منها تمشايه ومنها تسوق في العثيم مول

واذا مع الشباب ناخذ قطع غيار وتواير وتمشايه في نفس الوقت

يعني مب شرط السفرة كلها مخصوصة عشان غرض معين :nice:

[doha1]

فعلا اشياء كثيره فالحسا شراخيات وكماليات للرجال والنساء

فساتين الاعراس والتمر والقهوه والهيل وسوق الحريم وقطع الغيار

لكن المشكلة صار سعر حق القطري وسعر حق ولد البلد

ومثال ماتفضل اللي سبقوني في اشياء اغلى من الدوحه حتى

واكبر مثال محدل ميداس فالخبر اثاثه يعتبر اغلى من قطر

[راشد محمد]

اذا اروح مع الأهل منها تمشايه ومنها تسوق في العثيم مول

واذا مع الشباب ناخذ قطع غيار وتواير وتمشايه في نفس الوقت

يعني مب شرط السفرة كلها مخصوصة عشان غرض معين :nice:

ما شاء الله اغلب سيارات القطريين في شارع الماجد وصوب القيصرية في الويكند..ترى الاسعار هناك ارخص

[R 7 A L]

اذا اروح مع الأهل منها تمشايه ومنها تسوق في العثيم مول

واذا مع الشباب ناخذ قطع غيار وتواير وتمشايه في نفس الوقت

يعني مب شرط السفرة كلها مخصوصة عشان غرض معين :nice:




تواير :omg:

ليش ؟!!!

[المقاول]

الحسا صارت غالية غلوها اهل قطر
الرياض افضل واكبر وارخص وخاصتا في مواد البناء تحتار
ولا فيها شيعة .. بس في الرياض خليك حريص شوي
مدينة كبيرة وتكثر فيها السرقات .

[التميمي 3]

حياكم الله في السعوديه
عين غطاء وعين فراش
فعلاً أنا لاحظت كثير فرق في الدمام والخبر والأحساء عن الرياض بشكل كبير
طبعاً الرياض أرخص وأفضل منتجات بأنواعها وتنافس بالأسعار وغيره

بالنسبه مثل ماذكر أخونا المقاول مدينة الرياض تكثر فيها السرقات أنا أقول بعض أحياء الرياض وليس كلها
للتوضيح فقط

[راشد محمد]

فعلا اشياء كثيره فالحسا شراخيات وكماليات للرجال والنساء

فساتين الاعراس والتمر والقهوه والهيل وسوق الحريم وقطع الغيار

لكن المشكلة صار سعر حق القطري وسعر حق ولد البلد

ومثال ماتفضل اللي سبقوني في اشياء اغلى من الدوحه حتى

واكبر مثال محدل ميداس فالخبر اثاثه يعتبر اغلى من قطر

فعلا اخوي مثل ما تفضلت انه في اسعار لاهل قطر واسعار للسعوديين...وبالنسبة لحل ميداس فعلا انا مريته من فترة اسعارة ناااااااااار..

[بوحارب]

صار لي فوق سنه ونص مارحت للسعودية

ممكن أنت تخبرنا شنو شريت من الحسا وهل الاسعار مازالت أرخص من الدوحة ولا أهل قطر أرفعوها .







تواير :omg:

ليش ؟!!!

خبرك البالون ممنوع في الدوحة ومب موجود ابدا

فالعالم يروحون يركبون ويردوا :(

[حسن]

بوحارب اذا بتروح الحسا ماوصيك على لبن بوخرايط مكتوب عليه مصنع بوخمسين

[راشد محمد]

بوحارب اذا بتروح الحسا ماوصيك على لبن بوخرايط مكتوب عليه مصنع بوخمسين

حسن عندك صورته,,ما قد شفته

[بصمة قطرية]

اللي يقول لك تمشاية الحسا ما فيها شي ما تصلح للتمشي
اذا قلت الخبر بقول لك اي حلوة و تشرح القلب
و حلو تتمشى فيها
كل اللي يروحون الحسا تسوق
انا من ضمنهم
اذا عن الأسعـار ما في مقارنة أبداً ..
اسعار الدوحة دبل ثلاث مرات و هالشي اللي يتسوقون
في الحسا عارفينه
بالذات شغلاتنا احنا يالحريم
ملابس مكياج عطور ...و و و إلخ
كلها أقل من الدوحة
و اذا قالوا خصومات فتكون من قلب 70 و 80 %
مب هني حدهم 20 و اذا لقيتهم كاتبين من 20 - 50 % تلقى غرض واحد بس 50% ..
حتى الأثاث عندهم ارخص بوايد
سواء جاهز او تفصيل
وماشاء الله هل الدوحة وايد ياخذون منهم
و قطع غيار السيارات اشوف بوالعيال واخواني ياخذونهم من الحسا
بفرق كبير في السعر

يعني لو ماكانت ارخص من الدوحة بوايد صدقني محد راح يتعنى و يضرب خط
يعني من راح يسافر عشان فرقية بسيطة راح يدفعها سكن وبترول و اكل ..!!!
الفرق وايد
و يستاهل تتعنى ..
حتى المواد التموينية في فرق في السعر ..
مثال بسيط فستان من العثيم مول ب 800
نفسه في السيتي سنتر ب 3800
هل يستحق اني اتعنى ..؟؟؟
الحمدلله انا خبرة في اسواق الحسا
سنين و انا اتسوق من هناك
يعني اتكلم عن تجربة ..

[حسن]

حسن عندك صورته,,ما قد شفته

تبي صورة بوحارب ولا صوره اللبن اذا تبي صورة بوحارب باطرشلك على الخاص
واذا تبي صوره خريطه اللبن والله وين اجيبلك كان افتش في زباله ام الافاعي الله يكرمك
يمكن القاها:omg:

[فارس قطر]

كل اسبوع نشوف مئات السيارات في حدود بوسمرة؟؟ لما نروح الحسا مثلا ..نشوف سيارات قطر متنشرة في اغلب الشوارع؟؟شنهي مشترياتكم؟؟وهل الاسعار ارخص من الدوحة؟؟

شوف اسعار سوبر ماركت في الحساء
كل شهر نتسوق في هذا المحل
وشوف الخروف مذبوح نعيمي 550 ريال

وحكم بعدها بتعرف ليش اهل قطر يروحون اهناك

http://www.ahsaweb.net/hafez9/

[بصمة قطرية]

http://dncheetah.com/images/stories/23.jpg

اللي سأل عن اللبن ..
اللبن نفس هالكيس بس لونه اخضر وابيض

[عاشق الشهادة]

الاحساء فيها الاحبه والاصدقاء :)
والاحساء فيها كل شي يخطر على بال الانسان منها الممنوع ومنها غير الممنوع :nice:
ولا ننسى رخص الاسعار هناك عن قطر .

[بصمة قطرية]

الاحساء فيها الاحبه والاصدقاء :)
والاحساء فيها كل شي يخطر على بال الانسان منها الممنوع ومنها غير الممنوع :nice:
ولا ننسى رخص الاسعار هناك عن قطر .

الممنوع الجراخية :nice:
اهم شي :nice:

[عاشق الشهادة]

الممنوع الخراجية :nice:
اهم شي :nice:





ههههههههههههههه الشرخيات والاسلحة الهوائية والنارية والحيوانات المفترسة :secret:

[البحار00]

يازين الحسااااا

والله ماا اصبر عنها لا ضاق خاطري خذت لي ليله في الانتر وتسوقت ورجعت ثاني يوم

بضرب لك مثال عن الأسعار

اذكر تعنيت مرة الحسى ورجعت في نفس اليوم والسبب ان هلي يبغون فستان من العثيم

حق عرس اهلهم خذناه والله حول ١٠٠٠ ريال ووحده تفاجئو هلي انها لابسه نفس الفستان

وصاحبته تقول والله ماخذته من رويال بلازا السد ب ٣٨٠٠ ريال

[R 7 A L]

خبرك البالون ممنوع في الدوحة ومب موجود ابدا

فالعالم يروحون يركبون ويردوا :(



أهاه أذاً السالفه هيك
أحسن المنضر ألأول والأخير البنغاليه الى على طريق سلوى الحرامية :anger1:

[سان سيمون]

الحساء صار هو التموين العائلي أخذ تموين للبيت حق 4 اشهر من والى وبالكراتين والمبلغ ما يوصل 4 الاف وهذا انا صار لي مرتين على هالوضع وخلاص بإذن واحد احد أكررها ((((( مواد غذائية ))))

التجهيز للأعراس والهدايا انا فيه قطعه حصلتها في الصالون الأزرق 3500 والله نفسها ويمكن أرقى جهزت ما يوازي 20 قطعه ومن أرقى الانواع والماركات ب3000 ريال

الفساتين الي 16 الف هنا أخذه من 2000 الى 3000 ويعتبر نار مقارنة باسعارهم لانهم يعرفون ان احنا قطريين

وشارع الماجد يا حبني لها لشارع انواع المكياج و ربطات واكسسورات البنيات يعني خمي الي في المحل ولا حتى توصل 60 ريال موب كليرز وطخته

وأخوي الله يحفظة وقطع الغيارات باعتبار هذا اهتمامه وهوايته

والقيصرية للقهوة والهيل الوالده ما تقصر فيهم والطحين البر والتمر

و ولدي الله يحفظة ولعه بالشراخيات

[R 7 A L]

الحسا حساك
لو الكل نساك
:nice:

[حـ ن ـيـ ن]

دائماً اشتري كيك سويتز والاغلب يكون مفرق مافيه كرتون شريت منه مجموعة

وكان منتهي الصلاحية من اسبوعين ومانتبهت

[بو خليفه 123]

يقولون الربع انها منطقه قريبه للشخص الي يبغي يعدد و ياخذ الثانيه


على ذمة الراوي

[راشد محمد]

تبي صورة بوحارب ولا صوره اللبن اذا تبي صورة بوحارب باطرشلك على الخاص
واذا تبي صوره خريطه اللبن والله وين اجيبلك كان افتش في زباله ام الافاعي الله يكرمك
يمكن القاها:omg:

ههههههههههههههههههههه لا مشكور ما تقصر..طيب من وين يشترونه؟؟

[راشد محمد]

شوف اسعار سوبر ماركت في الحساء
كل شهر نتسوق في هذا المحل
وشوف الخروف مذبوح نعيمي 550 ريال

وحكم بعدها بتعرف ليش اهل قطر يروحون اهناك

http://www.ahsaweb.net/hafez9/

يعطيك العافيه يالغالي...

[راشد محمد]

http://dncheetah.com/images/stories/23.jpg

اللي سأل عن اللبن ..
اللبن نفس هالكيس بس لونه اخضر وابيض

مشكورة اختي بصمة ..ان شاء الله المرة الجاية بشترية..بس وين ينباع..

[راشد محمد]

الاحساء فيها الاحبه والاصدقاء :)
والاحساء فيها كل شي يخطر على بال الانسان منها الممنوع ومنها غير الممنوع :nice:
ولا ننسى رخص الاسعار هناك عن قطر .

اكيد اخوي عاشق الشهادة..واجد قطريين متزوجين من الحسا..ننتظر تقرير مشترياتك يا اخوي عاشق الشهادة..

[راشد محمد]

يازين الحسااااا

والله ماا اصبر عنها لا ضاق خاطري خذت لي ليله في الانتر وتسوقت ورجعت ثاني يوم

بضرب لك مثال عن الأسعار

اذكر تعنيت مرة الحسى ورجعت في نفس اليوم والسبب ان هلي يبغون فستان من العثيم

حق عرس اهلهم خذناه والله حول ١٠٠٠ ريال ووحده تفاجئو هلي انها لابسه نفس الفستان

وصاحبته تقول والله ماخذته من رويال بلازا السد ب ٣٨٠٠ ريال

صحيح اخوي محلات الحسا للفساتين ارحم من اسعارنا ...

[راشد محمد]

أهاه أذاً السالفه هيك
أحسن المنضر ألأول والأخير البنغاليه الى على طريق سلوى الحرامية :anger1:

اغلب الشباب ياخذون اغلب قطع الغيار من هناك بالاضافة لاكسسوارات السيارات ويركبون عازل..

[راشد محمد]

الحسا حساك
لو الكل نساك
:nice:

احلى شعااااااااااااار

[راشد محمد]

دائماً اشتري كيك سويتز والاغلب يكون مفرق مافيه كرتون شريت منه مجموعة

وكان منتهي الصلاحية من اسبوعين ومانتبهت

فعلا مرات يغشون..مرة شريت كرتون تمر ولما رجعت الدوحةحصلت الكرتون ناقص كم علبة وملزقين عليه بعد..يحبون يستغلون القطري ..

[راشد محمد]

يقولون الربع انها منطقه قريبه للشخص الي يبغي يعدد و ياخذ الثانيه


على ذمة الراوي

:victory:يا بوخليفة يا خوفي تسويها:tease:..

[راشد محمد]

طيب ممكن مكان اسواق الحفيز..

[ام رويشد]

ياعيني عالحسا :)

وناسه والله حتى لو مالي حاجة

[راشد محمد]

ياعيني عالحسا :)

وناسه والله حتى لو مالي حاجة

فعلا تغيير جو..
جربي قصر الفيتامين للعصير.....:nice:

[فارس قطر]

طيب ممكن مكان اسواق الحفيز..

اسواق الحفيز اثنين الي نعرفة

واحد نفس الجمعية ماكولات
http://www.ahsaweb.net/hafez9/


والثاني

ملابس وادوات منزلية

عنوانة

حول السفير قريب من شارع قطر قبل لاتتدخل

سوق القيصرية.

[عاشق الشهادة]

عليكم بمحلات العامر :nice:

ارخص محل مواد غذائية بالاحساء

[ANONYMOUS]

نسيتوا المندي والفردانيه

:(

[حسن]

تراي الهيل رخص في الحسا صار الكرتون 300 ريال يبلاش

[روح الاطلس]

عني احب امر بنده والجمعيات وهالسوالف :) اشياء غريبه ومتنوعه مب كارفور مالنا حده شركتين ثلاث لكل صنف هناك الصنف الواحد ممكن تحصل عشر الى عشرين شركة تنتجه احتار شنو اخذ وشنو اخلي كل شي ودي اجربه

مافكرت اروح اتسوق في الحسا الا من شهرين وتفاجئت بسوقهم خاصة الاكسسورات اللي ينزل عندنا يكون قدييييييم عند اهل السعودية واحنا فرحانين فيه على بالنا جديد واحنا اول ناس ! الموضة اول شي تنزل بالكويت وجده بعدها الرياض بعدها الشرقيه واخر المطاف قطر << اولد فاشون

[روح الاطلس]

بس اسعار الشقق السكنيه اغلى من دبي !! اتوقع رافعينها بسببنا :(

[حسن]

عليكم بالدجاج المبهر وجاهز في الاكياس عند بنده عجيب لايفوتكم

[سان سيمون]

عليكم بمحلات العامر :nice:

ارخص محل مواد غذائية بالاحساء

:nice::nice:عن تجربة

[اخت السهم]

-الاحساء:

-مجمعات تموينيه متخصصه في : (مواد غذائيه وغيرها ) :


-مجمع مزايا الخير

-اسواق بنده

-اسواق المزرعه

-اسواق العثيم (مجمع غذائي كبير داخل مجمع العثيم

-مجمع الحقيز

-مجمع اليحي

-المجمع(1- 2 )

-المخازن الكبرى

-العامر (جمله وقطاعي )

-العلى (جمله وقطاعي )

.................................................. .................................................. .............
--مجمعات ملابس وغيرها :

-العثيم مول

- سيتى سنتر سابقا ( سنتر بوينت حاليا )
- الهفوف بلازا

- اسواق الجبر

- مجمع الحمراء

-البستان

.................................................. ..................................

اسواق مفتوحه

_ السويق

-شارع النجاح

شارع الماجد

.................................................. .......................................

-تغليف هدايا بمستوى راقى جدا ومبهر ويحتوى على هدايا جاهزه واخرى اختياريه :

-محل هدايا بمجمع سنتر بوينت امام فندق الانتر كونتال انتل


.................................................. .............................................

-مجمعات ملابس رخيصه :

-مجمع مبارك

-محلات عدنان

-اسواق هجر في شارع النجاح وانصح بعنف بزيارته لانه يوجد تحته كل مايخطر ولا يخطر على بالكم من اواني وملابس واكترونيات باسعار حلوه مره

.................................................. ...........................
.................................................. .........................................

محلات الذهب :

- شارع السويق

-سوق المبرز

.................................................. .......................................

محلات اكترونيات :

-اكسترا

-مجمع فالليو وهو جديد وضخم ويقع قبل اول اشارة من دخولكم الاحساء على اليمين قبل مبنى ادارة

التعليم .

_ماكس (موجود في مجمع العثيم )

-ساكو ( مجمع شامل لكل شي )


-منطقة فندق بونيس محلات مفتوحة_غسالات مكانس كهربائيه تلفزيونات اطباق فضائيه
.................................................. ......................

مطاعم راقيه :

-مطعم توباز

-مطعم مروش

-مطعم كتكوت

.................................................. ..................

مطاعم ايطاليه :

-مطعم اموري

.................................................. ..................

مطاعم شعبيه :

-الليوان وانصح بزيارته

-مطعم الاخوين وانصح بزيارته

.................................................. ..................

-كفتريا كورنر : وانصح بطلب ساندويش كورنر دجاج وهو موجود في محطة الترول اول طريق قطر محطة ( العريفي )

.................................................. .........................................

محل عصيرات راقىة جدا وانصح بزيارتها :

-مانقو ماكس وهو موجود بشارع الشهابيه او شارع الستين

-عصيرات جوده لها فرعين في السوق ومقابل الجامعه

.................................................. .....................................

محلات اثاث :

-القثمى

-داما وانصح بزيارته هو والقثمي
.................................................. ............................

-اسواق شعبيه :

-سوق الخميس يبدا الساعه 5 صباحا وجتى ال11 ظهرا ومن اسمه شعبي كل شي فيه ويفضل زيارته قبل ال9 صباحا وهناك انواع الطيور والافلام والبرامج وكل شي ويقع خلف بلدية الاحساء الجديده


.................................................. .................................................. ....


محلات حلويات فخمه :

-باتشي


-كادي

وموقعهم اول دخولكم الاحساء بعد ثاني دوار بعد الدوار على يساركم مباشرة وانتم داخلين الاحساء

.................................................. ...................................

[راشد محمد]

بس اسعار الشقق السكنيه اغلى من دبي !! اتوقع رافعينها بسببنا :(

صحيح سعر الشقق لليلية من 250 الى 300 في اليوكند ..
بس شقق السفراء ممكن سعرها اقل على حسب عدد الغرف

[راشد محمد]

عليكم بالدجاج المبهر وجاهز في الاكياس عند بنده عجيب لايفوتكم

انت فناااااااااااااااااان..
شكل هالدجاج عجيب للشوي..بس موجود عندنا في كاروفور بعد

[راشد محمد]

تراي الهيل رخص في الحسا صار الكرتون 300 ريال يبلاش

يالطيب الهيل فيه درجات..اغلى نوع ب 500

[راشد محمد]

شرايكم في محلات الاثاث؟؟

[راشد محمد]

للرفع

[بصمة قطرية]

شرايكم في محلات الاثاث؟؟

وايد من هل الدوحة يفصلون مجالسهم في الحسا ..

[بوحارب]

تصدق راشد والله الحسا إبرك من لندن :(

[حـ ن ـيـ ن]

تصدق راشد والله الحسا إبرك من لندن :(

تذكرت عندما ذهبتُ إلى واشنطن وفي إحدى شوارعها المحلات يمنة ويسرة

وعند عودتي وأنا أصف لصديقاتي المكان قلتُ لهم كأنكم في شارع

الماجد:nice:

[التميمي 3]

تذكرت عندما ذهبتُ إلى واشنطن وفي إحدى شوارعها المحلات يمنة ويسرة

وعند عودتي وأنا أصف لصديقاتي المكان قلتُ لهم كأنكم في شارع

الماجد:nice:

شارع الماجد وين فيه

[بوجاسم566]

شارع الماجد وين فيه

صوب القيصرية :telephone:

ادل المكان بس ما اعرف اوصـفة :tease:

[بصمة قطرية]

صوب القيصرية :telephone:

ادل المكان بس ما اعرف اوصـفة :tease:

صح ..
قبل لا توصل القيصرية ..
شارع الماجد قبله على طول ..
المحلات يمين و يسار ..
آخر المحلات على اليسار في لفة تدخلك على السوق الثاني ..
تطلع صوب الحريم اللي يبيعون جراخية .. :nice:

[راشد محمد]

تذكرت عندما ذهبتُ إلى واشنطن وفي إحدى شوارعها المحلات يمنة ويسرة

وعند عودتي وأنا أصف لصديقاتي المكان قلتُ لهم كأنكم في شارع

الماجد:nice:

هههههههههههههه ضحكتيني

[راشد محمد]

تصدق راشد والله الحسا إبرك من لندن :(

انت ماااااااااااااااااااااااااا لك حل

[التميمي 3]

صح ..
قبل لا توصل القيصرية ..
شارع الماجد قبله على طول ..
المحلات يمين و يسار ..
آخر المحلات على اليسار في لفة تدخلك على السوق الثاني ..
تطلع صوب الحريم اللي يبيعون جراخية .. :nice:

يعني في الحسا ولا في الدوحه شارع الماجد

[بصمة قطرية]

يعني في الحسا ولا في الدوحه شارع الماجد

لا لا في الحسا ..
اشهر مكان في الحسا ..
كل المحلات تلقاها في هالشارع ..
يمين و يسار المحلات ..
اذا ما كنت تدله اسأل و راح يدلونك عليه ..

[التميمي 3]

يعني بضاعتهم روعه ورخيصه

[راشد محمد]

يعني بضاعتهم روعه ورخيصه

:nice:

[chillis]

هالحسا الي اسمع عنها ولا رحتها :( الا يمكن قبل عشر سنين واكثر

[بوعلي2]

هالحسا الي اسمع عنها ولا رحتها :( الا يمكن قبل عشر سنين واكثر

ماراح تعجبج

بس كم مجمع يبيعون ملابس حلوه وبسعر حلو


هاي الحسا :nice:

[chillis]

ماراح تعجبج

بس كم مجمع يبيعون ملابس حلوه وبسعر حلو


هاي الحسا :nice:

من صجك :omg: ولا تغشمر

[بوعلي2]

من صجك :omg: ولا تغشمر

الحسى تعبانه

الزين فيها اسواقها رخيصه وتجيب موديلات حلوه

اما كبلاد تعبانه

الشرقيه احلى منها بوايد



:shy:

[chillis]

الحسى تعبانه

الزين فيها اسواقها رخيصه وتجيب موديلات حلوه

اما كبلاد تعبانه

الشرقيه احلى منها بوايد



:shy:

انا اتكلم عن سوقها يعني نفس عدنا وارخص ؟

[ضوى]

هالحسا اذا رحتها اروح محل واحد اخذ اللي ابيه واطلع لا وغرض واحد بعد ماعرف اتسوق فيها ، خاطري اعرف لها واتسوق فيها يبي لها مجموعة حريم يعينون بعض :(

[بوعلي2]

انا اتكلم عن سوقها يعني نفس عدنا وارخص ؟

سوقها ارخص من قطر بواااااااااااااايد

وعندهم موديلات وايد

[بصمة قطرية]

يعني بضاعتهم روعه ورخيصه

وايد ..
الحلو في سوق الحسا البضاعة متجددة ..
و للأمانه تنزل قبل الدوحة بشهور ..
و الاسعار طبعاً ما يبي له كلام فرق كبير ..

[بصمة قطرية]

هالحسا الي اسمع عنها ولا رحتها :( الا يمكن قبل عشر سنين واكثر

روحيها ما راح تندمين .. :victory:
سوقها منعنش ..
و تستمتعين لأن كل شي قريب ..


ماراح تعجبج

بس كم مجمع يبيعون ملابس حلوه وبسعر حلو


هاي الحسا :nice:

من بيروح يتمشى في الحسا بوعلي2 :shy:
ما نروحها الا عشان التسوق :nice:

[بصمة قطرية]

انا اتكلم عن سوقها يعني نفس عدنا وارخص ؟

ما في مقارنة بصراحة ..
اذا رحتيها بتشوفين الفرق ..


هالحسا اذا رحتها اروح محل واحد اخذ اللي ابيه واطلع لا وغرض واحد بعد ماعرف اتسوق فيها ، خاطري اعرف لها واتسوق فيها يبي لها مجموعة حريم يعينون بعض :(

تعالي معاي :shy:

[الزلزال]

كل شي في الاحساء ارخص من الدوحه

[findi]

الحسى تعبانه

الزين فيها اسواقها رخيصه وتجيب موديلات حلوه

اما كبلاد تعبانه

الشرقيه احلى منها بوايد

:shy:


الحسا هي من ضمن المنطقة الشرقية اصلا :secret:

رحت لها مره وحده بس وماعتقد بروح لها مره ثانيه

الخبر والدمام أرقى وافضل شوي من الحسا

بس مب أحلى من دوحتناااااا :nice::victory:

[chillis]

سوري يعني بس احس السعوديه ككل ملل وضيقه الرياض واجد ملل لاني رحتها 3 ايام جنهم 30 سنه بحكم انه مافي بحر ومنطقه صناعيه بحته

الدمام والخبر يعني اوكي بس بعد ما حسيتها ونيسه
ماعدا مكه واه يامكه ربي يوعدني بزياهر قريبه لها وحشتني :)

[بصمة قطرية]

الحسا هي من ضمن المنطقة الشرقية اصلا :secret:

رحت لها مره وحده بس وماعتقد بروح لها مره ثانيه

الخبر والدمام أرقى وافضل شوي من الحسا

بس مب أحلى من دوحتناااااا :nice::victory:


صحيح ..
المنطقة الشرقية تشمل الأحساء و الخبر و الدمام ..
الخبر بصراحة تشرح القلب وايد احبها ..
حلوة و كل شي فيها حلو ..
بس الحسا كأسواق بصراحة ممتازة ..
أول مرة رحت الحسا ما حبيتها لأني ما كنت أدل اي شي و ما اعرف شاخذ ..
بس الحين اروحها و انا مستمتعة ..:victory:

[بصمة قطرية]

سوري يعني بس احس السعوديه ككل ملل وضيقه الرياض واجد ملل لاني رحتها 3 ايام جنهم 30 سنه بحكم انه مافي بحر ومنطقه صناعيه بحته

الدمام والخبر يعني اوكي بس بعد ما حسيتها ونيسه
ماعدا مكه واه يامكه ربي يوعدني بزياهر قريبه لها وحشتني :)

شيليز ,,
الحسا بس تسوق
شي ثاني ما تنفع ..
مطاعمها بصراحة عجيبة .. :victory:
اللي يفكر يتمشى الحسا ما تنفع ابداً ..
المنطقة الصناعية .. :secret:
أكيد مودين موتر :secret:

[بوعلي2]

الحسا هي من ضمن المنطقة الشرقية اصلا :secret:

رحت لها مره وحده بس وماعتقد بروح لها مره ثانيه

الخبر والدمام أرقى وافضل شوي من الحسا

بس مب أحلى من دوحتناااااا :nice::victory:

صح

بس المتداول اكثر الدمام الخبر الجبيل الجبيل الصناعيه هالشكل :shy:

الحسى شوي تحت

[التميمي 3]

وايد ..
الحلو في سوق الحسا البضاعة متجددة ..
و للأمانه تنزل قبل الدوحة بشهور ..
و الاسعار طبعاً ما يبي له كلام فرق كبير ..

أجل لو تمرون جملة الرياض وأسواقها اللي في كل مكان أفضل وأرخص بكثيييير من الأحساء
ولكن للأسف بعيده حيل عليكم من قطر لرياض
وأتمنى لكم التوفيق

[التميمي 3]

سوري يعني بس احس السعوديه ككل ملل وضيقه الرياض واجد ملل لاني رحتها 3 ايام جنهم 30 سنه بحكم انه مافي بحر ومنطقه صناعيه بحته

الدمام والخبر يعني اوكي بس بعد ما حسيتها ونيسه
ماعدا مكه واه يامكه ربي يوعدني بزياهر قريبه لها وحشتني :)

ماأتفق معك بالعكس فيها كل شي إلا البحر

[بوسلمان 2010]

وايد تحتاجها حق البيت والعزبة مثل المنظفات والمواعين والجرخيات حق اليهال واهم شي انك تغير روتينك


الاسبوعي

[الدستور]

بعد شـوي .. ان شاء الله رايح الحــســا

[حـ ن ـيـ ن]

شارع الماجد وين فيه


صوب القيصرية :telephone:

ادل المكان بس ما اعرف اوصـفة :tease:



صح ..
قبل لا توصل القيصرية ..
شارع الماجد قبله على طول ..
المحلات يمين و يسار ..
آخر المحلات على اليسار في لفة تدخلك على السوق الثاني ..
تطلع صوب الحريم اللي يبيعون جراخية .. :nice:


هههههههههههههه ضحكتيني


يعني في الحسا ولا في الدوحه شارع الماجد



لا لا في الحسا ..
اشهر مكان في الحسا ..
كل المحلات تلقاها في هالشارع ..
يمين و يسار المحلات ..
اذا ما كنت تدله اسأل و راح يدلونك عليه ..

فيه شارعين في الحسا واحد فيهم اسمه الماجد،

أحد الشوارع قبل القيصرية والآخر بجانبه لكن ماعرف أي واحد فيهم الماجد ...

والعديد من المرات لا نجد لنا موقفا ... زحمة ...

وآخر مرة مريته كنت أريد محل بدون اسم لكن تفاجأت بالسياج الموجود بين

الشارع والمحل يعني لازم تنزلون من بداية الشارع ...

[ولد ازغوى]

خاطري في مطعم الاخوان

[بصمة قطرية]

فيه شارعين في الحسا واحد فيهم اسمه الماجد،

أحد الشوارع قبل القيصرية والآخر بجانبه لكن ماعرف أي واحد فيهم الماجد ...

والعديد من المرات لا نجد لنا موقفا ... زحمة ...

وآخر مرة مريته كنت أريد محل بدون اسم لكن تفاجأت بالسياج الموجود بين

الشارع والمحل يعني لازم تنزلون من بداية الشارع ...

فعلاً رحت من اسبوعين و لاحظت السياج ..
تدرين ليش حطوا السياج ..
لان الشارع وايد خطر وماشاء الله سواقتهم عجيبة ..
كله طايرين ..
العالم تقطع الشارع من كل مكان ..
المحلات على الشارعين ..
حطور السياج عشان يكون مكان العبور واحد ..
بين الشارعين اللي تقصدينهم لفة تدخلينها مع نهاية واحد من الشارعين يوصلج على الثاني على طول ...

[بصمة قطرية]

خاطري في مطعم الاخوان

خل عنك الأخوان ..
روح المطعم اللي صوب محلات زينة السيارات ..
العيش اللي عنده ألذ .. :victory:
العيش أمريكي عجيب ..:victory:

[الأغر]

حظكم :) . . الله يديمها عليكم نعمه يا رب .. احنا حدنا الشمال لا واذا في نقطة تفتيش يمكن ياخذوا السياره هههههههههههههههه

[ابوحمد1]

مساء الخير للجميع واشكر اخوي راشد لطرح الموضوع وهلا بكم بين ربعكم واهلكم بصرحة شداني الموضوع وشفت كل التعليقات وانا بصرحة ماقد رحت (الاحساء )بس شكلي ابفتح محل هناك من كثر كلامكم عنها وفية واحد من الاخوان كان يقول الدجاج المبهر بصرحة حلو مرة وخاصة انة مايحتاج وقت طويل للشوي من كثر ماهو متبل وايضا فية واحدة من الاخوات تقول الرياض مو حلوة كلها صناعية يمكن مارحت تشوف الاسواق والمدن الترفيهة كثيرة وفية منطقة في شرق شمال الرياض منطقة اسمها الثمامة كلها متنزهات وفيها الاماكن الي اهل الرياض يروحون فيها شيالهات وسعة صدر ولكم جزيل الشكر .

[راشد محمد]

مساء الخير للجميع واشكر اخوي راشد لطرح الموضوع وهلا بكم بين ربعكم واهلكم بصرحة شداني الموضوع وشفت كل التعليقات وانا بصرحة ماقد رحت (الاحساء )بس شكلي ابفتح محل هناك من كثر كلامكم عنها وفية واحد من الاخوان كان يقول الدجاج المبهر بصرحة حلو مرة وخاصة انة مايحتاج وقت طويل للشوي من كثر ماهو متبل وايضا فية واحدة من الاخوات تقول الرياض مو حلوة كلها صناعية يمكن مارحت تشوف الاسواق والمدن الترفيهة كثيرة وفية منطقة في شرق شمال الرياض منطقة اسمها الثمامة كلها متنزهات وفيها الاماكن الي اهل الرياض يروحون فيها شيالهات وسعة صدر ولكم جزيل الشكر .

يعطيك العافية

[aspirin]

اروح لعبدالله القطان اشتري من عنده شرخيات وبعض احتياجات البيت من المنظفات ؟

[A.L.I]

خل عنك الأخوان ..
روح المطعم اللي صوب محلات زينة السيارات ..
العيش اللي عنده ألذ .. :victory:
العيش أمريكي عجيب ..:victory:


قصدج البساط الاخضر

[راشد محمد]

يعطيكم العافية