حياكم شوفو النصب على المواطن القطري المسكين

[حمد بن سعد]

بسم الله الرحمن الرحيم


شريت لي جمس قبل فتره وقلت باركب رنقات دينالي حجم 20 على السياره كان واحد من الربع في الامارات وكلمته جزاه الله خير وجاب لي الرنقات .


رحت ابي اركب تواير للرنقات مثل الي يركبونها شركة الجمسي لنفس الرنق طلع اسمه جود يير ووكيله كيو تاير رحت لهم كم التاير يارفيق 1350 الواحد وضمان ست اشهور فقط يعني لو اركب 4 يبيلي مبلغ 5400 اريال طبعا ان هونت عن الموضوع التواير غاليه وعرضت الرنقات للبيع وعقب كم يوم عزمنا ان وواحد من الربع نورح الامارات سافرنا وطبعا الرنقات للحين مانباعو وصلنا الامارات وثاني يوم نتمشى مرينا الشارقه وكانت الصدمه.


لقيت نفس التاير الي في قطر هناك بعد الخصم 570 اريال وضمان سنه والله العظيم على طول خذت اربعه بسعر 2280 من الامارات .

يعني فرق 3120 اريال في اربع تواير مش شي بسيط.


حسبي الله ونعم الوكيل في التجار الجشعين.


ووسمحولي طولة عليكم

والله يوفقنا وياكم

[بوجاسم 75]

حسبى الله ونعم الوكيل على التجار الجشعين 0

[راشد محمد]

حسبى الله ونعم الوكيل

[كازانوفا]

بالفعل حسبنا الله ونعم الوكيل فيهم

[nono80]

بالفعل حسبي الله ونعم الوكيل علي الجشع اللي عايشينه ولا حياة لمن تنادي ماتسوي علينا هالزيادة

[بوجاسم566]

انا شريت رنقات لكزس اصليـة اصلية مب مالت الصين الى مكتوب ميد ان جابان مع تواير دانلوب ٢٠١٢

ابـ ٧٥٠٠ ريـال ..مع الرنقات القديـمة

وفي قـطر التقليـد بـ ١٢ الـف ريـال مع التوايـر جوف النصـب ..!!!!

والكت سعرة في قطر ١٠ الف بدون تركيب

واهـناك ركبتة اب ٧٥٠٠ ريـأل كامل مع صبغ وتركيـب اصلية من الوكالة

[al-sadd]

مادام في ناس بتشتري التجار بينصبون
ولاكن اتمنى ولو تاجر من هالتجار يقرى كلامي
ان حوبت كل واحد نصبت عليه يمكن ماتجيك انت
لاكن تأكد انها بتجي فعيالك !!

[الأصيل]

صار الغش والنصب في كل شي شوفوا مقاولين البناء ايش يسوون والله جرائم لا تغتفر وغش يني عينك خصوصا اذا الاستشاري الله بالخييييييييييييييييييير انا رحت اشوف موقع بناء شفت العجب طلعت بلاوي انشائيه تدوي المقاول السجن

[Mohammad ALG]

لاحد يشتري منهم وبيتسنعون

[فتى الجود]

السلام عليكم

للأســـــــــــــــــف

الخلل ليس من التجار

الخلل

في : المسؤلين القائمين على حماية المستهلك

هم المفروض اللى يجبرون التاجر انه مايطلع عن سعر معيين

ويقدرون يلزمونة

لكن

التجار محد يزعلهم

[bu 3li]

لو كل واحد فينا شاف الغلا وقاطعهم ولقى بديل فـ الدول المجاوره .. جان هم اللي ركضوا ورى كل مستهلك وسووا عروض حتى على منتجاتهم

لكن المشكله انه محد بيتعنى ويروح السعوديه ولا الامارات عشان هالشي مع العلم ان الفرقيه تكون 3000 ريال وفوق لـ الاشياء الكبيره .. يعني السالفه تستاهل العنوه لكن ربعنا يكسلون ويدفعون

انزين اللي بيدفع ( لايتحندى ) لانه محد بيسمع ولا حد بيتصرف

[دااانة قطر]

أولا تسلم على طرح الموضوع وأكيد الأغلبيه عاارفه هالشي
والدليل اغلب الشبااب يشترون قطع الغيااار من إلى من السعوديه والإماارات

سويت حاادث من فتره ولأن التأمين ماكاان شاامل فالتصليح علي
تخيل بدون تصليح بس القطع من إلى بتكلفني فوق 50 ألف بدون شغل اليد
ماقصر أخوي جااب لي الأغرااض في حدود 12 ألف
هذا مب نصب
حسبي الله عليهم

مادام في ناس بتشتري التجار بينصبون
ولاكن اتمنى ولو تاجر من هالتجار يقرى كلامي
ان حوبت كل واحد نصبت عليه يمكن ماتجيك انت
لاكن تأكد انها بتجي فعيالك !!

معليش أخوي هم لو يدرون ان الله يمهل ولا يهمل مانصبوا عالنااس
بس الدعوه ماتكون على عياالهم مالهم ذنب
ياما نااس ابتلوا بعياالهم نتيجة أفعاالهم وقلوبنا تعورنا على العيااال
الله يبليهم هم مب عياالهم ولاندعي عليهم لأن ترد لنا

[حمد بن سعد]

مشكورين على مروركم وردودكم الجميله


ماقول ال

حسبي الله ونعم الوكيل في كل تاجر جشع

[العرهبي]

اهي وقفت ع التواير وقطع الغيار كل شي اللحين واذا قلنا الاسعار قالوا رفعنا الرواتب

حسبي الله ونعم الوكيل

[غزلان]

حسبي الله عليكم

الفرق وااايد

[المعنى88]

كيو تاير كان زين في سعره 520 مع الضمان .......... وهذا قبل سنتين اللحين تغير مع الزيادة

[AL-MAYSTRO]

انا شيكت موتري كامل .. خذت الاغراض من الدمام اصليه ونفس الارقام المتسلسله لها في الوكاله

خذتها بـ 4300 ريال .. وسألت عنها فالدوحه في نوبل .. ارخص محل قطع غيار اصلي

لقيتها بـ 7700 ريال :)

لاحسيب ولارقيب هنا عندنا :anger1:

شلون ماتبيهم يقصبونك يالمسكين يالمواطن ياصاحب الدخل المحدود

اعذارهم ان الايجار غالي ياهالايجار

وين البركه بتجينا وهذا الاستغلال موجود

[qatar.syria]

أخي الكريم ان دعوات المقاطعة التي تطلقوها من المستحيل أن تؤثر في التجار لعدة اسباب ..... اهم سبب ان الشريحة الأكبر من المستهلكين في قطر هم من غير القطريين أي هم من المقييمن سواء كانوا من الاخوة العرب او الاجانب وهؤلاء لا يستطعيون مغادرة قطر إلى السعودية أو الإمارات كما يفعل القطريين لشراء حاجياتهم، مع العلم بأن كل المقيمين يتمنون لو يستطيعون السفر مثل القطريين لشراء حاجياتهم، لأنهم بذلك يوفرون كثيراً .... وانا أرى انه في حال تم السماح للمقيمين بالمرور إلى السعودية والإمارات بنفس السهولة التي يتحرك فيها القطري لرأيت الاسعار في قطر تنزل بشكل فعلي ولأصبحنا في قطر من دون حاجة لحماية المستهلك أو لغيرها من الهيئات الرقابية على الأسعار لأن المنافسة ستجبر التجار المحليين على تخفيض اسعارهم وزيادة جودة بضاعتهم بما ينافس السوق السعودية والإماراتية ..... طبعا هذا مجرد رأي يحتمل الخطأ والصواب

[الـقـاسـي]

أخي الكريم ان دعوات المقاطعة التي تطلقوها من المستحيل أن تؤثر في التجار لعدة اسباب ..... اهم سبب ان الشريحة الأكبر من المستهلكين في قطر هم من غير القطريين أي هم من المقييمن سواء كانوا من الاخوة العرب او الاجانب وهؤلاء لا يستطعيون مغادرة قطر إلى السعودية أو الإمارات كما يفعل القطريين لشراء حاجياتهم، مع العلم بأن كل المقيمين يتمنون لو يستطيعون السفر مثل القطريين لشراء حاجياتهم، لأنهم بذلك يوفرون كثيراً .... وانا أرى انه في حال تم السماح للمقيمين بالمرور إلى السعودية والإمارات بنفس السهولة التي يتحرك فيها القطري لرأيت الاسعار في قطر تنزل بشكل فعلي ولأصبحنا في قطر من دون حاجة لحماية المستهلك أو لغيرها من الهيئات الرقابية على الأسعار لأن المنافسة ستجبر التجار المحليين على تخفيض اسعارهم وزيادة جودة بضاعتهم بما ينافس السوق السعودية والإماراتية ..... طبعا هذا مجرد رأي يحتمل الخطأ والصواب

ليش يعني افهم من كلامك ان المقيمين في الامارات والسعوديه يسافرون ويروحون على كيفهم ..

ترى الوضع عندنا نفس الوضع عندهم بس يمكن الوضع اريح للتجار هنا :secret:

[لمعة الالماس]

فعلا السعودية والامارات اوفر والواحد يروح ياخذ اللي يبيه من هناك احسن من الغلا اللي في الدوحة

[qatar.syria]

ليش يعني افهم من كلامك ان المقيمين في الامارات والسعوديه يسافرون ويروحون على كيفهم ..

ترى الوضع عندنا نفس الوضع عندهم بس يمكن الوضع اريح للتجار هنا :secret:

أخي الكريم الموضوع ليس أن المقيمين في الامارات والسعودية يسافرون ويروحون على كيفهم ،،، الموضوع ان السعودية والإمارات أكبر حجماً من قطر وتعداد سكانها أكبر من قطر ولذلك فإن المنافسة فيها أقوى من قطر وهذا ما يؤدي لزيادة المنافسة عندهم وبالتالي لتخفيض أسعارهم بشكل واضح ، هذه العوامل غير متوافرة في قطر ، لذلك لن نرى انخفاض واضح بالاسعار وسيبقى التاجر محتكر ومتحكم بالسوق وبالاسعار لانه بكل بساطة لا يجد منافس قوي له ، بالطبع أنا لا اقول أن يتم فتح الحدود للمقيم للسفر للخليج مثل القطريين،، ولكن يوجد وسائل ثانية مثلا يمكن عمل نوع جديد من الفيز بين قطر وباقي دول الخليج بحيث يتم السماح فيها للمقيم في قطر بالسفر إلى السعودية او الامارات لفترة بسيطة اقل من اسبوع بغرض التسوق، بالطبع هذه الفيز تقدمها الامارات والسعودية مجانا لانهم مستفيدين من دخول المقيمين لهم والتسوق من مولاتهم، وبنفس الوقت تكون لهذه الفيز تكلفة بسيطة تحصلها الحكومة القطرية من المقيم وبهذه الطريقة تستفيد الحكومة من فارق السعر بدلاً أن يذهب لجيب التاجر، كما أن السوق القطري يصبح مفتوح مما يؤدي لتخفيض الاسعار نتيجة منافسة تجار السعودية والامارات لتجار قطر.

[bu 3li]

المشكله سوقنا مسكر .. وصاير بس حق التجار المحليين
لو يفتحون حق الكل سواء من الخليج او برى جان شفنا منافسه
وقتها الكل بيسوي عروض ويحاول يكون الربحان ويكسب المستهلك

[ابوالكلام]

ترقبوا قريبا قوانيين كلها ضد المواطن مافي شي بيدخل من قطع غيار وغيره

[بونـ ايف]

الغلط منا وفينا والجشع من تجارنا على عيالنا وحماية المستهلك منا ومب حاسه فينا

[قطريه أصيله]

يلعبون فينا لعب هالتجار حسبي الله ونعم الوكيل

[أنت]

عاااااااادي هذيج الامارات وهذي سويسرا

[BoAzozz]

أخي الكريم الموضوع ليس أن المقيمين في الامارات والسعودية يسافرون ويروحون على كيفهم ،،، الموضوع ان السعودية والإمارات أكبر حجماً من قطر وتعداد سكانها أكبر من قطر ولذلك فإن المنافسة فيها أقوى من قطر وهذا ما يؤدي لزيادة المنافسة عندهم وبالتالي لتخفيض أسعارهم بشكل واضح ، هذه العوامل غير متوافرة في قطر ، لذلك لن نرى انخفاض واضح بالاسعار وسيبقى التاجر محتكر ومتحكم بالسوق وبالاسعار لانه بكل بساطة لا يجد منافس قوي له ، بالطبع أنا لا اقول أن يتم فتح الحدود للمقيم للسفر للخليج مثل القطريين،، ولكن يوجد وسائل ثانية مثلا يمكن عمل نوع جديد من الفيز بين قطر وباقي دول الخليج بحيث يتم السماح فيها للمقيم في قطر بالسفر إلى السعودية او الامارات لفترة بسيطة اقل من اسبوع بغرض التسوق، بالطبع هذه الفيز تقدمها الامارات والسعودية مجانا لانهم مستفيدين من دخول المقيمين لهم والتسوق من مولاتهم، وبنفس الوقت تكون لهذه الفيز تكلفة بسيطة تحصلها الحكومة القطرية من المقيم وبهذه الطريقة تستفيد الحكومة من فارق السعر بدلاً أن يذهب لجيب التاجر، كما أن السوق القطري يصبح مفتوح مما يؤدي لتخفيض الاسعار نتيجة منافسة تجار السعودية والامارات لتجار قطر.

هذا الاقتراح شبه مستحيل .. لان الدول المجاوره لن ترضى .. الاسعار عندهم راح تطير
تذكر من ثلاث او اربع سنوات .. القطريين رفعو الاسعار في الحسا وقامت الدنيا ولم تقعد حتى انه منع تمرير المواد الغذائيه بكميات من الحدود .. ومواد البناء وغيرها

بعدين عندهم المقاطعه يعني مقاطعه
مب عندنا .. الشوارما ما قدرنا نقاطعها

تحياتي

[قرنقووش]

اصلا قطع الغيار كلها اخذها من الامارات
ستيرنق بوكس فالدوحه بـ٣٣٠٠ ريال
خذته من الأمارات بـ٢١٠٠ اصلي من الفطيم

الدرامويلات فالدوحه بـ١١٥٠ .. خذتهم من هناك بـ٦٢٥
السفايف خذتهم بـ٢٢٥.. من هالأسعار تشك انهم تجاريين هههههههه
دعامية الفكسار ٢٠١٠ خذتها بـ١٨٥٠ هني مادري بكم يمكن ٣٠٠٠ ريال

[الالماس2005]

حماية المستهلك مجرد اسم ,,,ما شفنااا تحركاات ابدااا ... عشان كذا جشع التجااار مستحيل .. يتوقف ..

[مخاوي الشيبة]

عجز الواحد يتكلم في هل الموضوع


الانــــــــــــــصــــــــــاف ياجماعه الانصاف

[أستغفرك يارب]

حسبي الله و نعم الوكيل

[almaf1a]

لايكون التاير تقليد
بعد الشارقه معروفه في التقليد
حتى السفايف عندهم ماتدوم على الموتر تقول بسكوت

[CH Engineer]

وانا شريت توايري من برى بفرق 1800 ريال

[بوخالد2]

ليش مانسوي مقاطعه نفس السعوديه يوم قاطعة شركة تيوتا

الكلام ماينفع بتتعب وانت تكتب

[محمد الجفيري]

حسبنا الله ونعم الوكيل فيهم

[النواخذة]

لاحول اللة واللة المستعان

[غناتي1]

الله المستعان

اللهم لك الحمد كما ينبغي لجلال وجهك وعظيم سلطانك

[بوخالد911]

الله يعيينا عليهم

ما يشبعون من الجشع

[F-analyst]

الله يعين

[kmk]

حسبى الله ونعم الوكيل
*

*

[المناعي1]

الشكوى لغير الله مذله..............أشدعوه ما في مسؤل

[ابوجارالله]

حسبى الله ونعم الوكيل

[ام غرام]

مثل ماقول اخواني كلهم ..حسبيي الله ونعم الوكيل

الغش في دمهم صار ولا عادوا يفرقون بين الحلال بالبيع ولا الحلال بالغش...جعل كل تجار غشاش لا يشم ريحة الجنة ولا نفحاتها ...اللهم امين بهذه الشهر الفضيل

يعني لو صار هالموقف بالشباب الله يعطيهم العافية يقدر يطق سلف ويحرك الموتر ويضرب خط بوسمرة ويروح ويشتري ويرجع يا من السعودية ولا من دار زايد الامارات

لكن انا شا قول ولا غيري من البنات ..سياراتي صار لها اكثر من سنة والتواير خلاص ..يقولون لي ارحمينا وغيريين من كثر الدوس بشوارع الدوحة ...وحفرها ..؟؟

قمت ادور على كم محل الا اروح محل دبي على طريق لاند مارك الا يقول لي التاير الواحد عشان انت ماما ...1350 ..قلت شو شو شو ؟؟؟؟؟

يعني بغير التواير الاربعه بحوالي ستة او سبعة الالف بذمتكم هذا حلال ولا حرام ....جعلهم لا يتهنون بحياتهم مثل ماهم قاعدين يسرقون حلالنا من دون حق حلال ....اللهم امين

عقبها ما فكرت الا اطلب من احد الاهل الي متعود ضرب خط ابوسمرة كل فترة يروح لي دبي ويجيب ليي التواير ونفس التواير حق الوكالة بعد ...ايش الصدمة الي ماعقبها صدمة

طلعت تكلفة التواير الاربعه ....كلهم 2500 والله العظيم واما بمحل دبي قال لي ستة الالف ونص ...والله العظيم وربي شاهد علي ليوم الدين

حتى لما جبت التواير الجديده رحت ركبتها عند محل دبي نفسه ..حتى الباكستاني سئلني من وين انت يجيب هذا التواير خبيت عليه وماقلت له اني جبتهم من دبي ...وماقدرت اقول له انك حرامي ونصاب وجعلك مع

جماعة ابولهب,..وابوجميل ..بنار جهنم .....!!!!!

الله واكبر ياكبرها عند الله

التجاره ..ربح بالمقول مش بالنصب عيني عينك ياربي ...خافوا من عقاب رب العباد فيكم ياتجار

العقاب ..ودعاوي المظلومين عليكم بصحتكم بعيالك ...والله ثم والله ...يجي يوم لكم ..لاينفع فييه لا مال ولا بنون

اتقوا الله فينا ...احنا مهما صار ....بني ادمين ...محن ناس مسخ من المشاعر والاحاسيس والمخافة من الله عزوجل في حياتنا العملية

حسبيي الله ونعم الوكيل بكل ...تجار ...يخلي سعر بضاعتها ثلاث ولا اربع اضعاف من الدول الي جنبا

[Lap top]

ياالله يا كريم ...

تقولن حماية مستهلك .. في قطر .. و ين ؟؟! موجوده ؟؟

والله ما شفتها بس سمعت فيها ..

اذا تقصدون هلال العيد ترا ما بعد بين ؟؟@@ حماية المستهلك هو هلال العيد

خلهم في ظلهم يعمهون .,

الله على القوم الضالمين ؟.. ما يدوم يومهم ابدا ؟؟

[naif3]

انا شريت رنقات لكزس اصليـة اصلية مب مالت الصين الى مكتوب ميد ان جابان مع تواير دانلوب 2012

ابـ 7500 ريـال ..مع الرنقات القديـمة

وفي قـطر التقليـد بـ 12 الـف ريـال مع التوايـر جوف النصـب ..!!!!

والكت سعرة في قطر 10 الف بدون تركيب

واهـناك ركبتة اب 7500 ريـأل كامل مع صبغ وتركيـب اصلية من الوكالة
بوجاسم والله انا ناوي اشتري رنقات لكزس اصليه من وين اخذها لوسمحت

[hot2000]

حماية المستهلك
+
قانون حظر التدخين في الاماكن العامه
+
قسم تراخيص المباني والمحلات
+
قسم التراخيص في الدفاع المدني

سبات ونوم عميق