إستفسار : الإضاءه الخارجيه للسور و الفيلا :.. ــــــــــــ !

[بو الجوري]

السلام عليكـم جميعاً :..

شخباركـم ؟

بغيت أستفسـر و آخذ بنصايحكـم و آرائكـم كالعاده :)

عن الإضاءه الخارجيه :..

حالياً أبغي أركب للسور من الداخل و السور الخارجي ( الواجهه )
و عندي إضاءه على طوفة الفيلا :..

شنهي نصايحكـم من حيث الأنواع :..

أهم شي عندي إضاءة السور اللي بينوّر الحوش :..

أبغيـه شي حلـو و ينوّر :.. لأنـه الحوش مساحته تقريبا 16 * 33 :..

أنا أفكـر بهالأشكال للسور الخارجي و طوفـة الفيلا

http://www.straighthere.com/wp-content/uploads/2011/11/beautiful-outdoor-wall-lighting-01.jpg

لكنهـم ماراح ينفعون للسور من الداخل :..
شفت نفس هالأنواع تقريبا في محلات بروه

http://www.straighthere.com/wp-content/uploads/2011/11/beautiful-outdoor-wall-lighting-02.jpg

http://motohata.com/wp-content/uploads/2011/03/outdoor-wall-lighting-ggpht7.jpg

http://wonotirto.com/wp-content/uploads/2011/02/ajax-outdoor-wall-lights.jpg




ياريت تفيدونـا بأفضل الأنواع و أماكـن البيع

و لو عندكـم نصايح و خبرات ،، لاتبخلون علينـــا :..

تحياتي :)

[naklan]

هلا باخوي بوالجوري
اخوي عندك شارع سلوى متروس اشكال وانواع
واكيد بتلقى الي يعجبك اهم شي تكون قاعدة الليت سيراميك
وتقدر تركب اللمبة النيون وبتعطيك انارة محترمة اهم
شي انه يكون مغلف كفر يعني ضد الماي والغبار
والاشكال الي حطيتهم عجبني الثاني شكله حلو
والثالث المبين انه مفتوح من غير غطا
موفق اخوي ومنزل مبارك باذن الله
:)

[بو الجوري]

هلا أخوي نكلان :..

شاكـر مداخلتك ، إن شاء الله بروح و أكيد في أشكال كثيـره :..
بس قلنـا نشوف يمكـن فيه نصايح و تحذيرات خخخخخخ

[محمدوميار]

الصورة الاخيرة روعة

[GENIUS]

هلا اخوي. جرب تمر على محل ألترا لايت في قرية بروة على طريق الوكرة عنده أشياء زينة. للطوفة الخارجية لواجهة المنزل جهة الشارع أنصحك بالنوع الأسطواني اللي اضائته للأعلى والأسفل والجدران الخارجية بالفيلا في نوعية تعطيك إضاءة على شكل اكس اما للجدار الخارجي فعنده انواع كثيرة والله يوفقك

[العولقي]

هلا اخوي. جرب تمر على محل ألترا لايت في قرية بروة على طريق الوكرة عنده أشياء زينة. للطوفة الخارجية لواجهة المنزل جهة الشارع أنصحك بالنوع الأسطواني اللي اضائته للأعلى والأسفل والجدران الخارجية بالفيلا في نوعية تعطيك إضاءة على شكل اكس اما للجدار الخارجي فعنده انواع كثيرة والله يوفقك

اضم صوتي ال صوت genius وارشح ألترا لايت .

[فريج النجادة]

اذا تبي تعرف الاضاءة جميلة ام لا

مر على البيوت في المساء وانت تعرف

واذا تبي تشوف بيتي في دحيل حياك الله

[بازار]

بحكم ان هذي شغلتي ..

انواع الاضاءات اللي مختارها يا بوالجوري ( صارت قديمه )

حاليا صار الطلب على الاضاءات اللي من الاسفل الى الاعلى ( تتركب في الارض وتكون لاعلى )

http://www.up-10.com/upfiles/dyT13716.jpg (http://www.up-10.com/)

الترا لايت شارع سلوى وخذ منه المصابيح ( الصوديوم ) يسمونها اللون البرتقالي (اورنج)

اذا قالك ماعنده روح للفرع الثاني في بروة الوكرة .. الليت مع اللمبه ٣٥٠ واذا بتاخذ كمية

راح ينزل لك ..

خذت من عنده ١٥٠ بسعر ٢٣٠ ريال

هذا الجديد في عالم الاضاءة ..



=

[كبير المتداولين]

الاضائه المخفيه هي الاحلى والموضه والي تحدد معالم السور نفس صوره الاخ فوق

[Umahmad]

الاضاءة هي اللي ترفع البيت السما وتنزله الارض

الدارج الاضاءه اللي من فوق وتحت او بس من جهه وحده
والنوع الثاني اللي يكون اكس وتقدر تحط كذا واحد وتسوي شكل حلو للاضاءة

روح قرية بروه وخذ لك لفه عالمحلات بتلقى عندهم اشيا حلوه

[بو الجوري]

تسلمون على مشاركاتكــم و تعليقاتكـم :..

بس أخوي بازار أنا فتحت النقاط ، و أحس الـلي تقول عنه ينفع للسور الخارجي بس :..
أمـا الفيلا ماعتقد بيكون فلّه عليها :)
عالعموم تسلـم و إن شاء الله يركبون الكيبل الرئيسي و أفتك و أجيبهم

[الورد جميل]

بالتوفيق اخوي
اضاءة من فوق وتحت عجيبه
وشفت نفسها يمين ويسار الظاهر لافينها عرض
موفق ان شاء الله

[مرتبش]

المبدا اللي متعارفين عليه في مجتمعنا ان الحوش لازم يكون مولع ولدرجة انك تقدر تقرأ في الحوش

اما المبدأ المعماري فهو ان الليتات يكون استخدامها لزيادة جمال المبني واعطاء طابع انه مختلف في الليل عن النهار
وانت ماسك العصا من الصوبين..تبي جمال للسور مع انارة جيدة لداخل الحوش ..الليتات في الارض مابتعطيك قوة انارة غير ديكور واذا حطيتها مع ليتات ثانية اقوى مابيكون لها معنى..

[مهاجر]

اخوي بالنسبة للإضاءات الانواع وااايد وأشكالها وأسعارها تختلف لان نفس اول صوره عرضتها في انواع مع أضافه يسمونها ال اي دي led تكون قويه وموفره للطاقه وفي إضاءات تركب تحت عالارض وتنور السور من برا وشكلها حلو والناس أذواق واللي تبيه متوفر.