ش سالفة هالشركة ؟!؟!؟!

[بوحمد1]

السلام عليكم ورحمة الله وبركاته

جاني اتصال من لندن شخص اسمه محمد جابر ومهتم بالموضوع ( موضوع التداول بالعملات )

وطرش لي الاسم والباسوورد ودشيت على حسابي عندهم وهو نفس فكره المجموعه عندنا وفوق هذا في بيع وشراء الذهب والفضه .

ويقول لي كل الموضوع تودع على الاقل 500 دولار وتبدأ بالتداول وممكن تحدد نسبة خسارتك

الموضوع شاغل فكري ومادري اذا امان او نصب على العموم هذه وصلة الشركة وقولوا لي رايكم

www.**********.com

[محمد 93]

السلام عليكم ورحمة الله وبركاته

جاني اتصال من لندن شخص اسمه محمد جابر ومهتم بالموضوع ( موضوع التداول بالعملات )

وطرش لي الاسم والباسوورد ودشيت على حسابي عندهم وهو نفس فكره المجموعه عندنا وفوق هذا في بيع وشراء الذهب والفضه .

ويقول لي كل الموضوع تودع على الاقل 500 دولار وتبدأ بالتداول وممكن تحدد نسبة خسارتك

الموضوع شاغل فكري ومادري اذا امان او نصب على العموم هذه وصلة الشركة وقولوا لي رايكم

www.**********.com





انا اعرف واحد من الاصدقاء وهو رايح للعلاج اسمه متعب جابر :shy:

[بوحمد1]

انا اعرف واحد من الاصدقاء وهو رايح للعلاج اسمه متعب جابر :shy:

يرجع بالسلامه ان شاء الله

بس ممكن اعرف شدخل الاخ متعب في موضوعي ؟؟؟

[أم هشام]

اظاهر قصدة علاج من الصدمة اللي اجته بعد خسارة :)

[بوحمد1]

صباح الخير

[مرتبش]

هل هم اللي اتصلوا فيك؟ ام انت اللي اتصلت فيهم وطلبت هالخدمة

تفرق وايد.. اللي يتصلون ويقولون انت فزت او اليوم اخر فرصة للاشتراك بالعرض..ادفع 5% اليوم والباقي بعدين ..هذول ينبغي الحذر منهم ومن نصبهم.

يعطيك العافية

[بوحمد1]

هل هم اللي اتصلوا فيك؟ ام انت اللي اتصلت فيهم وطلبت هالخدمة

تفرق وايد.. اللي يتصلون ويقولون انت فزت او اليوم اخر فرصة للاشتراك بالعرض..ادفع 5% اليوم والباقي بعدين ..هذول ينبغي الحذر منهم ومن نصبهم.

يعطيك العافية

هم اللي اتصلوا

ولا قالوا شي من هالكلام اللي ذكرته

[sanad81]

نصابين .. لا تدفع ولا ريال

مستعجل الحين .. ممكن اشرحلك بعدين

لا تدفع
لا تدفع
لا تدفع

[بوحمد1]

نصابين .. لا تدفع ولا ريال

مستعجل الحين .. ممكن اشرحلك بعدين

لا تدفع
لا تدفع
لا تدفع

طولت الغيبه :(

من يفيدني من واقع تجربه ؟؟؟

[airbus]

شوف في الوقت هدا من النادر تحصل حد مايعرفك ويبي يسويلك خير يعني ادا في ربح خله هو يستفيد الاول ليش يكلم الناس

ومعروفة حركتهم اول شي يربوحك مبلغ متل ١٠ او ٣٠ دولار وبعدها كلها خسارة وبهدا بتدفع تاني يعني كلها خسارة

وربي يوفقك

[روح الاطلس]

500 دولار منك ومن غيرك جمعوا ملايين وطارت الطيور بارزاقها

لاتصدق اي اتصال من مصدر مجهول وغريب عنك خاصة لو فيها دفع فلوس

[لمعة الالماس]

اعتقد هذي شركة من الشركات الوهمية

اللي بعد ما تنصب على الناس تختفي وتغير كل عناوينها

[بوحمد1]

اشكر الجميع على الردود

واتمنى لو حد جرب الشغل معاهم يفيدنا

[محمد الجفيري]

انت لاتدخل هالمجال لان المغامرة فيه عالية
وبالاضافة الى ان الاسعار في هالموقع فالتداول غير الاسعار للاسهم الحققيقية رافعين نسب الاسهم وياخذون ارباحهم بسرعة منك


بالتوفيق
والله يحفظك

[الهاجري_قطر]

بوحمد تحمل تراهم نصابين هم نفسهم شركة الفوركس انت بس قولهم اذا الربح مضمون بتودع ٢٠الف دولار وشوف شبيسون بيأذونك باتصالاتهم تحمل تحمل تحمل طبعا انا اقولك من واقع تجربه وبيعرضون عليك اذا حطيت مبلغ بيعطونك مبلغ مثله ويتدخل حسابك وبتلاقيه بس كله كذب

[al saad]

نصابين اول ماتدفع تخسر

[بوحمد1]

مشكورييييييين على الردود

وفعلا سندروني بالاتصالات