البحث عن مصمم 3d

[حمد بن سعد]

اخواني بغيت واحد ايصمم ديكور للبيت 3 دي ولا تهونون وسعره معقول


والله يوفقنا وياكم

[ولد المنصور]

وانا مثلك يابوحمد .... وفي انتظار الاخوان الطيبين

[سهم طايح]

راجعوا الخاص يالربع

[محمدوميار]

يالتوفيق ان شاء الله

[واقعية]

راجع الخاص اخوي

[حسن الاحمد]

انا اعرف مصمم طيب

[محمدوميار]

انا اعرف مصمم ديكور مصرى رائع واسعاره حلوة اوى اللى يريد رقمه يرسلى على الخاص

[برشلوني قطر]

ممكن يا إخوان الأرقام ولا عليكم امر

[محمد2009]

السلام عليكم اخوي اذا تبي احد يصمم لك البيت بذووقك يعني انت تختار الالوان والديكورات وهو يسويها لك بذووقك كلمني في الخاص والله يوفقك

[بلاميعاد]

ممكن يا إخوان الأرقام ولا عليكم امر

[السد]

شوف محل ديكوباج

[معماري قطري]

نصيحة يا إخوان من القلب موضوع التصميم الداخلي وايد فيه ناس دخلاء عليه وهو تخصص راقي ومختلط بين الفن والدراسة المتعمقة، يعني بدون شهادة بكالورويوس ومن جامعة معروفة لحد يغامر، وسبق ونصحت أحد الإخوان وما سمع نصيحتي وبيته كان مكلف حول 750 ألف أيام الزمن الجميل، ووالله رزقه بمصممه عربيه، وهي سوت له رسومات ب 30 الف ريال وجابت له عينات وكتلوجات للأثاث وإخونا وزوجته يختار وهي تقول له لا تعتلي هم كُل إشي من دبي رخيص وبيوصل وبنركبه، وهو ماشي معاها للأخير وغير بعض الأرضيات حتى تتناسب مع التصميم والألوان لين وصلته عند سعر الأثاث وتنسيق الستائر وتصميمهم وعطته إجمالي الفاتوره وكان بنفس قيمة البناء وطلبت ثلث القيمة حتى تروح تحجز، والله ألهمه انه يغير رايه ويقول لا ويسلمها الثلاثين ألف مالتها وياخذ عيناتها وخشاويرها وكانت مقنعته انها بتجيب له كل شيء بخصم زين لأنها تتعامل مع التجار وتطلع له خصم حلو لكن هو قرر يشتري بروحه، وقبل يخسر قيمة التصميم وقيمة تخفيضاتها، وبعد فترة رتب أُموره يشتري اللي يقدر عليه ويناسبه وينسى الدجل اللي سوته، المهم سمع عنها بعد أيام إنها خذت عربون من ناس كثيرين وبدال ما تروح دبي تتفق لهم على الطلبيات رجعت عين الحلوه ما ادري عين الرمانه تتمتع بالكم مليون اللي خمتهم من ناس يوثقون في هالأشكال.

أقل شيء لازم تتفق مع مكتب مختص ومع مهندس مُرخص ومسجل كممارس لهذه المهنة في قطر، ولازم تتأكد من شهاداته وتراخيصه لأن الهواة والدجالين وايد، وكثير منهم يتعاملون مع محلات بعمولات وتكون انت يا القطري أو يا صاحب العمل الضحية، فهذه المهندسة كانت تصمم فندق كبير وغيره من المشاريع الكبيرة التي تتكلف كثيراً للتأثيث وللمواد التشطيبية الداخلية، وإحنا يمكن ما نفرق بين التصميم الداخلي كتخصص رفيع وتوزيع الأثاث المبدئي واختيار الألوان والنوعيات بفن وهواية، والأخيرة ممكن لأي شخص أن يعملها.
وعني فقد سمعت عن ما يدعون أنهم مصممين داخليين الكثير، فكم من جدار هدم وكم من فاصل بُني فقط لأن المصمم يرى ذلك، وكم مره إضطر المالك لتغيير نقاط الإنارة والكهرباء وغيره فقط لعيون المصمم، فاحذروا يا إخوان من هؤلاء، وإذا كان ولا بد فكثير من القطريين والقطريات من خرجي جامعة فرجينيا للفنون والتصميم الداخلي يمارسون هذه المهنة بكفاءَة وجودة لا تضاهى.

[بوخالد911]

تقريبا بكم التكلفة؟

لطفا

[حمد بن سعد]

جزاكم الله كل خير على تواصلكم

والله يوفقنا وياكم

[marmoh]

أنا بغرف مصمم ممتاز يسوي تصميمات مجانية و عنده عمال ينفذون.
يسوي تصميمات خاصة مو منقولة من النت و سعره وايد وايد حلو و الارخص في قطر

[بلاميعاد]

marmohممكن رقم المهندس

[مهاجر]

أنا بغرف مصمم ممتاز يسوي تصميمات مجانية و عنده عمال ينفذون.
يسوي تصميمات خاصة مو منقولة من النت و سعره وايد وايد حلو و الارخص في قطر

ممكن رقمه

[محمد2009]

السلام عليكم اخوي اتصل على هالرقم هندي اسمه عبدالرحمن يمكن يفيدك 55901122

بصمم لك اي تصميم انت تبقيه وهو مختص بالديكورات وتصماميم الجبس للاسقف والكرانيش
والاصباغ وتركيب السراميك والرخام وتبليط الحوش والبلاستر فهم شركه مختصه بالهالامور
وبالتوفيق