جذب الكفاءات القطرية ...وين؟ في لندن!!

[D0ha]

تذكر جريدة الراية في احدى صفحاتها:
" وفي إطار جهودها المتواصلة لاستقطاب الكفاءات القطرية الواعدة ترعى هيئة متاحف قطر الملتقى الذي أقيم أمس في فندق غروفنر هاوس في لندن بمشاركة نخبة من المؤسسات القطرية الرائدة، هي هيئة متاحف قطر (الراعي الرسمي للمعرض)، الخطوط الجوية القطرية وشركة راس غاز وكيوتل ومركز السدرة للطب والبحوث وشركة أوريكس.."

ضاقت الدوحة في قاعاتها ومعارضها؟ وأصبحت لندن مكان للبحث عن النخبة القطرية لمواصلة جهود استقطاب الكفاءات؟ ام أن أروقة غروفنر هاوس تخرج لنا عباقرة قطريين؟

الغريب في هالخبر ان هذا الملتقى يعتبر الخامس!!

[موضي قطر]

هاااااااااااااااااااااااااااااااااااااااااااااا



تراني صمخى ماشوف :rolleyes2:

[سـ ع ـود]

اوكي وين الغلط في الموضوع؟
الملتقى مش اول مره يصير
والهدف الرئيسي منه جذب الطلاب القطريين في لندن اللي على حساب المجلس الاعلى للتعليم ولا اللي على حسابه الخاص علشان ياختارون من احدى الشركات والرعاة اي سبونسر حابينه او حسب ميولهم وطموحهم للاتحاق في احدى هالجهات مستقبلا بعد ماينتهون من المرحله الجامعيه
بالعكس جهد يشكرون عليه المفروض تستنكرون عدد الجهات القليل ليش ماشتركت جهات اكثر مش تستنكرون
الملتقى تراه ماصار الا حق عيالنا واخوانا اللي هناك ماسووه حق البريطانيين
بس بعض الناس لو تفرشلهم الارض ذهب خالص قالو وع لونه يبط العين
:)

[موضي قطر]

الحين الطلاب هناك بالهبل !!

طيب شفيهم الطلاب في الداخل ؟!!

عني مب انتقاد .. بس حب معرفة بالدافع والسبب ورى اقامة الملتقى في الخارج ؟!

اتوقع في الداخل فيه " نخبة " ان كان هذا هو السبب <<< اما اذا كانوا " نخبة لندن " غير مالنا خص في الموضوع برمته !!

[تحداني]

الموضوع اوسع من هذا بكثير .. مثل هالانشطه والفعاليات تعقد سنويا وقد تتغير قطاعات العمل والمؤسسات المشاركه .. في طلاب الي مستوياتهم اشوي متذبذبه عندهم خوف من الالتحاق من اول سنه لان عقود هالشركات جدا صارمه فيترك نفسه للمجلس الاعلى وبعد السنه الاخيره اذا تنطبق عليه الشروط الا وهو المعدل والتخصص يضمون لاحد هالشركات


وفي البعض يروح فقط يتعرف على احتياجات سوق العمل القطري
وفي البعض من الطلاب مازالوا في معاهد اللغه فحلو يتعرفون على هالشركات وشروطهم عشان يكون مهئ للالتحاق



اي مبادره لصالح الطلبه سواء كانت في قطر او خارج قطر لا مانع منها اهم شي يتحقق المطلوب
واهم شي نفسيه الطالب تكون مرتاحه
واهم شي يدرس وباله في الدراسه مب في لوائح وشروط




الله يوفقهم يارب وينور طريقهم



جملكم الله برضاه

[D0ha]

اوكي وين الغلط في الموضوع؟
الملتقى مش اول مره يصير
والهدف الرئيسي منه جذب الطلاب القطريين في لندن اللي على حساب المجلس الاعلى للتعليم ولا اللي على حسابه الخاص علشان ياختارون من احدى الشركات والرعاة اي سبونسر حابينه او حسب ميولهم وطموحهم للاتحاق في احدى هالجهات مستقبلا بعد ماينتهون من المرحله الجامعيه
بالعكس جهد يشكرون عليه المفروض تستنكرون عدد الجهات القليل ليش ماشتركت جهات اكثر مش تستنكرون
الملتقى تراه ماصار الا حق عيالنا واخوانا اللي هناك ماسووه حق البريطانيين
بس بعض الناس لو تفرشلهم الارض ذهب خالص قالو وع لونه يبط العين
:)

كلامك أخوي رائع ولك التقدير على الرد.. لكن هل هؤلاء القطريين سوف يبقون في الغربة طيلة سنوات الدراسة؟ وهل الأخوان الدارسين في أمريكا لا يملكون اي طموح للألتحاق بهذه الجهات اسوة بطلاب بريطانيا؟
انعقاد هذه الملتقيات تكون في ديرتنا افضل من ابعادها..عن باقي عيالنا واخوانا

على العموم سنابل الذهب غير متواجد في حقول القمح

[ولــ(الزعيم)ــد]

وين الغلط في الموضوع
هيئة المتاحف وقعت عقود مع ١٥ طالب وصارو موظفين في الهيئه واستلمو ارقام وظايفهم في نفس اللحظه والقطريه كذلك وباقي الشركات

هاي فرصه ممتازه لنا الطلاب في بريطانيا وانشالله بيسوون الملتقى في امريكا وتزيد عدد الشركات

[Al-Kuwari]

يا شباب الشركات هذي ترى تقوم بزيارة الجامعات سواء في قطر او بره قطر

بحكم معرفتي القليله شركات النفط والغاز مثل راس غاز قطر غاز قابكو قافكو تتواجد بكل المعارض

ومن هالمعارض

معرض جامعة قطر واللي غالباً يكون اخر السنه شهر 11 او 12
ويحضرون المعرض في بريطانيا اللي ذكرتوه انتوا الحين
ويحضرون معارض اخرى داخل الدولة لجامعات المدينة التعليمية مثل جورج تاون و تكساس ايه اند ام وحتى المدارس يروحون لها مثل مدرسة قطر التقنية

فلا تتسرعون فالحكم الله يجزاكم خير

وترى معرض بريطانيا للقطريين فقط فلا تخافون وانا مسؤول عن هالكلام :)

[faisalqatar]

والله ياخي في ناس ما يعجبهم العجب !

الله بدال لا اتقولون الله يجزاهم خير يتعنون كل سنة و يسوون معرض مهني للطلاب في بريطانيا ؟
تره هالمعرض المهني سنويا يصير صج ان بعض الشركات بس اتروح شكل بس بعد الله يجزاهم خير

و بخصوص اللي يقول ليش ما يسوون في الدوحه انا اقولك تراهم كل سنة يسوون معرض مهني في مركز المعارض و يسوون سنويا معرض مهني في جامعة قطر و المدينة التعليميه و كلية شمال الاطلنطي

بعد شتبون اكثر من جي؟

و تره اغلب الشركات اللي تحضر المعرض المهني اللي في لندن يدورون الطلاب اللي على وشك التخرج

[أسير الاسهم]

والله مشكورين انهم يدورون عيالنا اللي بالخارج ويعرضون عليهم الوظايف والرعاية .. بدال ما نشكر جهودهم نقعد نتكلم ..

الطلاب اللي فالدوحـه وين ؟؟ جامعة قطر !! الجامعة مب متعاونه ولا تطلب الشركات انها تجي تسوي معارض فيها لجذب الطلاب .. وغيرها من الجهات التعليمية هنا فيها قصور من هالناحية

عالعموم الله يوفق عيالنا ويرزقهم

[مستوى الدعم]

في الواقع أنا أحييهم على ملاحقة تجمعات الطلاب القطريين..

فنحن أصبنا بمغص في العام الماضي عندما اكتشفنا قيام أحد البنوك القطرية بالمشاركة في المعرض المهني للجامعة الأمريكية في بيروت.. وهم طلاب بدون خبرة وغير قطريين..

فلو قلنا أن لأرباب العمل حقاً مشروعاً في اجتذاب الخبرات التي تجعل أعمالهم تزدهر..
فما هو العذر لمحاولة اجتذاب طلبة على مقاعد الجامعة من دولة أخرى..

[موضي قطر]

صلوا على النبي ...


مافيه قطري ولا قطرية يداني ولا يواطن المؤتمرات ولا المعارض اللي تقام خارج الدولة ..

وكلنا ندري ماخلت مواطن في ديرته .. ضفته وجابته وعطته راتب خيالي .. فلا تلومون ..

اللي شطح خياله في الأمور هذه .. وانا منهم !!

اتمنى تكون شطحة من خيالي الوااااسع حبتين <<< آسفين ازعجناكم :anger1:

[R 7 A L]

ياجماعة طولوا بالكم

يمكن أختيار لندن للملتقى على شأن الجو يساعد

[The Watcher]

شكل بعض الاخوة مش متابعين لمثل هالامور

بعض الشركات القطرية تحرص على المشاركة في مثل هذي المعارض
في معارض تقام سنويا في جامعة قطر .. وشمال الاطلنطي .. وبعض الجامعات التابعة لمؤسسة قطر

غير المعرض المهني واللي يقام في ابريل كل سنة

غير المعارض الدولية كما يحدث في امريكا وبريطانيا كل فترة

كون ان بعض الاخوة لم يصلهم الا المعرض اللي في لندن .. فهذا لا يعني ان الشركات "ماعندهم سالفة" .. وان هالمعارض "حق ناس وناس".

تحياتي

[الـخـالـدي]

الله يوفق ربعنا في دراستهم

[faisalqatar]

شكل بعض الاخوة مش متابعين لمثل هالامور

بعض الشركات القطرية تحرص على المشاركة في مثل هذي المعارض
في معارض تقام سنويا في جامعة قطر .. وشمال الاطلنطي .. وبعض الجامعات التابعة لمؤسسة قطر

غير المعرض المهني واللي يقام في ابريل كل سنة

غير المعارض الدولية كما يحدث في امريكا وبريطانيا كل فترة

كون ان بعض الاخوة لم يصلهم الا المعرض اللي في لندن .. فهذا لا يعني ان الشركات "ماعندهم سالفة" .. وان هالمعارض "حق ناس وناس".

تحياتي


كلام سليم 100%
بس تعال فهم ربعنا

من شاف البعض عباله مسوين المعرض في لندن حق الانجليز

تعال فجج عاد انت هههه

[QTR-1978]

اعتقد ان الطلاب اللي رايحين على حساب شركات ووزارت والبترول يعني يعتبر موظف وشغلته جاهزه ليييييييييييييييييييييييييييييييييييييييييييش يروحون لندن يستقطبون القطرين اللي هم اصلا موظفين وعندهم سبونسر

[ولــ(الزعيم)ــد]

اعتقد ان الطلاب اللي رايحين على حساب شركات ووزارت والبترول يعني يعتبر موظف وشغلته جاهزه ليييييييييييييييييييييييييييييييييييييييييييش يروحون لندن يستقطبون القطرين اللي هم اصلا موظفين وعندهم سبونسر

ياعزيزي انت لو قريت الموضوع عدل كان مارديت هالرد
حق التحلطم مافي احسن منكم
الملتقى للطلاب القطريين الي مبتعثين عن طريق المجلس الاعلى للتعليم او على حسابهم الخاص الي انا واحد منهم
وكان فيه اقبال كبير من الطلاب من جميع انحاء المملكه المتحده والسفاره ماقصرت سكنت الطلاب في الفندق ودفعت لهم مصاريف السفر
واكثر من 30 طالب قطري حصلو على فرص عمل في هذا اليوم والباقي بيردون عليهم بعدين

[موضي قطر]

ياعزيزي انت لو قريت الموضوع عدل كان مارديت هالرد
حق التحلطم مافي احسن منكم
الملتقى للطلاب القطريين الي مبتعثين عن طريق المجلس الاعلى للتعليم او على حسابهم الخاص الي انا واحد منهم
وكان فيه اقبال كبير من الطلاب من جميع انحاء المملكه المتحده والسفاره ماقصرت سكنت الطلاب في الفندق ودفعت لهم مصاريف السفر
واكثر من 30 طالب قطري حصلو على فرص عمل في هذا اليوم والباقي بيردون عليهم بعدين



شكراً على التوضيح والله يوفق الجميع .. :)