احلى عصاير في الدوحة..

[راشد محمد]

كلنا نحب نشرب كرك..بس تدرون انه الكرك هو سبب السمنة لانه دهن وسكر..فلازم نستبدلها بعصااير فررش..

يا ليت تقولون وين احلى الاماكن اللي تبيع عصائر طازجة ؟؟ او تشاركونا بطرق عصائئر جديدة ومجربة من ابداعات شيفات المنتدى؟؟

انا احب مندرين بس مشكلته يحط ايسكريم ..وين احنا ووين الدايت..

ننتظر ابداعاتكم ..

:victory:

[بو الجوري]

عادي أخوي قولـه بدون آيس كريم :)

و ننتظـر تجارب الإخوان

[راشد محمد]

عادي أخوي قولـه بدون آيس كريم :)

و ننتظـر تجارب الإخوان

يعطيك العافية..

[وبشرالصابرين]

احلا عصير يكون في البيت طازح وبدون ثلج

كل العصير الي بالسوق ثلج في ثلج

والي في الكافي شوب عباره عن عصير معلب ( مراعي ) مخلوط مع نكهات ملونه


مندرين تقريبا احسنهم

بالعافيه

[آنا غيــر]

لاحول الله حتى اهني ابي ادش استانس اخرتها القى الكلمه اللي تخرعني (رجيم) -_-

انا ماحب العصير الطازج فالبيت الا يمكن عصير موز مع حليب

يعني لازم يكون معاه شي عشان يصير حلو ولا مب شاربته


احلى عصير عندي هو عصير بطّه من مندرين

والمركز الثاني يحتلّه الستروبيري ميلك شيك من ايس كريم بلازا

// بطه و ستروبيري يتوجهون الى المنصّه لاستلام الجوائز

[ANONYMOUS]

الكرك عطيته اكس وصرت نادر اشرب يمكن كل يومين او ثلاث والحمد لله

بعد ماكان كل يوم مش اقل من ٢


السليماني صار أحلاهم واتحداهم هههههه


والعصاير اي مكان عادي بس يكون تازه بس مش مندرين بو عصير قواطي والله ولي التوفيق*

[JN000N]

اخبر قالولي عن وحده
تسوي عصاير فالبيت وايد يمدحون شغلها احسن من مندرين
يعني الي ما ذاق عصيرها ماذاق العصير

بس بشكل عام من مندرين واطلب منه مايحط اسكريم وهالسوالف

[sara jsm]

اخوي الكرك ساخن والعصاير بارده ,,
اذا تبي تستبدل الكرك فـ عليك بالشاي الاخضر صحي اكثر ,,
واذا عن العصاير ممكن تسوي كل الانواع عندك في البيت ,,

[سداوي&مدريدي]

جرب ستاربكس :secret:

[عاشق الشهادة]

هذه الايام طايح بعصير الرمااان :nice:
ويمدحون شغل ونظافه البيت :)

[findi]

اذا تبي عصاير مفيده وماتمتن مالك الا شغل البيت

تضمن نظافتها وفايدتها

وتقدر تسوي اي عصير تحبه وتضيف له اللي تبي وحتى الايس كريم حط بس لاتكثر واختار النوع الي يكون قليل الدسم

وبس انجووي =)

[JN000N]

هذه الايام طايح بعصير الرمااان :nice:
ويمدحون شغل ونظافه البيت :)


وااااايد مفيييييد
انا مدمنه عصير رمان
وايد زين حق الدم
كنت اشتكي من فقر دم بس يوم ادمنته صار دمي فوق الممتاز

[حسن]

احلي عصير عصير جمال

[ANONYMOUS]

جرب ستاربكس :secret:


الله يعزك لا هو ولا كوستا وطختهم

الله يذكر جافا تايم ودكتور كافيه بالخير

حتى قهاوي المحطات روعه

[سداوي&مدريدي]

الله يعزك لا هو ولا كوستا وطختهم

الله يذكر جافا تايم ودكتور كافيه بالخير

حتى قهاوي المحطات روعه

ههههههههههههههههههههههههههههههههههه

ياخي احس طعمه غير مادري هو طبيعي ولا حاطين فيه شي :rolleyes2:

انزين جرب وقت الشاي :shy:

[حسن]

وااااايد مفيييييد
انا مدمنه عصير رمان
وايد زين حق الدم
كنت اشتكي من فقر دم بس يوم ادمنته صار دمي فوق الممتاز

حصلنالك علاج يابوحارب حق الفقر اللي عندك وينك:telephone:

[JN000N]

حصلنالك علاج يابوحارب حق الفقر اللي عندك وينك:telephone:


وعليه فيه فقر دم!
عليك بوحارب بعصير الرمان والطمنطوووووش :nice:

[ANONYMOUS]

ههههههههههههههههههههههههههههههههههه

ياخي احس طعمه غير مادري هو طبيعي ولا حاطين فيه شي :rolleyes2:

انزين جرب وقت الشاي :shy:


وقت الشاي جين بس قلت لك اكست على الكرك

بس جرب اطلب حليب بالزنجبيل


فرصتك هالايام تطلب عشان الشتا

في الصيف مايصلح هالمشروب

بلعومك بيشب

[حسن]

وعليه فيه فقر دم!
عليك بوحارب بعصير الرمان والطمنطوووووش :nice:

يقول من كثر مايستحي صاده فقر الدم صار يختشي من دمه بس من وين انجيب له طماط جوش الحمر الاصلي

[JN000N]

يقول من كثر مايستحي صاده فقر الدم صار يختشي من دمه بس من وين انجيب له طماط جوش الحمر الاصلي


طماطنجوش مال كي دي دي
هاي اللي نفس الطعم القبلي
مع اني ماحبه هالعصير :rolleyes2:
بس امي تشربه

[ANONYMOUS]

^^

Kdd حرام هولندي

ولا نسيتو المقاطعه :(

[احمد1]

لاحول الله حتى اهني ابي ادش استانس اخرتها القى الكلمه اللي تخرعني (رجيم) -_-

انا ماحب العصير الطازج فالبيت الا يمكن عصير موز مع حليب

يعني لازم يكون معاه شي عشان يصير حلو ولا مب شاربته


احلى عصير عندي هو عصير بطّه من مندرين

والمركز الثاني يحتلّه الستروبيري ميلك شيك من ايس كريم بلازا

// بطه و ستروبيري يتوجهون الى المنصّه لاستلام الجوائز


السلام عليكم اختي اسف خارج الموضوع بس حبيت انبهك ان يوم تقولين لا حول الله حرام لانك مثل الي يقول لا اله ويسكت لازم تكملينها لا اله الا الله ونفس الشيء لا حول ولا قوة الا بالله تقولينها كامله اذا قلتي لا حول الله ينعكس معناها تقريبا لذا وجب التنويه وارجو الفايده للكل وشكرا

[مسك روز]

عصير مسك روز

:shy:

المكونات :

- 7 حبات عنب احمر

- تفاحه

- ليمونه

- ثلج - ماي - شوية ماي ورد

- من 4 الى 5 ملاعق طعام سكر



وهاذي النتيجه




http://im27.gulfup.com/2012-02-27/1330362351481.jpg


طبعا الكل عارف فوائد التفاح والعنب والليمون

والطعم حامض حلو شي عجيب :victory:

[بصمة قطرية]

أحــلى شي شغل البيت على الأقل تضمن إنه فرش ..
عصير منغا مع قطعة ليمونة ..
يعطيك عصير منغا حامض شوي
شي عجيب ..:victory:
فراولة بالحليب ..
كيس فراولة مثلجة
نص بيالة سكر
حليب المراعي
و اخلطه في الخلاط
و اذا بغيته ميلك شيك ..
حط ملعقتين آيس كريم فراولة
او فنيليا بس الفراولة أحلى ..
عصير رمان طبيعي في البيت ..
عصير جح طبيعي ميمي يمي صج عجيب
و لا اذا جات الجحة سكر :nice:
يعجبني ميلك شيك الأوريو اللي يسوونه في محل الآيس كريم اللي في حياة بلازا
و فيلاجيو نسيت أسمه ..
آخر مرة طلبت منه شفت المقادير و الطريقة و بجربها ان شاء الله و بعطيكم النتيجة ..
صج لذيذ ..:victory:

[فيزيائية]

هو اكيد عصاير البيت مافي انظف منها
بس اذا جينا عالمحلات ...
جمايكا اللي في النصر
وخصوصا عصير الافوكادو
او الطبقات مع المكسرات بالعسل

[هام السحاب]

ليمون مع نعناع من وقت الشاي

[JN000N]

^^

Kdd حرام هولندي

ولا نسيتو المقاطعه :(

:secret:

[فارس قطر]

http://www.meenakon.com/Pictures/other20/vortex-breaker-2.jpg

[حليتان*]

فراوله من مندرين ما يحتااي

وللاوقات الحرجه فراوله و افكادو :secret: <<طبقات


ووقت التغشف عصير برتقال فرش سكر وثلج من اقرب معصره :(

[::.Silent.::]

Mango Laseah

From Indian Restaurants

[بوعلي2]

عصير افكادو من مندرين بدون ايسكريم وفوقه فراوله. :eek2: وامورك طيبه

[بوخالد911]

بقولك


مندرين واطلب كوكتيل : فطوم
أو
بطة
جرررربوا وعلمووني بس

تحياتي قبل شرب كوكتيلاتي

[بوحارب]

انا احلا عصير عندي شاي كرك

[بوخالد911]

انا احلا عصير عندي شاي كرك

مع ثلج؟

:eek5::secret::eek5::omg:

[رآعي موآجيب]

انا احلا عصير عندي شاي كرك


هههههههههههههههههه

تعوذ من ابليس يابو حارب

يعني اذا بنسير عليك بتقوينا كرك بارد :tease:

الصراحه نادر اطلب عصير من اي مكان في قطر واكون راضي

لكن في فندق شرق كل عصايرهم اللي جربتها كانت مميزه

وافضل العصاير اللي جربتهم في الخارج في مصر

وفرغلي خارج الحسبه لأنه أرداهم

[القلم الصريح]

كوكتيل جمايكا في شارع النصر وبسسسسسسسسسسسسس

كل عصايره افرش يسويهم في نفس الوقت مو مثل مندرين يسوي عصايره من الصبح ويجهزه حق الليل

عجيب عصير اكوادور وبنكلاده ......

[راشد محمد]

خاطري في عصير قصب وين احصل..
وعصير رمان بعد..

[راشد محمد]

عصير مسك روز

:shy:

المكونات :

- 7 حبات عنب احمر

- تفاحه

- ليمونه

- ثلج - ماي - شوية ماي ورد

- من 4 الى 5 ملاعق طعام سكر



وهاذي النتيجه




http://im27.gulfup.com/2012-02-27/1330362351481.jpg


طبعا الكل عارف فوائد التفاح والعنب والليمون

والطعم حامض حلو شي عجيب :victory:



مبدعه كالعادة....

[هجمة مرتدة]

خاطري في عصير قصب وين احصل..
وعصير رمان بعد..

تحصل مقابل مطعم جبري عند دوار سناء . .

كأنك جاي من الدوار رايح جهة إشارات المجنون . .

محصل أتوقع إن ما خانتني الذاكرة اسمه قصب الصعايدة أو شيء على هذا النحو . .

وفيها العافية إن شاء الله . . :nice:

[الراقيه سبشل]

عصير جنون من مندرين :nice: