ماهو افضل جهاز لاب توب محمول ؟

[ابوحشر]

ابي اجابة من الاخوان انا استخدم توشيبا بس ابي اشتري جديد بس حد يفيدني عن الافضل ؟

[airbus]

ماك بوك برو الافضل

[ماجد]

عندك توشيبا وسوني الافضل بلا منازع

[قطري فلته]

انا عندي ماك برو ١٥ انش

2.2

i7


وحياتك كرهت اسمه ووندز من سنه ٩٧ الي ٢٠١٠ تحسفت من عمري وانا ادخل نظام شبابيك

يكفي 8 ساعات بدون شارج ولا هانك ولا بانج ولا تعليق ولا ابديت ولا فيروس الخ

والي يقولك برامج ما برامج صج ادفع بس اريح وجع راس

تقبل مروري

[المبرمج صلاح]

خذ لك سوني فايو ويكون المعالج core i 5
وان شاء الله بيعجبك

[ابوحشر]

يعطيكم العافية وشاكر مروركم وردكم

[waledrehan]

سوني فايو الافضل

[Qa10]

قبل يمكن في فرق لكن وجهة نظري ان اللابتوبات كلها جيدة عليك بالمواصفات وتوكل على الله

[بازار]

اخوي الكريم

ماك بوك برو i7 شي عجيب والله واذا قدرت على الديسك توب بعد احلى واحلى
صج راح يختلف عليك شوي في الانتقال من ويندوز الى مكنتوش لكن راح الى الافضـل بدون منازع

[ابوالكلام]

ماك بوك برو لا يعلى عليه الاجهزة الثانية تضيع فلوسك على الفاضي انا اتكلم عن تجربة

[نايف1987]

انا يعجبني الاسوس

[رآعي موآجيب]

يعني الماك بوك مافيه لا وندوز ولا حماية ولا يحتاج إلى برامج ؟

[بوجاسم566]

ماك بوك برو لا يعلى عليه الاجهزة الثانية تضيع فلوسك على الفاضي انا اتكلم عن تجربة

والله نفس الكلام

كفـاية البطاريـة انا انسى شيء اسمـة جرج بعض الاحيـان

7 ساعات او اقل بشوي:) ومعالج قوي

نظام ولا اروع :) الماوس عجيب فيه نظام 4 اصابع

انا بيني وبينك ما استخدم البرامج وايـد بالكثير سكاي بي :)

وبرنامج الاذان وتويتر :) يعني يمكن عشان جيه مايعلق عندي

اطلبة من امريكا :) سعرة بحدود الـ 5000 ريال حق 13 انش

او انطر دفعة 2013 :)

واذا مستخصر تدفع مبلغ كبير في لابتوب

انا اجوف الديـل هو الافضل استخدمت حوالي 3 اجهزة ديل

وكل جهاز تم عندي 2 او 3 سنين :) والحين محولهم على اليهال

وشغالين زي الفل والتوشيبا بعد زين جربتة وللحين استخدمة بعض الاوقات

[بوجاسم566]

يعني الماك بوك مافيه لا وندوز ولا حماية ولا يحتاج إلى برامج ؟

جوف الشيخ :) الماك بوك فيه نظام خاص فيـه وقـوي وبرامجة غير

يعني exe ما يشتغل فيه له صيغة خاصة

واجوفـة ما يحتاج برنامج حماية لان الفايروسات اغلبها حق الويندوز

بسبب انتشارة يعني من 100 شخص يستخدم ويندوز شخص يستخدم نظام الابل

لكن اذا تبي تنزل ويندوز عليه بيصير لابتوب عادي حالة من حال اي لابتوب

يعني يصير تخلي نظامين ويندوز وعادي وقت ماتبي ويندوز تفتح ويندوز وقت ماتبي

نظام الابـل تفتح نظام الابـل

[AlWakRa]

أهم شي ، شنو استخداماتك للجهاز وميزانيتك ؟

هاي يحددون الجهاز المناسب لك ، شالفايدة تآخذ جهاز بـ 7 آلاف وإلا 8 آلاف وبالنهاية ما تستفيد من قوته :)

[بـن عدوان]

بشكل عام كل اللابتوبات مثل بعض كمواصفات

لكن كــ نظام

من وجهة نظري لحد الآن الماك يتفوق على الانظمة الأخرى

[بـن عدوان]

أهم شي ، شنو استخداماتك للجهاز وميزانيتك ؟

هاي يحددون الجهاز المناسب لك ، شالفايدة تآخذ جهاز بـ 7 آلاف وإلا 8 آلاف وبالنهاية ما تستفيد من قوته :)

كلامك صحيح ..

للأسف بعض الاشخاص ياخذ أعلى المواصفات ... وهو أساسا مب محتاجها ولا راح يستعملها

حده تصفح وبرامج اوفيس وفوتو شوب

[قرنقووش]

كلامك صحيح ..

للأسف بعض الاشخاص ياخذ أعلى المواصفات ... وهو أساسا مب محتاجها ولا راح يستعملها

حده تصفح وبرامج اوفيس وفوتو شوب
مب كل فوتوشوب عن فوتوشوب يفرق خالي
في ناس تشتغل على ١٠٠٠٠ لير .. ولا صور بحجم ١ قيقا بايت واكثر

-

عموما بالنسبة للوندوز
اقترح عليك ثلاث انواع :
Dell XPS
Lenovo ThinkPad
Sony Vaio

Lenovo ThinkPad بصراحه حق كرف .. طلاب الجامعة من ايام الغوص يستعملونه ولين الحين ماقال شي

اما لو تحب تغير النظام لماكنتوش .. شوف المواصفات اللي تعجبك وحول على الماك بوك .. لو مب مقتنع في نظام ماك نصيحة لا تغير .. بتتحسف
جرب النظام لو عجبك توكل على الله

[AlWakRa]

مب كل فوتوشوب عن فوتوشوب يفرق خالي
في ناس تشتغل على ١٠٠٠٠ لير .. ولا صور بحجم ١ قيقا بايت واكثر

-

عموما بالنسبة للوندوز
اقترح عليك ثلاث انواع :
Dell XPS
Lenovo ThinkPad
Sony Vaio

Lenovo ThinkPad بصراحه حق كرف .. طلاب الجامعة من ايام الغوص يستعملونه ولين الحين ماقال شي

اما لو تحب تغير النظام لماكنتوش .. شوف المواصفات اللي تعجبك وحول على الماك بوك .. لو مب مقتنع في نظام ماك نصيحة لا تغير .. بتتحسف
جرب النظام لو عجبك توكل على الله


صحيح كلامك ، الفوتوشوب يفرق 50 لير عن 1000 لير ، ويفرق من تصميم للكمبيوتر مايعدي الـ 1000 بكسل في 1000 بكسل ، وعن تصميم بـ 300 دي بي آي وصفحة A3 أو أكبر :)
بس أعطيك ضمان إن أي جهاز ببرسسر i5 راح يعطيك أداء ممتاز لحد A1 حتى ويمكن أكبر ، أهم شي الرام يكون 4 وفوق

خلنا نشوف ، حسب خبرتي المتواضعة حيث امتلكت جهازين مكتبي ، و3 أجهزة محمولة ، طبعاً المكتبي ببداية معرفتي للكمبيوتر وكل واحد منهم تم سنين طوال فوق الـ 3 سنين ، وحزتها المواصفات ما تتطور بشكل كبير والأمور سهالات ، الحين مع تطور التكنولوجيا السريع وتطلب البرامج الحديثة إلى موارد أكثر ، فأعتقد إن العمر الافتراضي لأي جهاز سنة للي يستخدم آخر البرامج والألعاب ، 2 إلى 3 سنوات للي استخدامه عادي ، ويمكن يطول أكثر أشوي بعد ، وأما الأجهزة المحمولة خذيت 2 فايو و1 ديل ، واحد منهم تم 4 سنين والديل بعده شغال من 2008 والأخير صارله سنتين حالياً وأفكر أبدله

بالنسبة للأجهزة وأنواعها ، الـ ibm lenovo جهاز للكرف بمعنى الكلمة نفس ما ذكر أخوي قرنقووش ، جهاز الجامعة موجود عندي بس لأهلي وأنا ما خذيت لأني كنت أحتاج مواصفات أكثر من قوة تحمل ، والجهاز كاستحمال ممتاز ، بس الـ xp بطيء ، وحسب واحد من الشباب يقول بعد ويندوز 7 الجهاز صار ما في أحسن منه ، المشكلة الوحيدة هو جهلي بمكان يبيع أجهزة ibm وأنا أقصد فئة الأعمال اللي مثل ما تفضلت فيها Thinkpad وما أقصد الفئات التجارية اللي نحصلها بكارفور واللولو

بعدها ممكن أقول أسوس ، أكثر ما يميز أجهزتهم هي خامة الجهاز تكون من معدن ، وأسعارهم معقولة ، وحتى مواصفات أجهزهم ممتازة ، أخوي عنده واحد والجهاز ما عليه كلام ، بارد وهادي ومافيه مشاكل

السوني ، ممتازيين جداً ، وإذا تبي الصراحة ، أنا خذيت الأولي على 8 آلاف والثاني بنص السعر ، شركة سوني الصراحة تقدم اللي أنا أبيه للأسف فلذلك ما حصلت لي فرصة أغير إلا للديل حيث جاني هدية هههه ، الحلو عندهم إن مواصفات أجهزهم عال العال ، وحالياً عندهم تنوع كبير بالمواصفات والأسعار ، يعيب الفئات اللي أقل من 4 آلاف ريال إن خامة الأجهزة بلاستيك في غالبها ، فلذلك ما تحس إن الجهاز غالي ، بس لما تطلع فوق هالمبلغ بتحصل الخامة الممتازة والمواصفات القوية

الديل ، سلبيتهم الوحيدة البطارية ، ما ادري إذا تعدل بالأجهزة الجديدة


أكتفي بهالأنواع لأنهم الأفضل ، بس حبيت أذكر الأيسر ، عندي جهازين وشغالين تمام ، بس واحد مكان الجارج لين وما يثبت فيه الواير ، والثاني دسكتوب ماذربورده تعباان


النقطة الأخيرة هي الماك ، قبل نزول الويندوز سفن ، كنت بأشجع لهالخطوة وأنا شخصياً كنت أفكر آخذ لي ماك بوك برو ، بس الويندوز 7 غير ، كل مشاكل الفيستا راحت ، والسستم خفيف وسريع وقليل المشاكل ، وفي خبراء أمنيين يقولون إن الويندوز آمن أكثر من الماك ، ما أبي أدخل بكلام تقني ونقاشات ناس لهم خبرة لأني راح أضيع وما بفهم كل اللي بقوله ، بس حسب كلامهم إن الماك مشكلته ما في له فايروسات كثيرة فـ ناحية الأمان مش مهمة جداً عن مبرمجينهم ، ولذلك إذا نزل فايرس له فهو راح يتمكن من النظام بسهولة وراح ينتشر بشكل رهيب ، بس راح يتحركون حزتها لاغلاق الثغرات وتحسين الحماية

في النهاية أي نظام يعتبر آمن إلا إذا كنت تدخل على مواقع مشبوهة أو كثيرة الاعلانات ، أو إذا نزلت مرفقات من ايميلات ما تعرف أصحابها ، اللي يفيد الماك هو إن معظم هالمرفقات مصممه للويندوز فالعالم يحسبونه نظام منيع ضد الفايروسات ، خل يوصل فايرس مخصص للماك ونشوف شاللي يصير بالجهاز :)


إذا الله أحيانا بكره راح أكتب عن طريقة اختيار المواصفات اللي تناسب الاستخدامات المتعددة ، الحين مخي مقفل نوعاً ما


شكراً

[رآعي موآجيب]

جوف الشيخ :) الماك بوك فيه نظام خاص فيـه وقـوي وبرامجة غير

يعني exe ما يشتغل فيه له صيغة خاصة

واجوفـة ما يحتاج برنامج حماية لان الفايروسات اغلبها حق الويندوز

بسبب انتشارة يعني من 100 شخص يستخدم ويندوز شخص يستخدم نظام الابل

لكن اذا تبي تنزل ويندوز عليه بيصير لابتوب عادي حالة من حال اي لابتوب

يعني يصير تخلي نظامين ويندوز وعادي وقت ماتبي ويندوز تفتح ويندوز وقت ماتبي

نظام الابـل تفتح نظام الابـل

اهااااا

فهمت عليك يابو جاسم

بيض الله وجهك ويمدحون الأتش بي ابو حراره الين يخبط وناخذ سوني :victory: