هاي الي صار في الصناعية اليوم

[سعود العمادي]

السلام عليكم

صار معاي موقف الصراحهـ مادري شنو اقول عنه

اليوم العصر ف الصناعيه رحت وكالة الفورد عندي كم شغله هناك المهم

خلصت وطلعت عند الباب والموتر سبورت وماكان في احد وراي

ضغطت ريس اشوي ولا الموتر غبر وحصى لفيت ولا اشوف واحد طلع من الباب

طلع ويهرن وقفت ونزلت الدريشة قلت له شبلاك قاعد يصارخ مادري ع شنو

انت نثرت علي حصى ومادري ايش اقوله انت لاصق فيني مب انا

وقام يصارخ بصوت عالي وايد ويقل ادبه وانا قفلت وشتمته وحركت عنهـ واخذ رقم الموتر

وكان فلسطيني ع ماعتقد

يعني الموضوع مايستاهل كل هاي وانا ماعورت راسي معاه

يعني لهاي الدرجة صار المقيم يتصرف بشكل ان هو ولد البلد

ياسلام والله

ونبي رايكم ف الموضوع

[المسك1969]

عفوا أخوي يعني هذا موضوع الحين؟... سوء تفاهم وصار... شنو تبي يعني نقول انت صح والا هو صح؟

ربي يصلح النفوس إن شاء الله

[SULTAN1]

ما صار الا كل خير ، انتظر وشوف أخرتها

[qatara]

اخي الخطاء وراد من اي انسان

ولاهو عيب يعتذر سوا اجنبي او قطري

ولو رجعت له بكلمتين طيبين صدقني راح يتغير الموقف

وترى ما يقوى على الاعتذار الا القوي ولا الضعيف يكابر

لو رجعت له وتاكدت الخطاء من من فيكم

[سعود العمادي]

عفوا أخوي يعني هذا موضوع الحين؟... سوء تفاهم وصار... شنو تبي يعني نقول انت صح والا هو صح؟

ربي يصلح النفوس إن شاء الله

انا ماتكلم عن انا صح او انا غلط ولا هو

اتكلم عن الموضوع بشكل عام ان المقيم مايحترم اهل البلد كلش

هاي المقصد

[سعود العمادي]

اخي الخطاء وراد من اي انسان

ولاهو عيب يعتذر سوا اجنبي او قطري

ولو رجعت له بكلمتين طيبين صدقني راح يتغير الموقف

وترى ما يقوى على الاعتذار الا القوي ولا الضعيف يكابر

الشيخ مب سالفه اعتذار بالعكس الموضوع مب متعمد الموتر سبورت وريس واحد وصار الي صار

والحبيب جاني يعصب ويقل ادبه يعني مادري اشلون اقوله

عصبت وصار الي صار

[HelperIT]

و بكل فخر تقول انك شتمته ؟
مغبر على الرجال و بدل الي سويته كنت تقدر تعتذر له،، بس باين عليك عنصري : ) و انا ادري لو الطرف الثاني كان قطري ماكنت بتعامل معاه بالمثل...
على العموم الله يهديك او ن شاءالله ترجع لوعيك قريب و تترك عنك العنصريه ( من تواضع لله رفعه، و انت عند ربك ماتفرق عن الاجنبي بشي)

[SULTAN1]

طالع عمرك المواطن والمقيم لهم نفس الحقوق وعليهم نفس الواجبات امام القانون ،وهذا فضل من الله ما تلقاه في كثير من البلدان

[Mohammad ALG]

المقيم ما يحترم اهل البلد كلش ؟!!؟ ليش تعمم ظلمنتي جي ـ؛؛ والله احترم اهل البلد !

وبعدين ترى مو صعبة اذا غبرت عالرجال تقوله آسف ما شفتك بغض النظر فلسطيني ولا غيره

[سعود العمادي]

و بكل فخر تقول انك شتمته ؟
مغبر على الرجال و بدل الي سويته كنت تقدر تعتذر له،، بس باين عليك عنصري : ) و انا ادري لو الطرف الثاني كان قطري ماكنت بتعامل معاه بالمثل...
على العموم الله يهديك او ن شاءالله ترجع لوعيك قريب و تترك عنك العنصريه ( من تواضع لله رفعه، و انت عند ربك ماتفرق عن الاجنبي بشي)

مب كل فخر لان هو قل ادبه

والموضوع مب عنصري انا او شي بالعكس ف الشغل اشتغل مع جنسيات وايد اردني مصري سوري لبناني واخوان والحمدالله كلنا مسلمين

لو القطري ع قولتك بيجي بيتكلم بهدوء وبيقول الشيخ شبلاك غبرت علي وتقوله السبب

لكن الاخ جاني معصب ويقل ادبه واسكت ؟؟ اشلون هاي الكلام

ويايي تتكلم ان عنصري ومادري ايش

[سعود العمادي]

المقيم ما يحترم اهل البلد كلش ؟!!؟ ليش تعمم ظلمنتي جي ـ؛؛ والله احترم اهل البلد !

وبعدين ترى مو صعبة اذا غبرت عالرجال تقوله آسف ما شفتك بغض النظر فلسطيني ولا غيره

ع عيني وراسي ياخوي ماتكلم بصفة الجمع في البعض مايحترم

ويوم غبرت محد كان وراي اساسا بعد ماطلعت هو طلع

والموتر سبورت مثل ماذكرت

وكتبت ف الرد السابق لو جاني بهدوء طبعا بعتذر

لكن جاني بكل عصبيه وقلة ادب

الله يهدي الجميع

[خليفـة]

اخوي بوعزوز
بقول لك رايي وبصراحة بس اتمنى ما تزعل
:)

انت الغلطان
لو انك من بداية الأمر اعتذرت له وقلت له :
اسمح لي اخوي ما كنت ادري انك وراي
كان انتهى الموضوع على خير

اما انك ترادده وانت غلطان ( حتى لو بدون قصد ) وتتسبه او تشتمه .. اسمح لي اقول لك مالك حق ابداً

وبعدين اخوي مسألة انه فلسطيني او اردني او سوداني .. هذا الكلام ماله داعي
اترك عنك العنصرية

لان الشارع طال عمرك ليس ملك لأحد

ومسألة ان المقيم صار يرادد القطري في بلاده
انا اشوف ان المقيم من حقه يرادد طالما انه انظلم وتم التعدي عليه وعلى كرامته
ولا انت تبي تدوس على كرامة المقيمين وتنتهك حقوقهم
ويتمون ساكتين لك !!

احب اذكرك يالغالي بقول امير المؤمنين عمر بن الخطاب رضي الله عنه :
متى استعبدتم الناس وقد ولدتهم امهاتهم احراراً !

اما بالنسبة لمسألة انه أخذ رقم سيارتك .. فيؤسفني اقول لك :
بتروح عليك وبقوه لو راح وتقدم بشكوى عليك في مركز الشرطة .. والتهمة الي بتكون عليك : السب والتلفظ بألفاظ بذيئة حسب ما ذكرت انت بنفسك في مشاركتك اخوي .
ولكن .. لو انت طلعت مب قد تصرفك ونكرت انك سبيت .. اطمنك في هالحال ماراح يكون عليك شيء قانونياً .. وبتسقط التهمة منك .. وانت بتسقط من عين الأخ الفلسطيني ومن عين نفسك .. لأانك نكرت كلام انت تدري انك قلته .

اتمنى ان ردي ما يضايقك بشي
ولكن ابوي الله يطول عمره .. علمني ورباني ان كلمة الحق اقولها
حتى لو كانت في وجه سلطان جائر

:)

اخوك / خليفــة

[HelperIT]

مب كل فخر لان هو قل ادبه

والموضوع مب عنصري انا او شي بالعكس ف الشغل اشتغل مع جنسيات وايد اردني مصري سوري لبناني واخوان والحمدالله كلنا مسلمين

لو القطري ع قولتك بيجي بيتكلم بهدوء وبيقول الشيخ شبلاك غبرت علي وتقوله السبب

لكن الاخ جاني معصب ويقل ادبه واسكت ؟؟ اشلون هاي الكلام

ويايي تتكلم ان عنصري ومادري ايش

هاي لو افترضنا انه جاك و هو يقل ادبه، فالسكوت عن السفيه جواب له، اما اني ارد الغلط بالمثل فهاي خطأ ، بعدين خلك واقعي مع نفسك ، مغبر ع الريال "غبار و حصى بعد" و منتظره يبتسم لك !؟ اكيد بيكون منفعل و هني بما انك تعرف خطاك المفروض تكون حكيم و تعتذر له بدل ماتكابر ع الغلط و بجذي انت بتكسب احترام الشخص و بتحرجه و بتاخذ حسنات ،،

[سعود العمادي]

اخوي بوعزوز
بقول لك رايي وبصراحة بس اتمنى ما تزعل
:)

انت الغلطان
لو انك من بداية الأمر اعتذرت له وقلت له :
اسمح لي اخوي ما كنت ادري انك وراي
كان انتهى الموضوع على خير

اما انك ترادده وانت غلطان ( حتى لو بدون قصد ) وتتسبه او تشتمه .. اسمح لي اقول لك مالك حق ابداً

وبعدين اخوي مسألة انه فلسطيني او اردني او سوداني .. هذا الكلام ماله داعي
اترك عنك العنصرية

لان الشارع طال عمرك ليس ملك لأحد

ومسألة ان المقيم صار يرادد القطري في بلاده
انا اشوف ان المقيم من حقه يرادد طالما انه انظلم وتم التعدي عليه وعلى كرامته
ولا انت تبي تدوس على كرامة المقيمين وتنتهك حقوقهم
ويتمون ساكتين لك !!

احب اذكرك يالغالي بقول امير المؤمنين عمر بن الخطاب رضي الله عنه :
متى استعبدتم الناس وقد ولدتهم امهاتهم احراراً !

اما بالنسبة لمسألة انه أخذ رقم سيارتك .. فيؤسفني اقول لك :
بتروح عليك وبقوه لو راح وتقدم بشكوى عليك في مركز الشرطة .. والتهمة الي بتكون عليك : السب والتلفظ بألفاظ بذيئة حسب ما ذكرت انت بنفسك في مشاركتك اخوي .
ولكن .. لو انت طلعت مب قد تصرفك ونكرت انك سبيت .. اطمنك في هالحال ماراح يكون عليك شيء قانونياً .. وبتسقط التهمة منك .. وانت بتسقط من عين الأخ الفلسطيني ومن عين نفسك .. لأانك نكرت كلام انت تدري انك قلته .

اتمنى ان ردي ما يضايقك بشي
ولكن ابوي الله يطول عمره .. علمني ورباني ان كلمة الحق اقولها
حتى لو كانت في وجه سلطان جائر

:)

اخوك / خليفــة

كلامك ع عيني وراسي ياخوي خليفه وانا كتبت فوق لو جاني برد هدوء وعادي

جان اعتذرت له وانتهى الموضوع لكن يوم صار الموقف ماكان في احد وراي اساسا يعني

لو في احد جان مازدت الريس وتميت امشي اشوي اشوي عشان بس اطلع من البوابهـ

وبالعكس مانكر ان والله صار شتم

لكن مثل ماقلت هو ف البدايه قل ادبه وصارخ وانا ماشتمت في البداية الا لما هو بده يغلط علي ويصارخ

[::محمد::]

عذراً أخوي .. لكن في شغله حاب أفهمها ..
إنت تقول المقيم ما يحترم أهل البلد .. هل المقصود فيها .. إنك تنثر عليه حصى وغبار ( حتى لو مو قاصد ) وهو يسكت مثلاً .. ؟
تخيل هذا وهو الرجال جا يصارخ عليك إنت شتمته وسكرت الدريشة ورحت ..
إيش راح تسوي فيه لو نثر على السبورت والكوبرا أو الترمبه :) حصى .. إيش راح تكون ردة فعلك .. ؟
أصلاً على فكرة .. إنت مجبور إنك تطيب خاطره ولو بكلمة وحدة(بحكم إنك إنسان حاذق) .. لأن الإعتذار ما انوجد إلا عشان نراضي أشخاص غلطنا عليهم ( بدون قصد )
ولا أصلاً لو إنك قاصد .. ماله حاجة تعتذر له لأن لك غرض في فعلتك..
عموماً حصل خير .. ولو شفت إن المركز استدعوك حاول تتصرف بهدوء عشان ما تدخل نفسك في موضوع ولو كان لك الحق .. مسألة روحة الأقسام ينحسب لها ألف حساب .. خاصة إذا كان الشخص مش مجبور أو موضوع ما يستاهل .. لكن لو فيها حق فوقتها نقول لا حول ولا قوة إلا بالله حسبنا الله ونعم الوكيل والواحد يدور على حقه المسلوب ..
وتأكد باسمي وباسم كل مقيم في قطر نحن في إحترام متبادل بين بعضنا البعض كمقيمين وبين الإخوان القطريين .. إحنا ربينا في قطر وعشنا في قطر وأهم أحداث حياتنا من تعليم و و و و كلها في قطر.. وأغلب أصحابنا قطريين وتعاملاتنا مع قطريين ويمكن البعض ناسب قطريين .. فإحنا ما نعرف غيرها بلد .. وولائنا بالدرجة الأولى لقطر ..
والله الموفق ..

[@north_star@]

مثل ما قالوا أغلب الاخوان انت الغلطان اخوي وحلها كان بسيط مجرد اعتذار بسيط وبتنحل الامور ....
وشي طبيعي اذا غبرت على أي حد بيعصب سواء قطري والا فلسطينى والا هندي ....وان شاء الله ما صار الا الخير

[سعود العمادي]

هاي لو افترضنا انه جاك و هو يقل ادبه، فالسكوت عن السفيه جواب له، اما اني ارد الغلط بالمثل فهاي خطأ ، بعدين خلك واقعي مع نفسك ، مغبر ع الريال "غبار و حصى بعد" و منتظره يبتسم لك !؟ اكيد بيكون منفعل و هني بما انك تعرف خطاك المفروض تكون حكيم و تعتذر له بدل ماتكابر ع الغلط و بجذي انت بتكسب احترام الشخص و بتحرجه و بتاخذ حسنات ،،

ياخوي انا يوم طالع عند الباب محد وراي نهائيا مادري من وين طلع

لو حد وراي بتم امشي اشوي اشوي لين مامطلع البوابه

لكن ضغطت ريس وتميت امشي اشوي اشوي وهو جي وقفني ويصارخ ويقل ادبه

وكان بينزل من الموتر بس عشان بالغلط ان غبرت ومب قاصد

[سعود العمادي]

بو عزوز وانا اخوك احنا اقليه في بلادنا هم اكثر منا في كل مكان تحصلهم ....... وانا اسوق تجيني حاله غريبه
اوقف على جنب واطلع بوكي واشوف بطاقتي الشخصيه اني قطري اقول الحمدالله
يعني زين انها جات على هالشي والامر بسيط ترا قحصت عليه ولا نثرت عليه غبار بس هو في نظره هالشي كبير
لانه مب متعود ولد البلد يرفع راسه ولا يشتمه ولا يعصب عليه لانه هو معتبر انه البلد بلده مش بلدك
وانت في نظرهم انسان عايش من اجل البقاء فقط تاكل وترقد وتهذر في المجالس يعني شخص غير منتج
ويقول لو ينجلعون برا قطر وتفضى الديره لنا بيكون اخير واحسن
وبعدين انت جاي تقول مشكلتك في منتدى الاغلبيه مقيمين ونسبه بسيطه هم قطريين وان كان يحمل اسم الاسهم القطريه
وانا على يقين واثق كل الثقه من كلامي هذا ولو اي مشرف من المشرفين يتفضل ويسوي احصائيه بالمواطن والمقيم راح يتاكد من كلامي هذا
الشاهد في الموضوع سواء انت على حق ولا على باطل هم مايرضون تجيب سيره مقيم في هذا المكان لانك بتكون عنصري وانسان بلارحمه وانسان جاحد بنعمه مع الاسف الشديد
حاسين بمشكلتك وعارفين انه هو الغلطان مش انت المفروض هو يراعي انه الارض حشر وحصى وانك ماقصدته
ويكون صدره وسيع على ولد البلد مب يرفع صوته ويغلط
تحايتي لك ولكل الشعب القطري الكريم :)

الله كريم ياخوي

والله يهدي الجميع ان شاء الله

[سعود العمادي]

عذراً أخوي .. لكن في شغله حاب أفهمها ..
إنت تقول المقيم ما يحترم أهل البلد .. هل المقصود فيها .. إنك تنثر عليه حصى وغبار ( حتى لو مو قاصد ) وهو يسكت مثلاً .. ؟
تخيل هذا وهو الرجال جا يصارخ عليك إنت شتمته وسكرت الدريشة ورحت ..
إيش راح تسوي فيه لو نثر على السبورت والكوبرا أو الترمبه :) حصى .. إيش راح تكون ردة فعلك .. ؟
أصلاً على فكرة .. إنت مجبور إنك تطيب خاطره ولو بكلمة وحدة(بحكم إنك إنسان حاذق) .. لأن الإعتذار ما انوجد إلا عشان نراضي أشخاص غلطنا عليهم ( بدون قصد )
ولا أصلاً لو إنك قاصد .. ماله حاجة تعتذر له لأن لك غرض في فعلتك..
عموماً حصل خير .. ولو شفت إن المركز استدعوك حاول تتصرف بهدوء عشان ما تدخل نفسك في موضوع ولو كان لك الحق .. مسألة روحة الأقسام ينحسب لها ألف حساب .. خاصة إذا كان الشخص مش مجبور أو موضوع ما يستاهل .. لكن لو فيها حق فوقتها نقول لا حول ولا قوة إلا بالله حسبنا الله ونعم الوكيل والواحد يدور على حقه المسلوب ..
وتأكد باسمي وباسم كل مقيم في قطر نحن في إحترام متبادل بين بعضنا البعض كمقيمين وبين الإخوان القطريين .. إحنا ربينا في قطر وعشنا في قطر وأهم أحداث حياتنا من تعليم و و و و كلها في قطر.. وأغلب أصحابنا قطريين وتعاملاتنا مع قطريين ويمكن البعض ناسب قطريين .. فإحنا ما نعرف غيرها بلد .. وولائنا بالدرجة الأولى لقطر ..
والله الموفق ..

اخوي محمد انا كتبت ف الردود الباقيه

وارد اكتب لك لو جاني برد هادي وسالني ايش سبب الغبار هاي وتقوله الموضوع وتعتذر لكن جاني يقل ادبه ويصارخ لا هاي غلط ف حقي انا

[الرايــق]

نزل من مستواك شوي بارك الله فيك واعتذرله دام انك غبرت عليه ..

مب تقول شتمته وحركت !!

القانون على الجميع فديت خشمك :)

[سعود العمادي]

نزل من مستواك شوي بارك الله فيك واعتذرله دام انك غبرت عليه ..

مب تقول شتمته وحركت !!

القانون على الجميع فديت خشمك :)

اي مستوى ياخوي انا ماعندي فرق بين هندي ايراني فلسطيني سوري وفي الدوام معاي كل هاي الجنسيات

ولما شتمت هو الي بده بقلة الادب والصراخ

[::محمد::]

اخوي محمد انا كتبت ف الردود الباقيه

وارد اكتب لك لو جاني برد هادي وسالني ايش سبب الغبار هاي وتقوله الموضوع وتعتذر لكن جاني يقل ادبه ويصارخ لا هاي غلط ف حقي انا
مرحبا بو عزوز ..
فاهم عليك .. لكن شوف .. إحنا هنا بالدرجة الأولى .. نحاول نساعدك إنت .. ما نساعده هو .. لأن بالأخير إنت شرحت الموضوع من وجهة نظر حيادية ..
أوكي ممكن إنت الحين تشوف نفسك "سوبر كنج" لأن الرجال عطاك واحد إنت عطيته خمسه .. لكن قلت لك كإنسان فهيم .. حاول دائماً تكون بالسيف سايد .. هذا ما يعني الخوف .. لا .. بس يعني إنك إنسان تقدر نفسك وتقدر وقتك وتقدر كل شي ..
طيب تعرف الحين إنك لو كنت قلت له الله يهديك يا خوي .. ورحت القسم كان ممكن توديه فـي 60 داهيه .. وعلى قولة أخوي اللي قبلي .. إما تبهذله بالمراكز .. وإما تخليه ينكر ويحتقر نفسه وإنت أيضاً تحتقره ..
وبنفس الوقت الرجال إيش سوى .. راح واخذ رقمك واشتكى عليك وفي كلا الحالتين سواء تعترف أو تنكر .. إنت راح تدخل في معضلة ..
صدقني والله بالرغم إني مقيم ولكن ما عمري نظرت لشخص قطري نظره زايدة أو ناقصة .. وعلى قولة المثل "الزايد أخو الناقص" .. نحترمكم ونقدركم .. وأنا أدرس في دولة عربية ومع إحترامي لشعبها لكن والله ما تطيب النفس ولا ترتاح إلا بأرض قطر وبعشرة القطري وأحسب نفسي ابن من أبناء البلد ولكن لا أتذكر أني غريب دار إلا بقراءة مثل هذه المواضيع ..و لا نزكيكم على الله ..
فيك الخير والبركة .. ومسألة كتابتك للموضوع دليل إنك إنسان مهتم .. وربي يفرجها عليك وتعدي على خير ..
الله يحفظك ..

[الرايــق]

اي مستوى ياخوي انا ماعندي فرق بين هندي ايراني فلسطيني سوري وفي الدوام معاي كل هاي الجنسيات

ولما شتمت هو الي بده بقلة الادب والصراخ

لكنك غلطت بالبداية (ولو بدون قصد)
لا تتوقع ان يجيك مبتسم وانت مغبر عليه
ما فيها شي لو قلتلو السموحة ما انتبهت لك .. وقتها هو بينحرج من نفسه

والله يتجاوز عنا وعنكم ان شاء الله

:)

[الرايــق]

مرحبا بو عزوز ..
فاهم عليك .. لكن شوف .. إحنا هنا بالدرجة الأولى .. نحاول نساعدك إنت .. ما نساعده هو .. لأن بالأخير إنت شرحت الموضوع من وجهة نظر حيادية ..
أوكي ممكن إنت الحين تشوف نفسك "سوبر كنج" لأن الرجال عطاك واحد إنت عطيته خمسه .. لكن قلت لك كإنسان فهيم .. حاول دائماً تكون بالسيف سايد .. هذا ما يعني الخوف .. لا .. بس يعني إنك إنسان تقدر نفسك وتقدر وقتك وتقدر كل شي ..
طيب تعرف الحين إنك لو كنت قلت له الله يهديك يا خوي .. ورحت القسم كان ممكن توديه فـي 60 داهيه .. وعلى قولة أخوي اللي قبلي .. إما تبهذله بالمراكز .. وإما تخليه ينكر ويحتقر نفسه وإنت أيضاً تحتقره ..
وبنفس الوقت الرجال إيش سوى .. راح واخذ رقمك واشتكى عليك وفي كلا الحالتين سواء تعترف أو تنكر .. إنت راح تدخل في معضلة ..
صدقني والله بالرغم إني مقيم ولكن ما عمري نظرت لشخص قطري نظره زايدة أو ناقصة .. وعلى قولة المثل "الزايد أخو الناقص" .. نحترمكم ونقدركم .. وأنا أدرس في دولة عربية ومع إحترامي لشعبها لكن والله ما تطيب النفس ولا ترتاح إلا بأرض قطر وبعشرة القطري وأحسب نفسي ابن من أبناء البلد ولكن لا أتذكر أني غريب دار إلا بقراءة مثل هذه المواضيع ..و لا نزكيكم على الله ..
فيك الخير والبركة .. ومسألة كتابتك للموضوع دليل إنك إنسان مهتم .. وربي يفرجها عليك وتعدي على خير ..
الله يحفظك ..


+1

:)

[Bozizoo]

يعني كل هذا و ماصار شي اخوي
الله يهديك بس
غبرت عليه و صفقت سيارته بالحصى ولا تبيه يزعل و يتضايق
بدال ماتنزل وتعتذر منه و تحاول تهديه
رحت سبيته و تنرفزت عليه
الله يهديك bu-azooz

[بوطويشم]

السلام عليكم

كان خذت رقم موتره وفتكيت

وقوله الوعد امن العاصمة و انتهى الموضوع لا تحرق اعصابك ولا شي

[ابو مشعل]

شلون تقول لو( جاني بهدوء) ؟
ليش يجيك؟ .. انت الغلطان ولا هو ؟ ( سواء بقصد او من غير قصد )
انت المفروض تنزل وتعتذر منه.. مب قاعد تنطر ردة فعله ..
لا وتقيمها !

[سعود العمادي]

مرحبا بو عزوز ..
فاهم عليك .. لكن شوف .. إحنا هنا بالدرجة الأولى .. نحاول نساعدك إنت .. ما نساعده هو .. لأن بالأخير إنت شرحت الموضوع من وجهة نظر حيادية ..
أوكي ممكن إنت الحين تشوف نفسك "سوبر كنج" لأن الرجال عطاك واحد إنت عطيته خمسه .. لكن قلت لك كإنسان فهيم .. حاول دائماً تكون بالسيف سايد .. هذا ما يعني الخوف .. لا .. بس يعني إنك إنسان تقدر نفسك وتقدر وقتك وتقدر كل شي ..
طيب تعرف الحين إنك لو كنت قلت له الله يهديك يا خوي .. ورحت القسم كان ممكن توديه فـي 60 داهيه .. وعلى قولة أخوي اللي قبلي .. إما تبهذله بالمراكز .. وإما تخليه ينكر ويحتقر نفسه وإنت أيضاً تحتقره ..
وبنفس الوقت الرجال إيش سوى .. راح واخذ رقمك واشتكى عليك وفي كلا الحالتين سواء تعترف أو تنكر .. إنت راح تدخل في معضلة ..
صدقني والله بالرغم إني مقيم ولكن ما عمري نظرت لشخص قطري نظره زايدة أو ناقصة .. وعلى قولة المثل "الزايد أخو الناقص" .. نحترمكم ونقدركم .. وأنا أدرس في دولة عربية ومع إحترامي لشعبها لكن والله ما تطيب النفس ولا ترتاح إلا بأرض قطر وبعشرة القطري وأحسب نفسي ابن من أبناء البلد ولكن لا أتذكر أني غريب دار إلا بقراءة مثل هذه المواضيع ..و لا نزكيكم على الله ..
فيك الخير والبركة .. ومسألة كتابتك للموضوع دليل إنك إنسان مهتم .. وربي يفرجها عليك وتعدي على خير ..
الله يحفظك ..

طبعا ياخوي كلامك ماختلف معاك كان بمكاني اشتكي عليه والي اخرهـ لكن ماعندي هاي الخرابيط كلها تعال اشتك

وسالفة مهتم في الموضوع طبعا بهتم ف الموضوع لان الموضوع كله مايستاهل الي هو سواه الرجال

والله يهدي الجميع ان شاء الله

[خوي الدرب]

خارج سياق الحادثة
النبرة العنصرية هنا ليست من ثقافتنا !!!

[سعود العمادي]

يعني كل هذا و ماصار شي اخوي
الله يهديك بس
غبرت عليه و صفقت سيارته بالحصى ولا تبيه يزعل و يتضايق
بدال ماتنزل وتعتذر منه و تحاول تهديه
رحت سبيته و تنرفزت عليه
الله يهديك bu-azooz

ياخوي جاي يغلط علي ويصارخ وتبيني اعتذر وهو غلط علي اشلون

حط نفسك مكاني واحد سبك ؟؟ اشلون ؟؟موقفك

والموضوع مب قصد لان اساسا مكان احد وراي

[سعود العمادي]

السلام عليكم

كان خذت رقم موتره وفتكيت

وقوله الوعد امن العاصمة و انتهى الموضوع لا تحرق اعصابك ولا شي

خذيت رقم الموتر لكن مابي اعور راسي الصراحهـ

[làst çhàncè]

بذمتك هذا موضوع , أشغلت العالم ياشششيخ

[سعود العمادي]

شلون تقول لو( جاني بهدوء) ؟
ليش يجيك؟ .. انت الغلطان ولا هو ؟ ( سواء بقصد او من غير قصد )
انت المفروض تنزل وتعتذر منه.. مب قاعد تنطر ردة فعله ..
لا وتقيمها !

ياخوي بو مشعل افهم الموضوع هو جاني مسرع مادري شالموضوع

يقولي بصارخ وقلة ادب وتبيني اسكت؟؟ حط نفسك مكاني

لو متكلم بهدوء اوك بنقوله ماندري ولا شفناك

لكن بهاي الطريقة

[سعود العمادي]

خارج سياق الحادثة
النبرة العنصرية هنا ليست من ثقافتنا !!!

الموضوع مافي عنصريه

مشكلة الناس الي تفكر عكس كل شي

[سعود العمادي]

بذمتك هذا موضوع , أشغلت العالم ياشششيخ

ردك لاتعيق عليه الصراحهـ

[خليفـة]

يا جماعة الخير صلو على النبي
اخونا بوعزوز ان شاء الله عرف غلطته
والشيطان ما مات
بو عزوز .. وسع خاطرك ياخوي
وان شاء الله انها مجرد زلة وعدت على خير

خليفــة

[سعود العمادي]

يا جماعة الخير صلو على النبي
اخونا بوعزوز ان شاء الله عرف غلطته
والشيطان ما مات
بو عزوز .. وسع خاطرك ياخوي
وان شاء الله انها مجرد زلة وعدت على خير

خليفــة

اخوي خليفه ترى الموضوع عادي بالنسبة لي

لو ابي اسوي مشكلة جان وديت رقمه المركز والي اخره

لكن ماعندي هاي السوالف والخرابيط تعال مركز واشتك

هو صارخ وغلط علي وقل ادبه وانا قلة ادبي عليه وحركت عنه لان مب فاضي مشاكل ولا عوار راس

والشباب بعضهم كتبوا ردود بدون مايشوفون الردود الباقيه الي كتب عنصريه والي كتب مادري ايش

الله يهديي الجميع ان شاء الله

وكلنا مسلمين واخوان وكلنا ابن ادم

وحطيت الموضوع فقط للمناقشه والراي مب للعنصرية ومادري ايش

[أين الحل ؟]

طالع عمرك المواطن والمقيم لهم نفس الحقوق وعليهم نفس الواجبات امام القانون ،وهذا فضل من الله ما تلقاه في كثير من البلدان

من قالك المواطن والمقيم لهم نفس الحقوق والواجبات في البلد راجع معلومات وسأل يا طويل العمر ,حتى في الحقوق يبون يساوون المقيم بالقطري ما نقص بعد الى يعطونه أرض وغرض .

[بوطويشم]

الي مافهم الموضوع

قصده انه قبل الي فيه خير يرفع صوته على القطري اما الحين فصار شي عادي

لو ناخذ لفه على منطقة الخليج بتعرفون اذا المقيمين كفو يعلون صوتهم

وعشان بعد محد يقول اني عنصري المقيمين نفسهم بينهم تفرقه وكل واحد يشوف نفسه على الثاني

مسكين يالقطري في كل شي مظلوم

فالدوام ماتشتغل

فالشارع شايف نفسك

بتبدي رايك في موضوع قالو مايفهم

تذكر موقف حصل يوقفون ضدك على طول

مسكين يا القطري

[سعود العمادي]

الي مافهم الموضوع

قصده انه قبل الي فيه خير يرفع صوته على القطري اما الحين فصار شي عادي

لو ناخذ لفه على منطقة الخليج بتعرفون اذا المقيمين كفو يعلون صوتهم

وعشان بعد محد يقول اني عنصري المقيمين نفسهم بينهم تفرقه وكل واحد يشوف نفسه على الثاني

مسكين يالقطري في كل شي مظلوم

فالدوام ماتشتغل

فالشارع شايف نفسك

بتبدي رايك في موضوع قالو مايفهم

تذكر موقف حصل يوقفون ضدك على طول

مسكين يا القطري

:nice:

[سعود العمادي]

من قالك المواطن والمقيم لهم نفس الحقوق والواجبات في البلد راجع معلومات وسأل يا طويل العمر ,حتى في الحقوق يبون يساوون المقيم بالقطري ما نقص بعد الى يعطونه أرض وغرض .

:nice:

[::محمد::]

لو ناخذ لفه على منطقة الخليج بتعرفون اذا المقيمين كفو يعلون صوتهم


هل يعني هذا إن تصرفهم صحيح؟
متى استعبدتم الناس وقد ولدتهم أمهاتهم أحراراً ..
إذا كان المقيم في بقية الدول مسلوب حقه .. فارفع رأسك يا قطري .. بلادك بلاد الحق والخير والنعمة ..
بدل اللطم على الخدود وترديد الآهات والحسرات .. هذا أسلوب لا يلق حقيقة ..
اعذرني لكن فعلاً هذا الموضوع يكشف أن الكثير عنصريين ..
وأن لدى البعض رغبة أن يُعامل المقيم في قطر كما يُعامل البنغالي في السعودية ..
الحمدلله رب العالمين .. الحمدلله رب العالمين .. الحمدلله رب العالمين .. أن الرزق من الله .. وأن العدل من الله .. وأن الخير من الله .. وأن العِزّة بالله .. وليست بيد أحد .. وأننا لم نستشعر يوماً ظلماً أو إهانة على مدى 50 عاماً وأكثر في قطر ..
اللهم اجعل هذا البلد آمنا مطمئناً وسائر بلاد المسلمين ..

[خليفـة]

من قالك المواطن والمقيم لهم نفس الحقوق والواجبات في البلد راجع معلومات وسأل يا طويل العمر ,حتى في الحقوق يبون يساوون المقيم بالقطري ما نقص بعد الى يعطونه أرض وغرض .

الغالي
قبل لا تقتبس من كلامي .. تأكد وافهم شنو مقصدي بالأول
الحقوق والواجبات الي انا قصدتها مب الأرض والقرض وبنك التنمية والعلاج والتعليم المجاني
الخ الخ

الي قصدته فديتك :

حق العَيش بكرامة وواجب احترام الآخرين

اذا انت داش تتصيد .. ترى كلش مالي مزاج ارادد أحد

:)
خليفــة

[سعود العمادي]

اخواني ترى الموضوع قلبتوه عنصريه وطلعتوا عن صياغ الموضوع الصراحهـ

الي عنده موضوع يكتبه بنفسه لان طلعتوا برع الموضوع

[بوطويشم]

هل يعني هذا إن تصرفهم صحيح؟
متى استعبدتم الناس وقد ولدتهم أمهاتهم أحراراً ..
إذا كان المقيم في بقية الدول مسلوب حقه .. فارفع رأسك يا قطري .. بلادك بلاد الحق والخير والنعمة ..
بدل اللطم على الخدود وترديد الآهات والحسرات .. هذا أسلوب لا يلق حقيقة ..
اعذرني لكن فعلاً هذا الموضوع يكشف أن الكثير عنصريين ..
وأن لدى البعض رغبة أن يُعامل المقيم في قطر كما يُعامل البنغالي في السعودية ..
الحمدلله رب العالمين .. الحمدلله رب العالمين .. الحمدلله رب العالمين .. أن الرزق من الله .. وأن العدل من الله .. وأن الخير من الله .. وأن العِزّة بالله .. وليست بيد أحد .. وأننا لم نستشعر يوماً ظلماً أو إهانة على مدى 50 عاماً وأكثر في قطر ..
اللهم اجعل هذا البلد آمنا مطمئناً وسائر بلاد المسلمين ..

مادري متى بتفهمون

اقصد على الأقل احترام المواطن مثل ماشفت موقف اخونا الكريم المقيم جاه بالصوت لان عارف ان القطري طيب وبيسكت

لكن لوجاه بسلوب مثل يقوله شوي شوي ويوضح له الموقف كان انتهى الموضوع و الكل راضي

فهمت الي اقصده الحين

اما اذا عن العنصريه

فمحد سبب العنصرية غير شاكلتهم تجيه رافع خشمك ومكشر يحسب لك الف حساب ام اذا جيته بوجه طيب يتم ينابح

عرفت الحين ياصاحب الحق

[سعود العمادي]

مادري متى بتفهمون

اقصد على الأقل احترام المواطن مثل ماشفت موقف اخونا الكريم المقيم جاه بالصوت لان عارف ان القطري طيب وبيسكت

لكن لوجاه بسلوب مثل يقوله شوي شوي ويوضح له الموقف كان انتهى الموضوع و الكل راضي

فهمت الي اقصده الحين

اما اذا عن العنصريه

فمحد سبب العنصرية غير شاكلتهم تجيه رافع خشمك ومكشر يحسب لك الف حساب ام اذا جيته بوجه طيب يتم ينابح

عرفت الحين ياصاحب الحق


:):):):):)

[ابن الجزيرة]

السلام عليكم

صار معاي موقف الصراحهـ مادري شنو اقول عنه

اليوم العصر ف الصناعيه رحت وكالة الفورد عندي كم شغله هناك المهم

خلصت وطلعت عند الباب والموتر سبورت وماكان في احد وراي

ضغطت ريس اشوي ولا الموتر غبر وحصى لفيت ولا اشوف واحد طلع من الباب

طلع ويهرن وقفت ونزلت الدريشة قلت له شبلاك قاعد يصارخ مادري ع شنو

انت نثرت علي حصى ومادري ايش اقوله انت لاصق فيني مب انا

وقام يصارخ بصوت عالي وايد ويقل ادبه وانا قفلت وشتمته وحركت عنهـ واخذ رقم الموتر

وكان فلسطيني ع ماعتقد

يعني الموضوع مايستاهل كل هاي وانا ماعورت راسي معاه

يعني لهاي الدرجة صار المقيم يتصرف بشكل ان هو ولد البلد

ياسلام والله

ونبي رايكم ف الموضوع


كيف قل ادبه؟؟هل شتم مثلا؟؟

[سعود العمادي]

كيف قل ادبه؟؟هل شتم مثلا؟؟

اخوي انا كتبت في الردود

[ابن الجزيرة]

اخوي انا كتبت في الردود

على كل حال اخي الكريم

تخيل هذا الموقف حصل لك شخصيا...يعني انك كنت في بلد اجنبي ..الاردن مثلا..ورجع الى الخلف السائق الاردني وغبرك..ووسخ"كشختك"..وانت ذاهب الى اجتماع او لقاء او غيره

ماهو موقفك وردة فعلك الاولوية؟؟

[سعود العمادي]

رجع علي للخلف؟ هاي معناته قاصد؟

شكلك مب فاهم الموضوع اعيده لك بطريقة ثانيهـ

اولا انا كنت واقف عند بوابة الخروج ومافي سياره وراي وزدت الريس والموتر سبورت وغبر ويوم طلعت ع الشارع شفت واحد طالع من البوابة؟ يعني عقب ماطلعت انا ع الشارع هو طلع بعد فترهـ

وجاني مسرع وقفني وصار الي صار

فهمت الحين

[موضي قطر]

صلوا على النبي ...........


ولا تنسوون انكم من خير امةً اخرجت للناس ..

[سعود العمادي]

صلوا على النبي ...........


ولا تنسوون انكم من خير امةً اخرجت للناس ..

عليه الصلاة والسلام

الله يهدي الجميع

بعضهم كبروا الموضوع بردود خارج عن الموضوع

[كتكوت الوحش]

كيف قل ادبه؟؟هل شتم مثلا؟؟

ما اعتقد قل ادبة على طول انا صراحه اعتبر كلمة اشبـــــــــــــــلاك مستفزه واكيد انك قلتها وانت معصب او اتصارخ ومحرق على سيارتك وانت اتقول انه جات حصاااا تقريبا على سيارتك وتتضرررت يعني موب ذنبه وحتى سواء او هو طير عليك حصاااا
ولا بيده الرجال ...
وللعلم حتى الـتأمين ما يغطي هالشي يعني لو طلبت من الشخص بكل هدوء الوقوف على الجنب بصوره حسنة وسلمت عليه وقلت له يا فلان ثرااا حصل كذا كذا ! هل بيغلط عليك مثلا او اسلوبة بيكون جلف وخليت الابتسامه في وجهك وانت تكلمه .......
كان ما صار كل هاي ثرااا الكلمة الطيبه اتهد اجبال
واعتقد ان الرجال مهوب غلطان لانه انت عارف شوارع الصناعيه يعني حدث بلا حرج وكل هاي الي صار من كلمة اشبــلاك انت !!!
والحمد لله على السلامة وما عليك شر وفي الحديد ولا بالعبيد
يعني انت ترضاها واحد يجيك وانت يا غافل لك الله ويقول لك اشبـــــلاك

[المسك1969]

انا ماتكلم عن انا صح او انا غلط ولا هو
اتكلم عن الموضوع بشكل عام ان المقيم مايحترم اهل البلد كلش
هاي المقصد


يا أخوي وقت التعصب لا تقول مواطن ولا مقيم كلكم يالريايل في العصبيه سواء...

[نسيم الغربي]

والله ياخوي لو مكانك خذت حصاه يوم السالفه فيها حصا وفلعتة على وجهه

[بوطويشم]

ما اعتقد قل ادبة على طول انا صراحه اعتبر كلمة اشبـــــــــــــــلاك مستفزه واكيد انك قلتها وانت معصب او اتصارخ ومحرق على سيارتك وانت اتقول انه جات حصاااا تقريبا على سيارتك وتتضرررت يعني موب ذنبه وحتى سواء او هو طير عليك حصاااا
ولا بيده الرجال ...
وللعلم حتى الـتأمين ما يغطي هالشي يعني لو طلبت من الشخص بكل هدوء الوقوف على الجنب بصوره حسنة وسلمت عليه وقلت له يا فلان ثرااا حصل كذا كذا ! هل بيغلط عليك مثلا او اسلوبة بيكون جلف وخليت الابتسامه في وجهك وانت تكلمه .......
كان ما صار كل هاي ثرااا الكلمة الطيبه اتهد اجبال
واعتقد ان الرجال مهوب غلطان لانه انت عارف شوارع الصناعيه يعني حدث بلا حرج وكل هاي الي صار من كلمة اشبــلاك انت !!!
والحمد لله على السلامة وما عليك شر وفي الحديد ولا بالعبيد
يعني انت ترضاها واحد يجيك وانت يا غافل لك الله ويقول لك اشبـــــلاك

السموحة على المداخلة بس رد و اقراء الموضوع الحصى ما جات على سيارة العضو العكس

[سعود العمادي]

ياخوان ترى الموضوع عكس مثل ماقال اخوي بوطويشم

[سعود العمادي]

يا أخوي وقت التعصب لا تقول مواطن ولا مقيم كلكم يالريايل في العصبيه سواء...

بالعكس انا نزلت الدريشة قلت له شبلاك بطريقة عاديه وهو قام يصارخ

وعقب بدت السالفه

والحمدالله ع كل حال

[حيهور]

مادام ياخوي الغلط منك تحمل الي جاك منه

سواء قطري او مقيم

مادام غلطة ولو مو متعمد او مو قاصد لكن ادري ان كل شخص له ردة فعل مختلفه في البارد وفي الانسان الحار مايتحمل شي


عاد انت لاتعطي فرصه لغيرك يعصب عليك وانتبه مره ثانيه

[العقل الحر]

انت غلطان وراكبك الغلط

شلون تسمح له يرفع صوته

كان قلت له عين من الله خير قبل اغبربك انت مب موترك

هذي الاشكال ماتنعطى وجه

على طول عطهم من الاخر والعين الحمرا

ولا كان ريوست عنده قريب وعلمته شلون التغبيرة

:nice:

[بوحارب]

مرحبا بوعزوز الصراحة بعض المقيمين شايفين نفسهم مادري على ايش يعني احنا عيال البلد ومحترمين نفسي مع المقيم يمكن اكثر من ولد البلد

اذكر مرة وانا طالع من الصناعية تناحس معاي واحد مقيم ومن نفس الجنسية اللي ذكرتها

وبعد ماعديت منه بالسيارة شفته بالمنظره والا يسوي حركة لا اخلاقية بيدة واكيد فهمت قصدي

عاد بوحارب قفلت عنده واعطيه احلا بريك في وجهة ودعمني موتره تكنسل من قدام تقريبا

وكملت طريقي بشويش عشان ياخذ رقمي ويروح يشتكي !!

[R 7 A L]

لو أنا مكانك كان لافتحت الدريشه ولا عطيته وجه كلش
كان حركت
والى بيسب أو يشتم بيشتم حتى لو في صدره

[hasss1969]

بالله عليك هذا موضوع ينكتب في منتدى يرتاده كثير من الناس.مغبر على الرجال وشاتمه وفوق هذا كاتب موضوع وتريد حد ينصفك..! يا خوي مافي انسان يرضى على الاهانة وسوء الادب سواء فلسطيني او قطري او امريكي.
..

[(الفيصل)]

ياجماعه ليش (القطري) صار حساس جداً !!
والله هذه تستدعي دراسة للوقوف على أسبابها!!

يعني في ذمتكم مافي قطري غلط على أجنبي في بلاده؟

عادي يااخوان تصير مثل هذه المشكلات والمشاحنات
بس اللي لايمكن يصير أو نقبله هو تضخيمها وجعلها كأنها (ظاهره) تستدعي التدخل
وهي في حقيقتها (حالات فردية ) فقط لاغير

[Anas_G]

اخوي الي فهمناه انك تبي تقول

انك غبرت عليه ونثرت الحصى من غير قصد ولانه اجنبي ومقيم ووافد وبحكم انه اقل من المواطن لازم يا اما يعجبه الي صار او انه يرجع بلاده .. ولو كان قطري كان انت ما زعلت وما فتحت موضوع كامل على موقف صار معاك ... لانك ختمتها ان الاجنبي ما صار يحترم القطري يعني مشكلتك مش انه سب ولا انه عصب مشكلتك انه اجنبي يعني لو قطري وسب وسوي نفس الي سواه الاجنبي ما كنت زعلت ..

وانا اتحداك اذا نفس هالموقف صادك بس بالعكس والفلسطيني نثر الحصى عليك وانت وراه هل راح تروحله وتسلم عليه وشخبارك شعلوك وينك ما تبين بس ما عليك امر نثرت علي حصى حاسب والا راح تهاوشه .؟؟ وتفتح موضوع وتكتب ان الاجانب ما يحترمون البلد وما يحترمون العالم ..

عموما اخوي الموضوع بسيط جدا ما يحتاج كل هالحساسية احنا شايفين القتل والذبح وفي البلاد المجاورة كل يوم 50 - 100 شخص يموتون واحنا قاعدين ومسوين سالفة على واحد زعل لان نثرت عليه حصى ..
وكنت اتمنى موضوعك يناقش اداب الطريق والاحترام المتبادل بغض النظر عن الجنسية مش تكون مشكلتك الاولى والاخيره انه غير قطري

وصدقني وانا اقولك وانا متاكد ان هالشخص تصرف بعفوية انه محافظ على موتره مثلا وانت نثرت حصى وما كان متعمد لانك قطري قال والله انا ما ارضى قطري ينثر علي لا اكيد هو تصرف بعفويه ولو كنت فلسطيني مثله بعد راح يزعل ياخي حقه .. انا مثل لو كسرت على حد وعصب وفتح الجامه وقاعد يصارخ بقوله اسمحلي الشيخ اانا سف ما شفتك مب شفيك شبلاك عسى ما شر واشتمه واروح ويعطيك العافيه واتمنى انك تتقبل كلامي

وبالنسبة لاخوي بوحارب اذا الواحد دافع عن حقه والا مثلا حد متهور نثر عليه وزعل بغض النظر عن اسلوبه او طريقة ردة فعله هل نوصف هالشخص الي شايف نفسه ؟؟ لو انت تعرضت لنفس الموقف راح تسكت واذا زعلت راح تكون شايف نفسك ؟؟ اتمنى انك تكون واقعي وما نقعد نصب الزيت على النار ونولعها ونفتح مواضيع ثانية

[أخت الرجال]

أنا اقول لصاحب الموضوع والله لو انك اشقر وعيونك زرق والله ما يتجرأ يقول لك حرف واحد بس
قطري وقلبك طيب ومتسامح لازم تكون هذي ردة فعله

[khalid1975]

اخوي بوعزوز ..
( يا أيها الناس إنّا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم إن الله عليم خبير ) الحجرات/13

.. انصحك وبشدة ..دام انك بالصناعيه .. في مسجد اسمه ((جامع ساره)) .. يعملون فيه حلقات وعظ وارشاد .. اتمنى زيارته .. خصوصا يوم الخميس بالذات !!.. وشوف بنفسك وبعينك ..
الدكتور والمهندس والاكبر والاقل منهم (قطريين وعرب )..
اشلون يخدمون الناس بانفسهم ..وما قالو هذا مقيم وهذا قطري!!.

اصبحت عندنا مشكله اسمها .. العنصرية .. ولكنها .. تنمو ببطأ ..
وتاكد سياتي يوم .. ان لم نتصدى لها .. ستأكل الاخضر واليابس!!!

وان اكتب .. الرد .. تذكرت ايام توزيع الارض والغرض(القرض) .. البعض شقال: شمعنى هم اخذو اراضي واحنا لا .. هم عيال البطة البيضا واحنا عيال السوده مثلا !!.
وقيس على ذلك كثير من الامثله ..

سأضرب لك مثال اخر ::
لو الموقف اللي صار معاك اخوي الكريم ..
- صار بينك وبين احد المجنسين .. وشبيكون ردك؟؟
وبعد فترة من الزمن ..
- صار بينك وبين احد المجنسين القدامى .. وشبيكون ردك؟؟
وبعد فترة من الزمن..
- صار بينك وبين واحد اصيل وغير اصيل .. وشبيكون ردك ؟؟
وبعد فترة من الزمن ..
-صار بينك وبين (حضري وبدوي) .. وشبيكون ردك؟؟
(( راح تكتب نفس هذا الموضوع لكم بالمسميات الجديده .. طبعا هذا على افتراض .. انك قطري 100%وقبيلي وووو ..))
((واشك انه القطري الاصيل .. ولد العرب والجزيرة العربية .. انه تكون عنده عنصريه ))

.. احتمال استعجلت في طرح الموضوع .. او اخطأت في بعض العبارت .. لكن هذه الدنيا ..كلنا نتعلم منها .
ورحم الله عمر بن الخطاب رضي الله عنه كان يقول دائما : ( رحم الله امرأً أهدى إلي عيوبي )
.
.
.
.


اعذرني توسعت بالامثله .. لاحاول اقرب لك الفكرة .. وخلاصتها تكمن في اخر الايه الكريمه .. والتى بدات بها الرد ((إن أكرمكم عند الله أتقاكم)).

وياليت .. تقرأ ردي بتمعن قليل .. وادعو كذلك اخوي الكريم بوحارب لقرأته.

واسال الله لي ولك وللجميع .. اصلاح ما في نفوسنــــــــــــــــا ..



تقبل تحياتي ..

[هداف]

يا بو عزوز انا فاهم عليك وفاهم النقطه اللي استغربنها من المقيم اللي جاي يترزق عندنا في ديرتنا
والله يرزق الجميع لكن عينه قويه ومافيه احترام ولا خوف ولا ادني شي من راعي البيت او الدار !

تدري ليش يا بوعزوز من ربادة العالم اللي ترد عليك !!!! لا تأسف حبه على راسه وحب خشمه وانت
غلطان هذي الطيبه او السذاجه في اغلب ربعنا اللي كبرت روسهم لين ركبوا على روسهم هم اما انا وغيري
لا والله يعقب الاجنبي الدار دار ابونا والقوم شاركونا !! عسى ماشر ! حتى لو ولد البلد غلطان بعد يفكر
مليون مره هذا الوافد انه يقل ادبه علي وانا في بلادي حتى عينه ما يرفعها في عيني !!! للاسف احنا سافرنا
كل مكان وكل الدول العربيه !!! والله يا لخليجي لو يغلط اي غلطه حتى من غير لا يغلط والله ياكلونه اكل
في الشارع تدري ليش لانهم في بلادهم بيونك تمشي معا الطوفه لا تكبر راسك عندهم واحنا في بلادنا يخيطون
ويبيطون من ردى ربعنا وطيبتهم اللي اسميها غباء انت شوف ردود العالم المثالي في الموضوع وبتعرف
العله في وين !!! العله في العاطفيين الرقيقين ربعنا !!!!!!!!!!!!!!!!!!!!!!!!!!!!!!!!!!

عجل يسبك ويصارخ عليك !! والله هزلت وانت علي نياتك ماتدري ان احد وراك وهو لازق فيك انت منت
بغلطان من الاساس وفيه مسافه بين الموتر لاتقل عن عشره متر دامه لازق فيك يستاهل ماجاه ويقدر يكلمك بأدب لكن من اولها يلحقك ويصارخ عليك يخسي ودي انك دعست على شاربه علشان ما يتعودها !

قطر قبل ثلاثين سنه ماكانت كذا ولا كان المواطن مصخره ولا حد يحترمه مثل اللحين ترى مافيه شي تغير
الناس تغيرت لكن اقولك لا تحاتي هذا اللي يصارخ عليك ما طاح في قطري من النوع المطلوب اصبر عليه
بييرحم ساعتها ينسى نفسه ويحترم اطرف قطري في قطر دامها بلاده وديرته مثل ما انت ياقطري لو تروح بلاده ماتقدر تحط عينك في عينه حتى لو ما غلطت في شي لانهم ينتظرون عليك الزله في بلادينهم من الحقد
والحسد على الخليجين ترى سافرنا كل البلدان العربيه وشفنا العرب وتعاملهم معا الخليجين !!

والجزاء من جنس العمل