صوت الخليج المحترمة !!!

[pink pearl]

السلام عليكم ورحمة الله وبركاته ،،،،

إذاعة صوت الخليج تعدت حدودها في برامج الشعر اللي تحولت من هادفة إلى بايخة، أمس وأنا أفرفر في إذاعات القرآن الكريم وقطر، تفاجأت ببرنامج يختص بالشعر وأغلبه غزل وهيام وخرابيط !!! وين قاعدين يا إذاعة صوت الخليج !!

والمذيع يمدح متصل أمس ويقول له: الله عليك أنت شاعر جميل، وخلك دايماَ على الغزل !!!!
عيالنا يسمعون، ومرات مراهقين يتصلون ، واحنا بالأول والأخير مسلمين فليش مانرتقي بالبرنامج ؟؟
أخواننا في سوريا يتذبحون، وإخوانا في فلسطين مأسورين واليمن كذلك ، ما سمعت حد في هذا البرنامج تحديداً قال فيهم شي ، ترى ياإخوان هذا أقل شي ممكن نقدمه لهم ولو كان معنوياَ...
أتمنى أحد من مسؤولين صوت الخليج يتحرك ويضع حدود لهذا البرنامج اللي قاعد تزيد مصاخته من يوم ليوم !! وهذا الأمر لايرضاه مسلم قبل لايكون قطري !!

وشكراً جزيلاً

[لاجئ عاطفي]

لاتسمعها وفك عمرك انا واحد ماسمع في راديو السياره الا قناة الجزيرة وقناة الكاس والقرآن الكريم بس

[wadha-qa]

ولا تنسين بعد بعض مذيعاتهم المايعات بطريقة مقززه

[meme~qatar]

ولا تنسين بعد بعض مذيعاتهم المايعات بطريقة مقززه

من جد :nice:

[دااانة قطر]

غبااار اذاااعة صوت الخليج

شنهو جديدهم ؟؟والماايعاات لين الحين على حاالهم؟؟

[أسير الاسهم]

بالعكس انا اشوف انها إذاعة جميله ومتميزه .. وفيما يتعلق بالبرنامج هذا برنامج شعر وقصيد سواء عزل . مدح . رثاء . قصائد تحاكي الواقع والاحداث أو اي غرض كان من أغراض الشعر ... ومب شرط انه يوم فتحتي الاذاعة وكان هالبرنامج شغال وسمعتي قصيدة غزل والمذيع مدح الشاعر انه كانواا طول وقتهم يتغزلون لا طبعاً فيه قصائد من نوع آخر تطرح

انا مااقول انه لازم نراعي أوضاع الأمه واللي قاعد يصير في الوطن العربي والاسلامي .. ولكن هناك قنوات أغاني 24 ساعه .. وقنوات رقص .. سواء اذاعه تلفزيون .

اما فيما يتعلق بالمذيعات المايعات اهي وحده بس شوي ممصختها :shy: تتدلع امحق دلع .. بس المذيعين والمذيعات فالقناه هذي اغلبيتهم محترمين متميزين

وانا ما رديت الا للتعبير عن وجهة نظري الخاصة والكل له وجهة نظر

[R 7 A L]

في أشهر رمضان طوال السنوات التى مضت الكل يشهد لهذه القناة
انها تقدم مايخدم المسلم ويساعده على إداء فرض الصوم من غير تجريح


سلبية واحدة لاتجعلنا نصنفها بإنها سيئة

[الإكسير]

بالعكس انا اشوف انها إذاعة جميله ومتميزه .. وفيما يتعلق بالبرنامج هذا برنامج شعر وقصيد سواء عزل . مدح . رثاء . قصائد تحاكي الواقع والاحداث أو اي غرض كان من أغراض الشعر ... ومب شرط انه يوم فتحتي الاذاعة وكان هالبرنامج شغال وسمعتي قصيدة غزل والمذيع مدح الشاعر انه كانواا طول وقتهم يتغزلون لا طبعاً فيه قصائد من نوع آخر تطرح

انا مااقول انه لازم نراعي أوضاع الأمه واللي قاعد يصير في الوطن العربي والاسلامي .. ولكن هناك قنوات أغاني 24 ساعه .. وقنوات رقص .. سواء اذاعه تلفزيون .

اما فيما يتعلق بالمذيعات المايعات اهي وحده بس شوي ممصختها :shy: تتدلع امحق دلع .. بس المذيعين والمذيعات فالقناه هذي اغلبيتهم محترمين متميزين

وانا ما رديت الا للتعبير عن وجهة نظري الخاصة والكل له وجهة نظر

انا معاك في كل الي قالته... والدوله مب مقصره فيه اذاعات اخباريه واسلاميه ورياضيه... وشفيه الشعر بعد تبون تعذربون فيه.. وعندي عتب على اذاعة صوت الخليج عدم الحداثه فالاغاني عندكم صوت الريان حق الاغاني القديمه والتراثيه مافيه داعي تحطون اغاني قديمه في اذاعتكم..

[Google]

راي ان الشعر الجزل المحترم واللي له فايدة وذرب مطلوب لان الشعر متعلق بتراث العرب وكان الشعر مثل محطات الاخبار يتناقلونه ويحفظونه اكثر من غيره ,, وبعد ان من الله علينا بالاسلام فلازم نستخدمه لنسخره في خدمة الاسلام وللاسف انا اشوف ناس اطالب وتدافع عن القناة وكأنها قناة دينية وهي محط للاغاني والله يهدي اللي فتحها وربي سيحاسب عليها.

:weeping: :weeping: :weeping: :weeping:

[na7ees]

قناة اغاني شتنطر ون وراها يعني ...

[ممنوع اللمس]

قنـاة اغانـي مثل ما اقول اخوي كلام سليم 100%
واذكر كانو حاطين لهم مذيعه تتدلع اللهم لا شماته
وبرنامج الشعر برنامج فاشل بالنسبه لي