تنزيلاااات وهمية يا محلات السلاااام

[V.I.P_QATAR]

امس مريت محلااات السلاااام على ان عندهم تنزيلاااات 50% و 25% وسبحان الله انصدمت قبل فترة اسبووووع شريت جينز ممن محلات لاغونا ماركة ارماني بـ500 ريال وعينته في السلام قبل التنزيلات بـ1090 وبعد التنزيلات 899 ريال هل هذا يعقل يا اصحاب محلات السلام قلت ممكن شيء واحد رحت عند ماركة ثانيه شاري الجينز من فترة 3 اسابيع بــ 700 ريال من اللؤلؤة عينته قبل الخصم بـ1995 وبعد الخصم بــ1190 ريال هل يعقل جاني فضول وسالت شخص يشتغل اهناك قالي يمكن انت شاري الجنز الي نزل في اول 2011 وهذا نزل في اخر 2011 قلت سبحان الله نفس الشي بس وقت تصنيعه يختلف رفعتو السعر قلت له هل انت اتظن اني بصدقك قعد يضحك وين حماية المستهلك وينهم عن هذه الاشكال

[بوجاسم566]

هههه تلاعب كبير في الاسـعا ر

قال شنو قال سنة التصـنيع ليش موتـر!!!

عالمعموم مشكور اخوي عالتنبية

واذا والواحد يبي يشتري خله يشتري من النت !! احسن له واضمن وارخص بوايد

واكبر مثلا ماركة لاكوست في الدوحة التي شيرت اب ٤٥٠ ريال و في النت حوالي ٨٥ دولار

والحين تنزيلات صار سعرة اب ٦٥ يعني ٢٠٠ ريال تقريبا

[حمد بن سعد]

محدد يقدر على السلام المحل نعروف اغلا محل في قطر ويقولك تبي اشتر ماتبي اقبظ الباب محد ايروحه نادر جدا الي يتسوق منه .


حسبي الله ونعم الوكيل

[قلب الحدث]

ولله كلامكم صحيح 100% انا بعد اروح السلام اقيس الي ابيه واشوفة بعدين اخد رقم الموديل واطلب من النت ارخص بوايد اذكر يوم عرسي ابي شوز حق البدلة رحت السلام حصلت عنده ماركة boss كان فوق 2000 ريال على النت ب 600 اخدت قياسي وجربته وطلبته من النت عن جد فرق كبير في السعر والشوز نفسة بالضبط

[كازانوفا]

دامكم عارفين انهم كذابين ليش بتروحو
الكل عارف ان التنزيلات وهم ما بعده وهم

[ملك المشاعر]

بلغ حمايه المستهلك وهم بيشيكون

[V.I.P_QATAR]

ياخوي احنا نبي اللي نايمين يصحصحون ويشفون التلاعب الكبير اللي صاير وقنا انهم غاليين بس مو يرفع السعر على كيف كيفه ويحط سعر على كيفه في التنزيلات هذا تلاعب وسمو الامير حذر من هذا الشيء وانا اشوف ان حماية المستهلك نايمة في العسل مالهم اي دوووووور كلش نبيهم يحللون رواتبهم ويريحونا احنا اذا كل شخص بيحط على كيفه سعر في التنزيلات وبيرفع وبينزل انقول علينا السلااام

[الـقـاسـي]

اصلا معروف السلام اسعاره دوم فوق ..

[twilight]

وأنا كنت شارية تي شيرت بولو الأصلي من برى ب 150 ريال تقريبا لأن عليه تنزيلات 60 %

ولقيته نفسه بالضبط في السلام قبل التنزيلات سعره 1150

أنا مب عارفة هذول يقصون على من؟؟؟

[لمعة الالماس]

معروف السلام وايد غالي حتى مع التنزيلات

[تحداني]

السلام صح كان سباق في الماركات العالميه وكان الي له رغبه يتهافت عليه زمان مهما كان السعر غالي .. بس اليوم صارت البدائل كثيره وصارت بضاعتهم تعبانه والموجود كله قديم حتى لو كتبوا عليه ( نيو كولكشن ) والاسعاركلها كذب في كذب
انا دخلت السلام في الامارات ما صدقت



اكره السلام وساعات اضطر اخذ من عندهم بعض الاشيا هذا اذا ما كان لي خيار ثاني


اشوف الافضل اليوم والاقوى الصالون الازرق
51 ايست
فيلاجيو بمحلاته
واللؤلؤه
وبعض بضايع زاي



جملكم الله برضاه

[بوحارب]

صج حرامية "(

[مرتبش]

استغفال للقطريين

[doha2012]

بضاعهم مغبره

الله المستعان

[قلم صادق]

أمس كنت في السلام في مجمعهم ذا جيت رحت محل ( لا مارتينا ) لقيت عندهم بلوزه كنت شاريتها من نفس البوتيك في دبي مول الشهر اللي طاف ب 900 درهم ولقيتها عندهم 1250 وسعرها بعد الخصم 850 .... وشريت تيشرتات حق ولدي من نفس البوتيك التيشيرت ب 260 درهم وعندهم هني 340 وبعد الخصم ب 230 قلت حق اللي يبيع ليش جذي سعركم بعد الخصم نفس سعر دبي يقول لا يمكن موديل ثاني قلت له نفس القميص ونفس التيشرتات بالضبط وعندي فاتوره دبي لين اللحين .... وتاكدت فعلآ ان تنزيلاتهم كلها كلام فاضي وكذب قبل التنزيلات ربحانيين وبعد التنزيلات بعد ربحانين

[راشد محمد]

النت موجود ارحم لكم..وارخص واوفر وضمان بعد

[بوجاسم566]

السلام سعرة خيـالي

لكن وقت التنزيلات السعر يطيح وبفرق كبير

يجي سعرة نفس السعر الرسمي تقريبا او اغلى بشوي !!

يعني يضرب سعرة الى بـ ١٠٠٠ يخلية ٢٠٠٠

ووقت التنزيلات يخلية ١٢٠٠ وفي كلا الحالتين قاص عليكم

[ابوالكلام]

انا اشوف ان الواحد مب ساذج يشتري من عندهم شوف وقارن واطلب من الخارج والواحد مب مجبور كله الا لبس مب دواء او اكل

[بونـ ايف]

وأنا كنت شارية تي شيرت بولو الأصلي من برى ب 150 ريال تقريبا لأن عليه تنزيلات 60 %

ولقيته نفسه بالضبط في السلام قبل التنزيلات سعره 1150

أنا مب عارفة هذول يقصون على من؟؟؟
يعني الربح الف في الميه 1000%
يعتي انت شاريه من برى ب 150 عجل بالجمله بكم مااخذينه ب 50 مثلا ؟؟؟؟؟؟؟ والله حراااام

[بونـ ايف]

الغلط منا وفينا والجشع من تجارنا على عيالنا وحماية المستهلك منا ومب حاسه فينا

[بازار]

نفس القصه صارت معاي

شريت جاكيت قبل الخصومات باسبوعين تقريبا او اكثر شوي ،،

في التنزيلات نفس الجاكيت زايدين سعره ١٩٩ ريال وحاطين انه كان بــ وصار بـ ؟؟

شالسالفة انا شاريه قبل التنزيلات باقل من سعر التنزيلات !!

[غايه الطواش]

احب اشتري وايد من السلام ومن يوم احنا صغار وايد نتعامل معاه
بس كبرت وعرفت حق طلبات النت ...صرت اروح اقايس واطلب من النت
مانكر اني اخذ لحد الحين بس اغلب الي ابيه اخذه من النت
ويوم سوو سيرفاي حق الكوستمر قلت لها وعن فرق السعر الكبير
ماركه ال كي بينيت شاريه الجوتي تكرمون من لندن ب 600 ريال ولقيته عندهم 1200
ثياب بولو اطلبها من النت
ماركه اس تي جون في امريكا رخص التراب وعندهم غاليه وايد
بس بصراحه القمصان الطويله والي كمها طويل بالغالب مالقى الاعندهم وخاصه حق السفر

[كتكوت الوحش]

السلام من يومين صار لي موقف معاه كنت رايح اشتري اشوية عطوارت وخذت تقريبا 3 عطوارات وحت صوب الكاشير طبعا ابي ادفع وعطيتة الكارت وطلع احسابي 772 وعطيتة بطاقة البنك يسحب !!!!
فجأة قمت اطالع الشاشة مالت الفاتوره الا لقيت علبة عطر مسجله علي 292 عاد هاي بالذات الموظفه مالت السيلز قالت لي سعرها الاصلي بيكون 292 وبعد الخصم بتصير 241 ومره وحده وبصوره مفاجأة سحبت بطاقه البنك من الجهاز الموظف قالي شالمشكله قلت له تعال من مكانك وتعال معاي شوف سعر علبة العطر هاي وتحرك معاي لرف العطر نفسه وشيك على السعر الا لقاه نفس كلامي وقلت له بعد الخصم 15 بالمية كم يصير ؟ قالي فعلا كلامك صحيح تم يقولي سوري ومادري ايش طلبت مقابلة مديرهم وجاه مديرهم وشرحت له الوضوع انقلب ويييهه وقام يتعذر وقالي انه الباركود مش نازل بالسيستم قلت له يعني شنو انا انتبهت غيري ما انتببه ودفعوووا ومششوووا وطول هاي الفتره مع بداية العرض ولسه مش نازله بالسيستم هاي الشي حراااام والناس الي حاسبتوهم 292 اشلون ببتواصلون وياهم الحين وقام يتعذر ومدري ايش الا قلت له المهم خلاص حصل خير وخذ بطاقتي واسحب قيمة العطور الي اناااا ماخذها حلف على اني ما ادفع وان كل مشترياتي بتكون بلاش واسم العطر هيوقواا السلفر وطبعا عطاني هالعطور عشان اسكت فقط وخذتهم ومشيت عنهم ..............:omen2:

[STAR]

انزين ليش. ليحين في ناس تشتريه من عنده ؟!!

[السحابة]

حرام التعامل مع هذول المحلات

[السحابة]

نفس القصه صارت معاي

شريت جاكيت قبل الخصومات باسبوعين تقريبا او اكثر شوي ،،

في التنزيلات نفس الجاكيت زايدين سعره 199 ريال وحاطين انه كان بــ وصار بـ ؟؟

شالسالفة انا شاريه قبل التنزيلات باقل من سعر التنزيلات !!

هذي طريقة التنزيلات السعر القديم زي ماهو ويكتبون سعر أخر ويشطبون عليه يبغالها قوة ملاحظة

[enjood]

من صجكم حد يشتري من السلام!!

أسعارهم أوفر وللأسف ماعندهم شي حلو ونادر حد يمرهم ويشتري من عندهم

فيه بدائل وأحسن من بضاعتهم بعد

[قطرطر]

بالعكس انا اشوف ينزلون من اسعارهم

وانا دوووم اكون متوواجده و اشوف الاسعار

وما اشتري الا بوقت التنزيلات !!

[نوار قطر]

فعلا تيشيرت بولو في النت اذا كثر ب60 دولار وشفته في السلام حول ال500 ريال انا دوم اخد من النت الا اذا كنت مضطره

[ANONYMOUS]

أش لكم في السلام واهواله ورزق الله ف سوق العلي :p

[qtr2010]

والله مساكين حماية المستهلك .. قاطين كلشي عليهم .. طوفان غلاء الاسعار اجتاح قطر كلها وحماية المستهلك لو تجيب كل موظفينها ما بيقدرون يسوون شي ,, احنا في حرب ضد جشع التجار والقوي ياكل الضعيف ,,

الله يعطيهم العافية ,, والله يعينا على نصب التجار الي مايخافون الله ,,

[Qatar Knight]

ومازال اخواننا في حماية المستهلك يعتبرون انفسهم ارشاديين وتوعويين