و بعدين يا قناة الوطن؟؟؟

[faisalqatar]

السلام عليكم ورحمة الله وبركاته

وصلني امس مقطع على البلاك بيري و كان جزء من برنامج فاشل في القناة الفاشلة قناة الوطن الكويتيه

طبعا كالعادة مستضيفين لهم واحد لا له اسم ولا شخصيه ويتكلمون عن قطر و عن تاج رووسهم الشيخ حمد بن جاسم

و يقولون كلام الياهل ما يقوله في التلفزيون


عندي المقطع على البلاك بيري و اقدر اطرشه للي يبيه

خاطري اعرف لين متى؟

و ليش حكومتنا ما اتقاضي هالاشكال اللي ما عندهم شغل الا انهم يتكلمون عن بلادنا و شيوخنا

و دايما يربطون فشلهم و تخلفهم بـ نجاحنا

يعني من الاشياء اللي كان يقولها هالمتخلف ان احنا (يقصد الكويت) كنا دائما المتصدرين و الرائدين في الرياضة ولكن الحين الدوحه صارت عاصمة الرياضة !!

يعني حسد لهالدرجة ما شفنا

طبعا الكلام اللي في الفيديو ما ينقال لان فيه سب

ابي رايكم

اخوكم
فيصل

[للصبر اخر]

فيصل
هالقناة حتى في الكويت مايتقبلونها
وهذي القناة بالذات
سبب كل الفتن

[faisalqatar]

زين دام انهم في الكويت ما يتقبلونها على كلامج ليش ما تتحرك الحكومة الكويتيه و اتسكرها !
ما اتوقع انها صعبه صح ولا لا ؟

[كلنا قطر 1981]

اخوي هذا سعود نفس الكلب الي ينابح

و هذي مب اول مره يتكلم عن قطر

و قبل يقول انه قطر لازم تعتذر حق الكويت على مقال في جريدة الوطن او انه ما بيخلي

فينا مغز ابره الا و يكرف قطر

اخوي اسلوب شوارع و من انسان تربية شوارع و قناه مافيها الا هالتلخ سعود تبي قطر

بعظمة شائنها بين الدول المتقدمه ترد عليه ؟؟؟؟؟


ما على السحاب من نبح الكلاب اخوي و هدي نفسك و لا عليك منه هالخبل ادفع له من تحت

الطاوله و هو بتحصله يمدح في قطر لانه شفت هالموقف منه في مشاكل البحرين مره

مع الملك حمد و مره مع الشيعى يعني بالعربيب من يدفعله ويمدح ويتكلم عنه بالخير

و قطر الحين صارت هدف كل واحد يبي يشتهر يتكلم بالسوء عن قطر علشان يشتهر

لا يقذف الا الشجار المثمره اخوي :victory:

[ذياب]

{ إذا طعنت من الخلف , فاعلم أنك في المقدمة }

[faisalqatar]

كلنا قطر: لا مب سعود الورع
هاي واحد ثاني اول مرة اشوفه

[اجرام]

ياخوي مادمت بالمقدمه لاتلتفت وراك ترى بتتعب

[المتحدث الرسمي]

.....

تقصد نبيل الفضل

هاي شخص لا يستحي ولا ينتخي

و ابشرك الشيخ حمد بن جاسم رافع عليه قضيه من فتره :nice:

ولا تكبرون راسه وايد

......

[موضي قطر]

هههههههههههههههههههههههههههههههههههههههه


بعض اللي محسوبين للأسف كويتين كل تفكيرهم يعزلون الكويت عن محيطها الاسلامي السُني العربي الأصيل

[faisalqatar]

المتحدث الرسمي:

ياخي انت جوجل متحرك ما شاء الله

و يستاهل هالتعبان

[المتحدث الرسمي]

المتحدث الرسمي:

ياخي انت جوجل متحرك ما شاء الله

و يستاهل هالتعبان


.....

لا إله إلا الله :secret:
.....

[الأصيلة]

أهل الفتن كانوا مقيدين لما ما كان فيه قنوات على كيف كيفك
ولا فيه تويتر ولا فيس بوك ولا منتديات
ولما حصلوا كل
شي متوفر انتشروا بكل الوسائل يبثون
سمومهم في الجسد العربي عامة والخليجي خاصة
لأن أبغض
شي عندهم التوافق والوئام والإتحاد
وانتشار الحب والأمان بين أهل الخليج...

[رجل الجزيرة]

نعم في السبيعات والثمانينات كانت للكويت فمن سنة 2000 لين الحين لقطر.

[faisalqatar]

مشكورين على الردود والمشاركة في الموضوع

و فعلا اختي الاصيلة قبل ما كان عندهم هالامكانيات عشان يتكلمون على راحتهم

بس اللي مستغرب منه ليش دولة الكويت ساكته عن مثال هالناس خاصة ان العلاقات السياسية ممكن تخترب بسبة واحد جحش نفس هاي

[الخزرجي قطر]

الله يهداكم ان شاالله
نشركم الموضوع تعطون القناه ومقدم البرنامج
اكبر من حجمهم لأنهم في الواقع لاقيمة لهم؟؟

[(الفيصل)]

اخوكم
فيصل

يافيصل ... يرد عليك سميك فيصل في جريدة العرب اليوم ويقول




من السهل جداً أن تشب النار، ولكن الصعوبة تكمن في إطفاء هذه النار، وهذا ما فعلته غادة، وهي شخصية ظهرت باسم قطري، ودخلت في حوار أساءت فيه لشعب دولة مجاورة، فما كان منهم إلا أنهم أساؤوا بأكثر منها!
لعل هذه الفتنة لم تشتعل لسبب واحد فقط؟!
وهو أنها لم تجد من يغذيها، فصمت الطرف الآخر وعدم الرد، كان كفيلاً بإخماد النار في مهدها، وقبل أن تجد طريقها للاستشراء!
غادة قد تكون شخصية وهمية أو مندسة، وقد تكون شخصية حاقدة ومريضة، وقد تكون أخطأت وخانها التعبير، ولكن من حيث لا تعلم كشفت عن جانب آخر من الشخصيات الغريبة في المجتمعات الخليجية، والتي يبدو أنها لم ترتو بأغنية خليجنا واحد، فقط ظهرت متعطشة للفتنة والسباب، ومتلهفة لكل باب فتنة يفتح لها!
الفتنة نائمة، لاحظوا الوصف في العبارة هي (نائمة) يعني هي موجودة، وكل ما تحتاجه هو أن يقوم أحمق أو متحامق أو شيطان على شكل إنسان يوقظها بكلمة أو فعل أو تصرف، تتفجر على ضوء ذلك المشاعر وتوغر القلوب وتتهيج النفوس وتتعالى الأصوات والحناجر بالفزعة، وهنا يغيب العقل، ولذلك لعن الله من أيقظها!
ما حدث في الكويت من جويهل كان نموذجاً -المضحك أن يتبوأ كرسياً بمجلس الأمة- وما يحدث في البحرين نموذج، وما قد يحدث في أي مكان أمر وارد، فهناك الغوغاء الذين من السهل جرهم إليها، وهناك من يذكيها وفق أجندة قد تكون معدة مسبقاً!

الخلاصة:
لا بد من إدراك أن هناك من يتربص بهذه المنطقة، وبنا على وجه التحديد، وبعيداً عن التهويل إلا أن الواقع والوقائع في المنطقة تستدعي الكثير من الحكمة والتأني في تناول قضية ما عبر وسائل التواصل، وتبقى غادة وجويهل نماذج لا ينبغي أن يترك مثلها أو مثله لنسف جسور العلاقات، سواء بين المجتمعات الخليجية أو داخل المجتمع نفسه، فهناك من يرغب في ذلك للأسف الشديد!



http://www.alarab.qa/details.php?issueId=1537&artid=175807

[هام السحاب]

قصدك ولد الحلاق نوري !!!

[R 7 A L]

من خلال هذا الموضوع
أعتذر

اعتذر للحوار العام

اعتذر لكل ناله تسرعي في الطرح

اعتذر للاستاذ وجابر المري ومخطط قطري
لطرحي المتسرع لهذا الموضوع

http://www.qatarshares.com/vb/showthread.php?t=499954

[faisalqatar]

شاكر لكم مروركم العطر

اخوي الفيصل:
صحيح كلامك وانا معاك في كل كلمة ولكن شنو الحل مع (غادة) اذا سكتنا عنها مرة و مرتين و عشرة وليحين شغاله؟
السكوت المستمر و التحمل يؤدي الى الانفجار

و شاكر لك مرورك يالسمي

[راشد محمد]

طننننننننننننننننننش

[الشاااهين]

من خلال هذا الموضوع
أعتذر

اعتذر للحوار العام

اعتذر لكل ناله تسرعي في الطرح

اعتذر للاستاذ وجابر المري ومخطط قطري
لطرحي المتسرع لهذا الموضوع

http://www.qatarshares.com/vb/showthread.php?t=499954

انت الاحظ عليك تسرعك في الحكم على كل شي

"ياأيها الذين آمنوا اذا جاءكم فاسق بنبأ فتبينوا أن تصيبوا قوما بجهاله فتصبحوا على مافعلتم نادمين"

الاعتراف بالحق فضيله وجزاك الله خير

[سطح القمر]

الشجرة مثمرة تقذف بالحجارة

عادي خلك طبيعي وياجبل ما يهزك ريح وبعدين مش غريبه انهم يتكلمون على الشيخ حمد بن جاسم او على قطر بكبرها اولا الشيخ حمد بن جاسم اليوم شخصيه عالمية لها ثقلها و وزنها بالعالم كله و بلادنا من شرق الارض الى غربها الكل يتمناها حتى لو فقط يسمع خبر مش يعيش فيها او يزورها .

الى الامام يا بلادي بقيادة سمو الامير حفظه الله

[R 7 A L]

انت الاحظ عليك تسرعك في الحكم على كل شي

"ياأيها الذين آمنوا اذا جاءكم فاسق بنبأ فتبينوا أن تصيبوا قوما بجهاله فتصبحوا على مافعلتم نادمين"

الاعتراف بالحق فضيله وجزاك الله خير




قد يكون درس مجاني من دروس الحياة

[al-sadd]

انا من زمان غاسل ايدي من هالقناة التعيسة هههههههه
والله ويشهد الله اني اعرف واحد من الربع مايحط على هالقناة اله اذا بدى برنامج سعود الورع هههههه
يقول انا ختمت كل الافلام المصريه والمسرحيات الي تضحك
الحين مافي اله سعود الورع
يحلف ان هالانسان حق الظحك مافي احسن منه
حط على برنامجه واظحك هههههه

[بوخالد911]

عطهم طاااااااااااااااااااااف

[الـجـنـاحـي]

{ إذا طعنت من الخلف , فاعلم أنك في المقدمة }



:nice::nice::nice::nice:

[حلم الطفولة]

قناة الوطن وهؤلاء الحاقدين على قطر أقول لهم موتوا بغيظكم ...السب و الشتم ، تنفيس من هؤلاء ( المرضى ) عما يشعرون به من غيره و حسد ، و مذمة ( الناقص ) لغيره هي الشهادة التي قال فيها الشاعر :

و إذا أتتك مذمتي من ناقص......فهي الشهادة لي بأنـي كامل

[qatara]

وش تنتضر من بياسر

؟

[المسك1969]

الترفع عن مثل هؤلاء فضيلة

[faisalqatar]

شاكر لكم مروركم

[ضوى]

يالله فيهم غيظ وحسد شي مو طبيعي ليش جذي؟؟

اللي اعرفه ومن مصادر كويتية قريبة جدا انهم وااادي حاسدينا على اميرنا وحكومتنا ، وحاسدينا على النعمة اللي احنا فيها من امن وامان واستقرار ورواتب الحمد لله لك ياااارب


موتوا بغيظكم مابتوصلون لنا ، قطر في القمة في القمة وستبقى لعقود ان شاء الله

[faisalqatar]

يالله فيهم غيظ وحسد شي مو طبيعي ليش جذي؟؟

اللي اعرفه ومن مصادر كويتية قريبة جدا انهم وااادي حاسدينا على اميرنا وحكومتنا ، وحاسدينا على النعمة اللي احنا فيها من امن وامان واستقرار ورواتب الحمد لله لك ياااارب


موتوا بغيظكم مابتوصلون لنا ، قطر في القمة في القمة وستبقى لعقود ان شاء الله

انا بقولج ليش ميتين قهر

لان الكويت كانت الدولة المتطورة المنفتحه والمتفوقة في كل شي
كانت الافضل رياضيا و معماريا و اقتصاديا

هالكلام يمكن في الثمانينات ويمكن قبل

و تموا مثل ما اهم عليه وما تطوروا في ولا شي

و باقي الدول مثل قطر والامارات تموا يتطورون و يعمرون و طبيعي جدا انصير احسن منهم

حاليا الدوحه عاصمة الرياضه بدال الكويت
و دبي الاولى معماريا بعد ما كانت دبي وحاليا قطر قادمة بقوة
و قطر و دبي طرقعوا الكويت اقتصاديا و عندهم استثمارات قوية

هاي اللي ذابحهم ان شلون صرنا احسن منهم في كل شي والحين اهم صاروا من الدول المتأخرة
حسسوني ان قطر قالت لهم لا تتطورون .. عمروا بلادهم و اصرفوا و بتوصلون مثل ما وصلنا والحمدلله

و في النهاية الحمدلله على النعمه اللي احنا فيها

و صيحوا يالحساد هههه

[عميد الريان]

الي يبي ينشهر هاليوميين يسب قطر وحكوماتها