السياحة في الصيف بتركيا

[essa66]

السلام عليكم
إخواني بغيت نصيحتكم بخصوص السياحة في تركيا بالصيف
1- ارقى الشقق الفندقية
2- افضل الاماكن السياحية
3- افضل طرق للمواصلات

[الخزرجي قطر]

نصيحه جرب منتدى زاد المسافر وشوف التقارير عن تركيا او الاستفسارات
وبتحصل الاجابات على كل الأسئله الي انت ذكرتها ومعلومات اكثر رحله موفقه ان شاالله

[تحداني]

اخواني راحوا لها العام
قالوا ما يسوى الواحد يروح تركيا في الصيف .. زحمه .. وغاليه .. وحراميه
والواحد ما يستانس .. حلاتها في الربيع .. او في الشتا حق البراد :)


ما عندي معلومات ثانيه للأسف


بس هم رتبوا الجدول من منتدى المسافرون العرب وايد فادهم



جملك الله برضاه

[بوحارب]

حطمتيني تحداني لأني ناوي اروح تركيا في الصيف !

[alma3ani]

الصراحه تركيا حلوة وتستاهل الي يزورها خصوصا اسطنبول

بصيف ما ادري عنها لان انا رحت لها شهر 12 الي فات وقعدت في اسطنبول 10 ايام

والصراحه ماكنت وايد مقتنع بتركيا خصوصا الاهل لهم سنتين ينون عليها وانكنسل على اخر شي

مادري بس كنت احاتي على الي بنصرفه اهناك ما اتعجبني خصوصا اني زاير مدن وايد في اوربا مثل لندن وباريس وفينا وميونخ وغيرهم ورايح استراليا وماليزيا وتايلند وسنغافورة وزاير دول خليجيه وعربيه

فصار اختيار دولةلسفر واتكون حلوة وجديده امر بدا يصعب

ولاكن توكلت على الله ورحنا والصراحه تركيا او اسطنبول بتحديد فاجئتني ما اتخيلتهابهلجمال وبهلعراقه
فيها كل شي متاحف ومزارات واسواق عالمية ومحلية واسواق شعبيه وتراثيه ورحلات بحرية

جدولنا كان وايد حلو ومزحوم استمتعنا فيها بشكل كبييييييير وانصح فيها واتوقع اني راح ازورها وايد لانها اعجبتني وحلاتها بلربيع لان الفترة الي رحت فيها كانت بارده وايد


بنسبة للشقق ما اعرف الصراحه وانا كنت حاجز برتز كارلوت والصراحه رووووووعه

وانصحك يا الرتز او الجراند حياة او الانتركونتننتال واذا تبي فنادق على شكل قصور ومطله على البحر فلايفوتك الكمبنسكي والفورسيزنت وجراند بلاس فنااااادق قمة في الرقي روعه ووايد حلوة والمنظر يشرح النفس

اماكن سياحيه فعندك المتاحف مثل ايا صوفيا وقصر دولمت بهجة وقصر طوب تك ومسجد السلطان احمد

وعندكالاسواق الشعبيه مثل السوق المصري والاجراند بزار والمجمعات في مثل جواهر مول واستينيا مول واركاز سنتر وفي مجمع فيه هارفي نيكلز ناسي اسمهم وافضل هلمجمعات هو استينيا روووعه وفيه ماركات عالمية

والمواصلات افضل اتاجر سياره بدريول والاسعار يابلاش ارخص من لبنان

سياره بدريول ببترولها كلفتنا 140 دولار بليوم وفي ناس بمية دولار بليوم وتخيل ببترولها وحط عليها الف خط لان معروف بترولهم غالي وايد والسياره كانت مني فن جديده موديل 2011 من شركة مرسدس وسيعه والكراسي جلد وانصح فيها وفي سيارات ارخص بمية دولار بليوم وارخص

تخيل بلبنان السياره 150 دولار من دون البترول ومن دون احساب الدريول واقدم من الي بتركيا


واذا تبي اي استفسار انا موجود بس اسالني عن اسطنبول لان مارحت غيرها كنا بروح بورصه بس استبعدناها

[الصقر999]

تركـــيا من أحلى واجمل البلاد انا رحتها السنة الماضية فعلا البلد سياحي من الدرجة الأولى والدليل 27 مليون سائح سنويا يجون البلد ويخططون يرفعون العدد الى 30 مليون

[تحداني]

يا اخوي " المعاني " كلامك صحيح مئه بالمئه
بس الوضع مختلف تماما في شهر 12 عن الصيف
وكل الي راحوه من هلي قالوا وين فرق السما عن الارض

انصح فيها في الربيع
بس الصيف لا لا لا لا





جملك الله برضاه