بعد زيادة ال 60٪ في قطر للبترول ، تجميد الراتب

[mrs.spoon]

كلنا عارفين الزيادة اللي جات للجميع من صاحب السمو الشيخ حمد بن خليفة وولي العهد الشيخ تميم بن حمد أطال الله في عمرهما، والحمدلله ما قصر في الزيادة، بس بغيت أتكلم بالنسبة للزيادة في قطر للبترول الحمدلله جات الزيادة ، وطبعا مثل ماانتوا عارفين الزيادة كانت في الراتب الاساسي والعلاوة الاجتماعية، بس اللي سمعته بما يخص قطر للبترول انه صار عندهم حد الراتب يعني بعض المهندسين اللي لهم درجات مثلا الدرجه السادسة عشرة وفوق ماراح يزيد راتبهم السنوي والسبب ع قولتهم الليمت او الحد وصل للحد الأقصى، هذا معناه اذا الموظف خذ تقدير امتياز او تقدير مقبول في هالحالة الراتب متساوي بالنسبة للحالتين ، وطبعا الأجانب راح يكون لهم الزيادة ماعدا القطريين ، السؤال من المسؤول عن ها لقرار !!!
يعني الحين المهندس بيقعد يشتغل كل سنه بدون اي زيادة ، لو فرضنا انه راح يشتغل عشر سنوات للإمام بعد هل راح يظل الراتب محلك سر!!
السؤال اللي دائماً ينطرح ايش راح تستفيد قطر للبترول من هالقرار ،
يعني لو القطريين قدموا استقالتهم وراحوا وظائف ثانيه هل هذا هو الحل، طيب تبون تزيدون الأجانب زيدوهم بس مش ع حساب الموظف القطري اللي فرق الثمان ساعات في الدوام غير الساعات الاضافيه .

[R 7 A L]

مو بس قطر للبترول
حتى بعض الشركات المساهمة كبار الموظفين الى درجاتهم عليا ويتقاضون رواتب خيالية ماجاتهم الزيادة

[mrs.spoon]

انا ما اقصد ع الزيادة الزيادة جاءتهم والحمدلله انا اقصد عقب الزيادة مافي اي زيادة سنويه سواء المهندس خذ امتياز او مقبول او اي درجه مافي له زيادة سنويه او دوريه
ومشكور اخوي رحال ع الرد.

[R 7 A L]

انا ما اقصد ع الزيادة الزيادة جاءتهم والحمدلله انا اقصد عقب الزيادة مافي اي زيادة سنويه سواء المهندس خذ امتياز او مقبول او اي درجه مافي له زيادة سنويه او دوريه
ومشكور اخوي رحال ع الرد.



العفو اختي
اعتقد والله أعلم ان فيه قانون يمشون عليه بهذا الخصوص

[mrs.spoon]

انا مااعتقد انه فيه قانون يمنع الزيادة السنويه، يعني اللي تقيمه مقبول راح يعادل اللي تقيمه جيد، طيب وين الحوافز والتشجيع، يعني الموظفين طول اليوم ضغط في الشغل وبعد ما فيه حافز يقدرهم.

[Bozizoo]

اخوي انا مستغرب من الكلام هذا
انا موظف في قطر للبترول ولا سمعنا شي بالكلام هذا
وخاصه ان قبل شهرين عطونا الزياده السنويه في الراتب
ولا احد اشتكى

تحياتي للجميع

[نجدي قطري]

الله يكون في عونكم أخوي.
ما يندرى بعد عندنا في الجامعة شنهي الفناتك اللي بيطلعون لنا بها.
تحس وانا أخوك الرواتب مطلعينها من تجوري في بيتهم، مب ملك لله ثمّ للدولة.

[OREO]

كلامج غير صحيح لاني خذت زيادة 7٪ على راتبي الاساسي ،،

[mrs.spoon]

اخو أوريو يمكن انت موظف جديد، الزيادة جات هالسنه ،والكل أخذها وحتى بالنسبة للتقدير بس عقب مانزلت الزيادة لا حظت وانا مادري هل للكل ام البعض انه خلاص وصلت الحد الأقصى للزيادة هذا اللي كان مكتوب في الايميل .

[mrs.spoon]

اخوي اوريو ممكن تتصل في hr بيقولون لك كم الليمت اب لراتبك.

[OREO]

مافي داعي اعرف لان افتحوا اللمت اصلا و بالاضافه اني خذت الــ 7٪ و التأخير اللي استوى في شهر تسعه لهذا السبب ،،

اتمنى اختي اذا انج مهب متأكده من شي ما تناقشين فيه لانج تسوين بلبله من لا شي ،،،

[OREO]

ما اقول الا الله يهديج بس ..

[mrs.spoon]

خلاص كيفك ، انا ماابي اسوي بلبله، انا هالكلام قلته من شي صار فعلا وراح يتضح لك في الايام الجايه والموضوع انا منزلته للناقش فيه.

[OREO]

اخو أوريو يمكن انت موظف جديد، الزيادة جات هالسنه ،والكل أخذها وحتى بالنسبة للتقدير بس عقب مانزلت الزيادة لا حظت وانا مادري هل للكل ام البعض انه خلاص وصلت الحد الأقصى للزيادة هذا اللي كان مكتوب في الايميل .

توني اشوف ردج هذا ،،

دخلت ايميلي و مالقيت شي من الكلام اللي قلتيه و دخلت الانترانت و مالقيت اي سيركولر بالكلام اللي صرحتي فيه ،، للعلم ،، انا قديم و مهب جديد ،،

[بوخالد911]

الله يسعدكم وتفرحون بأكبر لمت

[مضارب دوسري]

كلام غير صحيح
100 %

يكفي انج قلتي فالموضوع انج سمعتي !
مب كل من سمع شي خلاص صار شي مؤكد

واؤكد على كلام اخوي اوريو
اصلا كل الرواتب تغير لمتها وبداية المربوط ونهاية المربوط
لان الزياده شملت كل الدرجات
ف مادري من وين تجيبون هالكلام اللي ماله داعي

[مضارب دوسري]

كلام غير صحيح
100 %

يكفي انج قلتي فالموضوع انج سمعتي !
مب كل من سمع شي خلاص صار شي مؤكد

واؤكد على كلام اخوي اوريو
اصلا كل الرواتب تغير لمتها وبداية المربوط ونهاية المربوط
لان الزياده شملت كل الدرجات
ف مادري من وين تجيبون هالكلام اللي ماله داعي

[قلبى طيب]

يا اخوان انا تقيمى السنه 2 وماجاتنى زياده سالت السبب قالوا لانه درجتك اللى انت عليها اللى هى 8 وصلت الحد الاعلى للاساسى ونزلوا لى فلوس بس مش زياده وكلام الاخت صحيح بس ممكن يفتحون اللمت الاعلى فى المستقبل

[بوحارب]

البونس نزل لكم عقب ال 60% ولا للحين مثلنا في شركة الكهرباء والماء القطرية !!!!


وبالنسبة للزيادة السنوية انا نزلت لي وزادوني 300 ريال حلوة حق الكرك :(

[نجدي قطري]

البونس نزل لكم عقب ال 60% ولا للحين مثلنا في شركة الكهرباء والماء القطرية !!!!


وبالنسبة للزيادة السنوية انا نزلت لي وزادوني 300 ريال حلوة حق الكرك :(

أضحك الله سنّك.
بس أتوقّع الواحد يبي له على الأقل بيالتين في اليوم، يعني المفروض الزيادة اللي تغطّيها تقريبًا 700 ريال.

[mrs.spoon]

انا قلت اني سمعت والكلام صحيح ، انا بأضرب مثال في قطر للبترول الدرجة ماتنعطى كل ثلاث او اربع سنوات نفس الوزارات الثانيه يعني لو انا كنت الدرجة الخامسة عشرة الاساسي لو حد معين ماراح يعني لو وصلت الحد وبحسب تقديري مثلا امتياز مافي لي زيادة سنوية لأني وصلت الحد الأقصى للاساسي في الدرجة اللي انا عليها، وهذا الكلام صحيح .

[بوحمد111]

السلام عليكم واتوقع والله اعلم انا من اقدم موظفين قطر للبترول المشاركين في هذا المنتدى والكلام اللي قرأتة غير صحيح وعن الزيادة السنوية الكل استلمها من صغار الموظفين وكبار الموظفين الا البعض منهم اللي لم يكملوا السنة على حسب قوانين ولوائح ال hr ولله الحمد نزل البونس على حسب تقييم الموظف من ١ الى ٣ استلموا البونس و ٤ او ٥ لا يستحقون وعن الزيادة السنوية اقل معدل ٥٪ واكبر معدل ٧٪ واللمت تم فتحة لجميع الموظفين وبدون تحديد للدرجات
وفقط للعلم ان درجتي اعلى من ال ١٦ واستلمت الزيادة الدورية

واقول حق صاحبة الموضوع لازم تراجعين ال hr لمعرفة السبب

[BuFaisal]

عليكم السلام ورحمة الله وبركاته

اختي انتي طرحتي موضوعين منفصلين عن بعض
ومشاركتي التالية اتمنى ان تكون مفيدة لمن يهمه النقاش.

1. ان كان الموظف على نهاية المربوط للراتب (سيلينج) فاكيد ما راح يزيد راتبه بعد الزيادة السنوية
لكني لا تنسين ان المربوط للقطرين اصلا ارتفع 60% بعد فضل الله ثم زيادة ابومشعل
يعني لو كان واحد مربوط او نهاية المدرج لراتبه 10 الاف .. صار بعد مرسوم ابومشعل 16 الف
فالزيادة السنوية اكيد ما راح تزيد الاساسي بالراتب لانه اصلا وصل نهاية المربوط للراتب
والي يصير ان الزيادة السنوية راح تنضرب في 12 (12 شهر بالسنة) وينزل المبلغ له بالكامل
يعني لو زيادتة السنويه الف ريال .. راح ينزل له مبلغ 12 الف كامل ولا يتغير الاساسي براتبه
يعني كل شي بالسليم وصحيح حسب قوانين قطر للبترول.

ملاحظة هامة:
من كان وصل نهاية المربوط للراتب قبل قرار ابومشعل ..
فهو وصل الى نهاية المربوط للراتب مباشرة بعد تطبيق الزيادة الاميرية.
يعني ان كنت على المربوط لراتبك وهو مثلا 10 الاف قبل الزيادة الاميرية فراتبك وصل المربوط وهو 16 الف بعد الزيادة الاميرية
وهذا خبر اكيد مني.

2. الدرجات بقطر للبترول ليست مثل الحكومه
فالدرجه تأخذها عند استلام الوظيفة وتظل عليها حتى تترقى او تغير وظيفتك
طبعا هناك استثنائات كتعديل بالهيكل التنظيمي وترقية درجة الوظيفة الي انت عليها لكن هذا استثناء وليست القاعدة

وان كان هناك أي سؤال فنحن بالخدمة :)

[بوحارب]

أضحك الله سنّك.
بس أتوقّع الواحد يبي له على الأقل بيالتين في اليوم، يعني المفروض الزيادة اللي تغطّيها تقريبًا 700 ريال.

هههههههههههههههههههههههههه

[eXpert*]

حتي لو الواحد وصل نهاية المربوط ياخذون الزيادة علي جنب ويضربونها في ١٢ شهر وتنزل للموظف مرة وحدة في السنة ،، لين يفتحون اللمت أو الموظف يترقي لدرجة أعلى .

يعني لو جاتني زيادة 500 ريال والاساسي ما يسمح ياخذون الـ 500 * 12 = 6000 ريال .

يعني حق الموظف مايضيع ، اتمني وصلت الفكرة .

[خــطــافــ]

أوريو .. مبروك عليك الامتياز في التقييم السنوي

[نجدي قطري]

حتي لو الواحد وصل نهاية المربوط ياخذون الزيادة علي جنب ويضربونها في ١٢ شهر وتنزل للموظف مرة وحدة في السنة ،، لين يفتحون اللمت أو الموظف يترقي لدرجة أعلى .

يعني لو جاتني زيادة 500 ريال والاساسي ما يسمح ياخذون الـ 500 * 12 = 6000 ريال .

يعني حق الموظف مايضيع ، اتمني وصلت الفكرة .

بس هاي معناته إن الزيادة ما تدخل في الراتب الأساسي، بس بونس.
على العموم أحسن من أن الموظّف ما يحصّل شي كلّش.

[جمال اليافعي]

كلام الأخت صحيح , انا في جهه شبه حكومية خبرونا الموارد البشرية اننا وصلنا اللمت اب لدرجتنا وتعدينها بالعربي الفصيح .. يعني لو نوصل الدرجة 6 ماراح يتغير بالراتب ريال واحد .. للعلم أحنا الدرجة السابعه .. الموضوع ومافيه أهمال من الطاقم الأجنبي في وضع معادلة جديده لل لمت للدرجات ...

الله يخلي أدارة بنك قطر الوطني لما خلو الزيادة ال 60% في تصنيف اخر تحمت مسمى أخر وخلوا الاساسي والاجتماعيه نفس ماهي , عشان ان ترقيت يرتفع المبلغ بالأساسي وبنفس الوقت ال 60% الي واضعينها في مسمى ثاني ... ياريت بعض الجهات تتبنى هذا النظام حتى يعدلون اللمت اب بدل ما يحبطون موظفينهم ويقولون لهم لو ترقيتوا مرتين ما راح يتغير راتبك ....

[Al-Kuwari]

كلام الأخت صحيح , انا في جهه شبه حكومية خبرونا الموارد البشرية اننا وصلنا اللمت اب لدرجتنا وتعدينها بالعربي الفصيح .. يعني لو نوصل الدرجة 6 ماراح يتغير بالراتب ريال واحد .. للعلم أحنا الدرجة السابعه .. الموضوع ومافيه أهمال من الطاقم الأجنبي في وضع معادلة جديده لل لمت للدرجات ...

الله يخلي أدارة بنك قطر الوطني لما خلو الزيادة ال 60% في تصنيف اخر تحمت مسمى أخر وخلوا الاساسي والاجتماعيه نفس ماهي , عشان ان ترقيت يرتفع المبلغ بالأساسي وبنفس الوقت ال 60% الي واضعينها في مسمى ثاني ... ياريت بعض الجهات تتبنى هذا النظام حتى يعدلون اللمت اب بدل ما يحبطون موظفينهم ويقولون لهم لو ترقيتوا مرتين ما راح يتغير راتبك ....

بالعكس ياخوك .. هالحركة تضيع عليك حقك

بكرة لا تقاعدت راحت عليك علاوة الـ " الاخر "

ترى مابيتم لك الا الاساسي والاجتماعية

اذا الوطني قاموا بفعل هالحركه فهذي مب حركه حلوه ترى وهذا تحايل على قانون الامير :secret:

[بوحمد111]

عليكم السلام ورحمة الله وبركاته

اختي انتي طرحتي موضوعين منفصلين عن بعض
ومشاركتي التالية اتمنى ان تكون مفيدة لمن يهمه النقاش.

1. ان كان الموظف على نهاية المربوط للراتب (سيلينج) فاكيد ما راح يزيد راتبه بعد الزيادة السنوية
لكني لا تنسين ان المربوط للقطرين اصلا ارتفع 60% بعد فضل الله ثم زيادة ابومشعل
يعني لو كان واحد مربوط او نهاية المدرج لراتبه 10 الاف .. صار بعد مرسوم ابومشعل 16 الف
فالزيادة السنوية اكيد ما راح تزيد الاساسي بالراتب لانه اصلا وصل نهاية المربوط للراتب
والي يصير ان الزيادة السنوية راح تنضرب في 12 (12 شهر بالسنة) وينزل المبلغ له بالكامل
يعني لو زيادتة السنويه الف ريال .. راح ينزل له مبلغ 12 الف كامل ولا يتغير الاساسي براتبه
يعني كل شي بالسليم وصحيح حسب قوانين قطر للبترول.

ملاحظة هامة:
من كان وصل نهاية المربوط للراتب قبل قرار ابومشعل ..
فهو وصل الى نهاية المربوط للراتب مباشرة بعد تطبيق الزيادة الاميرية.
يعني ان كنت على المربوط لراتبك وهو مثلا 10 الاف قبل الزيادة الاميرية فراتبك وصل المربوط وهو 16 الف بعد الزيادة الاميرية
وهذا خبر اكيد مني.

2. الدرجات بقطر للبترول ليست مثل الحكومه
فالدرجه تأخذها عند استلام الوظيفة وتظل عليها حتى تترقى او تغير وظيفتك
طبعا هناك استثنائات كتعديل بالهيكل التنظيمي وترقية درجة الوظيفة الي انت عليها لكن هذا استثناء وليست القاعدة

وان كان هناك أي سؤال فنحن بالخدمة :)

كلامك واقعي بس على حسب علمي زاد اللمت ونهاية المربوط تم فتحة لجميع الموظفين بعد الزيادة الاميرية