@@@@بوراشد يطلب استفسار منكم عشان شهر العســل@@@@@@

[بازار]

السلام عليكم ورحمة الله وبركاته

بوراشد صاحبنا بيتزوج قريب ويبغي يسافر ومحتار بين هالامكان وقال شوف الربع في المنتدى

شيقولون وان شاء الله خير

الاماكان اللي محتار بينها اخونا الكريم

اسبانيا .. باريس .. تركيا .. ماليزيا .. استراليا/قولد قوست .. امريكا /كاليفورنيا

ياريت التصويت مع الايضاحات يالربع وتسلمون مقدما ..


شكرا وجزاكم الله خير ،،

=

[فتى الجود]

السلام عليكم

ان كانه راعي بحر ومزاجه حداق

وعرسه مهب في وسط الصيف والزحمه

قوله يروح لانكاوي - ماليزيا

و بوكت بتايلاند

[حمد بن خالد]

امريكا / كالفورنيا


بيلاقي فيها كل شي يبيه

والله يبارك له ويحفظه ويوفقه وييسر اموره

:)

[almaf1a]

ماليزيا

[تحداني]

استراليا
اسبانيا
فرنسا
كاليفورنيا
تركيا

كلها حلوه .. لأن المناسبة حلوه
الله يهنيه بو راشد



جملك الله برضاه

[بـــ ح ـــر]

ماليزيا ....

[روح الاطلس]

شهر كم عرسه؟؟

[عيون Qatar]

استراليا/قولد قوست:nice:

[Hamad7788]

اسبانيا .. وتحديدا برشلونه ,, ويسكن في فندق الآرت .. خمس أيام

وعقب ياخذ طيارة داخليه ويروح باريس .. يقعد في الماريوت اللي في الشانز ثلاث أيام .. وعقبها يركب الميترو ويروح يقعد في ديزني 3 أيام .. ويرجع الدوحه بالسلامة انشالله

[الزلزال]

اول شي الف مبروك للعرسان
والله يوفقهم بذرية الصالحة
تصويتي
تركيا .. ماليزيا

[غايه الطواش]

بوراشد وشهر ععسل
راشد متى يا ؟؟؟

[blueZircon]

اذا عرسك بالصيف نفس حالتي , انصحك ب ااستراليا , والسبب الاول انه جوهم بيكون شتاء وشعب جدا محترم وفرندلي ويقدرون السياح ويساعدونك بكلشي والاهم انها دوله جدا امنه , وشتاهم حلو مب قارص البروده ولا دافي . وتقدر بااستراليا تسوي لك مزيج من النشاطات والاجواء , يعني اذا بغيت جو اوروبي وكوفيات ومطاعم وشوبنق وتمشايه واجواء رومانسيه فعليك بملبورن , وبعد ماتخلص من ملبورن تروح سيدني وبتلقى فيها الفنادق الفخمه والمتاحف وحدايق الحيوانات ورحلات اليخوت والانشطه البحريه , وبعدها تروح قولد كوست الغنيه عن التعريف وبتلقى فيها الاجواء وكأنك بأورلاندو , بتلقى فيها المدن الترفيهيه ووالالعاب اللي ماتخلص ورحلات السفاري والحياه الريفيه .

انا عرسي شهر سته وان شاءالله رايح استراليا وجدولي بيكون مثل اللي ذكرته فوق , ملبورن ثم سيدني ثم قولد كوست . واضمن لك الوناسه

اذا بغيت اي استفسار اخوي عن استراليا لايردك الا لسانك , ومبروك مقدما

[OM_OMAR_QATAR]

متى سفره ؟ وكم بيتم بالسفر؟؟؟