انصحوني يااصحاب العقار..منه فايده ول مامنه فايده؟؟؟

[مختصة]

السلام عليكم ورحمة الله وبركاته
حبيت اسنشيركم شغله اخواني الاعزاء
بيت قديم في ام عويلينا مساحته 244 م وسعره مليون و700
وهو حاليا مؤجر اب 10 الاف
وممكن نطلع له افادة عماره
ارظي و3 طوابق
شرايكم؟؟
هل يستاهل هالمبلغ؟
وهل المنطقه جيده للاستثمار؟؟
شراريكم؟؟
انتظر المشوره منكم ولكم جزيل الشكر وخالص الدعاء..

[رآعي موآجيب]

اذا ام غويلينا ما تصلح للأستثمار اجل وش اللي يصلح ؟

لكن المساحه ما اعتقد يعطون عليها رخصة عماره والله اعلم

وانتي طبعا شاريه ارض ، وطلع الفوت تقريبا بحوالي 647 ريال

شوفي على كم سعر الفوت في المنطقه وحددي انتي

ادعيلش بالتوفيق ان شاء الله

[Locale]

بالتوفيق

[روح الاطلس]

شفت هالاعلان في الوسيط بس حسيت المساحة صغيررررة

[SULTAN1]

عندك فلوس كاش ومب محتاجة لها حاليا توكلي على الله أحسن من تخلينها في البنك وديعة ،وبالتوفيق

[مختصة]

مشكورين
انتظر مزيد من نصايحكم

[khaldoon]

اختي الفاضلة 244م2 هذه صغيرة جدا جدا وما تصلح عمارة ...انت ناوية تسوي عمارة بشقق استوديو و الا شقق عادية؟

[مشعل العطاوى]

اعتقد المساحه صغيره جداً وغير صالحه للااستثمار التجاري

244 وبتسوينها شقق بعد !!!!!! يعنى الغرف راح تكون علب تونه

244 بسعر مليون و700 الف .... مرتفع جدا جدا هل هو على شارع تجاري ضخم ومنطقه

مزدهره تجارياً ..


الاسعار هناا في السعوديه مبالغ فيها جدا ولكن لاتصل الى هذا الشئ

244 م سعرها فوق بمليون !!! عجائب

[المحقق كونان]

244 تسوي عماره صغيره

[SASAS]

مشكورين
انتظر مزيد من نصايحكم

بالنظرة السريعه ما أنصحج أختي أبداَ....

المساحة صغيرة جدا وغير قابلة لبناء عمارة بتاتاَ
خصوصا اذا عرفتي أنج لازم تتركين 3 أمتار من ثلاثة جوانب و5 أمتار من الواجهه
وتوفير مواقف سيارات !!!!
راح تطلع عليج أكثر من بيع السوق ...

وقبل كل شيء تأكدي من هالنقاط
يجب مشاهدة الخريطة أولاً ومنها تعرفين الارتدادات
ومنها اتعرفين مساحة البناء الممكنة للدور الواحد ومنها كم شقة للدور ومساحة الشقة
وكم دور مسموح ووووو

[khaldoon]

244 تسوي عماره صغيره


شوف يا اخوي كونان....لو افترضنا انه ما في خصم لارتدادات مثل ما تفضل اخونا sasas و لو افترضنا انها بتسوي استوديو و كل واحد مساحته 80م2 مع انه المفروض على الاقل انه يكون 100م2....فلو سوت 3 استوديو بتصير 240م2...طيب وين مساحة الدرج و المصعد و الممرات و المناور ...يعني الخدمات ...كل المناطق المشتركة بين سكان العمارة؟....و الا تعتقد انها بتسويها شقتين استوديو كل واحده 100م2 و 44م2 بتكون هي الخدمات؟...طبعا ما تكفي مع خصم الارتدادات....انا ما اذكر اني شفت عمارة عبارة عن شقتين استوديو فقط بكل طابق


بالنظرة السريعه ما أنصحج أختي أبداَ....

المساحة صغيرة جدا وغير قابلة لبناء عمارة بتاتاَ
خصوصا اذا عرفتي أنج لازم تتركين 3 أمتار من ثلاثة جوانب و5 أمتار من الواجهه
وتوفير مواقف سيارات !!!!
راح تطلع عليج أكثر من بيع السوق ...

وقبل كل شيء تأكدي من هالنقاط
يجب مشاهدة الخريطة أولاً ومنها تعرفين الارتدادات
ومنها اتعرفين مساحة البناء الممكنة للدور الواحد ومنها كم شقة للدور ومساحة الشقة
وكم دور مسموح ووووو

[naif3]

بالتوفيق

[استغفرالله]

لا ينصح به

[مختصة]

شكرا لكم
انتظر المزيد
مع ان شكلي اقتنعت بكلامكم

[مختصة]

الي عنده معلومه يفيدنا بعد

[مختصة]

وياك ...

[مخطط قطري]

شتبين بعد معلومات اعتقد اغلب الاعضاء كفى ووفى السعر مبالغ فيه جدا
حتى لو خليتها بالايجار 10 الاف
احسبي كم سنه عشان ترجعين راس مالج
انا بيوت ام غويلينا والمنصوره ونجمه الي مساحتهم تقريبا 200 و300 متر وبيوت عربيه مابي اصدمج واقولج بكم كنت اشتريهم من كم سنه كانت رخصيه جدا وماستاهل هالسعر المعروض حاليا

[مرت محمد]

لاانصح فيه السعر مرتفع جدا والعقارات في نزول انصحك بالتريث انتظري قليلا

[مختصة]

شكرا جزيلا ..

[ahmedhafez]

اختى الكريمة أنصحك بعدم الشراء المساحة صغيرة جدا وهيتم خصم مساحة كبيرة منها في التنظيم لتوسيع الشارع وحتى لو تم البناء على المساحة كاملة ستخرج المساحة عن شقة واحدة
اما ام غولينا طبعا مكان مميز جدا و الاسعار فيه الى ارتفاع ولكن أيضا البائع اعطاكي السعر للفوت مرتفع جدا