الصبغ التجميلي ؟؟؟

[الإكسير]

السلام علكيم ورحمة الله وبركاته

الصبغ التجميلي المقصود فيه هو صبغ جزء من السياره من غير سمكره نتيجة شموخ اوزلوغ خفيفه..
المغزى من الموضوع هل الصبغ التجميلي ينزل من قيمة السياره بشكل كبير وهل راح تشتري سياره مصبوغه جنب كامل ؟؟ (سيارتي سار لها حول السنه فيها زلغ من الباب الامامي لين الرفرف الخلفي والكل يقولي حراام تصبغ جنب السياره بس بعد مب شي شكل السياره مشوهه)

انتم وش رايكم اصبغ ولا مااصيغ ؟

[بوصالح 92]

نصيحة اخوي لاتصبغ

[بوجماس 999]

وشو الموتر اخوي عشان نفيدك

[qtr qtr]

اذا الشمخ واصل الحديد اصبغه لانه ممكن راح يصدي .. روح محطة بترول المسيله في محل له فالشغلات هاذي ..

والسعر لازم ينزل من قيمة السياره لان السوق هو اللي يحكم .. مع ان الدول المجاوره ما يهمهم اذا لسياره مصبوغه كامله اهم شي ميكانيكيا اوكيه

[الإكسير]

نصيحة اخوي لاتصبغ

الله لاهينك على النصيحه يالغالي بس تحس انك ماتستانس بالموتر خاصة بعد الغسيل ...

[الإكسير]

وشو الموتر اخوي عشان نفيدك

لاندكروزر الشكل الجديد

[الإكسير]

اذا الشمخ واصل الحديد اصبغه لانه ممكن راح يصدي .. روح محطة بترول المسيله في محل له فالشغلات هاذي ..

والسعر لازم ينزل من قيمة السياره لان السوق هو اللي يحكم .. مع ان الدول المجاوره ما يهمهم اذا لسياره مصبوغه كامله اهم شي ميكانيكيا اوكيه

الباب الامامي انخفس والباب الخلفي من تحت لين الرفرف الخلفي مشموخ هذا كله من دعمه وحده وديت السياره كرستال قال لازم صبغ للباب الامام والخلفي والرفرف

[تمون]

موتري لكزس ولد اخوي زلغ جنب كامل بسيكله وشوه الموتر الصراحه رحت الاودي وصبغته هالكلام من ٤ سنين كان الموتر ماشي ٣٠٠٠ الحين الموتر ماشي ٢٠٠ ولايبين الصبغ والي بيشتري السياره بيعرف اذا سمكره ولا تجميلي

[{ابوعبدالله}]

للاسف ان الصبغ يأثر على السعر حتى لو تجميلي مع ان شي غير منطقي,عندي بورش 2011 وكان فيه خدوش بسيطة في اماكن متفرقة وديته وكالة البورش و سويت الخدوش و الحين انا متلعوز في بايعتها اول ماحد يسمع كلمة صبغ يصك التليفون في ويهي

[الإكسير]

موتري لكزس ولد اخوي زلغ جنب كامل بسيكله وشوه الموتر الصراحه رحت الاودي وصبغته هالكلام من ٤ سنين كان الموتر ماشي ٣٠٠٠ الحين الموتر ماشي ٢٠٠ ولايبين الصبغ والي بيشتري السياره بيعرف اذا سمكره ولا تجميلي

انا السيارة سار له عندي سنتين وفكر ابيعها عشان شيه متردد اصبغ او لا لانه بيأثر فالبيعه

[الإكسير]

للاسف ان الصبغ يأثر على السعر حتى لو تجميلي مع ان شي غير منطقي,عندي بورش 2011 وكان فيه خدوش بسيطة في اماكن متفرقة وديته وكالة البورش و سويت الخدوش و الحين انا متلعوز في بايعتها اول ماحد يسمع كلمة صبغ يصك التليفون في ويهي

مرحبا بوعبدالله
نفس الي صادك صادني من سنتين كان عندي cls موديل 2008 ورصاصي والله على يدي من الوكاله واحد الله لايوفقه شمخ الباب والرفرف واضطريت اني اصبغهم تدري ان الموتر طاح في جبدي مع انه ماكان ماشي شي 35 الف والحمد لله راح الموتر وانت انطر بيجيك نصيبك لاتستعجل وماعليك من الي يتصلون..

[حسن صلاح]

نصيحه من اخ لأخ روح شركة الخليج (( الاودي )) ومثل ما تفضل تمون

ولا بينعرف انها مصبوغه او متسمكره

الى درجه انهم رفضوا يسلمني السياره الأنها جاهزه بنسبه لي لكم لهم ي اختلاف بسيط في اللون السياره موديل 2009 وهالكلام في 2011 شهر 8 وكان لون الموتر سموك سلفر

[ابوصالح1]

السلام عليكم ورحمة الله وبركاته
أخي العزيز إذا انت تبي تبيع السياره خلها علي حالتها حتي يراها المشتري الجديد ويصبغا علي راحته أما إذا انت بتستخدم سيارتك مده طويله فذالك راجع لك. لأن المشتري الجديد لو جاته السياره مصبوغه مايدري حادث سمكره شمخ. هذه رائي

[{ابوعبدالله}]

السلام عليكم ورحمة الله وبركاته
أخي العزيز إذا انت تبي تبيع السياره خلها علي حالتها حتي يراها المشتري الجديد ويصبغا علي راحته أما إذا انت بتستخدم سيارتك مده طويله فذالك راجع لك. لأن المشتري الجديد لو جاته السياره مصبوغه مايدري حادث سمكره شمخ. هذه رائي

في اماكن فحص تقدر تكشف اذا كان سمكره و صبغ ولا صبغ فقط

[الإكسير]

نصيحه من اخ لأخ روح شركة الخليج (( الاودي )) ومثل ما تفضل تمون

ولا بينعرف انها مصبوغه او متسمكره

الى درجه انهم رفضوا يسلمني السياره الأنها جاهزه بنسبه لي لكم لهم ي اختلاف بسيط في اللون السياره موديل 2009 وهالكلام في 2011 شهر 8 وكان لون الموتر سموك سلفر

وديته شركة الاودي من اربع شهور تقريبا وقال بتكلف 5 الف وخذت موعد ومارحت ترددت :(

[R 7 A L]

عندك واحد من أمرين
أذا انت انسان مايهمك سعر السيارة اذا بعتها أهم شي تكون انت مستانس ومرتاح لشكلها أصبغها
أما اذا ناوي تبيع بعها من الحين من غير صبغ


وبس

[AL-MAYSTRO]

والله اخوي انا تقريبا نفسك رحت بالموتر لمصر سنه 2009 والموتر كان جديد
ورجعت الموتر مشمخ جنبين .. كان بفعل فاعل !! المهم
الشباب يقولون لي لاتصبغ حرام وحرام .. بس فكرت فيها قلت وخير لو نزلت قيمه الموتر
رحت صبغت جنبين رش تجميلي بدون اي سمكره , ورجع الموتر جديد وفالبيع بيروح بنصيبه لو فكرت ابيعه

ولا اني اسوق موتر ومغسل وجديد ,, اخر شي مشمخ جنبين , حتى لو جنب واحد الشمخ بيبين حتى عن نفسي اكره الموتر اذا فيه شمخ يبين وخصوصا انه كبير .. لو صغير الشمخ , بسيط مايبين مب مشكله اما اذا على كلامك تقريبا جنب كامل انا قلتلك رايي شخصيا ,, والموتر موترك والخيار عندك

موفق

[بوحارب]

أخوي أنصحك تمر على أي كراج ويكون فنان وتصبغ مكان الشمخ بس

[المبرمج صلاح]

بالتــــــوفيق أن شــــــاء الله