العازل الحراري

[بوجاسم@قطر]

السلام عليكم ورحمه الله وبركاته



بغيت استفسر عن العازل الحراري


شرايكم في تيتانيوم؟


و كم نسبه العازل المسموحه من المرور ؟

[R 7 A L]

العازل الحراري شي ممتاز بغض النظر على تخفيف اشعة الشمس
كذلك يحفظ عفش السيارة الداخلي

سيارتي عليها حماية من برودكشن على ما أظن هذا اسمه بس ماينصحون بالعازل الى عندهم الوانه تعبانه أخضر وازرق

يمدحون النهدي في طريق سلوى بالنسبه للعازل



تحياتي

[البحار00]

تيتانيوم سعره غالي ولا منه فايده

ويركب السيراميك ب ٢٧٠٠

تبي سيراميك ب ١٠٠٠ ريال

وانا مركب على مواتري الاثنين كروزر ونيسان وضمانه مدى الحياة

صراحه شيء وسعرة بلااااش

طرش لي على الخاص وانا برتب امورك عند المحل لو بغيت

[عاشق الشهادة]

بروفشنال اسعاره ممتازة :nice:
وموقعه بالعزيزية مقابل مدرسه الاسراء وبجانب شاي الخليج

[20qatar22]

شوف اخوي كلامي عن تجربه انا مجرب تيتانيوم ولومار والنهدي كلهم اخرطي مافيه الا تيتانيوم صج احسه عاازل اما الباقي وجودهم وعدمهم واحد

[بوحارب]

انا واحد ماعترف في شي اسمه عازل لأنه في الصيف ولاينفع بريال

محلات الزينة وش حلاتها يضرب لك الموتر مخفي دوران ونوع امريكي او بحريني

واذا كثر 250 ريال

[حسن]

انا كنت استخدم التيتانيوم ولا عندي اي مشكله وركبت على نيساني الجديد جونسون اشوف نفس الشي
العزل اوكي يعني مافي فرق بين الاثنين غير الاسعار

[تحداني]

هو في الصيف
ما ينفع معاه لا جونسون ولا تيتانيوم ولا شي
لان حر الدوحه يذوب الي ما يتذوب .. وماله حل غير المخفي


بس لو السياره اتصفها تحت الاطبيله وفي مواقف خاصه لكم في الدوام وتبي العازل للمشاوير السريعه ( تيتانيوم انا جربته شغلهم احسن من الباقي وسعره فيه ) انا حطيت 0 ٪ على ما اعتقد واشوفه زين



جملك الله برضاه

[حسن]

الصراحه انا من جربت العازل صرت ماستغني عنه وخصوصا للي يطلع في القوايل اما اللى يقيل مايدري
المخفي ماله علاقه بالعزل نهئاي الله هم يضلم بالسياره ولكن لايعزل الحراره

[مرتبش]

شلون الاسعار؟

[Al-Kuwari]

في كول وبسسس

[كتكوت الوحش]

كلهم كلام فاضي واحسه انه هيااااااااط واسم وعلامة تجاره وكلهم يجيبون العازل من وكيل في السعوديه الي هي اثري ام ومحلات الزينه اتجيب نفسه يا بابا خلي افلوسكم في مخابيكمولا توهمون اعماركم ثرااااا كلام فاضي الي عند محلات الزينه احسن منهم

[LiL iNVe$ToR]

جربت تيتانيوم لمدة 3 سنوات..تعبان ...وبعدها جربت في كول 40 لمدة 5 سنوات ..احسن منتج من ناحية العزل في رايي حاليا فالسوق واغلاهم.

الحين مركب لومار 20% على سيارتي الجديده ماصار لي شهر.. كنت بركب في كول بس قلت اجرب شي جديد.

انصحك بفي كول ..في كول 40 احسن عزل لكن مايل على خضار فاللون..في كول 30 اشوفه ممتاز ومايفرق فالعزل كثير لكن اللون فيه سواد واحلى من الـ 40 اشوفه.

هذا رايي :)

[gxr o.z]

انا اسمع الشباب يمدحون جيوشيلد يركبون عازل سيراميك نانووشفت كم موتر فالشارع والوانه حلوة