وبعدين مع زحمة موظفين منفذ جمرك ابوسمرا

[ابوالعبد]

السلام عليكم والرحمة الله وبركاتة


للأسف ماعرف بظبط شالمشكله في الموظفين في ابوسمرا خصوصا

البنات الموظفات شغلهم بطيئ جدا جدا مو اول مره نتنقع دايما لما نروح السعوديه

لازم نتنقع بالجمرك


يعني حاطين لنا موظفين مالهم درايه بالكمبيوتر بشكل جيد ماعندهم الا عداديه او ثانويه


عطوهم دورات اكثر من مره لين يكونون سريعين بتخليص معاملات المسافرين

ملاحظه: الكل يقول انه جمرك سلوى هو الي فيه زحمه السبب واضح لانه جمرك

ابوسمرا ينقع سيارات مايمشيها بسرعه انا لاحظت هشي ساعات اسافر بروحي

تخيلوا شخص واحد اتنقع في بوسمرا 10 دقايق بالكونترل وسبه موظفه ماتعرف

تسجل !!!

[بوطويشم]

وعليكم السلام

هو صج يمكن يتأخرون لكن لو تقارنهم مع حدود السعودية بتحس بسرعتهم

بالتوفيق

[الخزرجي قطر]

فيهم البركه ان شاالله مع المده بيكون عندهم خبره وسرعه في العمل

[البدع]

زرت هذا المركز اكثر من ٦٠ مرة

مرة واحدة فقط تأخرت بسبب ان الكمبيوتر علق عندهم

خدمتهم ممتازة

[hamoor4ever]

الوف يسافرون في الويكند شي طبيعي يكون زحمه خاصه في الشتاء اما فتره الصيف فالامور طبيعيه . واعتقد الثانويه والاعداديه مالها دخل لانهم مدخلين بيانات بالعكس هم كفؤ للوظائف المتعبه هاذي ويستحقون التقدير والثناء

[عاشق الشهادة]

المشكله مب في الموظفات الي هناك المشكله بالسيستم البطيئ المتوفر لديهم ,
واما سالفه اعدادية وثانويه هذه مالها شغله بالموضوع :omen2:
انا اعرف أكثر من شخص عندهم شهادات جامعيه وشهادات عليا
تعال شوفهم اذا جلس واحد فيهم على الكمبيوتر والله تضحك عليهم .

[Rashid554]

من احسن المراكز في الخليج

مادري وين رايح انت متاكد بوسمره

[غايه الطواش]

يعطيهم الف عافيه ..
ماشفنا منهم الا كل خير ...
اخلاق وادب واحترام في التعامل ....

[20qatar22]

الله يعطيهم الف عافيه.. مركز ينضرب فيه المثل في الدول المجاوره من حداثه وتطور سرعه في تخليص المساافرين..
اخوي مب عشان مره وحده تأخرت صاارت المشكله دائمه وتفتح له موضوع فالمنتديات وتشتكي.. والحمدالله عالسلامه

[20qatar22]

بعدين يمكن المشكله فييييييييك..!!!!!!!!!!!!!!!!!!!!!!!!!!!!!!!!!!!!!! !!

[nadeemy]

وين احسن منفذ حدودي مريت به يا ابوالعبد على مستوى دول الخليج او الوطن العربي من حيث المنشئات والخدمات وتعامل الموظفين مع المسافرين ؟

[سهم قطر]

الصراحه المركز ماعليه كلام من افضل المراكز
والموظفين في قمه التعاون والادب سواء الجمارك او الجوازات

ظلمتهم في موضوعك هذا

[(بوطلال)]

ياليت كل المراكز مثل مركز بوسمره وياليت تعامل الموظفين في المراكز الثانيه مثل تعامل موظفين بوسمره الله يبارك فيهم ويعطيهم العافيه على جهودهم وتعبهم

[فتى الجود]

ماعندهم الا عداديه او ثانويه



اخوي الله يعينك على التاخير

والتاخير في المواسم شي وارد

عموماً


ان عندى تعليق على كلامك

الجماعه اللى عندهم اعدادية وثانوية

هل يعنى لو حطوا جامعي بيكون احسن ؟

في نظرى ان الكثير من ادارات الدولة لو مافيها راعى الثانوية والاعداي

ماكنت مشت ولا تحركت

واقرب مثال

ادارة الجوزات القطرية

حملة الاعداية هم اللى يديرونها مب الجامعيين

واذا الله ارزقك انك تكون جامعى فلا تقلل من الناس وشهادتهم .

[فارس قطر]

يعطيهم الف عافيه يشكر القائمين على المركز جميعا.

[Arab!an]

افضل مركز حدودي في الخليج اذا مب في الوطن العربي كله .. ومن غير مبالغة

سرعه وسهولة وابتسامة والمركز بروحه مريح وحديث و مرتب

احتمال مرات يعلق الكمبيوتر وهذي تصير بكل مكان

[نجم سهيل]

السلام عليكم

أنا لازم امرهم شهريا مرة او مرتين واحيانا ثلاث وانا معاك وجمرك سلوى اسرع منا

وبالنسبة للي يقولون جمرك سلوى بطيء ولكن أحسن من قبل فترة .. شوفوا عدد الكاونترات عندنا وشوفوا عددها عندهم واحكموا والحمدلله ماعمرهم عطلوني.

عندنا المشكلة في بطىء التخليص ولكنه بصراحة أفضل حالياً

وعندهم المشكلة في قلة الكاونترات

[ابوالعبد]

السلام عليكم

أنا لازم امرهم شهريا مرة او مرتين واحيانا ثلاث وانا معاك وجمرك سلوى اسرع منا

وبالنسبة للي يقولون جمرك سلوى بطيء ولكن أحسن من قبل فترة .. شوفوا عدد الكاونترات عندنا وشوفوا عددها عندهم واحكموا والحمدلله ماعمرهم عطلوني.

عندنا المشكلة في بطىء التخليص ولكنه بصراحة أفضل حالياً

وعندهم المشكلة في قلة الكاونترات


صح كلامك اخوي شكل ناس الي تكلموا مب راعين خطوط يعني مب راعين اسفار بشكل دايما


انا راعي سفر ودايما بشهر اسافر فوق 7 مرات تقريبا واعرف الجمرك جيدا

اي صح الجمرك حلو تصميمه وراقي انا اتكلم عن تاخير عن الشغل الكونترات


وترى جمرك سلوى معنه عدد كونتراتهم بسيطه الا انك بسرعه تتطلع من الجمرك!!

بسرعه يخلصون لك الاجرائات ماينقعوونك

[ابوالعبد]

افضل مركز حدودي في الخليج اذا مب في الوطن العربي كله .. ومن غير مبالغة

سرعه وسهولة وابتسامة والمركز بروحه مريح وحديث و مرتب

احتمال مرات يعلق الكمبيوتر وهذي تصير بكل مكان


قصدي اخوي الموظفات اما الموظفين رجال يخلصون لك بسرعه فهمت قصدي

مو قصدي على الجميع البنات الموظفات انا اتكلم عنهم بطيئين في تخليص الاجرائاات

[ابوالعبد]

بعدين يمكن المشكله فييييييييك..!!!!!!!!!!!!!!!!!!!!!!!!!!!!!!!!!!!!!! !!


او المشكله يمكن فيك لانك مافهمت الموضوع!!!

[ابوالعبد]

الي مافهم الموضوع برد افهمه مره ثانيه انا تكلمت وخصيت الموظفات مو الموظفين

يعني اخص البنااااااااااااااات الموظفات بطيء شديد فيهم في استخدام الكمبيوتر


اما عن الموظفين رجال افضل منهم علي الاقل ماتتااخر نفس تاخير الموظفات

فهمتوا شنو قصدي بظبط !!!!

[Tamuq]

السلام عليكم

في الأونه الاخيره لاحظنا التأخير , ومن الموظفات صحيح , لكن قايمين بالواجب ومايقصرون

[فتى الجود]

الي مافهم الموضوع برد افهمه مره ثانيه انا تكلمت وخصيت الموظفات مو الموظفين

يعني اخص البنااااااااااااااات الموظفات بطيء شديد فيهم في استخدام الكمبيوتر


اما عن الموظفين رجال افضل منهم علي الاقل ماتتااخر نفس تاخير الموظفات

فهمتوا شنو قصدي بظبط !!!!



انت اهنى تنتقد البنات

و واول شي كنت تنتقد الشهادات الدراسية

ما عرفنا لك

الحين وين الخلل في الجنس (( البنات ))

ام الشهادات الدارسية ؟


ان كنت تنتقد الشهادات فااغلب الموظفين الرجال حملة اعداية وثانوية فقط

[كبير المتداولين]

جزاهم الله خير ياما سافرت خدمه ٥ نجوم لاكن مركز السعوديه تاخير وزحمه وموظفين مخيسين النفس

[القحطاني505]

أفضل المنافذ الحدودية في الخليج هو مركز أبو سمرة

[أمير الذوق]

خدمتهم ممتازه وسريعه

[ولي العهد]

فعلا هناك بطئ شديد جدا في الكونترات وهذي احد اسباب الزحمه
وبصراحه في ردود اتضحك وردودهم لمجرد الفزعه .

[ابوالعبد]

فعلا هناك بطئ شديد جدا في الكونترات وهذي احد اسباب الزحمه
وبصراحه في ردود اتضحك وردودهم لمجرد الفزعه .


عدل كلامك انا راعي اسفار ودايما اشوف بطيئ في تعامل وخصوصا يوم الخميس


ومعروف يوم الخميس والعطل

الي يقول مو بطيء في تعامل خل يجرب يسافر الخميس او الجمعه !!! ويليت الاسبوع

الجاي خلهم يكتبون تجاربهم

[BO SAUD]

هذا بدال لاتقول الله يعطيهم العافيه مخلين عيالهم واهاليهم ويعتبرون في غربه في بوسمره بحكم بعد المركز جالس تنتقدهم واتقول شهاداتهم وتقلل من امكانياتهم اخوي الي يبغي ينتقد يكون نقده بناء من غير تجريح ولا تقليل من مكانة الشخص واذا انت عندك شهاده جامعيه وعندك افكار لتطوير العمل يالله شد حيلك وقدم اوراقك عندهم والله يوفقك

[qews]

اتفق مع الاخ bo saud

الشغل ذي مايبيله شهاده يبيله شهاده من معهد نيوهرايزن يثبت ان يعرف يمسك المواس ويكتب الرقم ويكون قادر على اداء المهنه
والله يعطيهم العافيه الي هناك سواء كانو بنات او رجال - دوامهم متعب - شفتات- خارج الدوحه

وان عندك مشكله ليش ماتخبر الجمارك صدقني بيحطونك في البلاك لست

[التميمي 3]

الصراحه رغم ضيق جمرك سلوى إلا أسرع وأسهل من جمرك أبو سمرا
والله يوفق الجميع

[بوحارب]

اكثر الموظفات اللي امر عليهم شغلهم ممتاز !!!

اخوي حاول تسافر بالبطاقة الشخصية وامورك بتمشي سهالات اكثر من الجواز

[الفاو]

كفايه الابتسامه الي تحصلها في مركز ابوسمر واذا سلمت حصلت الرد على السلام
اما سلوى مخيس النفس ولا يرد السلام

[ولي العهد]

عدل كلامك انا راعي اسفار ودايما اشوف بطيئ في تعامل وخصوصا يوم الخميس


ومعروف يوم الخميس والعطل

الي يقول مو بطيء في تعامل خل يجرب يسافر الخميس او الجمعه !!! ويليت الاسبوع

الجاي خلهم يكتبون تجاربهم



هدي من روعك ياهذا تراك انت موايد لرايي وانا ذكرت وكتبت فعلا هناك بطئ شديد في الكونترات .
[/center][/b]

[barod]

الصراحه شغلهم جيد ولا حسيت في تاخير على الاقل ابرك من كثير مراكز نجيها

[غايه الطواش]

الصراحه رغم ضيق جمرك سلوى إلا أسرع وأسهل من جمرك أبو سمرا
والله يوفق الجميع

:omg::omg:

[bnb]

أفضل مركز حدودي عربي على الاطلاق
دقة وسرعة وأدب واحترام
أذهب الى المنافذ الاخرى وسترى عجب العجاب
عادي تنقع أربع ساعات على شان تبصيم شغاله
الله يعزك يا قطر

[ابوسعود]

صحيح المركز من افضل المراكز في الخليج طوال ايام الاسبوع
ماعدا يوم الخميس والسبت وايام العطل انا انتقد التاخير هناك خلل
الموضوع ليس موضوع اجهزه او مباني ولكن لماذا التاخير المركز السعودي اقل موظفين واسرع لماذا
اتمنى ان تسهل الاجراءات اكثر فاكثر
اعداد المسافرين تزيد ويجب ان تتواكب الاجراءات مع الزياده واكثر مرتادي المركز قطريين يعني وين بيروح (( مصيرك ياطير .......تعود))

[رآعي موآجيب]

اسمحلي يا ابو العبد اخالفك طال عمرك

انا اسافر دوم وغالباً في الويك اند وما بعد تنقعت في ابو سمره إلا في بعض المرات اللي يكون فيها المركز مزدحم جدا وهذا شي طبيعي مع الزحمه

لكن في الزحمه الخفيفه او بدون زحمه ما فيه اي تأخير يذكر إلا إذا كان موترك جديد وأول مره يطلع من الحدود وبعد هالتأخير لا يستحق التذمر



الصراحه رغم ضيق جمرك سلوى إلا أسرع وأسهل من جمرك أبو سمرا
والله يوفق الجميع


مساك الله بالخير وصبحك الله بالنور وشحالك وعساك طيب ويامرحبا بك :rolleyes2:

[غايه الطواش]

اسمحلي يا ابو العبد اخالفك طال عمرك

انا اسافر دوم وغالباً في الويك اند وما بعد تنقعت في ابو سمره إلا في بعض المرات اللي يكون فيها المركز مزدحم جدا وهذا شي طبيعي مع الزحمه

لكن في الزحمه الخفيفه او بدون زحمه ما فيه اي تأخير يذكر إلا إذا كان موترك جديد وأول مره يطلع من الحدود وبعد هالتأخير لا يستحق التذمر





مساك الله بالخير وصبحك الله بالنور وشحالك وعساك طيب ويامرحبا بك :rolleyes2:


اشوه يعني مهب انا بروحي الي لاحظت :shy:

[ابوالكلام]

خوش مركز وسريع بس الزحمة شيسوون

[qatarman8008]

ابشرك ... امس وانا راد من الحسا ... المركز السعودي كان طوابير .... والمركز القطري كان قدامي سيارتين بس ..!!!

[abdulla999]

المركز ساير تعيس من الزحمة
وش هالسيستم المريض وايد وايد بطي

[الفيصل]

والله ودي بزحمتهم ولا زحمة المركز السعودي ..

المركز السعودي سوء في التعامل وسوء في التنظيم

وسوء التنظيم يجي من المسافرين القطريين بلأخص يسببون الزحمه بسوء تنظيمهم

[مساهم عادي]

في مركز سلوى ا الوقت اللي ياخذه الموظف في انهاء اجراءات تسجل جواز واحد لا يزيد عن 10 ثواني ...

في مركز بو سمرا .... الوقت اللي ياخذه الموظف في انهاء اجراءات تسجيل جواز واحد حوالي 20 ثانية .....

يعني الضعف ...

والسبب برنامج تسجيل الجوازات في مركز سلوى اسرع مركز بوسمرة ... اي ان المشكلة ليست من الموظفين

[كود نمبر]

مشكلة مركز بؤ سمرا السستم التعيس هذا مع انه حديث
السستم في المركز السعودي افظل من الي في بوسمرا مع انه قديم

[مبتدئه]

افضل جمرك في التعامل يعطيهم العافيه شفنا جمرك السعوديه والله حاله وجمرك اليمن ماله داعي اقول شي محزن من قلب. وصلت جمرك بو سمرا والله من الحيا قلت انزل ابوس ارضها قطر تعاملهم ونظافة المركز عسا الله يديمها علينا ويحفظ اميرها